ནཱ་ལེནྡྲ་ཞེས་པ་ནི་བོད་སྐད་དུ་རྒྱུན་གྱི་དབང་པོ་ཞེས་པའི་དོན་ཡིན། དཔལ་ན་ལེནྡྲའི་རྗེས་ཤུལ། ལོ་རྒྱུས་ཐོག་དཔལ་ནཱ་ལེནྡྲ་ནི་རྒྱ་གར་མ་ག་དྷ་རྒྱལ་ཁབ་ཀྱི་རྒྱལ་བུ་རྒྱལ་བྱེད་ཀྱི་ཚལ་ན་ཡོད་པའི་དགོན་པ་གྲགས་ཅན་ཞིག་ཡིན་ལ། དེང་རྒྱ་གར་ལཱ་ཁྲ་ཅིར་གྱི་བྱང་ཕྱོགས་ཏེ། བར་ཐག་ལ་ཧ་ལམ་སྤྱི་ལེ་11ཙམ་ཡོད་པའི་བྷ་དྷ་ཅ་འར་རུ་ཆགས་ཡོད། ཤུལ་དུ་ལུས་པའི་ལྷ་སྐུ། དགོན་པ་དེ་དུས་རབས་5ནས་6པའི་དུས་འགོའི་བར་དུ་བཏབ་པ་དང་མཁས་པ་ལ་ལའི་བཞེད་ཚུལ་ལྟར་ན་དེ་ནི་འཛམ་གླིང་གི་གཞི་རྒྱ་ཆེས་ཆེ་ཞིང་འཛུགས་དུས་ཆེས་སྔ་བའི་སློབ་གྲྭ་ཆེན་མོ་དེ་ཡིན། དར་རྒྱས་ཆེ་བའི་དུས་ལ་དེར་དགོན་ཆེན་བརྒྱད་ཡོད་པ་དང་དགེ་འདུན་གཞིས་བྱེས་མི་གྲངས་ཆིག་ཁྲི་ཙམ་ཞིག་རྒྱུན་དུ་བཞུགས། ཐེག་ཆེན་ཐེག་ཆུང་དང༌། རིག་བྱེད། ཚད་མ། སྒྲ་རིག་པ། གསོ་བ་རིག་པ་སོགས་བསླབ་པའི་གནས་ཡིན་ལ་རྒྱ་གར་གྱི་སངས་རྒྱས་ཆོས་ལུགས་ཀྱི་སློབ་གྲྭ་མཐོ་ཤོས་ཤིག་ཡིན།
