སྤེལ་ཞིབ་ཕྲ།
སྐྱིད་རོང་ཁུལ་དུ་གནས་པའི་རྒྱ་ཡིག་གི་བྲག་བརྐོས་ཡི་གེ།
རྩོམ་པ་པོ། སྙིང་ལྕགས་རྒྱལ། སྐྱིད་གྲོང་རྫོང་ནི་གཞིས་ཀ་རྩེའི་ནུབ་རྒྱུད་དང་ཡར་ཀླུང་གཙང་པོའི་ལྷོ་རྒྱུད་དུ་ཆགས་ལ། ཁུལ་དེའི་ནུབ་རྒྱུད་དང་བྱང་རྒྱུད་དུ་ས་དགའ་རྫོང་། འབྲོང་པ་རྫོང་དང་མཐའ་འབྲེལ་བྱུང་ཕྱིར་གཞིས་རྩེའི་ནུབ་རྒྱུད་ཀྱི་རྫོང་ཁག་གསུམ་ཞེས་འབོད། ཁུལ་འདི་སའི་གོ་ལའི་ཤར་གྱི་འཕྲེད་ཐིག84°2‵དང 86 ° 9 ′བྱང་གི་གཞུང་ཐིག་28° 16′དང 29 °18 ′མཚམས་སུ་ཆགས། རྫོང་གི་ནུབ་ཕྱོགས་དང་བྱང་ཕྱོགས་ས་དཀར་དང་འབྲེལ་ལ་བྱང་ཤར་ངམ་རིང་རྫོང་དང་འབྲེལ། ཤར་གཉའ་ལམ་དང་ལྷོ་བལ་པོ་དང་ས་མཚམས་འབྲེལ་ཡོད། རྫོང་ཡོངས་ཀྱི་སྤྱིའི་རྒྱ་ཁྱོན་ནི་སྤྱི་ལེ་གྲུ་བཞི་མ་ཆིག་ཁྲི་གཉིས་སྟོང་དང་། མཐའ་མཚམས་ཀྱི་རིང་ཚད་ནི་སྤྱི་ལེ་གྲུ་བཞི་མ་བརྒྱ་དང་དྲུག་ཅུ་རེ་གཉིས་ཡོད། རྫོང་ལ་ཤང་དྲུག་དང་གྲོང་བརྡལ་གཅིག …
ཞང་ཞུང་རྒྱལ་རབས་ལོ་རྒྱུས་རག་བསྡུས།
ཞང་ཞུང་གི་གྲགས་ཆེ་བའི་རྒྱལ་རབས་བཅོ་བརྒྱད་ཀྱི་ཐོག་མ་ཁྲི་ཝེར་གསེར་གྱི་བྱ་རུ་ཅན་དུ་གྲགས་པ་དེའི་རྒྱལ་ས་ནི། གངས་ཆེན་པོ་ཏི་སེའི་མདུན། རི་སྤོས་ངད་ལྡན་གྱི་རྩ་བ། མཚོ་མུ་ལེ་ཁྱུད་ཀྱི་ཉེ་འགྲམ། ག་ལྗང་གཡུ་ལོ་རྫོང་མཁར་ཞེས་བྱ་བ་དེ་ཡིན་ཞིང་རྒྱལ་པོ་འདི་ནི་གཤེན་རབ་མི་བོ་ཆེའི་དངོས་སློབ་དང་བོན་གྱི་བསྟན་པའི་སྦྱིན་བདག་ཁྱད་པར་ཅན་ཞིག་ཡིན་ལ། ཁོང་གིས་གངས་ཏི་སེའི་མདུན་ཞོལ་དུ་གསས་ཁང་ནོར་བུ་སྤུངས་རྩེགས་ཞེས་བྱ་བ་ཞིག་བཞེངས། དེང་དུས་ཀྱི་དབང་དུ་བྱས་ན༼རྒྱང་གྲགས་དགོན༽ཞེས་པ་འབྲི་གུང་བཀའ་བརྒྱུད་པའི་ཆོས་རྒྱུད་ཀྱིས་ཟིན་པའི་དགོན་གཞིས་ཆུང་ངུ་ཞིག་ཡོད་པ་དེ་ཡིན་ནོ།།
བོད་བཙན་པོའི་སྐབས་ཀྱི་བང་སོ་འགའ་ངོ་སྤྲོད།
སྤུར་རྒྱལ་བཙན་པོའི་བང་སོ་ཞེས་པ་འདི་ནི་བོད་ཀྱི་བཙན་པོའི་དུས་སྐབས་སུ་བཏབ་པའི་ཆོས་རྒྱལ་གྱི་བང་སོ་སྟེ་བོད་ལྗོངས་ལྷོ་ཁ་འཕྱོངས་རྒྱས་རྫོང་ཁོངས་མུ་ར་རིའི་འདབས་སུ་བཏབ་ཡོད། ཆོས་རྒྱལ་བང་སོར་བང་སོ་ཇི་ཙམ་ཡོད་མེད་སྐོར《ཆོས་འབྱུང་མཁས་པའི་དགའ་སྟོན》དང《རྒྱལ་རབས་གསལ་བའི་མེ་ལོང》གཉིས་ལྟར་ན་ས་དེར་བང་སོ་ཉི་ཤུ་རྩ་གཅིག་ཙམ་ཡོད་འདུག་ཀྱང༌། ད་ཆ་དེ་ལྟ་བུའི་མང་པོ་མཐོང་རྒྱུ་མེད་པ་ནི་ལ་ལ་དམག་འཁྲུག་དང་དུས་ཟིང་ནང་གཏོར་བརླག་སོང་བའམ། ཡང་ན་ལ་ལ་ཆར་ཆུས་འཇིག་པ་གང་རུང་བྱུང་བར་ངེས། ཡང་སྙིང་བང་སོ་ཁ་གྲངས་ཇི་ཙམ་ཡོད་མེད་ནི་མཁས་དབང་རྣམས་ཀྱིས་རྟོག་ཞིབ་གནང་གཞིར་གྱུར།
བསམ་ཡས་གཙུག་ལག་ཁང་གི་ནང་རྟེན་ཁྱད་འཕགས་བྱིན་ཅན་འགའ་ཞིག
༉་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་བཞུགས་པའི་ངོ་མཚར་བའི་བྱིན་ཅན་འགའ། ༉་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་བཞུགས་པའི་ངོ་མཚར་བའི་བྱིན་ཅན་འགའ།༡མཁན་ཆེན་བཞི་བ་མཚོའི་དབུ་ཐོད། ༢ སློབ་དཔོན་རིན་པོ་ཆེའི་གནམ་ལྕགས་རྡོ་རྗེ། ༣ ཆོས་རྒྱལ་ཁྲི་སྲོང་ལྡེ་བཙན་གྱི་མགུལ་གའུ ༤ མགོན་པོ་ཀླུ་སྒྲུབ་ཀྱི་ཐུགས་དམ་གྱི་རྟེན་སྟོན་པའི་སྐུ། ༥ སློབ་དཔོན་ཙནྡྲ་གོ་མའི་ཐུགས་དམ་གྱི་རྟེན་སྒྲོལ་མའི་སྐུ། ༦ ཕ་དམ་པ་སངས་རྒྱས་ཀྱིས་གདན་དྲང་བའི་སངས་རྒྱས་ཚེ་དཔག་མེད་ཀྱི་སྐུ། ༧ སློབ་དཔོན་གྱིས་སྲིན་པོའི་ཁ་གནོན་དུ་ཕེབས་ཁར་གུང་ཐང་ལ་ཐོག་ཏུ་འཇོག་པའི་ཞབས་རྗེས། ༨ རྭ་ལོ་ཙཱ་བའི་ཐུགས་དམ་གྱི་རྟེན་རྡོ་རྗེ་འཇིགས་བྱེད་། ༩ པཎྚི་ཏ་ཀ་མ་ལ་ཤཱི་ལའི་ཕྱག་འཁར།
འུ་ཤང་རྡོ་རིང་དང་། སྐར་ཆུང་ཤང་རྡོ་རིང་།
ལྷ་སྡོད་དབྱིན་ཇིའི་གཞུང་ཚབ་སྔ་རྗེས་སོ་སོ་ནས་བོད་ཀྱི་རྒྱལ་ས་ལྷ་ས་གཙོ་བོར་གྱུར་པའི་༸རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་མཆོག་དང་། བཅུ་བཞི་པ་ཆེན་པོ་མཆོག དེ་བཞིན་རྒྱལ་ཚབ་སྲིད་བཀས་མཚོན་པའི་དྲུང་སྐྱ་སེར་རིགས་དང་། ཆོས་བརྒྱུད་རིས་མེད་ཀྱི་བླ་ཆེན་དང་། དགོན་པ། རྡོ་རིང་སོགས་ཀྱི་པར་མང་པོ་ཞིག་བླངས་ཡོད་མོད། ཡིན་ཡང་ལོ་ཤས་ནང་དུ་སྐབས་དེའི་ལྷ་སྡོད་དབྱིན་ཇིའི་གཞུང་ཚབ་སྔ་རྗེས་སོ་སོ་ནས་རྡོ་རིང་གི་པར་བླངས་པ་ཁག་དེང་གི་ལོ་རྒྱུས་དཔྱད་བརྗོད་པ་རེ་ཟུང་ནས་པར་དེ་མི་འདིས་བཏབ་པ་རེད་ཅེས་མ་དག་རྒྱུན་འབྱམས་ཀྱི་རྩོམ་ཡིག་ཁ་ཤས་སྤེལ་བ་མཐོང་ཐོས་སུ་གྱུར། ད་ལན་རྡོ་རིང་གི་པར་དེ་དག་ཡང་སྙིང་མི་སུས་པར་བླངས་མིན་གཤམ་གསལ། འུ་ཤང་རྡོ་རིང་།
གསར་དུ་རྙེད་པའི་རྒྱལ་གྱི་རྡོ་རིང་ཆག་རོ་མ་དང་རྒྱལ་ལུག་ལྷས་ལྷ་ཁང་གི་རྡོ་རིང་།
ཤ་བོ་མཁའ་བྱམས། རྒྱལ་ལྷ་ཁང་ངམ་རྒྱལ་ལུག་ལྷས་ལྷ་ཁང་འདི་དེང་ལྷུན་གྲུབ་རྫོང་མཚོ་སྟོད་ཤང་ལྷ་སྒང་གྲོང་ཚོའི་གྲོང་དཀྱིལ་ན་ཡོད་ཅིང་།（པར་དང་པོར་གཟིགས།）འགོས་ལོ་ཙཱ་བས་ཀླུ་མེས་ཀྱི་སློབ་མ་ཀ་བ་བཞིའི་ཡ་གྱལ་ཞང་སྣ་ནམ་རྡོ་རྗེ་དབང་ཕྱུག་གིས་སྤྱི་ལོ་1012ལོར་ཕྱག་བཏབ། སྤྱི་ལོ་1240ལོར་ཧོར་དམག་བྱུང་ནས་ལྷ་ཁང་བསྲེགས། བཙུན་པ་སོ་སྟོན་སོགས་ལྔ་བརྒྱ་ཙམ་བཀྲོངས། ཕྱིས་ཧོར་དོར་ཏོག་འགྱོད་ནས་ཉམས་གསོ་བྱས། ལྷ་ཁང་བར་བ་ཞང་ལྷས་གསོས། དར་གྱི་ལྷ་ཁང་གསོ་མ་ཐུབ།བྱ་གྲགས་ལྷ་ཁང་གསོས་པའི་རྟེན་གྱི་གཙོ་བོ་ཐུབ་པ་བཞེངས་ཞེས་དང་།1 དཔའ་བོ་གཙུག་ལག་ཕྲེང་བས་འདི་ལས་མཆེད་པ་ལ་ཞང་སྐོར་གྲགས་ཞེས2དེ་སྔ་དགོན་པ་འདི་ལ་གཏོར་བརླག་ཚབ་ཆེན་ཐེབས་མྱོང་ལ་དང་པོའི་བདག་པོ་ཁྱིམ་རྒྱུད་ཆེན་པོ་ཞང་སྣ་ནམ་ལ་ཐུག། དེ་བཞིན་རིག་གསར་སྐབས་ཡང་བསྐྱར་གནོད་འཚེ་ཕོག་ཡོད་ལ། འདིར་སྐབས་སུ་བབས་པ་རྒྱལ་ལྷ་ཁང་གི་རྡོ་རིང་སྐོར་ཡིན་མོད། གོང་གི་ཆགས་འཇིག་འཕེབ་འགྲིབ་ཀྱི་ལོ་རྒྱུས་དེ་གཤམ་གྱི་བརྗོད་བྱ་དངོས་སུ་འཛུལ་བར་གལ་ཆེ།