༄༅། །སྨན་རྩིས་བསྟན་འཛིན་གསེར་རིའི་ཕྲེང་བ་ལས་མཁས་དབང་ཐུབ་བསྟན་རྣམ་རྒྱལ་ལགས་ཀྱི་མཛད་རྣམ་མདོར་བསྡུས་དྲི་མེད་ཕྲེང་མཛེས་ཅེས་བྱ་བ།   བསྡུ་བསྒྲིགས་པ།   གཉོས་ནོར་བཟང་།   གངས་ཅན་སྨན་རྩིས་མཁས་དབང་གཙང་པའི་རྒན་ཐུབ་བསྟན་རྣམ་རྒྱལ་ལགས་ནི་སྤྱི་ལོ་ ༡༩༢༨ ལོར་གཙང་ཐོབ་རྒྱལ་སྟེ་དེང་གཞིས་རྩེ་གྲོང་ཁྱེར་རྣམ་གླིང་རྫོང་ཐོབ་རྒྱལ་ཤང་གཙང་པ་ཞེས་པའི་ཁྱིམ་ཚང་དུ་ཡབ་རྡོ་རྗེ་རྒྱལ་པོ་དང་ཡུམ་ཆུང་སྐྱིད་གཉིས་ཀྱི་སྲས་སུ་འཁྲུངས།

གྲུབ་ཐོབ་ཐང་སྟོང་རྒྱལ་པོ་ནི། གཙང་ལ་སྟོད་གཡས་རུ་བྱང་མའི་ཆབ་འོག་འོ་བ་ལྷ་རྩེ་རིན་ཆེན་སྡིངས་ཞེས་པར། ཡབ་རྡོ་རྗེ་རྒྱལ་མཚན་དང་ཡུམ་རྒྱ་གར་ལྷ་མོའི་སྲས་སུ། རབ་བྱུང་དྲུག་པའི་ལྕགས་གླང་༼1361༽ལོར་འཁྲུངས། ཆུང་དུས་མཚན་ཁྲོ་བོ་དཔལ་ལྡན་ཞུ། བྱིས་པའི་དུས་ནས་སྤྱང་གྲུང་འཛོམས་ལ་ཕན་སེམས་ཆེ་བ། རིག་པ་རྣོ་བས། ཡབ་ཡུམ་གཉིས་ཀྱིས་དགོན་པ་བྱང་སྡིངས་སུ་ཆོས་སྐྱོང་དཔལ་བའི་དྲུང་དུ་ཀློག་ཡིག་སློབ་པར་བསྐྱལ།

ར་མོ་ཆེའི་གཙུག་ལག་ཁང་ནི་ར་ས་འཕྲུལ་སྣང་གཙུག་ལག་ཁང་གི་བྱང་ངོས་སུ་གནས་ཡོད་པ་སྟེ། ཐོག་མ་སྤྱི་ལོའི་དུས་རབས་བདུན་པའི་དུས་དཀྱིལ་ལྕགས་གླང（༦༤༡）ལོར་ཐང་གི་རྒྱ་བཟའ་ཀོང་ཇོ་བོད་དུ་ཕེབས་སྐབས་སྟོན་པ་དགུང་ལོ་བཅུ་གཉིས་ལ་སོན་པའི་འདྲ་སྐུ་འདི་རྫོང་སྐལ་དུ་གནང་བ་ལྟར་མིས་འདྲེན་ཤིང་རྟ་འཁོར་ལོའི་ཐོག་བཞག་ནས་བོད་ལ་གདན་དྲངས་ཏེ་ཀོང་ཇོ་འཁོར་བཅས་ལྷ་སའི་བྱང་ངོས་ར་མོ་ཆེའི་ཕྱི་ངོས་ཀྱི་ཐང་ཆེན་དུ་འབྱོར་སྐབས་འཁོར་ལོ་འདམ་རྫབ་ཀྱི་ནང་བྱིང་སྟེ་གྱད་ཆེན་གྱིས་ག་ཚོད་འཐེན་ཀྱང་རང་སར་ལུས་རྐྱེན་ཇོ་བོའི་སྐུ་དེའི་མཐའ་བཞིར་ཀ་བ་བཙུགས། དར་དཀར་གྱི་ཡོལ་བ་བྲེས། མཆོད་པ་ཕུལ། དེ་ནས་སྤོར་ཐང་གི་གབ་རྩེ་བཏིང་ནས་བརྩིས་པས་ར་མོ་ཆེའི་ས་དེ་ཀླུའི་ཕོ་བྲང་ཡིན་པ་དང་དེར་ཇོ་བོ་བཞུགས་སུ་གསོལ་ན་ཀླུ་ནོན་པར་ཤེས་ཏེ་རྒྱ་ནག་ནས་བཟོ་བོ་མཁས་པ་མང་པོ་བོས་ཏེ་གཙུག་ལག་ཁང་གི་རྨང་བཏིང་བས་དུས་ཡུན་ལོ་གཅིག་ལ་གྲུབ་སྟེ་འཕྲུལ་སྣང་གཙུག་ལག་ཁང་དང་ལྷན་ཅིག་ཏུ་ལེགས་སྒྲུབ་མཛད།

རྒྱ་ནག་གཞུང་གིས་འདས་ལོ་ནས་མགོ་བཙུགས་ཏེ་ལྷ་ས་ཆུ་ཤུལ་རྫོང་ཁོངས་ནས་དུར་ས་རྒྱ་ཁྱོན་ཧྥི་ཊི་གྲུ་བཞི་མ་ ༢༠༠༠༠༠ བསྔོགས་ཏེ་བང་སོ་ཧ་ཅང་མང་པོ་རྙེད་ཀྱི་ཡོད་འདུག ཁ་སང་བོད་ཀྱི་རྒྱལ་ས་ལྷ་སའི་ཉེ་འཁྲིས་ཆུ་ཤུལ་རྫོང་ནས་ལོ་ངོ་སྟོང་ལྷག་གི་ལོ་རྒྱུས་ལྡན་པའི་ཁྱོན་བང་སོ་༡༠༠ ལྷག་རྙེད་ཡོད་པ་དང་། བོད་ཁུལ་གྱི་བང་སོ་མང་པོ་སྔོག་འདོན་བྱས་ཏེ་གནའ་རྫས་ཀྱང་མང་པོ་ལག་སོན་བྱུང་གི་ཡོད་འདུག ཆུ་ཤུལ་ས་གནས་རིག་གཞུང་སྲུང་སྐྱོབ་ཞིབ་འཇུག་ཁང་ཞེས་པ་དེའི་ས་ཁམས་རིག་པ་བ་ནོར་བུ་བཀྲ་ཤིས་ཀྱིས་བརྗོད་ན། ས་ཁམས་རིག་པ་བ་དག་གིས་ན་ནིང་ལོ་མཇུག་ནས་ཆུ་ཤུལ་དུ་ཡོད་པའི་དུར་ས་རྒྱ་ཁྱོན་ཧྥི་ཊི་གྲུ་བཞི་མ་ ༢༠༠༠༠༠ ཞིག་བསྔོགས་ཏེ། གནའ་བོའི་བང་སོ་མང་པོ་གསར་རྙེད་བྱུང་ཡོད་པ་དང་། ལོ་ངོ་སྟོང་ཕྲག་ལྷག་གི་རིང་ལ་ཆར་པས་བརྡུངས་བ་དང་ས་རྐོ་རྡོ་སློག་ཚུན་ཆད་ཀྱིས་བང་སོ་དེ་དག་ལ་གནོད་སྐྱོན་ཕྲན་བུ་ཐེབས་ཡོད་ཚུལ་བརྗོད་འདུག ཡང་ནོར་བུ་བཀྲ་ཤིས་ཀྱིས། ས་ཆ་སྔོག་འདོན་བྱེད་རིམ་བཞིན་རིམ་པས་བང་སོ་དེ་དག་ཇི་ལྟར་བྱས་ནས་བཞེངས་པ་དང་། དེའི་དུས་ཀྱི་རིག་གཞུང་དང་འཚོ་བའི་གནས་སྟངས་ཀྱང་རྟོགས་ཐུབ་ཀྱི་ཡོད་ཚུལ་བརྗོད་འདུག ས་ཁམས་རིག་པ་བ་དག་གིས་བང་སོ་གཉིས་སྔོག་སྐབས་ནང་དུ་མིའི་རུས་པ་དང་གནའ་རྫས་སོགས་རྙེད་ཡོད་ཅིང་། ཞིབ་འཇུག་ལྟར་ན། དེ་དག་ལོ་ ༡༡༨༠ ནས་ ༡༢༨༦ བར་གྱི་ཅ་དངོས་ཡིན་པ་ར་འཕྲོད་བྱུང་ཡོད་སྐོར་བརྗོད་འདུག