དེ་རིང་མང་ཡུལ་གུང་ཐང་གི་རྫོང་ཁ་ནས་ལམ་ལ་ཆས་ཏེ་བོད་དུ་གྲགས་ཆེ་བའི་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བའི་གདན་ས་འཚོལ་བར་ཕྱིན་པ་ཡིན། གནས་བྱིན་ཅན་དེ་ནི་དེང་སང་ལྟར་བྱས་ན་སྐྱིད་གྲོང་རྫོང་རྫོང་དཀར་གྲོང་བརྡལ་ནས་སྤྱི་ལེ་བཞི་ལ་མ་ཟིན་ཙམ་གྱི་སར་ཡོད་ཅིང་། འདབས་སུ་ས་མ་འབྲོག་གི་ངོ་བོར་ཡོད་པའི་ཕུ་ལག་གྲོང་ཚོ་དང་ལ་མོག་བྱ་བའི་གྲོང་ཚོ་ཆུང་ངུ་གཉིས་གནས་ཡོད་ལ། དེ་གཉིས་ནི་ནག་ཚོ་ལོ་ཙཱ་བའི་འཁྲུངས་ཡུལ་མངའ་རིས་རྫོང་ཁའི་ལྷ་གདོང་དང་། ནག་ཚོའི་གདུང་རྒྱུད་ཡིན་མིན་སོགས་བཤད་མ་ཤེས་སོ།། གང་ལ་ཞེ་ན། མང་ཡུལ་གུང་ཐང་གི་མི་རྒྱུད་ཕལ་མོ་ཆེ་ཞིག་གློ་བོ་སྨོན་ཐང་སོགས་ཡུལ་གང་སར་འཁྱམ་པ་སོགས་ལོ་རྒྱུས་ཀྱི་བདེ་གཟར་ཅི་རིགས་ཤིག་བྱུང་བ་ལྟར་གོ་བ་ལེན་པར་རིགས་སོ།།

པད་མ་ཆོས་སྒྲོན།  ལྷོ་ཁ། འཛམ་གླིང་གཙུག་ཕུད་ཆེན་མོའི་གངས་ལྗོངས་ཕང་བའི། བོད་མིའི་འབྱུང་ཁུངས་སྨྲ་བའི་ཡུལ་ཡར་མོ་ཀླུང་ཆེན། རྟེན་གསུམ་གནས་གསུམ་ཆགས་ཡུལ་ལྷོ་གནས་སྐྱིད་མོ། ཕ་སྤྲེལ་རྒན་དང་མ་བྲག་སྲིན་གཉིས་ཀྱི་གཏམ་རྒྱུད་གླེང་ས། ཐུ་བྷོད་བཙན་པོའི་རྟ་ཕོའི་རྨིག་རྗེས་བཅག་པའི་ངའི་ཕ་ཡུལ།

〔བརྡ་ཆད། 〕གསར་འགྱུར་མེ་ལོང་། པཎ་ཆེན་རིན་པོ་ཆེ། བོད་གཞུང་། གོ་མི་སྲིད་གཞུང་། 〔གནད་དོན་སྙིང་བསྡུས།〕ཉེ་རབས་བོད་ཀྱི་ལོ་རྒྱུས་ཐོག་གཞུང་བླའི་དོན་རྐྱེན་ནི་རྙོག་འཛིང་ཆེ་ཤོས་ཀྱི་དོན་རྐྱེན་ཞིག་ཡིན་པ་བཞིན་《གསར་འགྱུར་མེ་ལོང་》རྩོམ་སྒྲིག་པས་ཀྱང་ཕྱི་ལོ་ ༡༩༢༥ ནས་ ༡༩༦༢ བར་གྱི་《གསར་འགྱུར་མེ་ལོང་》ལས། ད་ཕན་གུས་པར་མཇལ་བའི་གསར་ཤོག་འདོན་གྲངས་བརྒྱ་དང་སུམ་ཅུ་སོ་དགུའི་ནང་། ༸པཎ་ཆེན་སྐུ་ཕྲེང་རྣམ་གཉིས་ཀྱི་གནད་དོན་དང་འབྲེལ་བའི་གསར་འགྱུར་ཁག་བརྒྱད་ཅུ་གྱ་བཞི་དང་། གསར་ཤོག་སྟེང་སྐུ་པར་བཀོད་པའི་གསར་འགྱུར་ཐེངས་བཅུ་གསུམ་ཙམ་ཞིག་སྤེལ་འདུག་པ་ལས། 《གསར་འགྱུར་མེ་ལོང་》འཚོ་ཞིང་བཞུགས་པའི་རིང་བོད་ཀྱི་སྤྱི་ཚོགས་ཁྲོད་འཁྲུག་ཆ་དོད་ཤོས་ཀྱི་གནས་ཚུལ་ཞིག་ནི་༸པཎ་ཆེན་སྐུ་ཕྲེང་དགུ་པ་དང་བཅུ་པ་རྣམ་གཉིས་ཀྱི་སྲིད་དོན་མཛད་འཕྲིན་ཡིན་པར་ངེས། དེར་བརྟེན། རྩོམ་ཡིག་དེའི་ནང་《གསར་འགྱུར་མེ་ལོང་》ལས་བྱུང་བའི་བོད་དང་༸པཎ་ཆེན་སྐུ་ཕྲེང་རྣམ་གཉིས་ཀྱི་མཛད་འཕྲིན་དང་འགྲེལ་བའི་སྐོར་ལ་དབྱེ་ཞིབ་ཞུས་ཡོད། ལེ་ཚན་དང་པོ། 《གསར་འགྱུར་མེ་ལོང་》དང་བོད།