༄༅། །བརྡ་སྤྲོད་ངག་གི་སྒྲོན་མའི་མཛེས་པ་རབ་གསལ་ལྷན་ཐབས་གསར་བུའི་ངལ་སྐྱོབ་རིན་ཆེན་དོ་ཤལ་ཞེས་བྱ་བ་བཞུགས་སོ། །
༄༅། །བརྡ་སྤྲོད་ངག་གི་སྒྲོན་མའི་མཛེས་པ་རབ་གསལ་ལྷན་ཐབས་གསར་བུའི་ངལ་སྐྱོབ་རིན་ཆེན་དོ་ཤལ་ཞེས་བྱ་བ་བཞུགས་སོ། ། ༄༅། །ན་མོ་མཉྫུ་ཤྲཱི་ཡེ། ཇི་ལྟ་ཡེ་ཤེས་འོད་སྣང་སྟོང་། །ཇི་སྙེད་མཁྱེན་པའི་མཁར་འབར་བས། །འགྲོ་བློའི་རྨོངས་མུན་དྲུང་འཇིལ་བའི། །འཇམ་མགོན་ཉི་མོར་བྱེད་པས་སྐྱོངས། །མཁས་པའི་དབང་ཕྱུག་དཔལ་ཁང་པའི། །བརྡ་སྤྲོད་ངག་སྒྲོན་གདུགས་དཀར་ལ། །མཛེས་བྱེད་ལྷན་ཐབས་ནོར་བུའི་འདེགས། །འགྲོ་ཕན་སྲིད་རྩེར་འཁོད་ཕྱིར་དགོད། །ཀ་ལ་ཤ་(བུམ་པ་ )ནས་ཀུང་ཀུ་(གུར་གུམ་)མས། །ཀ་ཊོ་ར་(གཏོར་ཟན་སྦྲུ་ས་)རུ་ཀཱ་ཡ་(སྐུ་)འཁྲུད། །ཀཿ ཐོག་(ཁམས་ཀྱི་)ཀུངས་(རུས་ཀྱི་མིང་)ཀྱིས་ཀི་ཀི་(སྒྲ་)སྒྲོག །རི་ཀླུང་(རི་ལུང་)ཀོ་ཆུ་(འཁྱིལ་ཆུ་)ཀོ་འདམ་(དེའི་འདམ་ལ་)ལ། །ཀ་ཌའི་(སྦལ་པ་)ཀྱུ་གུ་(གཏོར་མའི་བྱེ་བྲག་)འཁོས་ཀ་(ཉམ་ཆུང་)ཞན། །ཀུན་འདར་མ་(རྩ་དབུ་མ་)དང་རྩ་ཀ་ཏི་(སྒྲོན་མ་)། །ཀེམ་ཀེམ་(གཡོ་བའི་བྱེ་བྲག་)ཀ་ཀོར་(ལ་སོགས་ལ་འགོར་བ་)ཐུགས་ཀར་(སྙིང་ག་)ལྟ། །ཀོང་(པོའི་)ཡུལ་ཀོང་རྣ་(རྣ་རྒྱན་)ཀྲིག་ཀྲིག་མེད་(ཁྲིག་ཁྲིག་མེད་པ་)། །ཀུན་སློང་(སེམས་)ཀྲིག་ཅར་(ཚུལ་བཞིན་མིན་པ)ཙ་ཀོ་ར་(བྱ་གོང་མོ་སྲེག་པ་སོགས་)། །ཀ་པི་ཏ་(མཚལ་གྱི་སྦྱོར་ཁ་)ཡིས་གུག་ཀྱེད་(ཡི་གེའི་གུ་གུ་ཞབས་ཀྱུ་)བྲིས། །ཀུ་རུ་ཀུལླེ་ཀོ་ལོང་(ཁྲོས་པའི་དོན་)མེད། །ཀམ་ཚང་(ཀརྨ་ཀམ་ཚང་)གནད་ཀ་(དོན་གནད་)ཀླུང་རྟ་(ཁམས་)མཐོ། །དེ་ཝཱི་ཀོ་ཊར་(ཙཱ་རི་)རཀྟ་(ཁྲག་)མཆོད། །མེ་ན་ཀ་གདོང་(ལྷའི་གར་མཁན་)ན་ཀྲར་(རྒྱ་མཚོ་)ཆུད། །ཀོང་པོའི་(མཆོད་མེ་)མེ་ལྟར་ཀ་མེད་(ཐབས་མེད་)གཡོ། །fe
