མཛད་པ་པོ། ༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་མཆོག   ༄༅། །སྨྲ་བ་ངག་གི་དབང་ཕྱུག་འཇམ་པའི་དབྱངས། །དབྱངས་ཅན་ལྷ་མོའི་གཙུག་ལག་འདོད་འཇོའི་དཔལ། །དཔལ་ལྡན་ཚངས་པ་སྡེ་བཞིའི་བང་མཛོད་འཛིན། །འཛིན་མའི་མངའ་བདག་རྣམས་ཀྱིས་ཤིས་པ་སྩོལ། །ཆོས་དང་སྲིད་ཀྱི་ཚིག་དོན་ཟབ་བརླིང་སྒྲ། །སྙན་ངག་པི་ཝཾ་རྒྱུད་ཀྱིས་གླུར་བླངས་ན། །རྣམ་དཔྱོད་ལང་ཚོ་རྒྱས་པའི་ཤེས་ལྡན་རྣར། །འཇེབས་ཀྱང་ཕལ་ཆེར་ཐོས་འཛིན་ཚེར་མ་ཉལ། །དེ་ཕྱིར་མཆོག་དམན་ཀུན་གྱིས་ལེགས་རྟོགས་པའི། །འབོལ་རྩོམ་ཚིགས་སུ་བཅད་པའི་མུ་ཐིལ། །ཆིང་གིས་གནམ་གྱི་རིགས་ལས་མི་བདག་མགུལ། །མཛེས་བྱེད་དོ་ཤལ་འཕྲེང་བས་རྒྱན་དུ་སྤུད། ། དེང་དུས་རྒྱ་གར་རྒྱ་ནག་ཧོར་བོད་སོགས། སྔོན་བྱུང་ཡ་རབས་ངང་ཚུལ་ལུགས་གཉིས་ཁྲིམས། །ཆེར་ནུབ་ངན་སྤྱོད་ངོ་སོར་འཁྱེར་དུས་འདིར། །ལེགས་པར་བཤད་ཀྱང་ཙཱུ་ཏའི་རྐང་གཉིས་བཞིན། །བྱང་བསྟན་ཕུག་པར་རྟ་ལྗང་ཅན་གྱི་ཟེར། །མི་འཇུག་དངོས་པོའི་གཤིས་ལ་བཅོས་མེད་ཀྱང་། །ཕྱོགས་གཞན་བུག་པར་ཤར་བའི་སྣང་བ་ཡིས། །འཐིབས་བུའི་སྨག་རུམ་སེལ་བ་འགའ་འབྱུང་སྙམ། །ལྷ་ཆོས་ལྟ་ཞོག་མི་ཆོས་བྱ་བཞག་ཀྱང་། །ལམ་དུ་རྒྱུགས་པ་བསོད་ནམས་ལ་རགས་པས། །དཀོན་མཆོག་མཆོད་དང་ངན་ལོང་སྦྱིན་གཏོང་སོགས། །ལེགས་བྱས་སྤེལ་བའི་ཚོགས་ཆེན་གསོག་པ་གནད། །

༄༅། །ཇ་ཆང་ལྷ་མོའི་རྩོད་གླེང་བསྟན་བཅོས་བཞུགས་སོ།།   རྩོམ་པ་པོ། བོན་གྲོང་མཁས་པ་ཚེ་བརྟན་ཡེ་ཤེས།     ཡུལ་བག་ཆགས་སྣང་བའི་གྲོང་ཁྱེར་ཞེས་པར། རྗེ་རང་རིགས་རྒྱལ་པོ་འཁོར་བཅས་དཔལ་འབྱོར་ལྷུན་གྲུབ་ཁང་དུ་འཚོགས་ཏེ་བཟང་བཏུང་ལོངས་སྤྱོད་ཀྱིས་དགྱེས་སྟོན་རྒྱ་ཆེར་རོལ་བ་མངོན་པར་ཕྱོགས་པ་དེའི་ཚེ། རྗེ་ཉིད་ཀྱི་དགོངས་པར་ཆང་འདི་བཏུང་ཆེས་ན་འཕྲལ་ཉམས་དགའ་ཡང་རྟིང་སོར་ཤེས་པ་ཉོག་ཅིང་ཁམས་མི་བདེ་བའི་ཆོས་ཅན་ཁོ་ན་ཡིན་གཤིས།

ཁ་བྱང་འདོན་མཁན།   སྨྱུག་སྨྱོན། འགན་འཁྲིའི་རྩོམ་སྒྲིག་པ།   གཉལ་བཀྲ་ཤིས་བསྟན་པ། ཁ་བྱང་གཅིག་པའི་སྙན་ངག་རྩོམ་མཁན་མཚན་ཐོ། སྲིད་མྱུལ་འཁྱམ་མོ།    བུ་ཚེ་རིང་རྒན་པ།   ཕོ་ཉ་དམར་པོ།  གངས་གཡག་ཚེ་རྒྱམ།  ལྷུན་གྲུབ།  གཉལ་བཀྲ་ཤིས་བསྟན་པ།   རིག་པའི་རྗེས་འགྲོ།  དབང་ཕྲུག་བཀྲ་ཤིས།  མདུན་བསྐྱོད།   སྤེན་ཚེ་གཞོན་པ།  ཞིམ་མྱོས།   ཞང་ཞུང་བུ་རྒྱུད   བུ་རིག་དབང་།  ཤངས་སའི་རྩྭ་ཉག  ཤེས་བརྩོན།   ཤངས་སྲས་ཅོད་པན།    གདོང་ལྔའི་ང་རོ།    ལྷ་ཁྲོང་ཟླ་བཟང་།   རྡོ་ཐང་།  གངས་རྒོད།   རྐྱང་རྒོད།   འབྲོང་བུ།   རྒྱང་འགྲུལ་པ།   སྨྱུག་རྩ།  ཟླ་བ་བཀྲ་ཤིས། གསལ་བཤད།  ཁ་བྱང་འདོན་པ་པོ་དང་།  བུད་མེད་རྩོམ་མཁན་གསར་པ་ཞིག  རྩོམ་པ་པོ་རྒན་གྲས་རེ་གཉིས།   རྩོམ་ཡིག་ལེགས་པ་རེ་གཉིས་མདུན་དུ་སྤེལ་བ་ཕུད་བྱིངས་ཚང་མར་ལེགས་ཉེས་ཀྱི་གོ་རིམ་མེད་དོ།།

གངས་གཙང་འབྲོག་གཙང་ནི། ཕ་ཡུལ་བཞད་མཐོང་སྨོན་རྫོང་རྩེ་ཤོད་འབྲོག་སྡེ་རུ་ཕྱུག་མོར་ལྟེ་ཁྲག་འཕོས་ཤིང་། ད་བར་དབྱངས་གསལ་སོ་བཞི་ཁོ་ནར་དུང་དུང་ཞེན་ཞེན་བགྱིས་ཏེ་རྩོམ་འབྲིའི་ལས་ལ་སྤྲོ་བ་ཆེ་བའི་ན་གཞོན་ཞིག་ཡིན་ཞིང་། སྔ་ཕྱིར་དེབ་ཚགས་དང་དྲྭ་འཕྲིན་སོགས་སུ་བརྩམས་ཆོས་མང་དུ་སྤེལ། ལོ་འདིའི་ཟླ་བདུན་པར་༼སོར་སྨྱུག་གི་ལང་ཚོ།༽བྱ་བའི་སྲོལ་རྒྱུན་སྙན་ངག་གམ་ཚིགས་བཅད་སྙན་ངག་ཕྱོགས་བསྒྲིགས་ཤིག་དཔར་དུ་བསྐྲུན།

གཙང་གི་ཁ་བྱང་གཅིག་པའི་རྩོམ་ཡིག་སྤེལ་ཐེངས་ཉེར་གཉིས་པ།    ༄༅། །སོ་ནམ་ལོ་གསར་འཛུམ་གྱིས་བསུ།  སེམས་ཀྱི་རང་སྒྲ། བཀྲ་ཤིས་ཉི་མ་གངས་ཅན་ཡུལ་ལ་ཤར། ། བཀྲ་ཤིས་ཟླ་བ་སྐར་ཚོགས་རྒྱན་དུ་ཕེབས། ། བཀྲ་ཤིས་སྐར་ཚོགས་རྟེན་འབྲེལ་བཟང་གསུམ་གྱིས། ། བཀྲ་ཤིས་སྨོན་ཚིག་ལྷ་ལྡན་གཉིས་པར་འབུལ། །   བཀྲ་ཤིས་གཟིམ་ཆུང་ཀ་བཞི་གདུང་བརྒྱད་ནང། ། བཀྲ་ཤིས་ཕ་སྤུན་འཛོམས་པའི་རྟེན་འབྲེལ་བཟང། ། བཀྲ་ཤིས་བདེ་ལེགས་ཤིས་ཚིག་སྨོན་བཟང་ཁྲོད། ། བཀྲ་ཤིས་བཞུགས་གྲལ་འཇའ་ཚོན་དར་ལས་བཀླུབས། །   བཀྲ་ཤིས་ལོ་གསར་དུས་བཟང་ཉིན་མོ་འདིར། ། བཀྲ་ཤིས་ལོ་ལེགས་སྦྲང་རྩིའི་མཆོད་ཆང་བཞེས། ། བཀྲ་ཤིས་གཡང་དཀར་ལུག་མགོའི་སྡེར་ཁ་འདི། ། བཀྲ་ཤིས་འབྲོག་ལས་འཕེལ་བའི་རྟེན་འབྲེལ་ཕུལ། །  

༄༅།། རི་བོ་དགེ་ལྡན་པའི་བསྟན་པའི་སྲོག་ཤིང་ཆེན་པོ་དགའ་ལྡན་ཁྲི་ཐོག་བརྒྱ་བ་༧རྗེ་བཙུན་བློ་བཟང་ཉི་མ་མཆོག་གིས་མཛད་པའི་༧སྐྱབས་མགོན་ས་སྐྱ་གོང་མ་མཆོག་གི་ཞབས་བརྟན་དཔལ་ལྡན་བླ་མ་དམ་པ་ཞེས་བྱ་བ་བཞུགས་སོ།།   ༄༅།། གཞུང་བརྒྱ་སྨྲ་བའི་ངག་ལ་དབང་ཐོབ་ཅིང་།། མཁས་ཀུན་དགའ་བ་བསྐྱེད་པའི་ལེགས་བཤད་གཏེར།། བླ་མེད་ཐེག་ཆེན་ལུང་རྟོགས་བསྟན་པའི་རྒྱན།། མཚན་སྙན་ས་གསུམ་དཔལ་འབར་ཁྱོད་ལ་འདུད།། གང་གི་གསང་གསུམ་ལས་བཞིའི་ཕྲིན་ལས་ནི།། གདུལ་བྱའི་རེ་ཀུན་སྐོང་བའི་བསམ་འཕེལ་ནོར།། ཡིད་བཞིན་དབང་གི་རྒྱལ་པོ་འགྲོ་མགོན་རྒྱལ།། གཡོ་མེད་བསྐལ་བརྒྱའི་བར་དུ་བརྟན་བཞུགས་གསོལ།། བློ་གྲོས་དྲི་མེད་ཆུ་ཤེལ་དཀྱིལ་འཁོར་ལས།། རྣམ་དཔྱོད་འོད་དཀར་བསིལ་ཟེར་སྟོང་འབྱེད་པ།། འགྲོ་ཀུན་རྨོངས་མུན་དྲུང་ནས་འབྱིན་མཛད་པའི།། དཔལ་ལྡན་བླ་མ་དམ་པ་བརྟན་བཞུགས་གསོལ།། རྣམ་འདྲེན་བཞི་པའི་ལུང་རྟོགས་བསྟན་པའི་དཔྱིད།། ཚད་མ་བཞི་དང་སྙན་བརྒྱུད་བཞི་ལྡན་གྱི།། རྒྱལ་བསྟན་ས་གསུམ་ཁྱོན་ལ་དབང་བསྒྱུར་བའི།། མགོན་ཁྱོད་ཐུགས་བསྐྱེད་བརྟན་པོས་བརྟན་བཞུགས་གསོལ།། མདོར་ན་གངས་ཅན་མགོན་པོའི་ཐུགས་བསྐྱེད་བཞིན།། གངས་ལྗོངས་རྒྱལ་བསྟན་བཞེད་སྲོལ་ཇི་སྙེད་ཀུན།། དམ་གཙང་འོ་ཆུ་གཅིག་ཏུ་འདྲེས་པ་ཡི།། རིས་མེད་རྒྱལ་བསྟན་སྤེལ་བའི་གཉེན་གྱུར་ཅིག །