Author: ཆུ་དབར་བུ།

རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ།   ༼༢༡༣༽༄༅༅། །རྒྱ་གར་སྐད་དུ། རཱ་ཛ་པ་རི་ཀ་ཐཱ་རཏྣ་མཱ་ལཱི། བོད་སྐད་དུ། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཉེས་པ་ཀུན་ལས་རྣམ་གྲོལ་ཞིང༌། །ཡོན་ཏན་ཀུན་གྱིས་བརྒྱན་པ་པོ། །སེམས་ཅན་ཀུན་གྱི་གཉེན་གཅིག་པོ། །ཐམས་ཅད་མཁྱེན་ལ་བདག་ཕྱག་འཚལ། །རྒྱལ་པོ་ཁྱོད་ལ་ཆོས་སྒྲུབ་ཕྱིར། །གཅིག་ཏུ་དགེ་བའི་ཆོས་བཤད་དེ། །དམ་པའི་ཆོས་ཀྱི་སྣོད་ལ་ནི། །ཆོས་འགྲུབ་འགྱུར་ཏེ་གང་ཞིག་ལ། །དང་པོར་མངོན་པར་མཐོ་བའི་ཆོས། །ཕྱིས་ནི་ངེས་པར་ལེགས་འབྱུང་བ། །གང་ཕྱིར་མངོན་པར་མཐོ་ཐོབ་ནས། །རིམ་གྱིས་ངེས་པར་ལེགས་པར་འོང༌། །དེ་ལ་མངོན་མཐོ་བདེ་བ་སྟེ། །ངེས་པར་ལེགས་པ་ཐར་པར་འདོད། །དེ་ཡི་བསྒྲུབ་པ་མདོར་བསྡུ་ན། །མདོར་ན་དད་དང་ཤེས་རབ་བོ། །

༄༅། །རྣམ་པར་རྒྱལ་བའི་ཕན་བདེ་ལེགས་བཤད་གླིང་གི་རྒྱུན་གྱི་རྣལ་འབྱོར་དང་དུས་ཀྱི་མཆོད་པར་དགོས་པའི་བཟོ་རྒྱན་ཚད་དང་དགོས་ཆ་གཏན་འབེབས་སུ་བྱས་པའི་དེབ་ཐེར་དངོས་གྲུབ་རྒྱ་མཚོ།   བྱེ་བ་ཕྲག་བརྒྱའི་དཀྱིལ་འཁོར་མ་ལུས་པའི། །རིགས་ཀུན་བདག་ཉིད་དཔལ་ལྡན་རྡོ་རྗེ་སེམས། །ཞི་ཁྲོའི་རྣམ་པར་འཕྲུལ་པ་རྨད་པོ་ཆེ། །མཁའ་ཁྱབ་མཁའ་ཡི་རྡོ་རྗེས་ཤིས་པ་སྩོལ། །དངོས་བཤམས་ཡིད་སྤྲུལ་མ་དྲོས་མཚོ་(༦༧ན)ཆེན་ལས། །ཀུན་བཟང་མཆོད་སྤྲིན་ཆུ་གཏེར་རྣམ་བཞིའི་རྒྱུན། །ཚོགས་གཉིས་ཟླ་བའི་མ་མར་བྱང་ཆུབ་པར། །འཕེལ་བའི་རླབས་འཕྲེང་སྲིད་རྩེར་ཕྱུར་འདི་སྤྲོ། །རང་རིག་མཁའ་ལ་འཇིག་རྟེན་ཡེ་ཤེས་ལྷ། །དབང་གཞུ་ལྟ་བུར་རང་བྱུང་རང་ཤར་ལས། །དམིགས་སུ་མེད་ཀྱང་འཕྲུལ་དགའི་ལྷ་བཞིན་དུ། །དགྱེས་བསྐྱེད་ཆོ་གའི་བསོད་ནམས་རི་བོ་དངོས། །རྩ་གསུམ་དངས་མའི་ཁམས་ཀྱི་ཉིང་ཁུ་ཀུན། །རྒྱུད་གསུམ་དྲེགས་པར་ཤར་ལ་ཕྱི་ནང་གསང་། །

དེ་ཡང་རྒྱ་མཚོའི་ཕྱི་ནང་གི་རིག་གནས་འདྲ་མིན་གྱི་བཙུར་གནོན་དང་ལྟ་བ་སོགས་དམིགས་ཡུལ་ཐ་དད་པའི་ཀླན་ཀའི་བར་ནས་སློབ་དཔོན་ཐོན་མི་ཟེར་བ་ལ་རྩོད་རྙོག་གི་མདའ་མོ་དཔྱིད་ཀྱི་དྲག་ཆར་བཞིན་འཕེན་བཞིན་ཡོད་ལ།ཡོད་པ་ལ་ལྷ་སྒྲུང་གི་ཤུབས་བསྐོན་ནས་དངོས་ཡོད་ལོ་རྒྱུས་ཀྱི་གཟུགས་རིས་མཐོང་མི་ཐུབ་པའམ།མེད་པ་ལ་དགོས་དབང་གིས་དྲི་མ་གོས་ཏེ་བདེན་པའི་གནས་ལུགས་དང་ར་འཕྲོད་དཀའ་བ་སོགས་ཅི་ཡིས་ལན་ཡིན་པ་མི་ཤེས་མོད།ད་བར་དུ་མཐའ་ཆོད་པ་དང་གཏིང་ཕྱིན་པའི་མཐའ་དཔྱད་ཅིག་ལར་ནས་མཐོང་མ་སོང་།འོན་ཀྱང་བབས་ལྟ་ཙམ་བྱས་ན་དེ་དག་གིས་རྐྱེན་བསླངས་པའི་ཐོན་གྱི་མི་ཆུང་གི་སྐོར་ལ་དོགས་པ་མི་འདྲ་བ་གཉིས་བསླངས་ཡོད་པར་སྙམ་མོ།དང་པོ་དེ་ནི་ཐོན་མི་ཟེར་བ་ཞིག་དོན་དངོས་སུ་སྲོང་བཙན་སྐབས་སུ་བྱུང་ཡོད་མེད་དང་།གཉིས་པ་ནི་གལ་ཏེ་བྱུང་ཡོད་ཀྱང་བོད་ཡིག་དེ་ཐོན་མིས་གསར་བཟོ་བྱས་མིན་གྱི་སྐོར་དེ་རེད།

དང་པོ། ཏུན་ཧོང་གཏེར་ཡིག་ལས་བཙན་པོའི་གདུང་ཁུངས། ༄། །ཡུལ་དང་མཁར་དུ་བཅས་པཱ། སོ་སོ་ཡུལ་བདེ་བཞི་ལས། །སྤུ་རྒྱལ་བོན་གྀ་བཙན་པོ་ལྡེའུ་རྒྱལ་པོ་ཐོད་རྒྱལ་བྱུང་ཏེ། །ལ་ལ་འྀ་མཆྀད་ནས་ནྀ་རྒྱལ་ཕྲན། ། བཅུ་གཉིས་ལ་གཏོགས་ཤེས་ཀྱང་མཆྀ། ། མྱྀ་གཏོག་ཤེས་ཀྱང་མཆྀ། །བཙན་པོ་འྀ་གདུང་རབ་ཀྱྀ་ཁུངས་སྨོས་པའ། ། གནམ་དགུང་གྀ་སྟེང་ན། ། ལྷ་ཀུ་སྤྱྀ་སེར་བཞྀས་བརྒྱ་བའ། མ་སངས་ཐམ་ཅད་གྀ་བདག་པོ། །སྲྀད་པ་ཀུན་ལ་མངའ་མཛད་པའ། །ཕྱྭའྀ་ཡང་ཕྱྭ་ལགས་ཤེས་ཀྱང་མཆྀ། །རྣམ་གཉྀས་སུ་ནྀ་གདོལ་པར་ཤ་ཟ་འྀ་རྀགས། ། རྒྱལ་པོ་གདོང་དམར་གྱྀ་རྀགས། ། གངས་རྀ་བྱུན་ཀོར་གྱྀ་ནྀ་བདག་པོ། །གནོད་སྤྱྀན་ཛ་ཞེས་བགྱྀ་བ་འྀ་རྀགས་ལགས་ཤེས་ཀྱང་མཆྀ། ། རྣམ་གསུམ་དུ་ནྀ་གནམ་རིམ་པ་བཅུ་གསུམ་གྱྀ་སྟེང་ན། ། ཁྲྀ་བར་ལ་བདུན་ཚྀག ། ཤེས་བགྱྀ། །གནམ་གྀ་ལྷ་ལས། ས་ག་དོག་དྲུག་དུ། ། འགྲེང་འགོ་ནག་གྀ་རྗེས་མྱེད་གྀ་རྗེ། །དུད་རྔོག་ཆག་བླ་མེད་ཀྱྀ་བླར། ། བློན་པོ་ལྷོ་རྔེགས། ཆེན་པོ་མཚེ་གཅོ། ཕྱག་ཚང་ཤ་སྤུག…

གངས་འཚོ། ནང་དོན་གནད་བསྡུས། རྩོམ་ཡིག་འདིའི་ནང་ལྷ་ལུང་དཔལ་རྡོར་གྱི་ཁྱིམ་རྒྱུད་དང་སྤུན་མཆེད་གསུམ་རབ་ཏུ་བྱུང་པའི་རྒྱུ་རྐྱེན། ཁོང་གིས་སྲིད་དོར་ནས་ཆོས་ཀྱི་མཛད་པ་བསྐྱངས་མཐར་རྒྱལ་པོ་དགྲོང་མཁན་གྱི་ལག་དམར་དུ་ཇི་ལྟར་གྱུར་ཚུལ་དང་། ཁྱད་པར་དུ་རྒྱལ་བོ་འུ་དུམ་བཙན་པོའི་མཐའ་མཇུག་གི་གནས་སྟངས་སོགས་ལ་དཔྱད་པ་བཏང་ཡོད། གནད་ཚིག ལྷ་ལུང་། འཁྲུངས་ལོ། རབ་ཏུ་བྱུང་པ། འགལ་བ། མཐའ་མཇུག་གི་གནས་སྟངས། དང་པོ། ལྷ་ལུང་དཔལ་རྡོར་གྱི་ཁྱིམ་རྒྱུད་དང་འཁྲུངས་ལོའི་སྐོར། བོད་ཀྱི་ལོ་རྒྱུས་ཡིག་ཚང་ཁག་ནང་གཅིག་མཐུན་གྱིས་གསུངས་པ་ལྟར་ན། རྒྱལ་བོ་འུ་དུམ་བཙན་པོའི་ལས་སྐལ་རྫོགས་པར་བྱེད་མཁན་ནི་ལྷ་ལུང་དཔལ་གྱི་རྡོ་རྗེ་ཞེས་པའི་ཆོས་ཕྱོགས་ཀྱི་མི་སྣ་ཞིག་ཡིན་ལ། དོན་གྱིས་ཁོ་ནི་སྲིད་ཕྱོགས་ལའང་འབྲེལ་བ་ཆེན་པོ་ཞིག་ཡིན་འདུག དེ་ནི་ཁོས་མཐར་རྒྱལ་པོ་འུ་དུམ་བཙན་པོ་ལྐོག་གསོད་བྱེད་པའི་ལམ་ཁ་དེ་འདེམ་པའི་རྒྱུ་རྐྱེན་གལ་ཆེན་ཞིག་ཏུ་གྱུར་ཡོད། ལོ་རྒྱུས་དོན་རྐྱེན་དེའི་མཐིལ་རྟོགས་པ་ལ་ཁོའི་ཁྱིམ་རྒྱུད་དང་འབྲེལ་ནས་གླེང་ན་གོ་བ་བདེ་བླག་ཏུ་རྙེད་ཐུབ། ལྷ་ལུང་དཔལ་རྡོར་ནི་ཁྱིམ་རྒྱུད་རྙིང་པ་དབང་ཐང་ཅན་ཞིག་ནས་སྐྱེས་པར་བརྟེན། ཁོང་སྐུ་ན་ཆུང་བའི་དུས་ནས་སྲིད་ཀྱི་ལས་ལ་ཞུགས་པར་མ་ཟད། སོ་མཚམས་སྲུང་བའི་དམག་དཔོན་གྱི་གོ་གནས་ཀྱང་ཁུར་མྱོང་ཡོད། ཁྱིམ་རྒྱུད་ཀྱི་མིང་ལ་ལྷ་ལུང་ཞེས་འབོད་ལ་དེ་ནི་རུས་རྒྱུད་རྙིང་པ་ལས་བྱུང་བའི་མིང་ཞིག་ཡིན་པས་ལོ་རྒྱུས་ཤིན་ཏུ་རིང་པོ་ཡོད་པ་ཞིག་ཡིན་པ་གོར་མ་ཆག བོད་ཀྱི་རྩ་བའི་རུས་ཆེན་བཞིའི་ཡ་གྱལ་ཨ་ཕོ་ལྡོང་ལ་རུས་ཚན་མང་དུ་གྱེས་པ་ལས་ལྡོང་རུས་ཆེན་བཅོ་བརྒྱད་ཟེར་བ་ཞིག་བྱུང་ལ།

བོད་མིའི་དུར་འཇུག་ལ་རིགས་གང་ཡོད། གཅིག ས་ལ་སྦེད་པ། བོད་ཀྱི་དུར་འཇུག་བྱེད་ཚུལ་སྔ་ཤོས་ནི་ས་འོག་ཏུ་སྦེད་རྒྱུ་དེ་ཡིན་ཏེ་བོད་ཀྱི་རྒྱལ་རབས་ལོ་རྒྱུས་དག་ལས་གྲི་གུམ་བཙན་པོའི་བང་སོ་ནི་བང་སོའི་ནང་གི་ལྔ་ཤོས་དེ་ཡིན་པར་གྲགས་པ་དང་། དེ་ཡང་རྒྱལ་པོའི་བང་སོའི་སྐོར་ཡིན་པ་ལས་དུར་རམ་བང་སོའི་སྔ་ཤོས་ནི་ཇི་ཙམ་ལ་བྱུང་བ་བརྗོད་པར་དཀའ་སྟེ་ཉེ་བའི་ལོ་ཤས་ནང་བརྙེད་པའི་བང་སོ་འགའ་ཞིག་ནི་ལོ་གསུམ་སྟོང་ལྷག་སོང་ཟིན་སྐད་འདུག་ཅིང་གང་ལྟར་ནའང་བོད་དུ་ནང་པ་སངས་རྒྱས་ཀྱི་ཆོས་འདི་ས་ཁྱབ་རྡོ་ཁྱབ་ཏུ་མ་དར་བར་དུ་ནི་ཕུང་པོ་ས་འོག་ཏུ་སྦེད་རྒྱུ་དེ་ཁོ་ན་ཡིན་པར་ཐེ་ཚོམ་མི་དགོས་པ་ཞིག་ཡིན་ལ་སངས་རྒྱས་ཆོས་ལུགས་བོད་དུ་དར་ནས་ཀྱང་ཡུན་རིང་པོ་ཞིག་གི་རིང་ལ་སྔར་མུས་སུ་བང་སོ་བརྩིགས་ནས་དུར་དུ་འཇུག་མུས་སུ་ཡོད་པ་དཔེར་ན་རྒྱལ་པོ་གླང་དར་མ་འུ་དུམ་བཙན་གྱི་སྐབས་སུ་ནི་སངས་རྒྱས་ཀྱི་ཆོས་ལུགས་དར་ནས་རྒྱལ་རབས་དྲུག་ཙམ་སོང་ཡང་ད་དུང་བང་སོ་རྩིག་མུས་སུ་ཡོད་པ་སྟེ་བོད་ཀྱི་རྒྱལ་རབས་ལོ་རྒྱུས་དག་ལས་གླང་དར་གྱི་བང་སོ་ནི་བོད་ཀྱི་བཙན་པོའི་བང་སོ་མཐའ་མ་དེ་ཡིན་ལ་བོད་ཀྱི་བང་སོའི་མཐའ་མ་ཡང་དེ་ཡིན་ཀྱང་ཕུང་པོ་ས་འོག་ཏུ་སྦེད་པའི་སྲོལ་གྱི་མཐའ་མ་ནི་མ་ཡིན་པར་བསྟན་པ་ཕྱི་དར་གྱི་གཡི་དུས་བར་དུ་གནས་པར་སྣང་ངོ་། །