༄༅། །ཨྃསྭསྟི། དང་པོའི་སངས་རྒྱས་རྒྱལ་བ་རབས་བདུན་དང་། །རིགས་ལྡན་ཉེར་ལྔ་སྟོབས་ལྡན་འཁོར་ལོ་ཆེར། ། སྙིང་ནས་འདུད་དོ་འདི་ནས་འཕོས་མ་ཐག །ཞིང་མཆོག་ཤམྦྷ་ལ་རུ་དྲང་དུ་གསོལ།། ༈ ན་མོ་ལོ་ཀེ་ཤྭ་རཱ་ཡ། ཧྲི༔  འཇིག་རྟེན་མགོན་པོ་བླ་མ་སྤྱན་རས་གཟིགས། །བདག་སོགས་ལས་ངན་རིགས་དྲུག་སེམས་ཅན་རྣམས། །གཅིག་ལ་གཅིག་གནོད་བསམ་སྤྱོར་ཞི་བ་དང་། །ཕན་ཚུན་དག་སྣང་འབྱོངས་པར་བྱིན་གྱིས་རློབས། དེ་ཡང་། བདག་ཉིད་བྲག་སྐྱ་སེང་བདེ་ཕྲུག་ཅེས་བྱ་བའི་དབེན་གནས་ཤིག་ན། མཚན་དུས་དགེ་སྦྱོར་གྱི་རྒྱུན་ལ་ཅུང་ཟད་གནས་པའི་ཚེ། ནམ་སྲོད་ཙམ་ལ་སྤྱིལ་བུའི་ནང་དུ་སྔོན་མེད་ཚིག་ཚོབ་དང་། ཐོ་ཅོའི་སྒྲ་ཆེན་པོ་ཞིག་བྱུང་བས་ཅི་ཡིན། སྔར་ངའི་གནས་འདི་དབེན་ཞིང་སོས་བསོད་པ་ལ། ད་རེས་ནི་ཐུག་ཆོམ་དང་འ་འུར་གྱི་སྒྲ་ཆེན་པོ་དེ་ཅི་རང་ཡིན། སྒོམ་ཆེན་མཆོད་སྡོར་ཞན་པས་རླུང་ལངས་པ་ཡིན་ནམ། ཆོམ་རྐུན་དང་ལྷ་འདྲེའི་འཕྲུལ་ཞིག་ཡིན་ནམ། དགེ་སྦྱོར་གྱི་འཕྲོ་ཡང་སྟོར། ཅུང་ཞིག་ཧར་ཏེ་ལུས་བྱུང་།

རོང་སྟོན་སྨྲ་བའི་སེངྒེས་ (1367-1449) མཛད་པའི་རྗེ་བཙུན་དམ་པ་རྒྱ་གར་ལ་བསྟོད་པ་བྱིན་རླབས་ཀྱི་ཆར་འབེབས་ཞེས་བྱ་བ།   བླ་མ་དང་ལྷག་པའི་ལྷ་ལ་ཕྱག་འཚལ་ལོ། །རྒྱལ་བ་ཀུན་གྱི་བྱིན་རླབས་གཅིག་བསྡུས་ཤིང༌། །གྲུབ་པའི་རིག་འཛིན་ཀུན་གྱི་གཙོར་གྱུར་པ། །རྫུ་འཕྲུལ་སྟོབས་ཀྱིས་འགྲོ་བ་དཔག་མེད་རྣམས། །ཞི་ལམ་འགོད་པའི་ཚད་མེད་ཐུགས་རྗེ་ཅན། །རྒྱ་གར་གནས་སུ་དམ་ཆོས་ཉི་མ་ཡིས། །རྟོགས་པའི་འདབ་བརྒྱ་རབ་ཏུ་རྒྱས་མཛད་དེ། །གྲུབ་ཐོབ་ཀུན་གྱི་མན་ངག་ཐུགས་ལ་རྫོགས། །བདེ་གཤེགས་རྒྱ་མཚོའི་ཞལ་ཡང་མངོན་སུམ་མཐོང༌། །འཕགས་པའི་བདེན་མཐོང་གཟིགས་པ་མངོན་ཤེས་ཐོབ། །ཡང་ཡང་གངས་རིའི་ཁྲོད་འདིར་དམ་ཆོས་ཀྱིས། །མ་རིག་མུན་པ་སེལ་བའི་འཕྲིན་ལས་ཅན། །དཔག་མེད་གདུལ་བྱ་ཐར་པའི་ལམ་ལ་བཀོད། །ཡང་དག་ལྟ་བའི་རྟོགས་པ་བསྐྱེད་མཛད་ཅིང༌། །གང་གི་གསུང་ངག་ཆ་ཤས་ཐོས་པས་ཀྱང༌། །རྨད་བྱུང་ཡོན་ཏན་དཔག་མེད་ཐོབ་མཛད་པའི། །དམ་པ་རྒྱ་གར་ཞབས་ལ་ཕྱག་འཚལ་ལོ། །གང་ལ་ཅུང་ཟད་བསྟོད་པའི་དགེ་ཚོགས་ཀྱིས། །བྱིན་རླབས་འོད་ཟེར་ཡིད་ལ་འབྱུང་འགྱུར་ཞིང༌། །སྲིད་མཚོར་གནས་པའི་འགྲོ་བ་མ་ལུས་པ། །རིམ་གྱིས་ཐར་པའི་ཁང་བཟང་འཇུག་གྱུར་ཅིག །ཅེས་རོང་སྟོན་ཆེན་པོས་སླར་ཡང་ནཱ་ལེནྡྲའི་དགོན་པར་སྦྱར་བའོ།།  །།

དགའ་དད་སྤྲོ་གསུམ་ངང་༧རྗེ་བཙུན་བླ་མ་བློ་བཟང་ཐར་པའམ་དགའ་ལྡན་རྒན་སྙན་གྲགས་རིན་པོ་ཆེ་མཆོག་གི་འཁྲུངས་སྐར་བསུ། ————————————————————— བླང་དོར་གནས་ལུགས་བཀྲལ་ལ་ཟླ་མེད་པ། ། ཕུལ་བྱུང་མཁས་པའི་དབུས་ཀྱི་གཙུག་རྒྱན་ཞིག ། ཉེར་གཅིག་དུས་རབས་ཞི་བདེར་བསྒྱུར་མཛད་པའི། ། དུས་ཀྱི་སློབ་དཔོན་ཆེན་མོའི་འཁྲུངས་སྐར་བསུ། ། སྨོན་འདུན་གྱིས།

དགེ་སློང་རབ་གསལ་གྱི་རྨི་ལམ་ཉམས་སྣང་། ༄༅། །ཨོཾ་སྭ་སྟི།  བླ་མ་དང་ལྷ་མོ་དཔྱངས་ཅན་མ་ལ་ཕྱགས་འཚལ་ལོ། །དེ་ཡང་སྤྲུལ་པའི་ལྷ་མོས་རྨི་ལམ་དུ་ལུང་བསྟན་པའི་བསྟན་བཅོས་གཏན་གྲོགས་བཅུད་མེད་ཀྱི་ཟུར་རྩ་རབ་གསལ་ཞེས་བྱ་བ། དེ་ཡང་དུས་རེ་ཞིག་རི་ཁྲོད་དགོན་པར་མཚམས་ཀྱི་བཅད་རྒྱར་བཞུགས་ཡོད་བའི་ཚེ། རྨི་ལམ་ཉམས་སྣང་ལྟ་བུ་ལ་བུ་མོ་གཞོན་ནུ་མཛེས་མ་རིན་པོ་ཆེའི་རྒྱན་དུ་མ་སྤྲས་པ་ཞིག་ཞལ་རས་ལ་བུ་རམ་གྱི་སྨུག་ཙི་སྤུ་རིས་བྲིས་པ་ཕྱག་ཏུ་ཆོས་ཉིད་སྟོང་པའི་རང་སྒྲ་སྒྲོགས་པའི་པི་ཝང་བསྣམས་པ་ཞིག་འཛུམ་པའི་མདངས་དང་ལྡན་པས་ཟུར་མིག་མདའ་བཀང་སྟེ། །བདག་གི་བྱད་བཞིན་པདྨོའི་མེ་ལོང་ལ་བལྟས་ནས་པི་ཝང་གི་སྒྲ་བཅུག་ནས་གསེར་གྱི་འཛུབ་རྐྱུས། ཨིནྡྲ་ནི་ལས་ཁྲ་བཀོད་པའི་ཕྱག་སོར་གྱིས་བསྒྱུར་ཏེ། ཆོས་དང་འཇིག་རྟེན་གྱི་འབྲེལ་གཏམ་བརྗོད་ཅིང་བདག་ལ་དགའ་མགུར་སྤྱོད་པའི་རྣམ་གྱུར་སྟོན་དུ་བྱུང་བ་ལ། འདི་མཁའ་འགྲོ་མ་ཞིག་ཡིན་ནམ། ཡང་ན་བདུད་མོའི་སྤྲུལ་པ་ཞིག་ཡིན་ནམ། ཡང་ན་བདུད་མོའི་སྤྲུལ་པ་ཞིག་ཡིན། ཅི་ཡིན་ཀྱང་བུད་མེད་སྐྱོན་གྱི་རྩ་བ་ཡིན་པས་སྤོང་བ་ལས་འོས་མེད།

མཛད་པ་པོ། ༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་མཆོག   ༄༅། །སྨྲ་བ་ངག་གི་དབང་ཕྱུག་འཇམ་པའི་དབྱངས། །དབྱངས་ཅན་ལྷ་མོའི་གཙུག་ལག་འདོད་འཇོའི་དཔལ། །དཔལ་ལྡན་ཚངས་པ་སྡེ་བཞིའི་བང་མཛོད་འཛིན། །འཛིན་མའི་མངའ་བདག་རྣམས་ཀྱིས་ཤིས་པ་སྩོལ། །ཆོས་དང་སྲིད་ཀྱི་ཚིག་དོན་ཟབ་བརླིང་སྒྲ། །སྙན་ངག་པི་ཝཾ་རྒྱུད་ཀྱིས་གླུར་བླངས་ན། །རྣམ་དཔྱོད་ལང་ཚོ་རྒྱས་པའི་ཤེས་ལྡན་རྣར། །འཇེབས་ཀྱང་ཕལ་ཆེར་ཐོས་འཛིན་ཚེར་མ་ཉལ། །དེ་ཕྱིར་མཆོག་དམན་ཀུན་གྱིས་ལེགས་རྟོགས་པའི། །འབོལ་རྩོམ་ཚིགས་སུ་བཅད་པའི་མུ་ཐིལ། །ཆིང་གིས་གནམ་གྱི་རིགས་ལས་མི་བདག་མགུལ། །མཛེས་བྱེད་དོ་ཤལ་འཕྲེང་བས་རྒྱན་དུ་སྤུད། ། དེང་དུས་རྒྱ་གར་རྒྱ་ནག་ཧོར་བོད་སོགས། སྔོན་བྱུང་ཡ་རབས་ངང་ཚུལ་ལུགས་གཉིས་ཁྲིམས། །ཆེར་ནུབ་ངན་སྤྱོད་ངོ་སོར་འཁྱེར་དུས་འདིར། །ལེགས་པར་བཤད་ཀྱང་ཙཱུ་ཏའི་རྐང་གཉིས་བཞིན། །བྱང་བསྟན་ཕུག་པར་རྟ་ལྗང་ཅན་གྱི་ཟེར། །མི་འཇུག་དངོས་པོའི་གཤིས་ལ་བཅོས་མེད་ཀྱང་། །ཕྱོགས་གཞན་བུག་པར་ཤར་བའི་སྣང་བ་ཡིས། །འཐིབས་བུའི་སྨག་རུམ་སེལ་བ་འགའ་འབྱུང་སྙམ། །ལྷ་ཆོས་ལྟ་ཞོག་མི་ཆོས་བྱ་བཞག་ཀྱང་། །ལམ་དུ་རྒྱུགས་པ་བསོད་ནམས་ལ་རགས་པས། །དཀོན་མཆོག་མཆོད་དང་ངན་ལོང་སྦྱིན་གཏོང་སོགས། །ལེགས་བྱས་སྤེལ་བའི་ཚོགས་ཆེན་གསོག་པ་གནད། །