ས་སྐྱ་པཎྜི་ཏ་ཀུན་དགའ་རྒྱལ་མཚན།   ༄༅། །བཅོམ་ལྡན་འདས་ཐམས་ཅད་མཁྱེན་པ་ལ་ཕྱག་འཚལ་ལོ། །ཐམས་ཅད་མཁྱེན་པས་བདག་རྒྱུད་བྱིན་གྱིས་བརླབ་པ་ཡི། །བློ་གྲོས་བློ་ཆེ་བློ་ལྡན་བློ་ཡི་མཆོག་གྱུར་པ། །ཚད་མེད་བློ་ཡངས་འཕགས་པའི་ཚོགས་ལ་གུས་བཏུད་དེ། །འདི་ཕྱི་རྣམས་སུ་ལྷ་མིའི་བདེ་བ་འབྱུང་བའི་རྒྱུ། །ཀུན་ལ་ཕན་པའི་གཏམ་འདི་ནི། །འཇམ་དབྱངས་བཙུན་པས་འགྲོ་ལ་བཤད། །ཀྱེ་མ། གནའ་དུས་བཟང་པོ་ནུབ། ད་དུས་ངན་པ་ཤར། གནའ་མི་མཁས་པ་འདས། ད་ནི་བླུན་པོ་སྐྱེས། ལྷ་ཆོས་དར་གྱི་མདུད་པ་གྲོལ། མི་ཆོས་སོག་མའི་ཕོན་ཐག་ཆད། རྒྱལ་ཁྲིམས་གསེར་གྱི་གཉའ་ཤིང་ཆག །གཙོ་བོ་གྲོས་ཀྱི་རྒྱ་མཚོ་བསྐམས། དཔའ་བོ་སྟག་གི་རི་མོ་ཡལ། མོ་བཙུན་ངོ་ཚའི་གཡང་ལུག་བུད། ཡ་རབས་ཀྱི་སྲོལ་མི་བསྲུང་། མ་རབས་ཀྱི་སྤྱོད་པ་བསྐྱང་། ཕུགས་ཀྱི་ཁེ་མི་བརྩི། འཕྲལ་གྱི་རྩིས་གཏང་། ལེགས་པའི་སྲོལ་མི་འཛིན། ཉེས་པའི་དཔེ་འདྲེན། མཁས་པའི་གཞུངས་མི་བསྲུང་། རྨོངས་པའི་རྗེས་སུ་འཇུག །བཟང་པོའི་དོ་མི་བྱེད། ངན་པའི་ཡ་བ་བྱེད་པ་མང་དུ་མཐོང་བས། མཁས་པའི་རྗེས་སུ་ཞུགས་ནས་ལེགས་པའི་འབྲས་བུ་ཐོབ་པར་བྱ་བའི་ཕྱིར། ཁོ་བོ་ལ་དམ་པར་འཛིན་པའི་སྐྱེས་བུ་རྣམས་ཀྱི་དོན་དུ། ལྷ་ཆོས་མི་ཆོས་ཀུན་ལ་ཕན་པའི་གཏམ་འགའ་ཞིག་བརྗོད་པར་བྱའོ། །

  ཆག་ལོ་ཙྰ་བ་ཆོས་རྗེ་དཔལ་གྱིས་མཛད།    བླ་མ་ཡང་དག་པ་དགེ་བའི་བཤེས་མཉེན་ལ་གུས་པས་ཕྱག་འཚལ་ལོ། ། དཔལ་ལྡན་བསྟན་པ་ཆོས་རྗེ་རྩོད་དུས་ཀྱི། ། སྐྱེ་དགུའི་དཔལ་དུ་སྒྲ་བསྒྱུར་ཚུལ་འཛིན་ཅིང་། ། བདག་འདྲ་ཆོས་རྗེ་དཔལ་དུ་རྗེས་བཟུང་བ། ། ཆོས་རྗེ་ཆེན་པོ་དེ་ལ་ཕྱག་འཚལ་ཏེ། ། སྒྲ་བསྒྱུར་ཆེན་པོ་ཆོས་རྗེ་ཆེན་པོ་ནི། ཤཱཀྱའི་དགེ་སློང་ཆོས་རྗེ་དཔལ་བདག་ལ། ། འདི་དང་ཕྱི་མར་གནས་སྐབས་མཐར་ཐུག་ཏུ། ། སྐུ་དྲིན་ཆེ་བ་ཅུང་ཟད་ཡི་གེར་བཀོད། །

ཞེ་ཚིག་ཅེས་པ་ནི་གཞན་ལ་མོས་གུས་དང་ལྡན་པའི་སྒོ་ནས་བཀོལ་བའི་མིང་དང་ཚིག་དང་ཡིག་ཚོགས་ལ་གོ་དགོས་པ་ཡིན།   ཕ་ལ་ཡབ་དང་མ་ལ་ཡུམ། །མིང་ལ་མཚན་དང་ལུས་ལ་སྐུ། །གཟུགས་བརྙན་ལ་ནི་སྐུ་བརྙན་དང་། །མགོ་ལ་དབུ་དང་ངོ་ལ་ཞལ། །མིག་ལ་སྤྱན་དང་རྣ་ལ་སྙན། །སྣ་ལ་ཤངས་དང་ཁ་ལ་ཞལ། །སོ་ལ་ཚེམས་དང་ལྕེ་ལ་ལྗགས། །སྐེ་ལ་མགུལ་དང་ལག་ལ་ཕྱག །རྐང་ལ་ཞབས་དང་ལྷམ་ཞབས་ཕྱགས། །རྐང་པར་ཞབས་པད་ཅེས་ཀྱང་བརྗོད། །མཛུ་གུ་ལ་ནི་ཕྱག་སོར་དང་། །ལག་པའི་སེན་མོར་ཕྱག་སེན་བྱ། །རྐང་མཛུབ་ལ་ནི་ཞབས་སོར་དང་། །རྐང་པའི་སེན་སོར་ཞབས་སེན་བརྗོད། །སེམས་ལ་ཐུགས་དང་སྐད་ལ་གསུང་། །གླུ་ལ་མགུར་དང་ལེན་པར་བཞེངས། །མདུན་ལ་དྲུང་དང་འཁྱག་ལ་བསིལ། །བསམ་ལ་དགོངས་དང་ཤེས་ལ་མཁྱེན། །ལྟ་ལ་གཟིགས་དང་ཉན་ལ་གསན། །རྣ་བས་ཚོར་བར་སྙན་གྱིས་གསན། །ཁྱོད་ལ་ཁྱེད་དང་ཁོ་ལ་ཁོང་། །འགྲོ་ལ་བྱོན་དང་དང་འདུག་ལ་བཞུགས། །ལས་ཀར་ཕྱག་ལས་སྙིང་ལ་ཐུགས། །ལངས་ལ་བཞེངས་དང་ཉལ་ལ་གཟིམས། །ཟ་ལ་གསོལ་དང་འཐུང་ལ་བཞེས། །  ཇ་ལ་གསོལ་ཇ་ཆང་གསོལ་ཆང་། །བཏུང་བར་སྐྱེམས་དང་གཉིད་ལ་མནལ། །ཤ་ལ་ཀྲུམ་དང་ཁྲག་ལ་མཚལ། །སྦྱིན་ལ་འབུལ་དང་བཟུང་ལ་སྣོམ། །

༄༅། །ཆོས་རྗེ་འགྲོ་བའི་མགོན་པོ་གཙང་པ་རྒྱ་རས་ཀྱིས་མཛད་པའི་མ་འཕྲེང་སྙིང་རྗེའི་རྒྱ་མཚོ་ཞེས་བྱ་བ་བཞུགས། ༈ ཡང་ཉི་མ་ཕྱི་མ། ཚོགས་པ་ལ་མང་ཇ་ཞིག་གནང་ནས། མ་འཕྲེང་སྙིང་རྗེའི་རྒྱ་མཚོ་འདི་གསུངས་སོ།། ན་མོ་ལོ་ཀེ་ཤྭ་ར་ཡ། བཀའ་དྲིན་མཉམ་མེད་རྩ་བརྒྱུད་བླ་མ་རྣམས། །དག་པའི་ཞིང་ཁམས་གང་ན་བཞུགས་ལགས་པ། །བདག་ཀྱང་རབ་གུས་གདུང་བས་གསོལ་འདེབས་ཀྱིས། །ད་ལྟ་ཉིད་དུ་ཐུགས་རྗེའི་སྤྱན་གྱིས་གཟིགས། །ཐོག་མེད་དུས་ནས་བདག་ལ་ཕན་བཏགས་པའི། །མ་རྣམས་སྲིད་པའི་རྒྱ་མཚོར་གཏན་འཁྱམས་ཤིང་། །ངན་སོང་གསུམ་གྱི་སྡུག་བསྔལ་དཔག་མེད་མྱོང་། །ཁྱད་པར་ད་ལྟའི་སྐྱེ་བ་འདི་ཉིད་ལའང་། །ལུས་ལ་བཅངས་ཤིང་རོལ་ཁའི་འབུ་ལྟ་བུ། །འགུལ་བསྐྱོད་སྨྲ་བརྗོད་བླང་དོར་ཅང་མི་ཤེས། །མི་གཙང་བ་སྤུ་གཉེར་མའི་བང་རིམ་ཅན། །བདག་གི་བུ་ཞེས་ལུས་ཀྱི་དྲོད་ལ་གཅེར། །བྱམས་པས་བལྟས་ཤིང་སྙན་པའི་མིང་ནས་བོས། །བརྩེ་བའི་སེམས་ཀྱིས་སོར་བཅུའི་རྩེ་ལ་བླངས། །ཤལ་ཤོལ་འཐུངས་ནས་ནུ་ཞོའི་རྒྱུན་གྱིས་བསྐྱངས། །ཁ་ཟས་ལྕེས་སྙོད་གཤང་གཅི་ལགས་པས་ཕྱིས། །སྐྱོན་རྣམས་སྦས་ཤིང་ཡོན་ཏན་ཕྱོགས་བཅུར་བསྒྲགས། །ཉམ་ཐག་ལྷུང་ཡང་བདག་ཉིད་སྙིང་ལ་བཅངས། །ལེགས་པའི་གོས་བསྐོན་མཛེས་པའི་རྒྱན་ཆ་བཏགས། །ཇི་ལྟར་འདུག་ཀྱང་བདག་གི་སེམས་ལས་མེད། །ན་ཡིས་དོགས་ནས་རི་ཀླུངས་རྗེས་ཀྱིས་བཀང་། །ཤི་ཡིས་དོགས་ནས་མཆི་མའི་ཆར་པ་ཕབ། །སྡིག་སྡུག་གཏམ་ངན་མཐའ་དག་ཁྱད་བསད་ནས། །འབད་པས་བསྒྲུབས་པའི་ནོར་རྫས་བདག་ལ་སྦྱིན། །

ཀུན་བཟང་བླ་མའི་ཞལ་ལུང་ནང་གི་ཀོང་པོ་འབེན་གྱི་གཏམ་རྒྱུད་དེས་ང་ཚོ་ལ་བློ་སྐྱེད་ཅིག་སྟེར་སྲིད།  ཡུལ་ཀོང་པོ་ན་ཀོང་པོ་འབེན་བྱ་བ་གླེན་པ་ཞིག་ཡོད། ཐེངས་གཅིག་ཁོ་རང་དབུས་སུ་ཇོ་བོ་མཇལ་དུ་ཕྱིན། ཇོ་བོའི་མདུན་ན་ལྷ་གཉེར་སོགས་གཞན་སུ་ཡང་མེད་སྐབས་ཤིག་ལ་དྲུང་དུ་སོང་ནས། མཆོད་པའི་ཞལ་ཟས་དང་མར་མེ་རྣམས་མཐོང་བས་ཞལ་ཟས་ཀྱི་ཟན་འདི་རྣམས་མར་མེའི་མར་ཁུ་ལ་སྤགས་ནས་ཇོ་བོ་རིན་པོ་ཆེས་གསོལ་བ་ཡིན་ས་རེད། མར་ཁུ་རྣམས་མི་བཀག་པའི་ཆེད་དུ་མེ་སྦར་བ་ཡིན་ས་རེད། ངོ་བོ་ཁོང་གིས་ཇི་ལྟར་གསོལ་བ་ལྟར་བདག་གིས་ཀྱང་དེ་བཞིན་ཟ་དགོས་སྙམ་པས། ཞལ་ཟས་ཀྱི་རྩམ་པ་མར་མེའི་མར་ཁུ་ལ་བསྒྲེས་ནས་ཟོས། ཇོ་བོའི་ཞལ་ལ་བལྟས་ཏེ། ལྷ་བཤོས་ཁྱི་ཡིས་ཁྱེར་ཀྱང་འཛུམ་དམུལ་དམུལ། མར་མེ་རླུང་གིས་ཁྱེར་ཀྱང་འཛུམ་དམུལ་དམུལ་བྱེད་པ་བླ་མ་བཟང་། ངའི་ལྷམ་འདི་ཁྱེད་ལ་བཅོལ་བ་ཡིན་པས་ཉར་ཚགས་གྱིས་དང༌། ངས་ཁྱོད་ལ་སྐོར་བ་ཞིག་བྱ་འོང་ཞེས་བཤད། ལྷམ་ཕུད་དེ་ཇོ་བོའི་པང་དུ་བཞག་ནས་སྐོར་བར་སོང་། ཤུལ་ནས་ལྷ་གཉེར་འོང་ནས་ལྷམ་ཕྱིར་འདོར་བ་བརྩམས་ཚེ། ཇོ་བོ་རིན་པོ་ཆེས་གསུང་འབྱོན་ཏེ། དེ་ཀོང་པོ་འབེན་གྱིས་ང་ལ་བཅོལ་བ་ཡིན་པས་མ་འདོར་གསུངས།

 སེར་མོ་བའི་ཕྱག་འབུལ་དང་། སྐྱ་བོའི་ཕྱག་འབུལ་སྟེ་གཉིས་ལས། གཅིག སེར་མོ་བོའི་གུས་ལུགས། ཕྱག་འཚལ་བ་དང་། གཟན་སྐྱུར་འབེབས་པ་སྟེ་བླ་གོས་ཕྲག་པ་གཡོན་དུ་འབེབས་པ། ལག་པ་ཐལ་མོ་སྦྱར་བའོ།། དེ་དག་ལས་ཕྱག་འཚལ་བ་ནི་རང་གི་དད་པ་བྱ་ཡུལ་བླ་ཆེན་དང་། རང་གི་རྩ་བའི་བླ་མ་དང་། སངས་རྒྱས་དང་བྱང་ཆུབ་སེམས་པའི་སྐུ་གསུང་ཐུགས་རྟེན་བཅས་ལ་ཕྱག་འཚལ་བ་ཡིན་ཏེ། དེ་ལ་བརྐྱངས་ཕྱག་དང་། སྐུམ་ཕྱག་གཉིས་ཡོད། བརྐྱངས་ཕྱག་ནི་ལག་ཟུང་གི་ཐལ་མོ་སྤྱི་བོ། །  མགྲིན་པ།  སྙིང་ག་བཅས་སུ་རིམ་པར་བཀོད། དེ་ནས་པུས་མོ་གཉིས་ས་ལ་བཙུགས་རྗེས་ལུས་དང་ལག་ཟུང་བཅས་མདུན་དུ་ཤད་ཀྱིས་བསྐྱངས་ཏེ་ཐོད་པ་ས་ལ་བཏུགས་པ་དེ་ལ་བརྐྱངས་ཏེ་ཐོད་པ་ས་ལ་བཏུགས་པ་དེ་ལ་བརྐྱངས་ཕྱག་དང་། སྐུམ་ཕྱག་གཉིས་ཡོད། བརྐྱངས་ཕྱག་ནི་ལག་ཟུང་གི་ཐལ་མོ་སྤྱི་བོ་མགྲིན་སྙིང་ག་བཅས་ལ་འགོད་ཚུལ་བསྐྱངས་ཕྱག་དང་འདྲ་ཞིང་པུས་མོ་གཉིས་ས་ལ་བཙུགས་རྗེས་ལུས་དང་ལག་ཟུང་པུས་མོའི་འགྲམ་དུ་ས་ལ་བཞག་སྟེ་མདུན་དུ་མ་བརྐྱང་པར་ཐོད་པ་ས་ལ་གཏུག་པ་དེ་ཡིན། ཕྱག་འཚལ་བའི་གུས་ལུགས་དེ་ནི་གཙོ་བོ་ཆོས་དད་དང་འབྲེལ་ནས་བྱུང་བ་ཡིན་ཏེ་ཕྱག་འཚལ་བྱ་ཡུལ་ནི་བླ་མ་དང་། སངས་རྒྱས་ཀྱི་སྐུ་གསུང་ཐུགས་རྟེན་དང་དེ་བཞིན་རང་གི་ཕ་མ་དང་རྒན་རབས་སོགས་འདས་པོའི་སྐུ་ཕུང་བཅས་ལ་མ་གཏོགས་གསོན་པོར་གནས་པའི་སྐྱ་བོའི་དཔོན་རིགས་དང་རང་གི་ཕ་མ་ལའང་ཐོད་པ་ས་ལ་གཏུགས་པའི་ཕྱག་བྱེད་སྲོལ་མེད་པར་སྐྱེས་པ་ཡིན་ན་ལངས་ཏེ་ཞྭ་མོ་ཕུད་པ་དང་བུད་མེད་ཡིན་ན་ལག་གཉིས་སྣོལ་མའི་ཕྱག་འབུལ་ཞུ་བ་ཡིན།