Author: རྩོམ་སྒྲིག་པས།

༄༅། །མྱང་ངམ་ཉང་གི་ཐ་སྙད་ཀྱི་ཐོག་མའི་འབྲི་ཚུལ་དང་དེ་གཉིས་ཀྱི་འབྲེལ་བ་གླེང་བ། [ནང་དོན་གནད་བསྡུས།］ རྩོམ་ཡིག་འདིའི་ནང་བོད་ཀྱི་གདོད་མའི་རུས་ཚན་གཙོ་གྲས་སུ་གྱུར་པའི་མྱང་ངམ་ཉང་དང་ཡུལ་གྱི་བྱེ་བྲག་ཏུ་གྱུར་པའི་མྱང་ངམ་ཉང་གི་ཐོག་མའི་འབྲི་ཚུལ་དང་བར་དུ་འགྱུར་བ་ཇི་འདྲ་བྱུང་བའི་སྐོར་དང་། མྱང་དང་ཉང་གཉིས་ཀྱི་འབྲེལ་བ་སོགས་ལ་དཔྱད་པ་བཏང་ཡོད། [བརྡ་ཆད་གཙོ་བོ།] ཐ་སྙད། མྱང་། ཉང་། འབྲེལ་བ།

༄༅། །ལྷ་སའི་སྐུ་དྲག་གི་རྒྱན་ཆ་རགས་བཤད། བསྟན་འཛིན་ནོར་སྒྲོན།         རྒྱན་ཆ་ནི་རིག་གནས་ཤིག་གི་ཆེས་ཐད་ཀར་གྱི་མཚོན་སྟངས་ཤིག་ཡིན་ཕྱིར་དེས་རིག་གནས་ཀྱི་ནང་དོན་ཕུན་སུམ་ཚོགས་པོ་ཞིག་མཚོན་ཡོད་ལ། མི་རིགས་ཤིག་གི་དངོས་པོའི་རིག་གནས་མཚོན་སྟངས་ཐད་ལ་ནུས་པ་གལ་ཆེན་ཐོན་ཡོད། བོད་ཀྱི་སྐུ་དྲག་གི་རྒྱན་ཆ་ནི་མིག་ལ་མཛེས་ཤིང་མཛེས་སྤྱོད་ཀྱི་སྤྲོ་སྣང་དང་ལྡན་ལ། གནའ་ཉམས་ལྡན་ཞིང་ཐུན་མོང་མ་ཡིན་པའི་ཁྱད་ཆོས་དུ་མ་མངའ། དེ་ཡང་རྒྱན་ཆའི་རྒྱུ་ཆ་སོགས་གཅིག་མཚུངས་ཡིན་རུང་འདོགས་མཁན་མི་འདྲ་བས་དེའི་བཟོ་ལྟ་དང་གྲངས་ཚད། ནུས་པ་དང་མཚོན་སྟངས་སོགས་མི་འདྲ་བ་མང་པོ་ཡོད།

༄༅།།འདམ་གཞུང་གི་ས་མིང་འགའི་བྱུང་ཚུལ་དང་ཁྱད་ཆོས་མདོ་ཙམ་གླེང་བ། རྩོམ་པ་པོ། པད་མ་ཆོས་སྒྲོན། གུ་གེ་འཆི་མེད་རྡོ་རྗེ།         སྤྱིར་ན་རྒྱལ་ཁབ་དང་མི་རིགས་གང་ཞིག་ཡིན་རུང་རང་རང་གནས་སྡོད་བྱེད་ཁུལ་གྱི་ས་ཆ་དང་། གྲོང་ཚོ་དེར་གནའ་ དུས་ནས་བྱུང་བའི་གཏམ་རྒྱུད་དང་འབྲེལ་བའམ་དམངས་སྲོལ་གཤིས་ལུགས་དང་འབྲེལ་བ། ཡང་ན་ཁྱིམ་བརྒྱུད་སྡེ་ཚན་གྱི རུས་མིང་དང་འབྲེལ་བའི་མིང་འདོགས་པའི་གོམས་སྲོལ་རེ་ཡོད། ས་མིང་དེ་དག་ལས་ས་ཚམས་དབྱེ་འབྱེད་དང་ཁ་ཕྱོགས་ ངེས་གཏན་ཞིག་བསྟན་ཐུབ་ཀྱིན་ཡོད་ལ་མི་རིགས་གང་རུང་གི་རིག་གནས་ལོ་རྒྱུས་འཕེལ་རིམ་གྱི་དཔྱད་གཞི་ཁུངས་བཙན་ཞིག་ཀྱང་བརྒྱུད་སྤྲོད་བྱེད་ཐུབ་ཀྱིན་ཡོད།

བོད་ཀྱི་གཞིས་ཀའི་བྱུང་ཚུལ་སྐོར་རགས་ཙམ་གླེང་བ།①  མདོ་རྩེ་སྐལ་བཟང་ཚེ་རིང་། [ནང་དོན་གནད་བསྡུས།］དཔྱད་རྩོམ་འདིར་དགའ་ལྡན་ཕོ་བྲང་སྐབས་སུ་གཞིས་ཀའི་གཏོགས་ཁོངས་མི་འདྲ་བ་ལས་གཞུང་སྒེར་ཆོས་གསུམ་ཞེས་གཞུང་གཞིས་དང་། སྒེར་གཞིས། ཆོས་གཞིས་གསུམ་དུ་བཀར་ཡོད་པ་དེ་རེ་རེའི་བྱུང་འཕེལ་གྱི་བརྒྱུད་རིམ་དང་། ལོ་རྒྱུས་ཀྱི་རྒྱབ་ལྗོངས་ཇི་ལྟ་བུ་ཡོད་པར་དཔྱད་ཞིབ་ཀྱིས་སྒེར་གཞིས་དང་ཆོས་གཞིས་ནི་བཙན་པོའི་དུས་སུ་བྱུང་འགོ་བརྩམས་པ་དང་། གཞུང་གཞིས་ནི་ཕག་གྲུའི་སྲིད་དབང་གི་སྐབས་སུ་བྱུང་བར་འདོད་པའི་ལྟ་བ་བཏོན་ཡོད། [བརྡ་ཆད་གཙོ་བོ།] བོད། གཞིས་ཀ བྱུང་ཚུལ།

  ༄༅། །དེ་ལྟར་ཤེས་བྱ་སྤྱི་དང་བྱེ་༼མཱ༡༡༠བ༽བྲག་ཟབ་པ་དང་རྒྱ་ཆེ་བའི་གནས་ཇི་ལྟར་ཐོས་པ་དེ་དག་གི་དོན་བསམ་པའི་རྟོག་དཔྱོད་ཀྱིས་རྣམ་པར་ངེས་པར་བྱ་དགོས་པས་གནས་བདུན་པ་བསམ་པའི་རིམ་པར་ཕྱེ་བ་ལ་སྐབས་བཞི། འཇལ་བྱེད་ལྡེའུ་མིག་རྣམ་པར་ངེས་པ། འཁོར་ལོ་གསུམ་གྱི་དྲང་ངེས་དང་བདེན་གཉིས་རྟེན་འབྲེལ་རྣམ་པར་ངེས་པ། གཙོ་བོ་ལྟ་བ་རྣམ་པར་ངེས་པ། བློ་ལྡོག་རྣམ་བཞི་རྣམ་པར་ངེས་པའོ། །དང་པོ་ལ་གཉིས། སྤྱིར་བསམ་བྱུང་གི་ཤེས་རབ་སྐྱེད་ཚུལ། བྱེ་བྲག་འཇལ་བྱེད་ཀྱི་ལྡེའུ་མིག་བཤད་པའོ། །དང་པོ་ནི།

བཞི་པ། རྒྱ་མདའ་རྫོང་།   ས་བཅད་དང་པོ། རྫོང་གི་གཞི་རིམ་ལོ་རྒྱུས། ལེ་ཚན་དང་པོ། རྫོང་གི་མིང་བྱུང་ཚུལ། རྫོང་དེར་རྒྱ་མདའ་ཞེས་མིང་དུ་བསྙད་པའི་སྒྲ་བཤད་ཀྱང་ས་ཀོང་རོང་གི་ལུང་པའི་ཁ་ཞེས་པའི་དོན་ལ་གོ་བར་གྲགས། འོན་ཀྱང་། དེང་ཡོངས་གྲགས་སུ་འབོད་པའི་རྫོང་མིང་རྒྱ་མདའ་ཞེས་པ་ནི།《བཀའ་བརྒྱུད་གསེར་ཕྲེང་ཟླ་བ་ཆུ་ཤེལ།》ལས། ཀརྨ་པ་སྐུ་ཕྲེང་བཞི་པ་རོལ་པའི་རྡོ་རྗེའི་རྣམ་ཐར་གསུང་སྐབས། ཉང་པོ་རྒྱབ་མདའ་།[1] ཞེས་བྱུང་བས་ན། དེང་ཀོང་པོ་རྒྱ་མདའ་རྒྱ་ཞེས་འབྲི་བཞིན་པ་དེ་ལ་ཡང་བསམ་གཞིགས་བྱ་དགོས་པའི་གཞི་ཆེན་པོ་འདུག