ལོ་ཙཱ་ཌ་རིན་ཆེན་བཟང་པོའི་རྣམ་ཐར།
ན་མཿཤྲི་གུ་རུ་རཏྣ་བྷ་དྲ་ཡེ། །དཔལ་ལྡན་ཡོན་ཏན་སྦྲང་རྩིའི་དོག་པ་ཡིས། །འཁྱུད་པའི་ཞབས་སེན་རེག་པའི་དགེ་མཚན་ཅན། །ལྷ་དབང་གཙུག་གི་མཚོ་སྐྱེས་ཕྲེང་བ་ཡིས། །འགྲོ་འདིའི་སྤྱི་བོ་རྟག་ཏུ་མཛེས་གྱུར་ཅིག །ཚོགས་གཉིས་རིན་ཆེན་མ་ལུས་གཅིག་བསྡུས་པ། །སྐལ་བཟང་བསོད་ནམས་ཕུང་བོ་ཡ་མཚན་ཞེས། །མཁས་མང་དེད་དཔོན་ཚོགས་འདིས་བསྟོད་པའི་གྲུ། །སྦྱར་བས་ཐུབ་བསྟན་མཚོ་ཆེན་གང་བར་གྱུར། །ཀཻ་ལ་ཤས་མཚོན་བྱང་དུ་དགེ་སློང་མཆོག །བྱ་ཡི་གདོང་ཅན་ཐུབ་བསྟན་དམིགས་བུ་ཞིག །འབྱུང་པོ་ཀུན་དགའ་རངས་པ་སྐྱེད་ཅིག་ཅེས། །སྟོན་པས་བསྟོད་ཚིག་ཕྲེང་བ་རྣམ་པར་སྤེལ། །




