༈ གཡག་སྡེ་པཎ་ཆེན་ནི། གཡག་སྡེ་བྱེ་མར་ཡབ་ཨ་མི་དཀོན་མཆོག་དཔལ་དང༌། ཡུམ་སྐྱ་རྒྱལ་ཆོས་སྐྱིད་གཉིས་ཀྱི་སྲས་སུ་ས་མོ་ཕག་ལ་འཁྲུངས། བུ་སྟོན་རིན་པོ་ཆེས་ལོ་དགུ་བཞེས་པའི་ཕག་དེ་ཡིན། ལོ་ལྔ་ལོན་པ་ལ་འབན་པོ་ཆོས་དབང་ལ། ངན་སོང་སྤྱོད་རྒྱུད་ཐུན་གཅིག་གསན། རྟོགས་ལྡན་རིན་སྨོན་དང༌། ཇོ་སྟན་དར་བརྩོན་ལ་ཀློག་ཡིག་བསླབས་ཤིང༌། ཕྱིས་འདུལ་མངོན་ཡང་གསན། མཁན་ཆེན་ཆོས་དཔལ་བ་ལ། དགེ་བསྙེན་དང་བར་མ་རབ་བྱུང་མཛད། འདུལ་བ་ཚར་འགའ་གསན། རས་སྟོན་བསོད་ནམས་རིན་ཆེན་ལ་དགེ་ཚུལ་མཛད། འདུལ་བའང་གསན། མཁན་ཆེན་འོད་འབྱུང་དང༌། ཞ་ཆེན་རིན་འབྱུང་ལ་བསྙེན་པར་རྫོགས།

གདོད་མའི་མགོན་པོའི་རྒྱལ་སར་མངོན་པར་བྱང་ཆུབ་ནས་གདུལ་བྱ་འདུལ་བའི་རྣམ་འཕྲུལ་གཅིག་ལས་དུ་མ་སྤྲུལ་པ་དང༌། དུ་མ་གཅིག་ཏུ་སྡུད་པ་སོགས་སོ་སོ་སྐྱེ་བོའི་བློར་ཚད་བཟུང་མི་ནུས་པས་བེ་རོའི་རྣམ་འཕྲུལ་དུ་ཡོངས་སུ་གྲགས་པ་ཡང་དུས་གཅིག་ལ་མང་དུ་བྱོན་པ་དང༌། མི་ཚེ་གཅིག་གི་ཐོག་མཐའ་བར་གསུམ་དུ་བྱོན་པ་སོགས་མང་བས་ཚུར་མཐོང་གི་བློས་དཔྱད་པར་དཀའ་ཡང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་རྣམ་ཐར་བསམ་གྱིས་མི་ཁྱབ་པའི་ཚུལ་རྟོགས་པ་རྣམས་ནི་ངོ་མཚར་བསྐྱེད་པར་འགྱུར་འོག་ཏུ་འབྱུང་བ་འདི་རྣམས་ཀྱང་རྒྱུ་མཚན་དེ་ལྟར་ཤེས་པར་བྱ་དགོས་སོ་ཞེས་འཇམ་མགོན་བླ་མས་གསུངས་སོ། །དེ་བཞིན་འདིའི་སྤྲུལ་གཞི་ཡང་ལོངས་སྤྱོད་རྫོགས་པའི་སྐུ་རྣམ་པར་སྣང་མཛད།

༄༅། །དུས་གསུམ་རྒྱལ་བ་ཀུན་གྱི་ཕྲིན་ལས་མ་ལུས་གཅིག་ཏུ་བསྡུས་པའི་རང་གཟུགས་འཇིག་རྟེན་དབང་ཕྱུག་དཔལ་ཀརྨ་པ་བཅོ་ལྔ་པ་དཔལ་ལྡན་ཀུན་བཟང་ཆོས་ཀྱི་ཉི་མ་ཆེན་པོ་ཕྲིན་ལས་མཁའ་ཁྱབ་རྟག་པའི་རྡོ་རྗེ་དེ་ཉིད་ཀྱི་གསང་བ་གསུམ་གྱི་ཡོན་ཏན་དང༌། རྣམ་པར་ཐར་པ་ནི་སོ་སྐྱེའི་བློ་ཡི་སྤྱོད་ཡུལ་དུ་ལྟ་ཅི། ས་ཆེན་པོ་ལ་བཞུགས་པའི་རྒྱལ་སྲས་རྣམས་ཀྱིས་ཀྱང་ཇི་ལྟ་བ་བཞིན་རྟོགས་པ་མ་ཡིན་ལ། དེར་མ་ཟད་བསྐལ་པ་བཟང་པོ་འདི་ཉིད་ལའང་འདས་པའི་སངས་རྒྱས་གཞན་ཕན་རྣམ་རོལ། མ་འོངས་སངས་རྒྱས་དྲུག་པ་སེངྒེ་སོགས་བྱོན་ཅིང་འབྱོན་པར་འགྱུར་བ་དང༌། ད་ལྟ་རྣམ་འདྲེན་བཞི་པའི་བསྟན་པ་འདིར་ཡང་མངོན་དགའི་ཞིང་ན་རྒྱལ་བ་མི་འཁྲུགས་པ། རི་བོ་ཏཱ་ལར་སྙིང་རྗེའི་རང་གཟུགས་འཇིག་རྟེན་དབང་ཕྱུག ཟངས་མདོག་དཔལ་རིར་སྣང་སྲིད་ཟིལ་གནོན་པདྨ་ཀཱ་ར། འཕགས་པའི་ཡུལ་དུ་གྲུབ་པའི་སློབ་དཔོན་ཆེན་པོ་ས་ར་ཧ་སོགས་འཕགས་སྐྱེའི་རྣམ་འཕྲུལ་བསམ་བརྗོད་ལས་འདས་ཤིང༌། ཁྱད་པར་རང་ཅག་གངས་ཅན་ལྗོངས་འདིའི་མགོན་པོར་ལྷུན་གྱིས་གྲུབ་པའི་ཚུལ་ཡང༌།

       མཚན་ཡོངས་གྲགས་སུ་བོ་དོང་ཕྱོགས་ལས་རྣམ་རྒྱལ༼༡༣༧༦—༡༤༥༢༽མཚན་གྱི་རྣམ་གྲངས་གཡུང་དྲུང་སངས་རྒྱས་སྐྱིད་དང་སངས་རྒྱས་རྒྱལ་མཚན།  བོ་དོང་ཆོས་རྒྱལ། འཇིགས་མེད་གྲགས་པ།  དབྱངས་ཅན་དགའ་བའི་དཔལ། འཆི་མེད་སྡེ།  ཆོས་ཀྱི་རྒྱལ་མཚན།  བློ་གྲོས་མི་ཟད་པ།  གསང་བས་བྱིན། སངས་རྒྱས་བསྐྱངས། ངང་ཚུལ་ཞི་བ། འབུམ་ཕྲག་བརྒྱ་པ་བཅས་སོ། ཁོང་ནི་རབ་བྱུང་དྲུག་པའི་མེ་འབྲུག་སྤྱི་ལོ༡༣༧༦ལ་གནས་ཆེན་རྩིབས་རིའི་བྱང་ངོས་ལག་པ་གོང་གི་ཉེ་འགྲམ་དུ། ཞྭ་མི་རུས་བརྒྱུད་ཡབ་ཆོས་དབྱིངས་རྒྱལ་མཚན་དང་ཡུམ་བྱང་ཆུབ་སྒྲོན་མ་གཉིས་ཀྱི་སྲས་སུ་ངོ་མཚར་བའི་ལྟས་དང་བཅས་སྐུ་འཁྲུངས། མཚན་ལ་གཡུང་དྲུང་སངས་རྒྱས་སྐྱིད་ཅེས་གསོལ། 

ཆོས་རྗེ་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ(1284-1339)ས་སོག་ཆུ་ལ་ལྕགས་ཟམ་འཛུགས་སྐབས་མཛད་པའི་འཛམ་གླིང་སྤྱི་བསངས་བཞུགས་སོ།། ཀྱེེ། སྔོན་གྱི་བསྐལ་པང་ད་པོ་ལ། །བསང་གི་རྒྱུ་ནི་ཇི་ལྟར་སྲིད། །སྐྱེ་མེད་སྤྲོས་བྲལ་སྟོང་པ་ལ། །འགགས་མེད་འཁོར་ལོ་བསྒྱུར་རྒྱལ་ཤར། །སྐྱེ་འགགས་གཉིས་མེད་རོལ་པ་ལ། །མཁའ་ལ་རླུང་བརྟེན་འབྱུང་བ་རིམ་བཞིན་ཆག །ཕྱི་སྣོད་འཇིག་རྟེན་གཞལ་ཡས་རང་གྲུབ་ལ། །ནང་བཅུད་སེམས་ཅན་བྱང་ཆུབ་སྙིང་པོར་གྱུར། །སྤྲུལ་པའི་ལྷ་རྣམས་འགྲོ་བའི་དོན་ལ་བྱོན། །རི་རབ་རི་བདུན་རང་བཞིན་ལྷུན་གྱིས་གྲུབ། །རོལ་པའི་མཚོ་བདུན་སྨོན་ལམ་སྟོབས་ཀྱིས་ཆགས། །མེ་ཤེལ་ཆུ་ཤེལ་སྣང་སྲིད་དཀར་དམར་ཤར། །སྤོས་རི་ངད་ལྡན་འཛམ་བུ་གླིང་གི་རི། །རི་བོ་དེ་ཡི་ཤར་ཕྱོགས་ན། །ཤིང་ནི་བ་ལུ་དཀར་པོ་སྐྱེས། །རི་བོ་དེ་ཡི་ལྷོ་ཕྱོགས་ན། །ཤིང་ནི་གསེར་སྟག་སེར་པོ་སྐྱེས། །རི་བོ་དེ་ཡི་ནུབ་ཕྱོགས་ན། །ཤིང་ནི་ཙན་དན་དམར་པོ་སྐྱེས། །རི་བོ་དེ་ཡི་བྱང་ཕྱོགས་ན། །ཤིང་ནི་ལོ་བཟང་ཤུགས་པ་སྐྱེས། །རི་བོ་དེ་ཡི་ནུབ་བྱང་ན། །ཤིང་ནི་དེ་ཝ་ཌྰ་རུ་སྐྱེས། །རི་བོ་དེ་ཡི་བྱང་ཤར་ན། །ཤིང་ནི་མཁན་དཀར་གསེར་མགོ་སྐྱེས། །རི་བོ་དེ་ཡི་དབུས་ཕྱོགས་ན། །ཤིང་ནི་དཔག་བསམ་ལྗོན་ཤིང་སྐྱེས། །ཤིང་སྣ་དགུ་ཡི་དུད་པ་དང་། །ཕྱེ་མར་ཟས་ཕུད་སྐོམ་དང་ནི། །གཡག་ལུག་ར་གསུམ་གཟུགས་འགྲོས་དང་། །དཀར་དམར་མདངས་ལྡན་ཤ་ཕུད་དང་། །རྩི་སྨན་དར་ཟབ་སྣ་ཚོགས་དང་། །རོལ་མོ་སྒྲ་སྙན་གདུང་བའི་དབྱངས། །འདོད་ཡོན་མཆོད་པ་སྣ་ཚོགས་ཀྱིས། །

༄༅། །རྗེ་བཙུན་ཐམས་ཅད་མཁྱེན་པའི་གསུང་འབུམ་ཐོར་བུ་ལས་གྲུབ་མཐའ་རྒྱ་མཚོར་འཇུག་པའི་གྲུ་རྫིངས་ཞེས་བྱ་བའི་བསྟན་བཅོས་བཞུགས་སོ།། ༸རྒྱལ་བ་དགེ་འདུན་རྒྱ་མཚོ།   གྲུབ་མཐའ་རྒྱ་མཚོར་འཇུག་པའི་གྲུ་རྫིངས་ཞེས་བྱ་བའི་བསྟན་བཅོས། སྨྲ་བ་ཐམས་ཅད་ཀྱི་དབང་པོ་ཐམས་ཅད་མཁྱེན་པ་ལ་ཕྱག་འཚལ་ལོ། །ནང་པ་སངས་རྒྱས་པའི་གྲུབ་མཐའི་རྣམ་གཞག་བཤད་པ་ལ་སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་ནི། སྟོན་པ་མཉམ་མེད་ཤཱཀྱའི་རྒྱལ་པོ་དེ་ཉིད་ཀྱིས་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་དུ་ཚོགས་བསགས། མཐར་རྡོ་རྗེ་གདན་གྱི་སྤོ་ལ་མངོན་པར་རྫོགས་པར་སངས་རྒྱས་ཏེ། དམན་པ་ལ་མོས་པ་རྣམས་ལ་ཆགས་བྲལ་གྱི་སྤྱོད་པ། རྒྱ་ཆེན་པོ་ལ་མོས་པ་རྣམས་ལ་ས་དང་ཕ་རོལ་ཏུ་ཕྱིིན་པའི་ཐེག་པ། ཟབ་མོ་ལ་མོས་པ་རྣམས་ལ་ཆགས་བཅས་ཀྱི་སྤྱོད་པས་ཆོས་ཀྱི་འཁོར་ལོ་ལེགས་པར་བསྐོར་ཏེ། མུ་སྟེགས་སྟོན་པ་དྲུག་ལ་སོགས་པའི་ལོག་པར་སྨྲ་བ་ཐམས་ཅད་ཟིལ་གྱིས་མནན་ནས་ལུས་ཅན་རྣམས་ཀྱི་ཕན་བདེའི་གསོས་སུ་བསྟན་པ་རིན་པོ་ཆེ་ཡུན་རིང་དུ་གནས་པར་མཛད་དོ། །