Featured on གནའ་ཤུལ།

རྒྱལ་ལམ་318དང་མི་རིང་བའི་ཉང་ཆུ་གཙང་འགྲམ་དུ་གནས་པའི་ཤུ་པ་གྲོང་ཚོ་ནི་ཀོང་པོ་རྒྱ་མདའ་རྫོང་བྲག་ཆུ་གྲོང་རྡལ་གྱི་ཁོངས་སུ་གཏོགས་ཤིང་། དེ་གར་བོད་ཀྱི་གནའ་ཉམས་དོད་ཤོས་དང་། ལོ་རྒྱུས་རིང་ཤོས། ཚགས་ཚུགས་ཤོས། སྲུང་སྐྱོབ་ལེགས་ཤོས་བཅས་བྱུང་བའི་གནའ་མཁར་ཁག་གཅིག་ཡོད་པ་དེ་དག་གི་ཤོད་སྲོལ་ལ། བཙན་པོ་སྲོང་སྒམ་པོའི་དུས་སུ་རང་ངོས་ཀྱི་དམག་དཔུང་དབར་འབྲེལ་བ་བྱེད་བདེ་བ་དང་ཕྱི་དགྲ་འགོག་ཆེད་དུ་སྐྲུན་པར་གྲགས། དེ་སྔ་གྲོང་ཚོ་དེར་གནའ་མཁར་ཆེན་པོ་དེ་འདྲ་7ཡོད་རུང་། ཕྱིས་ལོ་ཟླའི་དྲག་ཆར་རླུང་འཚུབ་ཀྱི་ཁྲོད་དུ་གནའ་མཁར་2རྡིབ་སྐྱོན་བྱུང་བས་ད་ཆ་གནའ་མཁར་5ལས་ལྷག་མེད་ཅིང་། གཤིབ་ནས་བརྒྱབ་པའི་གནའ་མཁར་དེ་ཚོའི་བར་ཐག་སྨི་30ནས་50བར་ལས་མེད་པས་ཕན་ཚུན་བརྡ་གཏོང་ཆོག་གི་ཡོད།

སྤྱིར་དེང་སང་ཁ་ཅིག་གིས་འདས་ཟིན་པའི་ལོ་རྒྱུས་ལ་བསྐྱར་ཞིབ་བྱེད་པ་ལས་མ་འོངས་པར་རྒྱང་ལྟ་བྱས་ན་ལེགས་ཚུལ་བཤད་མོད། འོན་ཀྱང་མི་རིགས་ཀྱི་རིག་གནས་ལོ་རྒྱུས་ལ་དངོས་ཟུར་གང་རུང་ནས་ཕན་ཐོགས་ཡོད་པ་འདི་ལྟར་ཏེ། མཁར་ལས་འཛུགས་སྐྲུན་དུས་ནམ་ཞིག་ལ་དར་ཁྱབ་བྱུང་བ་དང་། ཤེས་རིག་གི་ཁྱབ་ཁོངས་གང་དུ་འདུ་མིན་ལྟ་བུ་རྣམས་ལ་བསྐྱར་ཞིབ་བྱས་པས་དགེ་མཚན་ལས་སྐྱོན་མི་འདུག། ད་རེས་ང་ཚོའི་ཁ་རྒྱུན་སོགས་སུ་(1)སྐུ་མཁར་ཐོག་མའམ་མཁར་ལ་སྔ་བ་ཡུམ་བུ་བླ་སྒང་ཞེས་པའི་སྐོར་ལ་དབྱེ་ཞིབ་ཅུང་ཟད་ཅིག་བྱའོ།།

གཞིས་ཀ་རྩེ་རྫོང་ནི་སྔོན་ཆད་བོད་ཀྱི་རྒྱལ་བོ་སྡེ་སྲིད་གཙང་བའི་རྒྱལ་ས་རེད། དེ་ད་ལྟ་གཞིས་ཀ་རྩེ་གྲོང་ཁྱེར་ན་ཡོད། རྫོང་དེ་སྡེ་སྲིད་སྣེ་གདོང་བ་ཕག་གྲུ་བྱང་ཆུབ་རྒྱལ་མཚན་གྱིས་བོད་ཀྱི་སྲིད་དབང་བཟུང་སྐབས་དབུས་གཙང་ཁུལ་དུ་རྫོང་ཆེན་བཅོ་བརྒྱད་བརྩིགས་པའི་རྗེས་མ་ཡིན་ཞིང༌། འདི་བརྩིགས་ཏེ་བསམ་པའི་དོན་ཐམས་ཅད་གྲུབ་པས་བསམ་གྲུབ་རྩེ་ཞེས་བཏགས་པ་ཡིན་ཟེར།

དུས་རྒྱུན་ཕོ་བྲང་པོ་ཏ་ལའི་ནང་དུ་སྐུ་པར་གང་བྱུང་སྒྲོན་མི་ཆོག་པའི་རྩ་ཆེའི་སྐུ་གསུང་རྟེན་དང་། ཕྱི་ཡི་བརྗིད་ཆགས་ཡིད་འོང་གི་བཀོད་པ་བཅས་ཀྱི་གལ་ཆེའི་སྐུ་པར་ཕྱོགས་བསྡུས། སྐུ་པར་འདི་དག་མཇལ་ན་ཕོ་བྲང་པོ་ཏ་ལ་མཇལ་མྱོང་བ་ལྟ་བུ་ཞིག་འཚོར་ངེས་ཡིན།