དེ་ནི་སྐབས་འདིར་སློབ་མ་སྣོད་དུ་རུང་བར་བྱ་བའི་གདམས་ངག་ཟུར་ཙམ་གཅིག་བཤད་ན། སློབ་ཁྲིད་གང་ལ་ཉན་བཤད་བྱེད་པའི་སྔོན་དུ། ཉན་པ་པོའི་སྣོད་ཀྱི་སྐྱོན་གསུམ། དྲི་མ་དྲུག མི་འཛིན་པའི་སྐྱོན་ལྔ་སྤངས་ཏེ། བསམ་པ་དད་གུས་དང་ལྡན་པས། སྦྱོར་དངོས་རྗེས་གསུམ་གྱིས་ཟིན་པར་བྱས་ལ་ཉན་དགོས་གསུངས། དེ་ལ་དང་པོ་ཉན་པ་པོའི་སྣོད་ཀྱི་སྐྱོན་གསུམ་སྤང་བ་ནི། སྣོད་ཁ་སྦུབ་པ་ལྟ་བུ་དང༌། སྣོད་ཞབས་རྡོལ་བ་ལྟ་བུ་དང༌། སྣོད་དྲི་མ་ཅན་ལྟ་བུ་དང་གསུམ་ལས། དང་པོ་སྣོད་ཁ་སྦུབ་པ་ལྟ་བུའི་སྐྱོན་སྤང་བ་ནི། དཔེར་ན། སྣོད་ཁ་སྦུབ་ཀྱི་སྟེང་ན་མར་ཆུ་ལ་སོགས་པ་ཇི་སྙེད་བླུགས་ཀྱང་ནང་དུ་ཡེ་མི་ཡོང་བ་ལྟར། འོ་སྐོལ་དང་པོ་སློབ་ཁྲིད་ཉན་ཙ་ན། གཉིད་དང་རྨུགས་པར་སོང་བའི་ཤེས་པ་གཞན་དུ་ཡེངས་པས་སློབ་ཁྲིད་ཉན་ཡང༌། སེམས་ལ་གོ་བ་ཡེ་མི་ཡོང་བས། དེས་ན་སློབ་ཁྲིད་ཉན་པའི་ཚེ། དཔེར་ན། སྣོད་ཁ་སློག་ནས་ཆུ་ལ་སོགས་པ་བླུགས་པ་བཞིན་དུ། གཉིད་དང་རྨུགས་པ་ལ་སོགས་པའི་སྐྱོན་དེ་དག་སྤངས་ལ། ཤེས་པ་མ་ཡེངས་པར་སེང་ངེ་བྱས་ལ་ཉན་འཚལ།

སློབ་ཁྲིད་ཉན་པའི་ཚེ་དགེ་རྒན་ལ་གུས་པར་བྱ་བ་ནི་གསུམ་སྟེ། ལུས་གུས་པ་དང༌། ངག་གུས་པ། ཡིད་གུས་པའོ། །དང་པོ་ལུས་མ་གུས་པ་སྤངས་ཤིང་གུས་པར་བྱ་བ་ནི། རང་དམའ་བར་འདུག་ལ་མཉན་དགོས་པ་ནི། རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་རྣམ་པར་བསྐྱེད། །ཚིག་གི་བདུད་རྩི་འཐུང་བཞིན་དུ། །རིམ་གྲོ་བསྐྱེད་དེ་རབ་ཉོན་ཅིག །ཅེས་པ་སྟེ་རྐང་པ་བརྐྱང་པ་དང༌། གཞོགས་མཉེས་བྱས་ཏེ་མཉན་དུ་མི་རུང༌། ཙོག་པུར་འདུག་སྟེ། མདུན་བསྟན་ལ་མཉན་པར་འཚལ། ངག་གི་མ་གུས་པ་སྤངས་ཤིང་གུས་པར་བྱ་བ་ནི། སློབ་ཁྲིད་ཉན་པའི་བར་ལ་ངག་གི་སྤྱི་གཏོལ་དང་གཏམ་ཤབ་ཤུབ་ཡེ་མི་བྱ་བར། སློབ་ཐུན་གྱི་འགོ་གཞུག་བར་དུ་རྩེ་གཅིག་གིས་མཉན་པར་བྱ། ཡིད་མ་གུས་པ་སྤངས་ཤིང་གུས་པར་བྱ་བ་ནི། སློབ་ཁྲིད་ཀྱི་ནང་དོན་ཟབ་དང་མི་ཟབ་ཅི་ཚོད་འདུག་བལྟའོ། །ངའི་བློ་ལ་ཡོད་པ་དང་མཐུན་ནམ་མི་མཐུན་བལྟའོ། །དགེ་རྒན་འདི་རང་ལ་ཤེས་ཚོད་དང་གོ་ཚོད་ཅི་ཚོད་འདུག་བལྟའོ་སྙམ་དུ་ཤེས་པ་བརྒྱང་ངེ་ཅོག་གེ་བས་སློབ་ཁྲིད་མཉན་དུ་མི་རུང་བས། ཡིད་མ་གུས་པའི་སྐྱོན་དེ་དག་སྤངས་ཏེ་ཚུལ་བཞིན་དུ་མཉན་པར་བྱའོ། །སྒོ་གསུམ་གུས་པ་དང་ལྡན་པའི་སློབ་ཁྲིད་མཉན་པར་བྱ་བ་ནི། ཕུ་ཆུ་རྫིང་དང་ས་རླན་དང༌། །

༄༅། །ཕ་མའི་དྲིན་ལན་བསབས་པའི་སྙིང་བོ་བསྡུས་པ་བཞུགས་སོ།།   བིས་པ་ངག་དབང་མི་ཕམ་ཟླ་བས་མཛད། ན་མོ། དུས་གསུམ་སངས་རྒྱས་ཐམས་ཅད་ཀྱི། །མཁྱེན་བརྩེ་ནུས་པའི་རང་གཟུགས་སྤྱན་རས་གཟིགས། །བླ་མ་སྐལ་ལྡན་རྒྱ་མཚོ་ཐུགས་རྗེ་ཅན། །བདག་གི་དྲིན་ཅན་ཕ་མ་ཐུགས་རྗེས་སྐྱོངས། །

སློབ་མ་ལ་སྤྲིངས་པའི་སྤྲིངས་ཡིག་བཞུགས་སོ།  ། རྒྱ་གར་སྐད་དུ། ཤིཀྵ་ལེ་ཁ། བོད་སྐད་དུ།   སློབ་མ་ལ་སྤྲིངས་པའི་སྤྲིངས་ཡིག   ཙན་དྲ་གོ་མི།