སྡེ་དགེའི་བསྟན་འགྱུར་མཚམས་སྦྱོར་མདོར་བསྡུས། ༡༽ སྡེ་དགེའི་བསྟན་འགྱུར་ཞེས་ཡོངས་སུ་གྲགས་པ་ནི། ངོར་ཆེན་རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ཆེན་པོ་ལ་མངའ་གསོལ་བའི་གདན་རབས་སུམ་ཅུ་པ་འཇམ་དབྱངས་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོའི་བཀའ་ལུང་གིས་དགོངས་འགྲེལ་བསྟན་བཅོས་འགྱུར་རོ་འཚལ་པར་དུ་བསྒྲུབ་པར་བསྐུལ་བ་ལྟར། བོད་རབ་བྱུང་བཅུ་གཉིས་པའི་མེ་མོ་སྦྲུལ་ལོ་སྟེ་ཕྱི་ལོ་ ༡༧༣༧ ལོར་ཁམས་སྡེ་དགེའི་རྒྱལ་རབས་ཞེ་གཉིས་པ་ཆོས་རྒྱལ་བསྟན་པ་ཚེ་རིང་གིས་སྦྱིན་བདག་བགྱིས་ཏེ། པར་དུ་བརྐོ་བའི་དབུ་བརྩམས། གླེགས་བམ་བདུན་ཙམ་ཚར་མཚམས་ཆོས་རྒྱལ་དགོངས་པ་རྫོགས་ཀྱང་། དེའི་སྲས་སྡོམ་བརྩོན་རྒྱལ་པོའི་ཚུལ་ཅན་བླ་མ་ཀུན་དགའ་འཕྲིན་ལས་རྒྱ་མཚོས་པར་བརྐོའི་ལས་མཇུག་མཐར་ཕྱིན་པར་བསྐྱངས་ནས་ཤིང་བྱི་ཕྱི་ལོ་ ༡༧༤༤ ལོ་སྟེ་བགྲང་བྱ་བདུན་གྱི་རིང་ལ་ཞུས་དག་དང་བཅས་གྲུབ་པར་མཛད་དོ།།

ཆོ་འཕྲུལ་བསྟོད་པ། མཛད་པ་པོ། ༸རྒྱལ་བ་དགེ་འདུན་གྲུབ་པ་མཆོག ཚེས་གཅིག་གསལ་རྒྱལ་གྱིས་ནི་མཆོད་པའི་ཚེ།། ཚེམས་ཤིང་ས་ལ་བཙུགས་པས་ལྗོན་ཤིང་སྐྱེས།། དཔག་ཚད་ལྔ་བརྒྱར་ཁྱབ་པའི་ལོ་འབྲས་སྨིན།། དྲི་རོས་སྐྱེ་བོ་ཚིམས་མཛད་ཕྱག་འཚལ་ལོ།། ཚེས་གཉིས་ཨུ་ཏྲ་ཡ་ནས་མཆོད་པའི་ཚེ།། གཡས་གཡོན་གཉིས་སུ་རིན་ཆེན་རི་གཉིས་སྤྲུལ།། རི་རྩེ་ལ་སྐྱེས་འབྲས་དང་ཤིང་རྣམས་ཀྱིས།། མི་དང་དུད་འགྲོ་ཚིམས་མཛད་ཕྱག་འཚལ་ལོ།།

བསྟན་འབར་མ། ༄༅། །སངས་རྒྱས་རྣམ་གཟིགས་གཙུག་ཏོར་ཐམས་ཅད་སྐྱོབ། །འཁོར་བ་འཇིག་དང་གསེར་ཐུབ་འོད་སྲུང་དང༌། །ཤཱཀྱ་ཐུབ་པ་གོའུ་ཏཾ་ལྷ་ཡི་ལྷ། །སངས་རྒྱས་དཔའ་བོ་བདུན་ལ་ཕྱག་འཚལ་ལོ། །སེམས་ཅན་དོན་དུ་བདག་གིས་སྔོན། །དཀའ་བ་གང་ཞིག་སྤྱད་གྱུར་དང༌། །བདག་གི་བདེ་བ་བཏང་བ་ཡིས། །བསྟན་པ་ཡུན་རིང་འབར་གྱུར་ཅིག །ངས་སྔོན་ནད་པའི་ཆེད་དག་ཏུ། །རང་གི་འཚོ་བ་ཡོངས་བཏང་བས། །སེམས་ཅན་ཕོངས་པ་བསྐྱབ་པའི་ཕྱིར། །ཡུན་རིང་བསྟན་པ་འབར་གྱུར་ཅིག །བུ་དང་བུ་མོ་ཆུང་མ་དང༌། །ནོར་དང་གླང་ཆེན་ཤིང་རྟ་དང༌། །རིན་ཆེན་བྱང་ཆུབ་ཕྱིར་བཏང་བས། །བསྟན་པ་ཡུན་རིང་འབར་གྱུར་ཅིག །

རྩོད་པའི་ཕྱག་རྒྱ་དང་། དེ་དག་གི་མཚོན་དོན། རྩོད་པའི་སྐབས་མགོ་ཅུང་ཟད་ནང་དུ་བསྒུར་བས། བསྐལ་པ་བྱེ་བའི་བར་དུ་མཚན་ཙམ་ཡང་ཐོབ་པར་དཀའ་བའི་ཟབ་པ་དང་རྒྱ་ཆེ་བའི་དམ་པའི་ཆོས་རིན་པོ་ཆེ་ལ་ཅི་དགར་ལོངས་སུ་སྤྱོད་རྒྱུ་བྱུང་བ་འདི་བླ་མའི་བཀའ་དྲིན་དུ་ངོ་ཤེས་པ་དང༌། ཕྲེང་བ་ཉིས་ཁུག་བྱས་ཏེ་ཕྱག་གཡོན་པའི་མཐེ་བོང་དང་བཅས་པའི་སྐེར་བསྐོན་པས། བདག་དང་བཅས་པའི་སེམས་ཅན་ཐམས་ཅད་འཁོར་བ་གཅོང་རོང་གི་གནས་སུ་བདག་འཛིན་གྱིས་བཅིངས་པ་དང༌། མཐེ་བོང་གིས་ཕྲེང་བ་ཡར་འཕངས་པས། རང་གིས་ཚུལ་ཁྲིམས་རྣམ་པར་དག་པ་བསྲུངས་ཤིང་དགེ་བའི་བཤེས་གཉེན་གཙུག་ཏུ་བཀུར་ནས་ཐོས་བསམ་སྒོམ་གསུམ་སོགས་དགེ་སྒྲུབ་ཅི་ནུས་བྱས་པའི་མཐུས་མ་རྒན་སེམས་ཅན་ཐམས་ཅད་འཁོར་བར་འཆིང་བྱེད་ཀྱི་བདག་འཛིན་ལས་གྲོལ་སོང་བ་དང༌།

ཕོ་ལྷ་བསོད་ནམས་སྟོབས་རྒྱས་ཀྱི་རྟོགས་བརྗོད་ཀྱི་དཀར་ཆག འགོ་བརྗོད་ཚིགས་བཅད། འཇིག་རྟེན་ཆགས་ཚུལ་དང་། བོད་ཀྱི་ས་ཁམས་ཆགས་ཚུལ། མེས་པོའི་ཕ་ཡུལ་གྱི་གནས་ཚུལ། ཕོ་ལྷ་ནས་ཀྱི་མེས་པོ་མི་རབས་གོང་མའི་གནས་ཚུལ། རྒྱལ་པོ་དགའ་ལྡན་ཚེ་དབང་གྲྭ་པ་བྱས་ཏེ་སྡོད་སྐབས་ཀྱི་ལོ་རྒྱུས། རྒྱལ་པོ་དགའ་ལྡན་ཚེ་དབང་གིས་མངའ་རིས་སྐོར་གསུམ་དབང་དུ་བསྡུས་པའི་ལོ་རྒྱུས། ཕོ་ལྷ་ནས་ཕ་པདྨ་རྒྱལ་པོའི་ལོ་རྒྱུས། ཕོ་ལྷ་ནས་ཨ་ཁུ་དགྲ་འདུལ་གྱི་སྐོར།