སྤེལ་ཞིབ་ཕྲ།
གཉིས་པ། ལྷ་སའི་མིང་གི་བྱུང་རིམ་དང༌། མིང་གི་གོ་དོན།
དེ་ཡང་ལྷ་ས་ནི་ཐུ་བྷོད་བཙན་པོའི་དུས་རབས་ནས་འགོ་ཚུགས་ཏེ་རིམ་བཞིན་བོད་ཀྱི་ལྟེ་གནས་དང༌། ས་ཚིགས་དང་ཆོས་ཚིགས་ཀྱི་ཡུལ་དབུས་ཆགས་པའི་བར་གྱི་དུས་རིམ་ཧ་ཅང་རིང་མོ་ཞིག་བརྒྱུད་ཡོད། དེ་ཡང་ཐོག་མར་མིང་གི་ཆ་ནས་འོམ་ཤོད་དང༌། སྐྱིད་ཤོད། ར་ས་དང༌། ལྷ་ས། ལྷ་ལྡན་དང༌། ཡུལ་དབུས་ལྷ་ལྡན། ཉི་འོད་གྲོང་ཁྱེར་སོགས་ནི་དོན་གཅིག་མིང་གི་རྣམ་གྲངས་ཡིན་ལ། བོད་ཀྱི་ལོ་རྒྱུས་འཕེལ་བའི་དུས་ཡུན་རིང་པོའི་ནང་ས་ཆ་དེར་ཐ་སྙད་མི་འདྲ་བའི་འབོད་སྲོལ་རིམ་པར་བྱུང་ཡོད་པ་འདི་དག་ནི་ལོ་རྒྱུས་རྣལ་མ་ཞིག་ཡིན།
དང་པོ། སྙན་གྲགས་ཅན་གྱི་ལྷ་ས་གྲོང་ཁྱེར།
ལེའུ་དང་པོ། ལྷ་སའི་ས་ཁམས་ཆགས་དབྱིབས་དང༌། དུས་རབས་གསུམ་གྱི་ལྷ་སའི་ལོ་རྒྱུས། འཛམ་གླིང་ས་ཡི་གོ་ལའི་ཡང་རྩེར་གནས་པའི་ཡིད་འོང་ལྟ་ན་སྡུག་པའི་ཡུལ་མཆོག་ཁ་བ་གངས་ཅན་གྱི་ལྗོངས་འདིར་སྟོད་ལ་མངའ་རིས་སྐོར་གསུམ་དང༌། བར་ལ་དབུས་གཙང་རུ་བཞི། སྨད་ལ་མདོ་ཁམས་སྒང་གསུམ་དུ་ཕྱེ་བའི་ནང་ཚན་དབུས་གཙང་དམ་པ་ཆོས་ཀྱི་ཆོལ་ཁའི་ཡ་གྱལ། ཐུ་བྷོད་དུས་སུ་བྱོན་པའི་གསུམ་གཉིས་ས་ལ་མངའ་དབང་བསྒྱུར་བའི་ཆོས་རྒྱལ་མེས་དབོན་རྣམ་གསུམ་སོགས་བཙན་པོ་བཀའ་དྲིན་ཅན་རྣམས་ཞབས་ཀྱིས་བཅགས་ཤིང་འཕྲིན་ལས་རྫོགས་པའི་བསྟི་གནས།
ལྷ་ས་ས་ཁུལ་གྱི་རྫོང་བདུན་གྱི་གཞི་རྩའི་ངོ་སྤྲོད།
རྫོང་བདུན་གྱི་ས་ཆའི་རྒྱ་ཁྱོན་དང༌། མི་འབོར། ས་བབ་ཆགས་ཚུལ། གྲོང་ཚོའི་གྲངས་སོགས་གཤམ་གསལ།། དང་པོ། སྟག་རྩེ་རྫོང༌། སྟག་རྩེ་རྫོང་ནི་ལྷ་ས་གྲོང་ཁྱེར་གྱི་ཤར་དང༌། འཕན་པོ་ལྷུན་གྲུབ་རྫོང་གི་ལྷོ། མལ་གྲོ་གུང་དཀར་རྫོང་གི་ནུབ། གྲ་ནང་རྫོང་གི་བྱང་བཅས་དང་ས་འབྲེལ་དུ་གནས་ཤིང༌། རྫོང་དེའི་སྤྱིའི་རྒྱ་ཁྱོན་ནི་སྤྱི་ལེ་ངོས་སྙོམས་གྲུ་བཞི་མ་ ༡༣༧༠ དང༌། ས་ཞིང་རྒྱ་ཁྱོན་མུའུ་ཁྲི་ ༦།༨ ནགས་ཚལ་རྒྱ་ཁྱོན་མུའུ་ཁྲི་ ༡༧…
བོད་ཀྱི་ཨར་ལས་བཟོ་སྐྲུན་སྐོར་རགས་ཙམ་བཀོད་པ།
དགེ་བཅུའི་ཡོན་ཏན་ཕྱུར་བུར་སྤུད་པ་ཡི། །ནོར་འཛིན་བུ་མོའི་མངལ་ཁུར་རབ་ལྕི་བ། །འགྱུར་མེད་ལྟེ་བ་གྲུ་འཛིན་ཕོ་བྲང་ཞེས། །ཡངས་པའི་འཛམ་གླིང་སྤོ་ལས་མངོན་པར་འཕགས། །ཞེས་༸རྒྱལ་དབང་ལྔ་པ་ཆེན་པོས་བསྔགས་བརྗོད་མཛད་པ་ལྟར། རང་རེ་བོད་གངས་ཅན་གྱི་ལྗོངས་འདིར་ལོ་སྟོང་ཕྲག་མང་པོའི་གོང་རོལ་ནས་མི་ཡི་འགྲོ་བ་བྱུང་ཞིང༌། རིམ་པས་ཡར་རྒྱས་སུ་ཕྱིན་ཡོད། དཔེར་ན། གདོད་མའི་སྤྱི་ཚོགས་ལས་གྲོལ་མཚམས་ས་རྡོ་ཤིང་གསུམ་བེད་སྤྱད་དེ་འཚོ་སྤྱོད་བྱེད་འགོ་ཚུགས་བསྟུན་རིམ་བཞིན་བྲག་སྐྱིབས་དང༌། གད་སྐྱིབས། ཤིང་སྡོང་ཁོག་རུལ་སོགས་སུ་གནས་བཅའ་བའི་དུས་རབས་བརྒལ་ཏེ་ས་རྡོ་ཤིང་གསུམ་བེད་སྤྱད་ནས་མཁར་ལས་ཀྱི་རྨང་གཞི་བཙུགས་འགོ་ཚུགས། དེ་ཡང་བཻ་དཀར་ལས། གནའ་དུས་ཀོང་པོའི་ཁུལ་དུ་མི་རྣམས་ཉ་ཆེན་གྱི་རུས་པའི་ནང་གནས་བཅས་ཞེས་འཁོད་པ་ལས་རྟོགས་ཐུབ།
ངན་པ་དགུ་འཛོམས་ཀྱི་ངོ་སྤྲོད་དོགས་གཅོད་རལ་གྲི།
སྐར་རྩིས་པ། ལ་སྟོད་ཤེལ་དཀར་ལྷ་དབང་ཚེ་རིང་གིས་བརྩམས། ཨོཾ་སྭསྟི། རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །ཞེས་མཆོད་པར་བརྗོད་ནས་འདིར་བཤད་གཞི་གཙོ་བོ་ནི། ངན་པ་དགུ་འཛོམས་ཀྱི་སྐོར་ཏེ། དེ་ཡང་དང་པོ་ཡོངས་གྲགས་བོད་ཟླ་༡༡ ཚེས་༦ ཉིན་ནི་བོད་མིའི་སྤྱི་ཚོགས་ནང་དུས་ཚོད་ངན་པ་དགུ་འཛོམས་ཞེས་ཡོངས་སུ་གྲགས་ཤིང་། རང་རེ་བོད་མི་རྣམས་ཀྱིས་དེ་ཉིན་གལ་ཆེའི་ལས་མ་བྱེད་པར་དུས་ཚོད་ངན་པ་ཞིག་ཏུ་ངོས་འཛིན་གྱིས། དེ་ལ་ཁྱད་གསོད་ཆེད་དུ་ནང་དུ་དགའ་ཉེ་ངོ་འཛོམས་ཐོག་སྤྲོ་སྐྱིད་གཏོང་བ་དང་། སང་ཉིན་དེར་ངན་པའི་ལྡོག་ཕྱོགས་བཟང་པོ་བཅུ་འཛོམས་ཞེས་ངན་པ་ལས་ལྷག་པའི་བཟང་པོར་ངོས་བཟུང་ནས་མུ་མཐུད་སྤྲོ་སྐྱིད་གཏོང་བ་དང་། དེ་ལ་དམངས་ཀྱི་ངག་སྒྲོས་སུ་ཁྱེད་ངན་པ་དགུ་འཛོམས་ན། ང་བཟང་པོ་བཅུ་འཛོམས་ཞེས་ཤོད་སྲོལ་ཡོད།
དིང་རི་གླང་སྐོར་དང་། དིང་རྡོ་སྨུག་པོ།
སྐྱབས་རྗེ་རྫ་རོང་ཞྭ་དེའུ་འཁྲུལ་ཞིག་རིན་པོ་ཆེས་ (1924-2011) མཛད་པའི་བོད་ཡུལ་ལ་སྟོད་དིང་རི་གླང་སྐོར་གྱི་ནང་རྟེན་བྱིན་ཅན་ཁག་གི་ལོ་རྒྱུས་དད་པའི་ས་བོན་ལས[1]། ནང་རྟེན་གཉིས་པ་དིང་རྡོ་སྨུག་པོ་ཞེས་པ་འདི་ནི། ཕ་དམ་པ་སངས་རྒྱས་སྐྱེ་བ་དཔག་མེད་ཀྱི་སྔོན་རོལ་དུ་སངས་རྒྱས་རབ་སྦྱངས་རྒྱལ་པོ་ཞེས་བ་ལ་དད་པ་ཐོབ་པས། སངས་རྒྱས་དེས་ཀྱང་མ་འོངས་པར་སངས་རྒྱས་ཤཱཀྱ་ཐུབ་པའི་འཁོར་དུ་ལུང་བསྟན་ཏེ་སྐྱེ་བ་བཞེས་པའི་དུས་དེར།