Author: ཆུ་དབར་བུ།

ལྷ་སའི་ཐང་ཆེན་བཞི་ནི། བྲག་ལྷའི་ནེའུ་ཐང་དང༌། སྐུ་འབུམ་ཐང༌། འོ་རྒྱལ་ཐང༌། ཚེས་གསུམ་ཐང་བཅས་བཞི་ལས། ཀ༽ བྲག་ལྷའི་ནེའུ་ཐང་ནི། སྔོན་ཆོས་རྒྱལ་སྲོང་བཙན་སྒམ་པོའི་སྐུ་དུས་སུ་ལྕགས་པོ་རི་བྲག་ལྷ་ཀླུ་སྒུག་གི་མདུན་དུ་སྤང་གཞོང་ནེའུ་གསིང་དང༌། ཤིང་གླ་བའི་ནགས་ཚལ་ཁྲོད་ཀྱི་སྟར་ཁའི་སྡོང་པོའི་འོག་ཆོས་རྒྱལ་སྲོང་བཙན་སྒམ་པོ་དང༌། མེད་ཐབས་མེད་པའི་བློན་པོ་བཞི་སོགས་རྒྱལ་བློན་ལྷན་འཛོམས་ཐོག་བལ་བཟའ་ཁྲི་བཙུན་དང༌།

ལྷ་སའི་སྦུག་བཞི་ནི། འུལ་སྡོད་སྦུག་དང༌། གསོ་རྭ་སྦུག གཏུགས་རྭ་སྦུག ཀླུ་སྦུག་བཅས་བཞི་ལས། ཀ༽ འུལ་སྡོད་སྦུག་ནི་ལྷ་ལྡན་བར་སྐོར་གྱི་ཤར་ངོས་སམ་གཙུག་ལག་ཁང་གི་རྒྱབ་ངོས་སུ་གནས་ཤིང༌། དེ་ནི་སྔར་ཆོས་རྒྱལ་སྲོང་བཙན་སྒམ་པོས་དུས་རབས་བདུན་པར་ལྷ་ལྡན་ར་ས་འཕྲུལ་སྣང་གི་གཙུག་ལག་ཁང་གསར་བཞེངས་མཛད་སྐབས་འུ་ལག་རྒྱུགས་མི་རྣམས་གནས་སྡོད་བྱེད་ས་ཡིན་སྟབས། དེ་ནས་བཟུང་འུ་ལག་སྡོད་སའི་སྦུག་གམ་བསྡུས་མིང་དུ་འུལ་སྡོད་སྦུག་ཅེས་གྲགས་པ་ལྟར་ད་ལྟའང་མིང་དེ་ལྟར་ཡོངས་གྲགས་སུ་འབོད་བཞིན་ཡོད།

སྔར་ལྷ་ལྡན་ཆོ་འཕྲུལ་སྨོན་ལམ་ཆེན་མོ་དང༌། ཚོགས་མཆོད་ཆེན་མོ་གཉིས་ཀྱི་སྐབས་སུ་ཚོགས་ཆུ་ཁག་གཅིག་གཙང་པོ་ནས་ལྕགས་དོང་ནང་འདྲེན་པ་ཙམ་ལས། དེ་བྱིངས་འཐུང་རྒྱུ་ཕལ་མོ་ཆེ་ཁྲོན་པ་ལས་ལེན་བཞིན་ཡོད་ལ། དེ་ཡང་ལྷ་སའི་གཙུག་ལག་ཁང་གི་ཕྱོགས་བཞིར་ཆུ་མིག་བཞི་ཡོད་ལུགས་བརྗོད་སྲོལ་ཡོད་པའི་གྲགས་ཅན་གྱི་ཆུ་མིག་བཞི་ནི། གཏུན་ཁུང་ཆུ་མིག་དང༌། ལྐུགས་པ་ཆུ་མིག རྒྱ་ནག་ཆུ་མིག ཁང་དཀར་ཆུ་མིག་བཅས་བཞི་ཡིན།

ལྷ་ལྡན་གྲོང་ཁྱེར་གྱི་བཙོག་ཆུ་རྣམས་རྒྱུགས་ཡུལ་ས་འོག་ཏུ་ཆུ་ཡུར་འགའ་ཞིག་ཡོད་པར་དེ་དག་རྒྱུགས་སའི་ལྷ་སའི་གྲགས་ཅན་གྱི་གནའ་བོའི་ཟམ་པ་བཞི་ཡོད་པ་ནི། གཡུ་ཐོག་ཟམ་པ་དང༌། སྨོན་གྲོང་ཟམ་པ། འདོད་འཇོ་ཟམ་པ། སྐལ་བཟང་ཟམ་པ་བཅས་བཞི་ཡོད་པ་ལས། ༡ འདོད་འཇོ་ཟམ་པ། གནས་ཡུལ་ལྕགས་པོ་ ༼ ལྕོག་རིལ།༽ རིའི་མདུན། ༢ སྐལ་བཟང་ཟམ་པ། གནས་ཡུལ་བོད་དམག་ཁུལ་ཁང་གི་ནུབ་སྒོའི་ཉེ་འགྲམ། ༣ སྨོན་གྲོང་ཟམ་པ། གནས་ཡུལ་ལྷ་ས་གྲོང་ཁྱེར་སྨན་ཁང་ ༼མཎྜལ་སྦུག༽ གི་ཉེ་འགྲམ། ༤ གཡུ་ཐོག་ཟམ་པ། གནས་ཡུལ་གཙུག་ལག་ཁང་གི་མདུན་ཐད་མི་རིང་བའི་གཡུ་ཐོག་ལམ་ཟུར་དུ་གནས་ཡོད་པ་ལས།

ལྷ་སའི་རགས་ཆེན་བཞི་ནི། ཤར་དུ་ཇོ་བོ་རགས་ཆེན་དང༌། ལྷོ་རུ་ཐོག་བརྩེགས་རགས་ཆེན། ནུབ་ཏུ་ཆོས་རྒྱལ་རགས་ཆེན། བྱང་དུ་བྱེ་མའི་རགས་ཆེན་བཅས་བཞི་ཡོད་པ་ལས། ༡ ཤར་དུ་ཇོ་བོ་རགས། གནས་ཡུལ་ལྷ་ས་སྐྱིད་ཆུའི་ཟམ་ཆེན་གྱི་ཉེ་འགྲམ། ༢ ལྷོ་རུ་ཐོག་བརྩེགས་རགས། གནས་ཡུལ་དེ་སྔོན་ཕྱག་མཛོད་གླིང་ཁའི་རྒྱུད། ༼དེང་བོད་དམག་ཁུལ་ཁང་གི་ཤར་ངོས་འགྲུལ་སྐྱེལ་རླངས་འཁོར་བབས་ཚུགས་གནས་ཡུལ།༽ ༣ ནུབ་ཏུ་ཆོས་རྒྱལ་རགས། གནས་ཡུལ་རྒྱ་མཚོ་སྨད། ༤ བྱང་དུ་བྱེ་མའི་རགས། གནས་ཡུལ་སེ་ར་དགོན་པའི་ཕྱོགས་སུ་ཡོད།

གངས་ལྗོངས་ལྷ་ལྡན་དུ་ཡོད་པའི་ཡཱ་མོན་བཞི་ནི། གར་གླིང་ཡཱ་མོན་དང༌། མེ་སྐྱིད་ཡཱ་མོན། གྲྭ་བཞི་ཡཱ་མོན། ཁྲོམ་གཟིགས་སྒང་བཅས་བཞི་ཡིན། དེ་ཡང་ཡཱ་མོན་ཞེས་པ་ནི་སྔར་མན་ཇུ་གོང་མའི་སྐབས་ཀྱི་བོད་སྡོད་སྐུ་ཚབ་ཨམ་བན་ཀྱི་སྡོད་གནས་ཀྱི་ཁང་པའི་མིང་ལ་བརྗོད་ཅིང༌། དེ་ཡང་དུང་དཀར་ཚིག་མཛོད་ལས། གོང་མ་ཁང་ཤིས་ཁྲི་ལོ་ཞེ་བརྒྱད་པ་རབ་བྱུང་བཅུ་གཉིས་པའི་ས་གླང་ ༡༧༠༩ ལོ་ནས་བོད་སྡོད་ཨམ་བན་གཏོང་འགོ་ཚུགས་ཚུལ་རྒྱུ་མཚན་དང་བཅས་པ་བཀོད་འདུག་པ་དེ་ནི་བཀས་མངགས་ཨམ་བན་རྣམས་བོད་སྡོད་ཨམ་བན་ཡིན་པའི་དབང་དུ་བཏང་ནས།