བོད་ཀྱི་ཆེས་ཐོག་མའི་རྐང་གྲུག་རུ་ཁག   2018ལོའི་དབྱར་དུས་ཀྱི་ཚ་གདུག་དང་བསྡོངས་ནས་ཨུ་རི་སུའི་འཛམ་གླིང་བུམ་པའི་མགོ་བརྩམས་པ་དང་།    དེ་ནི་འཛམ་གླིང་མི་དམངས་ཀྱིས་བརྗེད་མི་སྲིད་པའི་ཕྱིར་དྲན་ཆེན་པོ་ཞིག་དང་རྐང་གྲུག་ལོ་རྒྱུས་ཀྱི་སྒོ་མོ་གསར་བ་ཅིག་གི་སྒོ་འབྱེད་དང་།ཡང་ན་རྐང་གྲུག་དང་འབྲེལ་བའི་དགའ་སྐྱོ་ཆགས་སྡང་གི་ཁྱད་འཚར་གཏམ་རྒྱུད་མང་པོ་ཅིག་ལ་གླེང་སློང་བྱས་པ་རེད།  དེར་བརྟེན་གོ་ལའི་རྒལ་ཚིགས་སུ་འབོད་པའི་མདོ་དབུས་མཐོ་སྒང་གི་བོད་ཀྱི་གྲུག་དད་པ་དག་གི་རྐང་གྲུག་ལ་དགའ་བའི་དད་མོས་ཀྱང་འཛམ་གླིང་བུམ་པའི་རླབས་རྒྱུན་དང་འགྲོགས་ནས་དྲག་དུ་འཕེལ་ཀྱིན་འདུག  བོད་ཀྱི་སྟག་ཤར་དག་གི་ཤ་དར་ཁྲག་དར་གྱི་ལུས་པོ་དང་རྐང་གྲུག་གི་རྩལ་ནུས་སོགས་ལ་བལྟས་ན་གནས་འདི་ཨང་རྐང་གྲུག་གི་དད་མོས་བླ་ལྷག་དུ་འཕེལ་བའི་རྐང་གྲུག་གི་རྒྱལ་ཁམས་ཅིག་མི་འགྱུར་བའི་ངེས་བའང་མི་འདུག་སྙམ། དབྱིན་ཇི་བ་དང་འགྲན་བསྡུར་བྱེད་པའི་ཡུལ་ངོས་ཀྱི་ཟུར་ཅིག གནས་འདིའང་རྐང་གྲུག་ལ་སྲོག་བཞིན་གཅེས་བའི་ནུབ་ཕྱོགས་ཀྱི་རྒྱལ་ཁབ་ཁག་ཅིག་དང་འདྲ་བར།    ས་འདིའི་སློབ་མ་དང་།  ལས་བྱེད་པ།   གྲྭ་བཙུན་སོགས་ཀྱི་དབྱེ་བ་མེད་པར་རྐང་གྲུག་ལ་དགའ་མཁན་ཧ་ཅང་མང་།   ལྷག་པར་དུ་ལོ་བཞི་རེའི་རྗེས་སུ་ཐེངས་རེར་ཚོགས་ཀྱིན་པའི་འཛམ་གླིང་བུམ་པའི་དུས་སྐབས་སུ།  མཐོ་སྒང་གི་གྲུག་དད་པ་དག་གིས་ཀྱང་ནུབ་མའི་གཉིད་བཅག་དེ་བརྙན་འཕྲིན་གྱི་འགྲམ་དུ་རང་ཉིད་དགའ་སའི་གྲགས་སྐར་དག་གི་འགྲན་བསྡུར་ལ་རྣམ་རིག་དཀྲོག་དཀྲོག་གིས་སྒུག་སྲིད།     གནའ་བོའི་བོད་ཀྱི་རྟ་ཐོག་སྤོ་ལོ། བོད་པ་དང་སྤོ་ལོའི་ལས་དབང་ནི་གནའ་བོའི་བོད་ཀྱི་རྟ་ཐོག་སྤོ་ལོ་ནས་མགོ་རྩོམ་དགོས་ཀྱི་འདུག་སྟེ།སྔ་མོའི་དུས་སུ་རྟ་ཐོག་སྤོ་ལོ་ལ་ཡོངས་ཁྱབ་དུ་སྤོ་ལོ་ཞེས་འབོད་ཀྱི་ཡོད་པ་དང་།ད་ལྟའི་དབྱིན་ཡིག་གི་ཁྲོད་དུ་སྤོ་ལོའི་རིགས་ལ་ཡོངས་ཁྱབ་དུ་བཀོལ་ཀྱིན་པའི་ballཞེས་བའང་བོད་ཀྱི་སྤོ་ལོ་ཞེས་བའི་སྒྲ་བསྒྱུར་ཡིན་པར་ངེས་འཛིན་ཀྱིན་འདུག  དེ་བཞིན་བོད་སྐད་ཀྱི་ཁྲོད་དུའང་སྤོ་ལོ་ཞེས་བའི་མིང་ཚིག་འདི་ནི་སྤོ་ལོ་རིགས་ཀྱི་ཡོངས་ཁྱབ་སྤྱི་མང་དུ་བཀོལ་ཀྱིན་འདུག   དེ་ལྟར་བསམ་བཞིག་བྱས་ཚེ་བོད་པ་དང་སྤོ་ལོའི་ལས་དབང་དང་འབྲེལ་འདྲིས་ཀྱང་དེ་འདྲའི་ཧ་ཅང་རྒྱང་ཐག་རིང་བོ་ཞིག་མིན་པར་བསམ།

༅།། མལ་གྲོ་གུང་རྫོང་ཞེས་པར་དཔྱད་པ།                              དབུ་རུ་དོན་འདུར།   ༄༅།། མལ་གྲོ་གུང་དཀར་རྫོང་ཞེས་པའི་མིང་གི་བྱུང་ཚུལ་ལ་དཔྱད་པ།  [ནང་དོན་གནད་བསྡུས]རྩོམ་ཡིག་འདིའི་ནང་དུ་མལ་གྲོ་གུང་དཀར་རྫོང་གི་མིང་གི་བྱུང་ཚུལ་ལ་དཔྱད་པ་བྱས་ནས་རང་གི་ལྟ་བ་བཏོན་ཡོད། [བརྡ་ཆད་གཙོ་བོ] མལ་གྲོ། མཚོ་མ་དྲོས་པ། ཀླུ་མལ་གྲོ་གཟི་བྱིན།  བླ་མཚོ། རྗེ་རིན་པོ་ཆེ།   གུང་མཁར། ༡ ལོ་རྒྱུས་ཡིག་རིགས་ཀྱི་གསལ་ཁ།  མལ་གྲོ་གུང་དཀར་རྫོང་ནི་ལྷ་ས་སྐྱིད་ཆུའི་ཤར་ཕྱོགས་དབུས་སྟོད་མལ་གྲོ་ཞེས་པའི་ས་ཆར་ཆགས་ཤིང་། ཐོག་མར་དུས་རབས་འདི་ལྟ་བུ་ཞིག་ལ་དེ་ལྟར་ཐོགས་པའི་རྒྱུ་མཚན་གསལ་པོ་མི་ཤེས་ཀྱང་ཏུན་ཧོང་གཏེར་ཡིག་ནང་དུ”བཙན་པོ་གནམ་རི་སློན་བཙན་གྱིས་དབས་དབྱི་ཚབ་ཀྱི་བྱ་དགར་མལ་ཏྲོ་ཕྱོགས་ནས་བྲན་ཁྱིམ་སྟོང་ལྔ་བསྩལ་ཏོ”ཞེས་འཁོད་པར་གཞིགས་ན་དུས་རབས་བདུན་པའི་གོང་ནས་ཡུལ་དེར་མལ་ཏྲོ་ཟེར་བ་ནི་རྩོད་མེད་རེད། མལ་ཏྲོ་ཟེར་བ་ནས་རིམ་བཞིན་མལ་དྲོ་དང་མལ་གྲོ་སོགས་འབྲི་སྲོལ་ཆགས་པ་ནི་ལོ་རྒྱུས་ཀྱི་འཕེལ་རིམ་གཞན་དང་རིགས་བསྒྲེ་ན་ཆོག 

རྒྱལ་སྡེ་སྐར་ཆུང་གི་རྡོ་རིང་། རྒྱལ་སྡེ་སྐར་ཆུང་རྡོ་རིང་ཡོད་ས་ནི་ལྷ་སའི་སྐྱིད་ཆུའི་ལྷོ་ངོས་ར་མ་སྒང་སྟེ་ད་ལྟའི་མེ་འཁོར་འབབ་ཚུགས་ཀྱི་ཉེ་འཁྲིས། སྤྱི་སྤྱོད་རླངས་འཁོར་ལས་བབས་རྗེས་གཡས་ཕྱོགས་ནས་རྒྱབ་ཕྱོགས་སུ་ཅུང་ཙམ་བསྐྱོད་པས་སླེབས་འདུག ལྷ་སའི་ཡུལ་མི་ཚོར་མཚོན་ན་ར་མ་སྒང་ཞེས་པ་དེ་ས་ཆ་རྒྱུས་མེད་ཅིག་ཏུ་གྱུར་འདུག  ཞིབ་ཏུ་རྩད་གཅོད་བྱས་ཡོང་དུས། ས་དེར་སྔོན་ཆད་ར་མ་སྒང་ཟེར་ཡང་ཕྱིས་སུ་གྲོང་ཁྱེར་རྒྱ་བསྐྱེད་ཀྱིས་གྲོང་ཚོ་ཡུལ་གཞན་དུ་སྤར་སོང་བར་བཤད། དུས་རབས་ཉི་ཤུའི་དཀྱིལ་དུ་མཁས་དབང་དགེ་འདུལ་ཆོས་འཕེལ་གྱིས་བཀའ་ཤག་གཞུང་ལ་ཕུལ་བའི་རྡོ་རིང་སྐོར་གྱི་སྙན་ཞུ་ལས།① “ཆོས་རྒྱལ་ཁྲི་སྲོང་ལྡེ་བཙན་གྱི་སྐབས་སུ་བཞེངས་པའི་སྐར་ཆུང་རྡོ་རྗེ་དབྱིངས་ཀྱི་གཙུག་ལག་ཁང་གི་གནའ་ཤུལ་ལྷ་སའི་ཉེ་འགྲམ་ར་མ་སྒང་དུ་ད་ལྟ་མ་ཎི་དགོན་པ་སངས་རྒྱས་དགོན་ཞེས་ཡོད་པ་དེ་དག་འཕྲུལ་མེད་ཡིན་ཞིང་། དེར་བྱེ་མས་ཕྱེད་ཙམ་ནུབ་པའི་རྔོ་རིང་སྤུས་དག་འདིའི་སྟེང་དུ་ཆོས་རྒྱལ་ཉིད་ཀྱི་སྐུ་དུས་སུ་བྲིས་པའི་ཡི་གེ་གསལ་བར་བཞུགས་པ་དེ་དག་ད་ལྟ་བྱེ་དཀྱིལ་དུ་བདག་མེད་ལྟ་བུར་འདུག་པ་འདི་བཞིན་ཆགས་སྐྱོན་མ་བྱུང་གོང་བྱེ་བསང་གི་ལྕགས་རི་ཆུང་ངུ་ཞིག་བརྩིགས་ཐུབ་ན་ཧ་ཅང་ཡག་པོ་ཡོང་བ་འདུག་པས་གཞུང་ས་མཆོག་ནས་ཐུགས་འགབས་ཀྱིས་ཨར་པོའི་ལས་ཁུངས་ཤིག་ཏུ་བཀའ་ཁྱབ་ཐུགས་རེ་ཆེ་བ་དང་། ད་དུང་ལོ་ཤས་ཀྱི་སྔོན་དུ་ད་ལྟ་ཡོད་པའི་རྡོ་རིང་དེའི་ཏོག་ཇི་ལྟ་བ་གཅིག་བྱེ་འོག་ནས་མ་ཎི་དགོན་པར་རྙེད་འདུག་པས་འདིའི་རྡོ་རིང་མ་མོ་ད་ལྟ་བྱེ་འོག་ཏུ་གཟིམ་གཟིམ་པར་ངེས་ཡོད་སྟབས་དེ་ཡུལ་གྱི་བྱེ་འོག་ཏུ་བཙལ་འཚོལ་གནང་ཚེ་གལ་སྲིད་རྙེད་ན་རྒྱལ་རབས་རྩོམ་འཕྲོ་ལ་ཕན་ཐོགས་པར་ངེས་ཤིང་།” ཞེས་པ་སྟེ། སྐར་ཆུང་རྡོ་རིང་ཡོད་པའི་གནས་ནི་ར་མ་སྒང་མ་ཎི་དགོན་པ་ཡིན་པ་ལ་རྩོད་པ་མེད་ཅིང་། གཞན་སྐབས་དེ་དུས་ཤིག་ལ་རྡོ་རིང་གི་ཏོག་ཅིག་ས་འོག་ནས་ཐོན་པ་དང་། དེའི་རྡོ་རིང་མ་མོ་ས་འོག་ན་ཡོད་པར་ཁོང་གིས་ཚོད་དཔག་བྱས་འདུག ཕྱིས་སུ་གྲོང་ཁྱེར་བཟོ་སྐྲུན་སོགས་ཅི་ཙམ་བྱས་ཀྱང་དེ་འདྲའི་རྡོ་རིང་ཞིག་ཐོན་པར་མ་ཐོས་པས་ཅིག་ཐང་ན་རྡོ་རིང་དེ་འདྲ་ཞིག་ད་དུང་ས་འོག་ན་གཟིམས་སྲིད་ན་ཐང་། ཡང་མིན་ན་གྲོང་ཁྱེར་བཟོ་སྐྲུན་པ་སོགས་རིག་དངོས་སྲུང་སྐྱོབས་ཀྱི་བསམ་བློ་དབུལ་བ་དག་གིས་ཐལ་བའི་རྡུལ་དུ་བརླགས་བཞག་པ་ཡིན་ནམ་སྙམ་པའི་སོམ་ཉི་ཡང་འདུག

རྩོམ་པ་པོ། གུ་གེ་ཚེ་རིང་རྒྱལ་པོ།   གྲིབ་རྫོང་བཙན་གྱི་སྐུ་གསོབ་ནི་ལྷ་ས་སྐྱིད་ཆུའི་ལྷོ་ཕྱོགས་བུམ་པ་རིའི་ནུབ་ངོས་གྲིབ་ཁུལ་དུ་ལྷ་ཁང་ཆུང་ཙམ་ཞིག་ཡོད་པ་དེའི་ནང་ལ་མཆོད་ནས་ཡོད། དེ་ནི་གྲིབ་ཁུལ་གྱི་ཡུལ་ལྷ་གཙོ་བོ་དེ་ཡིན། དེ་སྔ་ཡུལ་དེར་ཚོ་པ་ཁག་བཞི་ཙམ་ཡོད་ཅིང་ཚོ་པ་དང་པོ་དང་གཉིས་པའི་སྡོད་ཁུལ་གྱི་མིང་ལ་མདའ་ལུགས་དང་གསུམ་པ་ལ་ཞང་ལྷ། བཞི་པ་ལ་ཕུ་པ་བཅས་བརྗོད། ཚོ་པ་དེ་ཚོའི་གནས་ཡུལ་ས་མིང་དང་གྲིབ་གྱི་ཐ་སྙད་སོགས་ལྷ་ལུང་དཔལ་རྡོར་གྱི་ལོ་རྒྱུས་དང་འབྲེལ་བ་དམ་པོ་ཡོད།(1) ཚོ་པ་བཞི་པོ་དེའི་ཁོངས་ལ་ཁྲལ་རྒྱུག་མཁན་ཐེམ་གྲངས་ཆེ་བ་དྲུག་བཅུ་རེ་གཅིག་ཡོད། ཁོང་ཚོས་ཁྲལ་ཁུངས་གཉིས་ལ་ཁྲལ་རྒྱུག་དགོས་པ་ནི། ཕྱི་ཁྲལ་སྡེ་པ་གཞུང་དང་ནང་ཁྲལ་བླ་བྲང་གཞིས་ཀའམ་ཚེ་མཆོག་གླིང་གི་ཆོས་གཞིས་ཡིན། སྤྱིར་ན་ཚོ་ཁག་སོ་སོར་སྤྱི་ཆེན་ཞེས་དབུ་འཛིན་མི་རེ་ཡོད། ཁོང་ཚོ་ནི་གྲོང་ཚོ་སོ་སོའི་མི་འབངས་ཚང་མས་འཇོན་ཐང་ཆེ་མིན་དང་དབང་གྲགས་རྒྱུ་སྟོབས་བཅས་གཞིར་ཟུང་གིས་འདེམས་བསྐོ་བྱེད་ཀྱི་ཡོད།དེས་ན་སྤྱི་ཆེན་ནི་ཡུལ་དེའི་ཁྲལ་གྱི་འགྲོ་ལུགས་འགྲོ་སྟངས་ཆ་ཚང་ཞིང་གསལ་པོ་ཤེས་ལ་ཡི་གེའང་ཕྲན་ཙམ་ཤེས་པ། རྫུན་དང་ཁྲམ་པ་མི་བྱེད་མཁན་ཚང་མས་འཇོག་ས་དྲང་པོ་ཞིག་ཡིན་དགོས། མི་འབངས་ཀྱིས་འདེམས་ཟིན་རྗེས་སུ་ཚོ་བཞིའི་དབུ་འཛིན་ཏེ་རྒན་པོས་ཐུགས་ཐག་བཅད་ནས་དངོས་སུ་གོ་གནས་གཏན་འཁེལ་བྱེད་ཅིང་ལོ་གསུམ་ལས་བྱེད་དབང་མེད། སྤྱི་ཆེན་བཞིའི་དབུ་འཛིན་རྒན་པོ་ནི་ཚེ་མཆོག་གླིང་བླ་བྲང་གིས་འདེམས་བསྐོ་བྱེད་ཀྱི་ཡོད། དེའི་གོ་གནས་ལ་ལོ་དུས་ཀྱི་ཚད་འཛིན་མེད། མཚམས་རེ་ལོ་བཅུ་ཙམ་དང་མཚམས་རེ་ཚེ་གང་རིང་བྱེད་མཁན་ཀྱང་ཡོད། ཡང་ཁོའི་ནང་ལ་བུ་འཇོན་ཐང་ཆེན་པོ་ཡོད་ཚེ་ཕ་ཤུལ་བུས་འཛིན་བྱས་ནས། འབངས་མི་སྐྱོང་གི་ཡོད་ཀྱང་མང་ཆེ་བ་ནི་གསར་པ་ཞིག་འདེམས་བསྐོ་བྱེད་སྲོལ་ཡོད། གྲིབ་ལ་མགར་ཚང་ཤར་པ་དང་ནུབ་མ་ཞེས། སྔར་བཙན་པོ་སྲོང་བཙན་སྒམ་པོའི་སྐབས་བློན་པོ་མགར་བ་གྲིབ་ལ་རྒྱང་འབུད་བཏང་བས།(2)ཁོང་གི་ཕོ་བྲང་ཡིན་ཞེས་མཁར་ཤུལ་གྱི་གྱང་གོག་གཉིས་ཙམ་ཡོད། དེ་ཡང་ཤར་མ་དེ་དགུན་ཁ་བཞུགས་ཡུལ་དང་ནུབ་མ་དེ་དབྱར་ཁ་བཞུགས་ཡུལ་ཡིན། ད་ལྟ་མགར་ཚང་ཤར་པ་དེ་གྱང་གོག་ཞིག་ལས་ལྷག་མི་འདུག གྲིབ་པ་རྒན་རབས་ཚོས་བརྗོད་སྲོལ་ལ་སྔར་གྱང་གོག་དེར་ཐོག་བརྩེགས་གསུམ་ཙམ་ཡོད་སྐད། མགར་ཚང་ནུབ་མ་དེ་ད་ལྟ་ཤུལ་ཙམ་ཡང་བསྡད་མི་འདུག་ལ་དེའི་ཆགས་ཤུལ་ལ་མི་ཚང་གཅིག་གིས་ཁང་པ་གསར་པ་ཞིག་བརྒྱབ་འདུག མདོར་ན་མགར་ཚང་ཤར་པ་དང་མགར་ཚང་ནུབ་མ་གཉིས་ནི་གྲིབ་ཀྱི་ལོ་རྒྱུས་ཐོག་གནའ་རྙིང་སྔ་ཤོས་ཤིག་ཡིན་པར་མངོན།

མངའ་རིས་སྐོར་གསུམ་བརྩི་ཚུལ་ཡིག་ཆ་ཁག་ནང་ཇི་གསལ་རེའུ་མིག ཧི་མ་ལ་ཡའི་ཕར་ཚུར། ལོ་རྒྱུས་ཉམས་ཞིབ། མངའ་རིས་སྐོར་གསུམ་བརྩི་ཚུལ། ཁུངས། ལ་དྭགས་རྒྱལ་རབས་འཆི་མེད་གཏེར། སྤྱིར་ས་མིང་གི་འགྱུར་བ་ནི་ས་བབས་དངོས་ཀྱི་འགྱུར་བ་དང་བསྟུན་ནས་བྱུང་བ་མང་ཡང་། དུས་ཡུན་ཐུང་ཐུང་གི་ནང་དུ་འགྱུར་བ་ཞིག་གཏན་ནས་མིན་ཏེ། ས་བབས་དེའི་ས་རྒྱ་ཆེ་ཆུང་གང་འདྲ་ཞིག་ཡིན་རུང་།ས་མིང་ནི་གཉུག་སྡོད་ཀྱི་མི་ཕན་ཚུན་བར་དང་དེའི་ཕྱི་རོལ་གྱི་མི་དང་དུས་ཡུན་རིང་པོའི་འབྲེལ་འདྲིས་ལས་བྱུང་སྟེ་གོམས་སྲོལ་དུ་ཆགས་པ་ཞིག་ཡིན་པས། ས་མིང་གང་ཞིག་ཡིན་རུང་ཡང་དང་བསྐྱར་དུ་མིང་སོ་མར་འགྱུར་བ་ཞིག་མིན། འོན་ཀྱང་། ས་མིང་ཕལ་ཆེར་ཞིག་རང་བཞིན་གྱིས་འགྱུར་བ་ཡིན་ཏེ་དཔེར་ན་ར་ས་ཞེས་པ་ལྷ་ས་ལ་འགྱུར་བ་ལྟ་བུ་ཡིན་རུང་། ལ་ལ་དེ་ལྟ་མིན། ཆབ་སྲིད་དང་བཅས་པའི་དམིགས་ཡུལ་གཞན་པའི་དབང་གིས་འགྱུར་བའང་ཡོད། ་་་་་ —སྨན་ཤུལ་རིན་ཆེན་རྡོ་རྗེ། ཡོང་ཁུངས།