Author: ཆུ་དབར་བུ།

དེ་ཡང་ཁ་བ་གངས་ཅན་པའི་ལྗོངས་འདིར་རྒྱལ་བསྟན་དར་འཕེལ་བྱུང་ནས་ལོ་ངོ་སྟོང་ཕྲག་ལྷག་གི་དུས་ཡུན་ནང་རིས་སུ་མ་ཆད་པའི་སྐྱེས་ཆེན་དམ་པ་རྣམས་ཀྱིས་དཀའ་བ་དང་དུ་བླངས། ངལ་བ་ཁྱད་དུ་བསད་ནས་བོད་ཡུལ་ཁྱོན་ཀུན་ལ་རྒྱལ་བསྟན་འཛིན་སྐྱོང་བྱེད་སའི་དགོན་སྡེ་རབ་དང་རིམ་པ་མང་པོ་ཕྱག་བཏབ་ཡོད་པ་ནི་གངས་ཅན་པའི་ལོ་རྒྱུས་ཁྲོད་ནས་ནམ་ཡང་ཡལ་མི་རུང་བ་ཞིག་ཏུ་གནས་ཡོད། འོན་ཀྱང་ལོ་ངོ་མང་པོའི་དུས་རབས་ཀྱི་འཕོ་འགྱུར་དང་འབྱུང་བཞིའི་སྟེས་དབང་གིས་ལོ་རྒྱུས་ཡུན་རིང་ལྡན་པའི་དགོན་སྡེ་མང་པོ་ཞིག་ཐོར་ཞིག་སོང་བ་དང་། གནའ་ཤུལ་ལྟ་བུ་ཅུང་ཟད་ལྷག་ཡོད་པ་དག་ཀྱང་སྐབས་དེའི་གནས་བབས་ལས་འབྱུང་འཕེལ་དངོས་ཀྱི་ལོ་རྒྱུས་ཡིག་རིགས་རྣམས་མེ་ལྷ་དང་ཆུ་ལྷའི་ཞལ་ཏུ་བསྟབ་ནས་མཐོང་ཆོས་སུ་མ་གྱུར་པ། ཕྱོགས་ཙམ་ཡོད་པ་དག་ཀྱང་རྒན་རབས་རྣམ་པའི་ཞལ་རྒྱུན་ལས་ཡིག་ཚང་དངོས་ཀྱི་གཞུང་གཏུགས་མེད་པ་སོགས་ཉག་ཕྲ་བའི་དེང་སང་གི་དུས་འདིར་འགན་འཁྲིའི་འདུ་ཤེས་ཅན་ཁག་ཅིག་གིས་གནའ་ཤུལ་རིག་གནས་དེ་དག་ལ་སྲུང་སྐྱོབ་ཡོང་ཆེད། ལོ་རྒྱུས་ཡིག་ཚང་རྙིང་ཤས་ཅན་མང་པོར་དཔེ་བསྡུར་བྱས་ཏེ་ཆོས་འབྱུང་ལོ་རྒྱུས་རྣམས་ཡིག་རིས་ཀྱི་ལམ་ནས་དེབ་གཟུགས་ལ་བསྒྱུར་བཀོད་བྱས་དང་བྱེད་བཞིན་པ་ནི་ཅི་འདྲའི་ཡི་རངས་ཞུ་འོས་པ་ཞིག་རེད།

༈ བྱང་ཆུབ་ཐུགས་ཀྱིས་འགྲོ་ཀུན་བུ་བཞིན་གཟིགས། །ལྷག་པའི་ལྷ་ཡིས་རྗེས་བཟུང་བྱིན་གྱིས་བརླབས། །སྙིགས་དུས་འགྲོ་བ་འདྲེན་པའི་བཤེས་གཉེན་མཆོག ། ནམ་མཁའ་རྒྱལ་མཚན་ཞབས་ལ་གསོལ་བ་འདེབས། །ཞེས་བསྔགས་པ་ལྷོ་བྲག་མཁན་ཆེན་ནམ་མཁའ་རྒྱལ་མཚན་ནི་ཡབ་སློབ་དཔོན་ནམ་མཁའ་བཟང་པོ་དང་།  ཡུམ་རིན་ཆེན་རྒྱན་ཅེས་བྱ་བའི་སྲས་སུ་ 1326 མེ་ཕོ་སྟག་གི་ལོ་ལ་ཤུད་ཕུའི་རིགས་སུ་སྐུ་བལྟམས།  འཁྲུངས་ཙམ་ཉིད་ནས་སཾ་སྐྲྀ་ཏའི་སྐད་དུ་དེ་བཞིན་གཤེགས་པའི་མཚན་བརྗོད་པ་སོགས་སྨྲ་ཤེས་ཤིང་།  བསམ་བཞིན་དུ་བྱོན་པའི་སྤྲུལ་པ་ཞིག་ཡིན་པའི་རྟགས་བསྟན།  དགུང་ལོ་གཉིས་པ་ལ་སྔོན་གྱི་སྐྱེ་བ་དྲན་པའི་སྟོབས་ཀྱིས་གཏོར་མ་གཏོང་པའི་ལད་མོ་མཛད།  ལོ་གསུམ་པའི་དུས་སུ་ལྷག་པའི་ལྷ་མང་པོའི་ཞལ་མཐོང་བ་བྱུང་།  དགུང་ལོ་བདུན་པ་ལ་ཁུ་བོ་མཁན་ཆེན་རྒྱལ་སྲས་པ་ལ་དགེ་བསྙེན་གྱི་སྡོམ་པ་མནོས།  ཁྱིམ་གྱི་འདུ་འཛི་ལ་མ་ཆགས་པར་ངེས་འབྱུང་གི་བསམ་པ་ཤུགས་དྲག་པོས་བསྐུལ་ཏེ་མཁན་ཆེན་རྒྱལ་སྲས་བཟང་པོའི་དྲུང་དུ་རབ་ཏུ་བྱུང་ཞིང་དགེ་ཚུལ་གྱི་སྡོམ་པ་བཞེས།

སྤུ་རྒྱལ་བཙན་པོའི་གདུང་ཁུངས་ངོ་མ་གང་ལ་ཐུག་ཡོད་དམ་།  ཉིན་ཤས་ཀྱི་གོང་དུ་དྲ་ཚོམ་ཞིག་གི་ནང་དུ་སྤུ་རྒྱལ་གཉའ་ཁྲི་བཙན་པོའི་ཐོག་མར་ཞང་ཞུང་ནས་བོད་ཡུལ་རུ་བཞི་རུ་གཏོང་ཡོད་པའི་ཚུལ་བཤད་པ་ཡིན།    གྲོགས་ཤིག་གིས་སྤུ་རྒྱལ་གཉའ་ཁྲི་བཙན་པོའི་གདུང་ཁུངས་ངོ་མ་དེ་སྤུ་བོ་ནས་ཡིན་ནམ་ཡང་ན་ཞང་ཞུང་ནས་ཡིན་ནམ་ག་རེ་ཁུངས་དག་ཡོད་དམ་ཞེས་འདྲི་བཞིན་འདུག་པར།     དེ་ལ་ལན་དུ་ཁོ་བོས་ནི་སྤུ་རྒྱལ་གཉའ་ཁྲི་ནི་ཞང་ཞུང་ནས་མར་གཏོང་བ་དེ་ཁུངས་དག་པར་མཐོང་བ་ཡིན་པས།   ལན་ནི་ཕྱོགས་ཙམ་ཞིག་དེ་རིང་འབུལ་རྒྱུ་ཡིན། ། དང་པོ་མང་པོ་བཀུར་བའི་རྒྱལ་བརྒྱུད་དམ་གཉའ་ཁྲི་བཙན་པོའི་གདུང་ཁུངས་ནི།   གཉའ་ཁྲི་བཙན་པོའི་སྐབས་སུ་བོད་ཡུལ་རུ་བཞི་ལ་རྗེ་བོའི་གདུང་བརྒྱུད་ནི་ཕྱྭ་དམུ་གཙུག་གསུམ་གི་ཡ་གྱལ་ཕྱྭ་ཡི་རིགས་སུ་གྱེས་པའི་རྒྱལ་ཕྲན་སིལ་མ་བཅུ་གཉིས་ཀྱིས་དབང་བསྒྱུར་བའི་དུས་སྐབས་ཤིག་ཡིན་ལ།   ཁོ་ཚོ་ཕྱོགས་ཕན་ཚུན་ཐོག་མ་ནི་གདུང་བརྒྱུད་གཅིག་ལས་གྱེས་པའི་གཉེན་ཚན་ཤ་དག་གི་རྒྱལ་ཕྲན་ཁག་ཡིན་མོད་ཀྱང་།   སྐབས་དེར་ནང་འཁྲུགས་རྐྱང་རྐྱང་བྱས་པས་ཕར་ཆེར་གཉའ་ཁྲི་བཙན་པོའི་ཡབ་བམ་ཕ་ཡུལ་ངོ་མ་ནི་ཕྱྭ་ཡི་ཡུལ་ཞེས་དབུས་གཙང་གི་ཁུལ་ཞིག་ལ་ཡིན་སྲིད་མོད་དེར་སྲིད་མ་ཐེག་པས་ཞང་པོ་དམུ་ཡི་ཡུལ་དུ་སྤྱུག་པའི་སྐོར་ནི་ལོ་རྒྱུས་ཀྱི་ནང་དུ་གསལ་བས།   

◎འདབ་ཡངས།【རིག་གཞུང་སློབ་གླིང་། སློབ་ཐོན་སློབ་མ།】           —-ཡང་ན་དཔེ་དེབ་ཅིག་བཀླགས་པའི་མོད་ལ་ལྷ་ས་མཇལ་བ། ད་ལོ་སྟེ། ༢༠༡༨ལོའི་དགུན་སྨད་ལ་སྟབས་འཁེལ་ཞིག་གམ། ཡང་ན་ངས་ནན་གྱིས་བསྐུལ་བ་དང་ཨ་ཕས་ཀྱང་ད་ཐེངས་ལྷ་སར་ཕྱིན་ན་ཡག་རབས་བཤད་པས། ད་གཟོད་རྨོ་བོས་ཁྱིམ་གྱི་ཚར་རྒྱུ་མེད་པའི་ལས་ཀ་ཙག་ཙིག་དག་རེ་ཞིག་བསྐྱུར་ནས་ང་དང་མཉམ་དུ་དབུས་ལྷ་སར་ཡོང་རྒྱུར་ཁས་བླངས། རྨོ་བོ་ནི་ལོ་བརྒྱད་ཅུ་ལ་ཉེ་བར་བཅར་ཞིང་། དེང་གི་ཆར་བརྒྱ་སྒྲོག་སྟོང་སྒྲོག་བྱེད་པའི་བོད་གསར་རྙིང་གཉི་ག་བརྒྱུད་མྱོང་བ་ཞིག་རེད། གཟུགས་པོ་གཅོང་ནད་ཅིག་གིས་ཡུན་རིང་མནར་བཞིན་ཡོད་ཅིང་ལྷག་ཏུ་ཉེ་ཆར་ནད་གཞི་ལྕི་རུ་ཕྱིན་ཡོད་པས་ད་ཐེངས་ལྷ་སར་ཕྱིན་ཏེ་ཁྱིམ་མི་རྣམས་ཀྱིས་གཙོ་བོ་ནད་གཞི་དྲག་བསྐྱེད་ཡོང་བའི་རེ་བ་བྱེད། འོན་ཏེ། རྨོ་བོ་དང་ལྷག་ཏུ་ངའི་ཨ་ཕའི་བསམ་ཚུལ་ནི་དེ་འདྲ་ཞིག་མ་ཡིན་པ་འདྲ། ལྷ་སར་འབྱོར་ནས་དོན་དག་གལ་ཆེ་ཤོས་ཤིག་ཡོད་པ་ནི་ཨ་ཕས་རྨོ་བོ་འཁྲིད་དེ་ཇོ་ཤཱཀྱ་རྣམ་གསུམ་དང་། གདན་ས་ཆེན་མོ་སེ་འབྲས་དགའ་གསུམ་བཅས་ཀྱི་གཙོ་བྱས་པའི་ཉེ་འཁོར་གྱི་དགོན་པ་དག་ཏུ་ཆོས་མཇལ་ལ་འགྲོ་རྒྱུ་བྱུང་ན། གཞི་ནས་ལྷ་སར་སླེབས་པའི་སླེབས་གོ་ཆོད་པ་དང་བསམ་པ་རྫོགས་པ་ཡིན།

༄༅། །བོད་ཀྱི་ལོ་རྒྱུས་རྨང་གཞི་ཤེས་བྱ། ༼༡༽ སྤུར་རྒྱལ་བཙན་པོ་སྐབས་ཀྱི་དམག་མིའི་གཟུགས་བརྙན། སྙིང་སྟོབས་དགུ་འགྱུར་སྲོག་གི་དབྱུག་པ་ལ།། རྟ་མཆོག་ཁྲོས་པའི་བཀའ་ཡི་རྗེས་བཏབ་པས།། སྲིན་པོ་གདོང་དམར་བོད་ཀྱི་དམག་དཔུང་གིས།། གསུམ་གཉིས་ས་ཡི་དཀྱིལ་འཁོར་བཟུང་ཞེས་གྲགས།།                                       དགེ་འདུན་ཆོས་འཕེལ། 丨ལོ་རྒྱུས་ཞེས་པར་ཇི་ལྟར་འགྲེལ། འདས་ཟིན་པའི་ལོ་ཟླ་ཡི་ནང་གི་བྱུང་བ་རྣམས་མུ་ཏིག་བསྟར་ལ་རྒྱུས་པ་ལྟར་བཀོད་པས་ན་ལོ་རྒྱུས་ཟེར།   丨བོད་ཀྱི་ལོ་རྒྱུས་ཀྱི་དུས་རབས་ལ་དབྱེ་ན་ཧ་ལམ་གང་འདྲ་ཡིན།      དེ་ཡང་དུས་རིམ་བརྒྱད་ལ་དབྱེ་ཆོག་སྟེ། ༡.ཡ་ཐོག་སྐབས་ཀྱི་ལོ་རྒྱུས། ༢.སྤུར་རྒྱལ་གདུང་རབས་ཀྱི་སྐབས། ༣.བོད་བཙན་པོའི་སྐབས། ༤.བོད་སིལ་བུའི་དུས་སྐབས། ༥.ས་སྐྱ་བའི་དུས་སྐབས། ༦.ཕག་མོ་གྲུ་པ་དང་རིན་སྤུངས་པའི་དུས་སྐབས། ༧.དགའ་ལྡན་ཕོ་བྲང་གི་དུས་སྐབས། ༨.དེང་རབས་ཀྱི་དུས་སྐབས།   丨བོད་མིའི་འགྲོ་བ་བྱུང་ཚུལ་ཅི་འདྲ་ཡིན། རང་ཅག་རྣམས་ཀྱི་བཤད་རྒྱུན་ལ་ཕ་སྤྲེའུ་བྱང་ཆུབ་སེམས་དཔའ་དང་མ་བྲག་སྲིན་མོ་གཉིས་འདུས་པ་ལས་སྤྲེལ་ཕྲུག་མང་དུ་འཕེལ་ཏེ་དེ་དག་གི་རྒྱུད་པ་ལས་བོད་མི་རྣམས་བྱུང་བར་གྲགས།

མཉམ་མེད་དྭགས་པོ་ལྷ་རྗེའི་སློབ་མ་དུས་གསུམ་མཁྱེན་པས་ཁམས་ཁུལ་དུ་ཀརྨ་ལྷ་སྟེང་གི་དགོན་པ་བཏབ་ཏེ་གནས་གཞི་བཟུང༌བ་དང་དེ་ནས་བཟུང་ཁོང་ལ་ཀརྨ་པ་ཞེས་མིང་ཐོགས། དུས་རབས་བཅུ་གཉིས་པའི་མཇུག་རབ་བྱུང་གསུམ་པའི་ཤིང་སྦྲུལ་ (1185) ལོར་མཉམ་མེད་དྭགས་པོ་ལྷ་རྗེའི་སློབ་མ་དུས་གསུམ་མཁྱེན་པས་ཁམས་ཁུལ་དུ་ཀརྨ་ལྷ་སྟེང་གི་དགོན་པ་བཏབ་ཏེ་གནས་གཞི་བཟུང༌། དེ་ནས་བཟུང་ཁོང་ལ་ཀརྨ་པ་ཞེས་མིང་ཐོགས་ཤིང༌། ཆོས་བརྒྱུད་ལ་ཀརྨ་བཀའ་བརྒྱུད་ཟེར་ཞིང་དབུ་ཞྭ་ནག་པོ་ཡིན་པས་ཀརྨ་ཞྭ་ནག་པ་ཟེར། དུས་གསུམ་མཁྱེན་པ། འཁྲུངས་འདས། 1110－1193