བོད་ལ་བཀའ་དྲིན་ཆེ་བའི་སྐྱེས་ཆེན་གསུམ།

 གཡུ་ཐོག་ཡོན་ཏན་མགོན་པོ།   ཁོང་ནི་སྤྱི་ལོ་ ༧༢༩ པར་སྟོང་ལུང་སྐྱིད་སྣ་རུ་ཡབ་ཁྱུང་བོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔའི་ཉིན་འཁྲུངས། དགུང་ལོ་གསུམ་པར་རང་གི་ཡང་ལས་ཡི་གེ་འབྲི་ཀློག་དང་གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན། དགུང་ལོ་ལྔ་བར་ཡབ་ལས་བདུད་རྩི་སྨན་སྒྲུབ་དང་། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུ་བ་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་པོས་ཉམས་ལེན་ཕྱིར་ཕོ་བྲང་དུ་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པར་ཀུན་ལས་རྣམ་པར་རྒྱལ་ཏེ་བོད་སྨན་གྱི་མཁས་པ་མི་དགུའི་གཙོ་བོར་གྱུར།
འགོས་ལོ་ཙཱ་བ་ཁུག་པ་ལྷས་བཙས་ཀྱི་རྣམ་ཐར།

མཛད་པ་པོ། ཡོངས་འཛིན་ཡེ་ཤེས་རྒྱལ་མཚན།   གཙང་གི་སློབ་མ་རྣམས་ཀྱི་གཙོ་བོ་རྗེ་འགོས་ལོ་ཙཱ་བ་ནི། རྟ་ནག་ཕུའི་ཁུག་པ་ཞེས་བྱ་བའི་སའི་ཆར་ཡུམ་སྒྲོལ་མའི་སྤྲུལ་པ་ཡིན་ཟེར་བ་ཞིག་ལ་འཁྲུངས། མཚན་ནི་ལྷས་བཙས་ཏེ་ལྷས་སྐྱབས་ཞེས་བྱ་བ་ཡིན་ལ། དང་པོར་ཟུར་པའི་སར་སློབ་གཉེར་ལ་བྱོན་པས་ལས་ཁོ་ན་བཅོལ་བས་འབྲོག་མིའི་ཐད་དུ་བྱོན། ཆོས་འབྲེལ་ཙམ་གནང་ཡང་རྒྱུད་ཉན་པར་འདོད་པ་ལ་གསེར་ཁྱེར་ཤོག་གསུངས་ནས་མ་གནང་བས། རང་གི་སྤོབས་པ་བསྐྱེད་དེ་རྒྱ་གར་དུ་ཕྱིན་ལ་ཁོང་འདྲ་བ་ཞིག་བྱ་སྙམ་ནས། གྱི་ཇོ་ཟླ་བའི་འོད་ཟེར་དང་འགྲོགས་ཏེ་རྒྱ་གར་དུ་བྱོན།

ཧོར་སྟོན་ནམ་མཁའ་བཟང་པོ་ནི། མལ་གྲོ་གུང་དཀར་རྫོང་བཀྲ་ཤིས་སྒང་ཤང་གཟི་སྦུག་ཏུ་རབ་བྱུང་དྲུག་པའི་ཆུ་གླང་ལོ་སྟེ་སྤྱི་ལོ་༡༣༧༣ ལོར་སྐུ་འཁྲུངས། སྐུ་ན་ཆུང་ངུའི་དུས་ནས་ཡི་གེ་འབྲི་ཀློག་སོགས་རིག་གནས་ཆུང་བ་རྣམས་སྦྱངས། རིམ་བཞིན་འཇམ་མགོན་བླ་མ་ཤར་རྒྱལ་བ་ཙོང་ཁ་པ་ཆེན་པོ་སོགས་ཚུལ་བཞིན་བསྟེན་ནས་མདོ་སྔགས་ཀྱི་གཞུང་ལུགས་ཀུན་ལ་སྦྱང་པ་དཔྱིས་ཕྱིན་པ་མཛད་ནས་མཁས་པའི་གོ་སར་སྙེགས། རྗེ་ཙོང་ཁ་པའི་དངོས་སློབ་བསྟན་པའི་སྒྲོན་མེ་བཅུའི་ཡ་གྱལ་དུ་འགྱུར་ཅིང་། རྗེ་ཉིད་ཀྱི་གསུང་རྩོམ་འབོར་ཆེན་ཟིན་བྲིས་སུ་འགོད་གནང་མཛད། དགའ་ལྡན་བྱང་རྩེ་གྲྭ་ཚང་ཕྱག་བཏབ་སྟེ་བླ་རབས་དང་པོ་ཡིན་པར་མ་ཟད། ༸རྒྱལ་དབང་སྐུ་ཕྲེང་དང་པོ་རྗེ་དགེ་འདུན་གྲུབ་པ་སོགས་མཁས་གྲུབ་མང་པོས་ཁོང་གི་དྲུང་ནས་ཆོས་སྐོར་མང་པོ་ཞུས། དགའ་ལྡན་དགོན་པར་ཡང་དབེན་བྱང་རྩེ་རི་ཁྲོད་ཕྱག་བཏབ། ཁོང་གི་གསུང་རྩོམ་ལ་ (ཐེག་པ་ཆེན་པོའི་བློ་སྦྱོང་སྙན་རྒྱུད་ཆེན་མོའི་རྣམ་བཤད་ཉི་མའི་འོད་ཟེར་) ཞེས་བྱ་བ་ལྗགས་རྩོམ་མཛད། མཐར་དགུང་གྲངས་བདུན་ཅུ་དོན་ལྔར་ཕེབས་པ་མེ་ཡོས་ལོ་སྟེ། སྤྱི་ལོ་ ༡༤༤༧ ལོར་གཟུགས་སྐུའི་བཀོད་པ་ཆོས་དབྱིངས་སུ་བསྡུས་པ་བཅས་སོ། །ཡབ་ཡུམ་སོགས་ཀྱི་མཚན་གསལ་ཁ་མ་རྙེད་པས་འགོད་ཐབས་མ་བྱུང་ངོ་།། 
འཕྲུལ་བློན་མཛངས་མི་བདུན་གྱི་ལོ་རྒྱུས་མདོར་བསྡུས།

རྩོམ་པ་པོ། ཐུབ་ཕུན།  འཕྲུལ་བློན་མཛངས་མི་མི་བདུན་གྱི་ལོ་རྒྱུས་གནད་བསྡུས། ཐུབ་བསྟན་ཕུན་ཚོགས།   མཛངས་བློན་དང་པོ་རུ་ལས་སྐྱེས་ཀྱི་མཛད་རྗེས་དཔེ་རིས། རྒྱལ་པོ་སྤུ་དེ་གུང་རྒྱལ་གྱི།  ། མཛངས་བློན་ཐོག་མ་རུ་ལས་སྐྱེས།  ། སྙན་པའི་གྲགས་པས་ཁོར་ཡུག་ཁྱབ།  ། མཛད་རྗེས་སོལ་བས་གཏེར་རྡོ་བཞུས།  ། གསེར་དངུལ་ལ་སོགས་ལྕགས་རིགས་བཏོན། ། རྨོན་པ་དོར་བསྡེབས་ས་ཞིང་བསྐྱེད།  ། ཞིང་ལ་ཆུ་དྲངས་ལོ་ལེགས་རྒྱས།  ། ཆུ་བོའི་རབ་བརྒལ་ཟམ་པ་བཙུགས།  ། མགར་དང་ཤིང་བཟོ་ཞིང་ལས་འཕེལ།  །
བོད་བཙན་པོའི་སྐབས་ཀྱི་བང་སོ་འགའ་ངོ་སྤྲོད།

  སྤུར་རྒྱལ་བཙན་པོའི་བང་སོ་ཞེས་པ་འདི་ནི་བོད་ཀྱི་བཙན་པོའི་དུས་སྐབས་སུ་བཏབ་པའི་ཆོས་རྒྱལ་གྱི་བང་སོ་སྟེ་བོད་ལྗོངས་ལྷོ་ཁ་འཕྱོངས་རྒྱས་རྫོང་ཁོངས་མུ་ར་རིའི་འདབས་སུ་བཏབ་ཡོད། ཆོས་རྒྱལ་བང་སོར་བང་སོ་ཇི་ཙམ་ཡོད་མེད་སྐོར《ཆོས་འབྱུང་མཁས་པའི་དགའ་སྟོན》དང《རྒྱལ་རབས་གསལ་བའི་མེ་ལོང》གཉིས་ལྟར་ན་ས་དེར་བང་སོ་ཉི་ཤུ་རྩ་གཅིག་ཙམ་ཡོད་འདུག་ཀྱང༌། ད་ཆ་དེ་ལྟ་བུའི་མང་པོ་མཐོང་རྒྱུ་མེད་པ་ནི་ལ་ལ་དམག་འཁྲུག་དང་དུས་ཟིང་ནང་གཏོར་བརླག་སོང་བའམ། ཡང་ན་ལ་ལ་ཆར་ཆུས་འཇིག་པ་གང་རུང་བྱུང་བར་ངེས། ཡང་སྙིང་བང་སོ་ཁ་གྲངས་ཇི་ཙམ་ཡོད་མེད་ནི་མཁས་དབང་རྣམས་ཀྱིས་རྟོག་ཞིབ་གནང་གཞིར་གྱུར།
བློན་ཆེན་མགར་གྱི་བྱུང་བ་མདོ་ཙམ་བརྗོད་པ།

རྩོམ་པ་པོ། པ་སྣམ་ལྷག་པ། མེས་པོ་དམ་པའི་ལྷག་བསམ་གངས་རི་ལས།། རིགས་ཞེན་གངས་ཆུ་ལྷུང་ལྷུང་འབབ་པ་དེས།། ཁ་བའི་ཡུལ་གྱི་དཔལ་ཡོན་ཆུ་གཏེར་རྫོགས།། དེ་འདྲའི་དྲིན་ལ་མི་བསྔགས་དཔྱོད་ལྡན་སུ།། བོད་རྒྱལ་སོ་གསུམ་སྲོང་བཙན་སྒམ་པོ་ཡི།། མེད་ཐབས་མེད་པའི་བློན་ཆེན་བཞི་པོ་ལས།། མགར་གྱི་རུས་ལ་འཁྲུངས་པའི་བློན་པོ་དེའི།། ཉམས་མཚར་མཛད་པ་ཁ་བའི་ཡུལ་ན་རྨད།། ཞུམ་མེད་དཔའ་བོའི་རྩལ་ལས་དགྲ་བོ་འགེམས།། ཟླ་མེད་མཛངས་པའི་བློ་དེས་གཞན་ཡིད་འགུགས།། ལྡོག་མེད་རྗེ་བོའི་བཀའ་བཀོད་གཙུག་གིས་བླངས།། རིགས་ཞེན་བརྩེ་འདང་མེ་དཔུང་དགུང་ལ་འཕྱུར།། དཔའ་མཛངས་མཁས་ཀྱི་བློ་མཆོག་ལྡན་པ་བས།། དགུང་བློན་ཆེ་འབྲིང་ཆུང་གསུམ་སྤྱི་བོས་བཀུར།། བོད་ཁམས་གཅིག་གྱུར་བྱེད་པའི་སྲོག་ཤིང་ལཌ།། བློན་ཆེན་བཀའ་དྲིན་དོན་ལྔའི་རྒྱལ་པོར་བརྐོས།། སྤྱི་ལོ་དྲུག་བརྒྱ་བཅུ་བཞིའི་དུས་ཚིགས་དེར།། སྟོད་ལུང་རམ་པར་གྲགས་པའི་ཡུལ་མཆོག་ཏུ།། མགར་ཞེས་རུས་རྙིང་ཞིག་ལས་མཆེད་པ་ལས།། ཡབ་ཆེན་སྟོང་མེས་ཁྲི་ཆགས་སྲས་སུ་འཁྲུངས།། ཁྱེད་ཐུགས་ཤེས་རབ་རལ་གྲིའི་རྣོ་ངར་དེས།། སྤུང་སད་ཟུ་ཙེས་ཆོས་རྒྱལ་དཀྲོངས་འདོད་ཀྱི།། གཡོ་ཡི་སོལ་མདོག་ཡོལ་བ་ཚལ་པར་གཏུབས།། བློ་དཀར་འཇོན་ནུས་ཅན་པོའི་བློན་པོར་གྱུར།། སྟག་སྡོང་ཆེན་མོའི་བཀའ་གྲོས་ཇི་བཞིན་དུ།། མི་རྗེ་སྲོང་བཙན་སྒམ་པོའི་དགོངས་པ་ལྟར།། གཞན་ནས་ལེགས་ཆ་བླང་རྒྱུའི་བྱ་བཟང་གི།། བབ་འོས་ལས་འགན་མ་ལུས་ཕྲག་ཏུ་བླངས།། བཙན་སྙ་ལྡོམ་བུ་འབྲིང་བཙན་རྩང་སྟོང་སྟེ།། ཁྲི་འབྲིང་དང་ནི་བཙན་སྙ་གུང་སྟོན་དང་།། སྟ་གུ་རི་ཟུང་ལ་སོགས་གཡང་ཕྲུག་སྡེར།། རིཌ་ལ་ཞེ་འདང་མཁོ་བའི་སློབ་གསོ་བྱིན།། སྐུ་ཚེ་ཕྱེད་ཙམ་མཐའ་སྲུང་འཐབ་ཀྲོལ་ཁྲོད།། ཉིན་མཚན་དུས་དྲུག་སྐུ་ངལ་ཚད་མེད་མྱོང་།། ཐ་ན་རང་ཉིད་གཅེས་པའི་སྲོག་དབང་ཡང་།། དམར་འཛིང་དྲག་པོའི་མཚོན་གྱི་ཁ་རུ་བོར།། བློན་ཆེན་མགར་གྱི་མཛད་པ་ཆུ་གཏེར་ལས།། ཆུ་ཐིགས་ཙམ་ཞིག་བཤམས་ཁུལ་བྱས་པ་འདི།།…