Author: ཆུ་དབར་བུ།

དེང་སྐབས་ལྷ་ས་ས་ཁུལ་གྱི་སྲིད་འཛིན་ཁྱབ་ཁོངས་རྫོང་ཁག་བདུན་དང་ཆུས་གཅིག་ཟེར་བ་ནི། ༡ སྟོད་ལུང་བདེ་ཆེན་རྫོང་དང༌། ༢ ཆུ་ཤུར་རྫོང༌། ༣ སྙེ་མོ་རྫོང༌། ༤ འདམ་གཞུང་རྫོང༌། ༥ སྟག་རྩེ་རྫོང༌། ༦ མལ་གྲོ་གུང་དཀར་རྫོང༌། ༧ འཕན་པོ་ལྷུན་གྲུབ་རྫོང་བཅས་རྫོང་བདུན་དང༌། ཆུས་གཅིག་ནི་རྒྱ་སྐད་དུ་ཁྲེང་ཀོན་ཆུས་ཟེར་བའི་སྒྲ་ཡི་ཟུར་ནས་འབོད་པ་ལས་མིང་ཆགས་པ་དང༌། དོན་དུ་ལྷ་སའི་བར་སྐོར་ཕྱི་ནང་དང༌། པོ་ཏཱ་ལའི་ཞོལ་གྲོང་མི་ཚུད་པའི་གྲོང་ལྷན་གྱི་སྲིད་འཛིན་བདག་གཉེར་དོ་དམ་པའི་ལས་ཁུངས་དེའི་མིང་ལ་ཁྲེང་ཀོན་ཆུས་ཟེར་ཞིང༌།

ལྷ་ས་གྲོང་ཁྱེར་ནི་སྔར་ནས་འཛམ་གླིང་གལ་ཆེའི་རིག་གནས་ཤུལ་བཞག་ཁྲོད་སྙན་གྲགས་ཅན་གྱི་གྲོང་ཁྱེར་གཅིག་ལ་རྩིས་པ་དང༌། སྔར་ལྷ་སའི་མིའི་གྲུབ་ཆ་གཙོ་བོ་ནི། སྐབས་དེ་དུས་ལྷ་སའི་གྲོང་ཁྱེར་གྱི་ཤར་ཕྱོགས་སུ་ཁམས་པ་ཇ་ཚོང་མཁན་རྣམས་ལྷ་སར་སྦྲ་གུར་ཕུབ་ནས་སྡོད་པའི་སྦྲ་ནག་ཞོལ་དང༌། ལྷ་སའི་ཤར་ལྷོའི་ཕྱོགས་སུ་ཝ་པ་གླིང་ཞེས་རྒྱ་རིགས་ཁ་ཆེའི་ཆོས་ལུགས་པས་ཤ་དང༌། སྔོ་ཚལ་ཚོང་ལས་བྱེད་མི་རྣམས་ཀྱི་གྲོང་ཚོ།

ལྷ་ས་གྲོང་ཁྱེར་ནི་གྲགས་ཅན་མི་སྣ་འདུ་འཛོམས་ཆེ་བ་ཞིག་ཡིན། དེ་ཡང་གོང་སྨོས་ལྟར་ལྷ་ས་གྲོང་ཁྱེར་འདི་དང༌། དེའི་ཉེ་འཁོར་གྱི་རྫོང་ཁག་བཅས་ལ་གནའ་ཤུལ་གྲགས་ཅན་དང༌། རིག་གནས་དངོས་རྫས་གྲངས་མེད་ཡོང་བའི་རྒྱུ་མཚན་གཙོ་བོ་ནི། གྲོང་ཁྱེར་འདིར་ཇོ་ཤཱཀ་རྣམ་གཉིས་བཞུགས་པའི་གཙུག་ལག་ཁང་སོགས་གནའ་རབས་བཙན་པོའི་དུས་སྐབས་ཀྱི་གཙུག་ལག་ཁང་དང༌། ཕོ་བྲང་སོགས་ཡོད་པར་བརྟེན།

  ལྷ་ས་ནི་གནའ་ཤུལ་གཅིག་སྡུད་ཆེ་བ་སྟེ། གྲོང་ཁྱེར་འདི་བཞིན་དུས་རབས་བདུན་པའི་འགོར་བཙན་པོ་སྲོང་བཙན་སྒམ་པོས་རྒྱལ་ས་ལྷ་སར་སྤོས་གནང་མཛད་པ་ནས་བཟུང་བོད་ཀྱི་ཆབ་སྲིད་དང༌། དཔལ་འབྱོར། རིག་གནས། ཆོས་ལུགས། དམག་དོན། འཕྲོད་བསྟེན། ཕྱི་འབྲེལ་སོགས་གཅིག་ཏུ་འདུས་པའི་གྲོང་ཁྱེར་ཞིག་ཆགས་འགོ་ཚུགས་ཏེ། བརྗིད་ཆགས་བཀོད་པ་མཛེས་པའི་ཕོ་བྲང་པོ་ཏཱ་ལ་དང༌། སྐུ་མཁར་མ་རུའམ་ཕ་བོང་ཁ་བྱང་ཆུབ་ཤིང་གི་ནགས།

ཕྱི་ལོ་ ༡༩༤༩ ལོ་ནས་རྒྱ་མིས་བོད་ས་བཙན་བཟུང་བྱེད་འགོ་ཚུགས་པ་ནས་བཟུང་ཕྱི་ལོ་ ༡༩༥༩ ལོར་བོད་ཆོལ་གསུམ་ཡོངས་རྫོགས་བསྟན་དགྲ་རྒྱ་མིས་བཙན་བཟུང་བྱས་པ་དང༌། ཕྱི་ལོ་ ༡༩༦༦ ནས་ ༡༩༧༦ བར་ལོ་བཅུའི་རྙིང་བཞི་རྩ་གཏོར་ཞེས་པའི་རིག་གནས་གསར་བརྗེའི་གོད་ཆགས་ཀྱིས་མདོ་སྔགས་རིག་གནས་དང༌། ལོ་ངོ་སྟོང་ཕྲག་མང་པོའི་ནང་སྔོན་བྱོན་མེས་པོ་དག་གིས་སྐུ་ངལ་བརྒྱ་སྟོང་ཁྱད་བསད་ཀྱིས་རིན་བྲལ་ཤུལ་བཞག་གི་རིག་དངོས་དང༌།

ལྷ་ཡུལ་ས་ལ་འཕོས་འདྲའི་གངས་ལྗོངས་ཀྱི་གཙུག་རྒྱན་ལྷ་ལྡན་གྲོང་ཁྱེར་ནི་ལོ་ངོ་ ༡༤༠༠ ལ་ཉེ་བའི་ལོ་རྒྱུས་ལྡན་པའི་རིག་གནས་ཀྱི་གནའ་གྲོང་ཞིག་ཡིན་ཞིང༌། སྤྱི་ལོ་ ༦༣༣ ལོར་ཆོས་རྒྱལ་སྲོང་བཙན་སྒམ་པོས་བོད་བཙན་པོའི་རྒྱལ་རབས་ཀྱི་རྒྱལ་ས་དེ་ཡར་ཀླུང་ནས་ལྷ་སར་སྤོས་པ་མ་ཟད། རི་བོ་གྲུ་འཛིན་གཉིས་པ་ཕོ་བྲང་པོ་ཏཱ་ལ་བཞེངས་འགོ་བརྩམས་པ་དང་ཆབས་ཅིག ལྷ་ལྡན་གཙུག་ལག་ཁང་དང༌། རྒྱ་སྟག་ར་མོ་ཆེ་ལ་སོགས་པ་བཞེངས་པས། ལྷ་ལྡན་འདི་ཉིད་སྐབས་དེར་བོད་ལྗོངས་ས་མཐོའི་མི་འབོར་མང་ཤོས་ཀྱི་གྲོང་ཁྱེར་ཞིག་ཏུ་གྱུར་པ་དང༌། ལྷ་ས་གྲོང་ཁྱེར་སྒྲུབ་རྒྱུར་རྨང་གཞི་བརྟན་པོ་ཞིག་བཏིང་གནང་མཛད་ཡོད།