Featured on ཞིབ་འཇུག

རྩོམ་པ་པོ། ཨེ་པ་བསོད་ནམས་རིན་ཆེན། སྔོན་གླེང་།   སྤྱིར་ཉི་ཟླ་གཟའ་གཉིས་ནི་ངེད་མིའི་རིགས་འཚོ་བའི་ས་ཡི་གོ་ལ་འདི་དང་འབྲེལ་བ་ཆེས་ཉེ་བའི་སྐར་ཁྱིམ་གྱི་གོ་ལ་ཞིག་ཡིན་པར་མ་ཟད། དམིགས་བསལ་འགྲོ་བ་མིའི་རིགས་ཀྱི་ལུས་ཁམས་ཀྱི་བདེ་སྡུག་དང་ཐད་ཀར་རྟེན་ལྟོས་ཀྱི་འབྲེལ་བ་ཡོད་པའི་གཟའ་སྐར་གཙོ་བོའ་ིགྲས་ཤིག་ཀྱང་ཡིན། བོད་རྩིས་རིག་པའི་ནང་ཟླ་ཉི་སོ་སོའ་ིདཀར་ཆའི་འཕེལ་གྲིབ་དང་། འབྱུང་ཁམས་བགྲོད་ཚུལ་སོགས་རྩ་བའི་ཤེས་བྱ་རྣམས་སྤྱི་བསྡོམས་ཀྱི་ཚུལ་དུ་གསུངས་པ་ཙམ་ལས། བྱེ་བྲག་དངོས་པོའི་གྲུབ་ཚུལ་འདི་དང་འདི་ཡིན་ཞེས་ཕྱི་ལུགས་གནམ་རིག་ཚན་རིག་པས་འགྲེལ་བརྗོད་བྱས་པ་ལྟར་གསལ་ཁ་མེད་ཅེས་གླེང་ཆོག

           རྩོམ་པ་པོ།  དྷི་ལྷ་ལྡན།    བརྗོད་སྙིང་། རྒྱལ་པོ་དག་གི་མཚན་ཟུར་གྱི་ལྡེ་ནི་ལྷ་ཞེས་པའི་དོན་དང་། སྒྲུང་ལྡེའུ་བོན་གསུམ་གྱི་ལྡེའུ་ནི་བོད་ཀྱི་གཏམ་དཔེ་ལྟ་བུ་བསྟན་དོན་སྦས་ནས་སྟོན་པའི་རྣམ་པ་ཞིག་གོ ། ཐ་སྙད་གཙོ་བོ། ལྡེ། དེ་བ། སྡེ་བ། ལྷ། ལྡེའུ། ལྡེམ་པོར་བསྟན་པ། ལྡེ་མིག རང་རེའི་སྔོན་གྱི་བཙན་པོ་དག་གི་མཚན་ཟུར་དུ་ལྡེ་ཞེས་པ་ཤིན་ཏུ་མང་སྟེ།…

སྔོན་བརྗོད། སྐྱིད་ཤོད་སྡེ་པ་ཆོས་རྗེ་བསྟན་འཛིན་བློ་བཟང་རྒྱ་མཚོ་ (༡༥༩༣-༡༦༣༨) ནི། དགེ་ལྡན་པའི་བླ་ཆེན་ཞིག་ཡིན་པར་མ་ཟད། བོད་དུ་ཆོས་སྲིད་གཉིས་ཀའི་སྒོ་ནས་གྲགས་པ་ཅན་ཞིག་ཡིན་ལ། རྗེ་འདིའི་ཡབ་མེས་ལ་སྐྱིད་ཤོད་སྡེ་པ་དང་། སྡེ་པ་དགའ་ལྡན་པ་ཞེས་གྲགས་ཤིང་། དེ་ཡང་སྐྱིད་ཤོད་ནི་ཡུལ་དང་། འདིའི་སྐབས་ཀྱི་དགའ་ལྡན་ནི་རུས་མིང་ཡིན། དུས་རབས་བཅུ་དྲུག་པའི་ནང་བོད་ཡུལ་དབུས་ཀྱི་ལྟེ་བ་ལྷ་ས་སྐྱིད་ཤོད་ཀྱི་ཡུལ་གྲུ་ཀུན་སྐྱིད་ཤོད་སྡེ་པ་ཆོས་རྗེའི་ཡབ་མེས་ཀྱི་དབང་འོག་ཏུ་ཡོད་སྣང་།