དཔལ་༸རྒྱལ་དབང་༸ཀརྨ་པ་སྐུ་ཕྲེང་བཅོ་ལྔ་པ་མཁའ་ཁྱབ་རྡོ་རྗེའི་རྣམ་ཐར།
༄༅། །དུས་གསུམ་རྒྱལ་བ་ཀུན་གྱི་ཕྲིན་ལས་མ་ལུས་གཅིག་ཏུ་བསྡུས་པའི་རང་གཟུགས་འཇིག་རྟེན་དབང་ཕྱུག་དཔལ་ཀརྨ་པ་བཅོ་ལྔ་པ་དཔལ་ལྡན་ཀུན་བཟང་ཆོས་ཀྱི་ཉི་མ་ཆེན་པོ་ཕྲིན་ལས་མཁའ་ཁྱབ་རྟག་པའི་རྡོ་རྗེ་དེ་ཉིད་ཀྱི་གསང་བ་གསུམ་གྱི་ཡོན་ཏན་དང༌། རྣམ་པར་ཐར་པ་ནི་སོ་སྐྱེའི་བློ་ཡི་སྤྱོད་ཡུལ་དུ་ལྟ་ཅི། ས་ཆེན་པོ་ལ་བཞུགས་པའི་རྒྱལ་སྲས་རྣམས་ཀྱིས་ཀྱང་ཇི་ལྟ་བ་བཞིན་རྟོགས་པ་མ་ཡིན་ལ། དེར་མ་ཟད་བསྐལ་པ་བཟང་པོ་འདི་ཉིད་ལའང་འདས་པའི་སངས་རྒྱས་གཞན་ཕན་རྣམ་རོལ། མ་འོངས་སངས་རྒྱས་དྲུག་པ་སེངྒེ་སོགས་བྱོན་ཅིང་འབྱོན་པར་འགྱུར་བ་དང༌། ད་ལྟ་རྣམ་འདྲེན་བཞི་པའི་བསྟན་པ་འདིར་ཡང་མངོན་དགའི་ཞིང་ན་རྒྱལ་བ་མི་འཁྲུགས་པ། རི་བོ་ཏཱ་ལར་སྙིང་རྗེའི་རང་གཟུགས་འཇིག་རྟེན་དབང་ཕྱུག ཟངས་མདོག་དཔལ་རིར་སྣང་སྲིད་ཟིལ་གནོན་པདྨ་ཀཱ་ར། འཕགས་པའི་ཡུལ་དུ་གྲུབ་པའི་སློབ་དཔོན་ཆེན་པོ་ས་ར་ཧ་སོགས་འཕགས་སྐྱེའི་རྣམ་འཕྲུལ་བསམ་བརྗོད་ལས་འདས་ཤིང༌། ཁྱད་པར་རང་ཅག་གངས་ཅན་ལྗོངས་འདིའི་མགོན་པོར་ལྷུན་གྱིས་གྲུབ་པའི་ཚུལ་ཡང༌།
