༄༅།།འབྲོག་པའི་ཤེ་ནོར། སྤེལ་དུས།2009-01-05 ཡོང་ཁུངས་།<<ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས>> རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ། ༼དཔྱད་གཏམ་སྤེལ་བ།༽ འབྲོག་མིའི་སྒོ་ཕྱུགས་ཀྱི་ནང་དུ་ཤེ་ནོར་ཞེས་བྱ་བའི་འབྲི་གཡག་གི་རྭ་ཐམ་མི་འདྲ་བ་ཅི་རིགས་ཡོད་པ་མང་དུ་སྣང་ཞིང་། དེ་དག་ནི་འབྲོག་སྡེ་སོ་སོའི་ཁུལ་གྱི་དགོན་སྤྱི་ཁག་གམ། བླ་སྤྱི་ཁག་གམ། འབྲོག་སྡེ་དེའི་ཁོངས་ཀྱི་སྤྱི་གང་རུང་ནས་བཞག་པའི་ཤེ་ནོར་ཏེ། ནོར་བདག་སོ་སོས་ལོ་རེ་བཞིན་ཤེ་བདག་ལ་“ཤེ་”ཞེས་བྱ་བའི་མར་ཞིག་འབུལ་དགོས་ཀྱི་ཡོད་པ་རེད། ཤེ་ཚད་ནི།

༄༅།།དགོན་འགྲམ་གྱི་འཛེམ་བྱ། ས་གོང་དབང་འདུས། དགོན་པ་དང་། ལྷ་ཁང་། རི་ཁྲོད་སོགས་ཀྱི་ཉེ་འགྲམ་དུ་ཤིང་སྡོང་གཅོད་པ་དང་། སྐད་ངན་སྒྲོགས་པ། ངག་མཐོན་པོས་གླུ་གཏོང་བ། རི་དྭགས་རྔོན་པ། ཉ་འཛིན་པ། སེམས་ཅན་གསོད་པའི་རིགས་གཏན་ནས་བྱས་མི་ཆོག་པ་སྤྱི་དང་ལྷག་པར་དུ་རི་དྭགས་གཅན་གཟན་གྱི་རིགས་དང་། བྱ་དང་བྱེའུ་ཡི་རིགས་ལ་དེ་བས་གནོད་འཚེ་བྱེད་མི་རུང་བའི་ཁར། སྒོག་པ་བཟས་ནས་མཆོད་མཇལ་ལ་འགྲོ་བ་དང་། དགོན་པའི་ནང་ཐ་མག་འཐེན་པ་དང་སྐུ་གསུང་ཐུགས་རྟེན་ལ་གང་བྱུང་གིས་ལག་པ་འཆང་བའི་རིགས་གཏན་ནས་བྱས་མི་ཆོག

༄༅།།སྡོད་ཁང་། སྤྱིར་བོད་ཀྱི་ཡུལ་འདིར། སྡོད་ཁང་བཟོ་སྐྲུན་གྱི་ལག་རྩལ་ཆེས་སྔ་མོ་ཞིག་ནས་དར་ཡོད་པ་ནི། མི་ལོ་སྟོང་ཕྲག་གཉིས་ཙམ་གྱི་སྔོན་དུ་བསྐྲུན་པའི་ཡུམ་བུ་བླ་མཁར་དང། དེ་ནས་རིམ་པར་ལྷ་ས་དམར་པོ་རིའི་ཕོ་བྲང་དང་། བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྣམས་ཀྱིས་མཚོན་ནོ།། དེ་ཡང་བོད་གངས་ཅན་གྱི་ལྗོངས་སུ་ཡོད་པའི་གྲུབ་མཐའ་ཁག་གིས་བཞེངས་པའི་དགོན་པ་ཆིག་སྟོང་བདུན་བརྒྱ་ལྷག་གི་གཙུག་ལག་ཁང་ཐམས་ཅད་ཀྱིས་ཀྱང་བོད་ཁང་བཟོ་སྐྲུན་གྱི་ལག་རྩལ་མཚོན་ཐུབ།བོད་ཀྱི་དགོན་སྡེ་ཁག་གི་གཙུག་ལག་ཁང་གི་བཀོད་པ་ནི། འོག་ཁང་སྒོཁྱམས་དང་།

༅།།འབྲོག་མིའི་ངོ་ཚའི་སྐོར། སྤེལ་དུས།2008-11-11 ཡོང་ཁུངས་།<<ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས>> རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ། ༼དཔྱད་གཏམ་སྤེལ་བ།༽ ཁྲེལ་དང་ངོ་ཚ་ནི་འཇིག་རྟེན་མིའི་རིགས་ཚང་མས་བརྩི་བསྲུང་བྱ་དགོས་པ་ཞིག་ཡིན་པ་ལྟར་བོད་རིགས་སྤྱི་དང་ལྷག་པར་འབྲོག་ཡུལ་གྱི་མི་སྡེ་དག་གིས་དོ་སྣང་ཧ་ཅང་ཆེན་པོའི་སྒོ་ནས་བརྩི་བསྲུང་བྱེད་ཀྱི་ཡོད་པ་རེད། ཁོ་བོའི་མཐོང་ཕྱོགས་སུ་འཇིག་རྟེན་མིའི་རིགས་ཚང་མས་ཁྲེལ་དང་ངོ་ཚ་ལ་འཛེམས་བག་བྱེད་ཡོད་པའི་གནས་ཚུལ་འདྲ་བར་སྣང་ཡང་ཡུལ་གྲུ་སོ་སོ་དང་མི་རིགས་སོ་སོའི་སྤྱོད་ཚུལ་དང་གོམས་གཤིས་སོགས་རྣམ་པ་ཐ་དད་པ་མང་དུ་ཡོད་པར་བརྟེན། གང་ཞིག་ཁྲེལ་དང་ངོ་ཚའི་གཞི་ཡིན་པ་དང་།

༄༅།།འབྲོག་པའི་མནའ་གྲོགས། སྤེལ་དུས།2008-11-05 ཡོང་ཁུངས་།ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས། རྩོམ་པ་པོ། ནམ་མཁའི་ནོར་བུ། ཞུ་དག་པ།ལྷག་ཚེ། ༼དཔྱད་གཏམ་སྤེལ་བ།༽ སྤྱིར་བཏང་འབྲོག་མི་རྣམས་འདྲིས་ཟིན་པའི་རྗེས་སུ་ཡིད་བརྟན་ཆོག་པའི་གྲོགས་པོར་འགྱུར་བ་ནི་འབྲོག་མིའི་ཁྱད་ཆོས་ཐུན་མོང་མ་ཡིན་པ་ཞིག་རེད། འོན་ཀྱང་འབྲོག་མིའི་གྲོགས་པོ་ཞེས་པ་དེ་ཕན་ཚུན་ངོ་ཤེས་པའམ་ཡུན་དུ་འདྲིས་པ་ཙམ་གྱིས་མི་ཆོག་ཅིང་། འབྲོག་མི་དག་གིས་“མནའ་འཇོག”ཅེས་བྱ་བའི་གྲོགས་པོ་ཐུན་མོང་མ་ཡིན་པ་ཞིག་བྱེད་སྲོལ་ཡོད་པ་རེད། དེ་ཡང་མི་སྡེ་དང་མི་སྡེའི་བར་གྱི་མནའ་འཇོག་གལ་ཆེའི་རིགས་བྱེད་དགོས་པའི་ཚེ།

༄༅།།འབྲོག་པའི་ཏིས་རྩོད། སྤེལ་དུས།2008-11-06 ཡོང་ཁུངས་། རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ། ༼དཔྱད་གཏམ་སྤེལ་བ།༽ འབྲོག་མི་རྣམས་ནི་རང་གཤིས་བཟང་ཞིང་འདྲིས་ཐག་རིང་བ་སོགས་རང་བཞིན་གྱི་ཡོན་ཏན་དུ་མ་དང་ལྡན་པ་ཞིག་རེད། འོན་ཀྱང་འབྲོག་མི་ཞིག་སུ་ཞིག་གི་དགྲར་གྱུར་པ་ཡིན་ན་ཉེན་ཚབས་ཧ་ཅང་ཆེ་བ་ཞིག་ཀྱང་ཡིན་པ་རེད། མི་སུ་ཡང་རུང་བ་ཞིག་གམ་ཕྱོགས་ཁག་གང་ཡང་རུང་བ་ཞིག་གིས་འབྲོག་མི་གཅིག་གམ་མི་སྡེའི་ཤོག་ཁག་གང་རུང་ཞིག་ལ་འཁོན་རྩོད་ཀྱི་གཞི་ཆེ་ཕྲ་ཅིང་ཡང་རུང་བ་ཞིག་ཤོར་བ་ཡིན་ན། དེ་མ་ཐག་ཏུ་རང་ངོས་ནས་དྲང་ཞིང་འོས་པའི་འདུམ་ལེན་དགོས་པ་ནི་ཧ་ཅང་གལ་ཆེན་པོ་ཞིག་རེད།

༄༅།། འབྲོག་པའི་ཆོས་ལུགས། སྤེལ་དུས།2009-01-05 ཡོང་ཁུངས་།<<ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས>> རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ། ༼དཔྱད་གཏམ་སྤེལ་བ།༽ འབྲོག་ཡུལ་དུ་དབྱར་དུས་ཐུང་ངུ་ཙམ་ཞིག་ལས་ནམ་ཟླ་བྱིངས་ནི་གྲང་ངད་དང་ལྡན་པ་ཁོ་ན་ཡིན་པར་བརྟེན་འབྲོག་མིའི་གྱོན་ཆས་ཀྱི་གཙོ་བོ་ནི་ལུག་ལྤགས་ཤ་སྟག་ཡིན་པ་རེད། དབྱར་གཞུང་དུ་འབྲོག་པའི་གཞོན་ནུ་འགའ་ཤས་ཀྱིས་ལྭ་བའི་གོས་སམ་རས་གཡོགས་ལྡན་པའི་ཡུག་ཚར་གྱི་གོས་སོགས་གྱོན་སྲོལ་འདུག་ནའང་དེས་ནི་ཉིན་ཁ་ཤས་ཙམ་ལས་གྲང་ངད་སེལ་མི་ནུས་ཤིང་ཕན་ཐོགས་མེད་པ་རེད། འབྲོག་མི་ཚོའི་གྱོན་པ་ནི་ལུག་ལྤགས་ཀྱིས་བཟོས་པའི་“པགས་སླག་”ཅེས་པའི་མཐར་རས་དམར་གྱི་མཐའ་གོང་ཤན་ཡོད་པ་དང་།

༄༅། །སྤུན་མཆེད་བར་གྱི་འཛེམ་བྱ། ས་གོང་དབང་འདུས། བོད་མིའི་ཡུལ་སྲོལ་གོམས་གཤིས་ལ་ཕ་དང་བུ་མོའི་དབར་དང་། གཅེན་པོ་དང་གཅུང་མོའི་དབར། གཅུང་པོ་དང་གཅེན་མོའི་དབར། ཨ་ཞང་དང་ཚ་མོའི་དབར། སྲུ་མོ་དང་ཚ་བོའི་དབར། ཨ་ཁུ་དང་དབོན་མོའི་དབར། ཨ་ནེ་དང་དབོན་པོའི་དབར་ལ་སོགས་སྤུན་མཆེད་ཕོ་མོ་ཕན་ཚུན་བར་ངོ་ཚ་སྲུང་ནས་གཙོག་གཏམ་ཙམ་ལ་ཡང་འཛེམ་པ་བྱ་དགོས་པ་མ་ཟད། ངོ་ཚ་བའི་ལྟད་མོ་ཡང་མཉམ་དུ་ལྟ་སྲོལ་མེད། དཔེར་ན་གཉེན་སྒྲིག་སྐོར་གྱི་གྲོས་མོལ་བྱེད་དགོས་ཚེ་ངེས་པར་དུ་ཕ་དང་བུའི་དབར་གྲོས་བསྡུར་བྱེད་པའམ་ཡང་ན་མ་དང་བུ་མོའི་དབར་གྲོས་བསྡུར་བྱེད་པ་ལས།

༄༅། །ལོ་གསར་སྐབས་ཀྱི་འཛེམ་བྱ། ས་གོང་དབང་འདུས། ལོ་གསར་ཚེས་པ་གཅིག་ཉིན་རྟེན་འབྲེལ་གྱི་བྱ་བཟང་པོ་ཁོ་ན་སྤེལ་དགོས་པ་ལས། ཁ་བརྡ་ངན་པ་ལ་སོགས་བཀྲ་མི་ཤིས་པའི་བྱ་བའི་རིགས་མི་ལྷགས་པ་བྱ་རྒྱུར་དོ་སྣང་ཧ་ཅང་ཆེན་པོ་བྱེད་སྲོལ་ཡོད། ལོ་གསར་པ་འདིའི་ནང་བཀྲ་ཤིས་ལོ་ལེགས་ཡོང་བ་དང་། བསམ་དོན་ལྷུན་གྱིས་གྲུབ་ཕྱིར། གནམ་ལོ་གསར་ཚེས་ཀྱི་ཚེས་གཅིག་ཉིན་གད་ཕྱིས་མི་རྒྱག་པ་དང་། ཁ་རྩོད་མི་རྒྱག་པ། ཁ་ནས་བཀྲ་མི་ཤིས་པའི་སྐད་ཆ་མི་ཤོད་པ། གཞན་པར་གཤེ་གཤི་མི་གཏོང་བ། མི་ཚང་གཞན་ནས་དངོས་ཟོག་གཡར་སྐྱིན་མི་བྱེད་པ།

བཟོ་རྒྱུ་མི་འདྲ་བའི་སྒོ་ནས་ཕོ་ཟོམ། མོ་ཟོམ། རས་ཟོམ། ཀོ་ལྷམ། འཇའ་ཆེན། སག་ལྷམ། སྦལ་ཁ། ལྷམ་སྣེ་འཁྱིལ། རྒྱ་ལྷམ། ཕྱིང་འབོབ། ཐིག་འབོབ། ལྷམ་རྟ་ཟོན་མ། ལྷམ་སྤུ་མ། གཞན་ཡང་འཁོར་ལོས་བསྒྱུར་པའི་རྒྱལ་པོའི་ལྷམ་དུ་གྲགས་པའི་ལྷམ་ཉེ་བའི་རིན་པོ་ཆེ་སོགས་སོ།།