བོད་ཀྱི་ལོ་རྒྱུས་སྟེང་མཛད་རྗེས་ཆེ་བའི་བློན་ཆེན་མགར་ཁྲི་འབྲིང་།
དངུལ་རྭའི་བཟོད་པ། རང་རེའི་བོད་ཀྱི་དེབ་ཐེར་སྔོན་མ་རྣམས་སུ་མགར་སྟོང་བཙན་ཡུལ་བཟུང་གི་སྐོར་མང་པོ་ཞིག་ཐོར་བཀོད་ཡོད་པ་ལས། མཛད་རྗེས་ཆེ་བའི་བློན་ཆེན་མགར་ཁྲི་འབྲིང་གི་སྐོར་ཕལ་ཆེར་མིང་ཙམ་ལས་བཀོད་མེད། སྟབས་ལེགས་པ་ཞིག་ལ་ཏུན་ཧོང་ནས་ཐོན་པའི་ལོ་རྒྱུས་ཀྱི་ཡིག་རིགས་དག་སོར་རྩེར་འབྱོར་བ་ནས།ལོ་རྒྱུས་ཞིབ་འཇུག་ལ་བློ་ཁ་ཕྱོགས་པའི་མཁས་པ་རྣམས་ལ་ཞིབ་འཇུག་གི་སྟོང་ཆ་ཆེན་པོ་ཞིག་སྐོང་ཐུབ་པར་གྱུར། དེ་དང་མཉམ་པོར་རྒྱ་ནག་གི་སྔོན་གྱི་ཡིག་ཚང་དག་ཏུ་འཁོད་པའི་བློན་ཁྲི་འབྲིང་གི་སྐོར་བཀོད་ཡོད་པ་དག་ཀྱང་། ཏུན་ཧོང་ཡིག་ཚང་དང་བསྡུར་སྐབས་ཕན་ཚུན་གཅིག་གྲོགས་གཅིག་གིས་བྱེད་ཐུབ་པའི་ནུས་པ་ཧ་ཅང་ཆེན་པོ་ཐོན་འདུག་པས། འདིར་གནའ་བོའི་རྒྱ་བོད་ཀྱི་ཡིག་རྙིང་དག་གུང་བསྒྲིགས་ཏེ་བློན་ཆེན་མགར་ཁྲི་འབྲིང་གི་སྐོར་ཅུང་ཟད་གླེང་བར་འདོད།
