སྤེལ་ཞིབ་ཕྲ།
ལྷ་ལྕམ་མནྡྷ་ར་བས་མཛད་པའི་གུ་རུའི་གསོལ་འདེབས།
ཨེ་མ་ཧོ༔ མཚར་སྡུག་ཡིད་འོང་ཁྱེའུ་ཆུང་སྤྲུལ་པའི་སྐུ༔ གསལ་འཚེར་ལྷུན་སྡུག་གཟི་བརྗིད་འབར་བའི་སྐུ༔ མཚན་དང་དཔེ་བྱད་མཛེས་པའི་དྲྭ་བ་ལ༔ ལྟ་བས་མི་ངོམས་ཨོ་རྒྱན་སྤྲུལ་པའི་སྐུར༔ གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས༔ འཁོར་བའི་སྡུག་བསྔལ་འདི་ལས་བསྒྲལ་དུ་གསོལ༔ ཚངས་པའི་གསུང་དབྱངས་རྡོ་རྗེའི་གླུ་དབྱངས་ཀྱིས༔ ཟབ་གསལ་ཆོས་ཀྱི་སྒྲ་ལ་དབྱངས་སྙན་པ༔ ཉན་པས་མི་ངོམས་ཨོ་རྒྱན་སྤྲུལ་པའི་གསུང་༔ གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས༔
ཀརྨ་པ་རང་བྱུང་རྡོ་རྗེས་ཡུམ་གྱི་དྲིན་ལན་བཤགས་པའི་མདོ་བཞུགས་སོ།།
ༀ་མ་ནི་པདྨེ་ཧཱུྃ་ཧྲཱི༔ འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ།། ༀ་མ་ནི་པདྨེ་ཧཱུྃ་ཧྲཱི༔ དོན་འདི་ལས་ལྷག་པ་གསུང་རྒྱུ་མེད།། བྱམས་པའི་བསྟན་ཅིང་སྙན་པའི་ཚིག ། བུ་བརྩེ་བའི་སེམས་ཀྱིས་སྐྱོངས་པའི་དྲིན་ཆེན་མ།། སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།། ༀ་མ་ནི་པདྨེ་ཧཱུྃ་ཧྲཱི༔ ཁ་ཟས་ཁས་བྱིན་མི་གཙང་ལག་པས་ཕྱིས།། ཡང་ཡང་པང་དུ་བླངས་པའི་དྲིན་ཆེན་མ།། ཁམས་གསུམ་འཁོར་བར་འཁྱམས་པ་སྙིང་རེ་རྗེ།། སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།། ༀ་མ་ནི་པདྨེ་ཧཱུྃ་ཧྲཱི༔
དུས་རབས་བརྒྱད་པའི་དབའ་བཞེད་བྱུང་འཕེལ་གྱི་སྐོར་ལ་བསྐྱར་ཞིབ།
༄༅།། དུས་རབས་བརྒྱད་པའི་དུས་ཀྱི་《དབའ་བཞེད་》བྱུང་འཕེལ་གྱི་སྐོར་ལ་བསྐྱར་ཞིབ་བྱས་པའི་དཔྱད་པ། བན་ཤུལ་དཔལ་མཁར་རྒྱལ། [ནང་དོན་གནད་བསྡུས།] དཔྱད་རྩོམ་འདིར་དུས་རབས་བརྒྱད་པའི་དུས་ཀྱི་དབའ་བཞེད་བྱ་བའི་ཡིག་རྙིང་གི་ཕྱི་མོ་གང་ཡིན་ལ་དཔྱད་ཞིབ་ནན་ཏན་བྱས་པ་བརྒྱུད་ཡིག་རྙིང་དེ་དང་འབྲེལ་བ་ཡོད་པའི་མྱང་དང་དབའ་ཡི་རུས་རྒྱུད་རྙིང་བ་གཉིས་ཀྱི་འགལ་འདུ་དང་། དེ་རྣམས་ཀྱི་ལྟ་གྲུབ་མི་མཐུན་པའི་གྱེས་པ་གཉིས་ལ་བརྟེན་ནས་དབའ་བཞེད་བྱ་བའི་ཡིག་རྙིང་ལ་ཞབས་བཏགས་སྣ་ཚོགས་ཇི་ལྟར་བྱུང་བའི་སྐོར་དང་། དེ་འབྲེལ་གྱི་མཁས་པ་ཕྱི་མ་རྣམས་ཀྱིས་དབའ་བཞེད་བྱ་བའི་ཡིག་རྙིང་ལ་ངོས་འཛིན་དང་དེའི་སྐོར་ལ་མཐུན་མི་མཐུན་གྱི་བཞེད་ཚུལ་ཇི་ལྟར་བྱུང་ཚུལ་སོགས་ཅུང་ཟད་ཞིབ་པར་བརྗོད་ཡོད། [བརྡ་ཆད་གཙོ་བོ།] དབའ་བཞེད། མྱང་། དབའ། ཞབས་བཏགས་མ།
༄༅། །ལོ་ཙཱ་བ་རིན་ཆེན་བཟང་པོའི་རྣམ་ཐར་ཚིགས་སུ་བཅད་པ།
ན་མཿཤྲི་གུ་རུ་རཏྣ་བྷ་དྲ་ཡེ། །དཔལ་ལྡན་ཡོན་ཏན་སྦྲང་རྩིའི་དོག་པ་ཡིས། །འཁྱུད་པའི་ཞབས་སེན་རེག་པའི་དགེ་མཚན་ཅན། །ལྷ་དབང་གཙུག་གི་མཚོ་སྐྱེས་ཕྲེང་བ་ཡིས། །འགྲོ་འདིའི་སྤྱི་བོ་རྟག་ཏུ་མཛེས་གྱུར་ཅིག །ཚོགས་གཉིས་རིན་ཆེན་མ་ལུས་གཅིག་བསྡུས་པ། །སྐལ་བཟང་བསོད་ནམས་ཕུང་བོ་ཡ་མཚན་ཞེས། །མཁས་མང་དེད་དཔོན་ཚོགས་འདིས་བསྟོད་པའི་གྲུ། །སྦྱར་བས་ཐུབ་བསྟན་མཚོ་ཆེན་གང་བར་གྱུར། །ཀཻ་ལ་ཤས་མཚོན་བྱང་དུ་དགེ་སློང་མཆོག །བྱ་ཡི་གདོང་ཅན་ཐུབ་བསྟན་དམིགས་བུ་ཞིག །འབྱུང་པོ་ཀུན་དགའ་རངས་པ་སྐྱེད་ཅིག་ཅེས། །སྟོན་པས་བསྟོད་ཚིག་ཕྲེང་བ་རྣམ་པར་སྤེལ། །མཆོད་པ་གསལ་བྱེད་ཐལ་མོ་སྦྱར་མཛེས་སུ། །ཚངས་པའི་ཅོད་པན་ས་ལ་ལྷུང་བ་ན། །ས་སྐྱོང་ཚོགས་འདིའི་གཙུག་རྒྱན་གསེར་ལྡན་མའི། །ལྟོ་བའི་རྒྱན་དུ་ཅི་སྟེ་མི་བགྱི་ལགས། །ཉིད་ཀྱི་ཡབ་རྗེ་འབྱོར་བ་དུལ་བས་བརྒྱན། །ཡོན་ཏན་སྐྱིལ་གྲུང་འགྲོ་འདིའི་སྤྱི་བོར་འཛེགས། །གྲོང་ཁྱེར་པ་རྣམས་གསེར་གྱི་ཁང་བའི་ཕྲེང་།…
རྗེ་བཙུན་མི་ལ་འཁྲུངས་འདས་ཀྱི་ལོ་ཟླའི་དུས་ཚིགས་ཅུང་ཟད་དཔྱད་པ།
རྗེ་བཙུན་མི་ལ་འཁྲུངས་འདས་ཀྱི་ལོ་ཟླའི་དུས་ཚིགས་ཅུང་ཟད་དཔྱད་པ། དེ་ཡང་སྤྱིར་བཞེད་པ་མི་འདྲ་བ་དུ་མ་ཡོད་ཀྱང༌། ཡོངས་གྲགས་སུ་གསུམ་ཙམ་མཐོང་སྟེ། དེ་ཡང་དེབ་སྔོན་ལས་མར་པའི་ཉི་ཤུ་རྩ་དགུ་པ་ལྕགས་འབྲུག་༼༡༠༤༠༽ལོར་རྗེ་བཙུན་མི་ལ་དང་བ་རི་ལོ་ཙཱ་བ་གཉིས་འཁྲུངས། རྗེ་བཙུན་འདི་དགུང་ལོ་བརྒྱད་ཅུ་རྩ་བཞིའི་བར་དུ་བཞུགས། ཆུ་མོ་ཡོས་བུའི་༼༡༡༢༣༽ལོ་ལ་བྲིན་དུ་སྐུ་གཤེགས་ཞེས་གསུངས། བྲག་དཀར་གདན་རབས་ལས་ནི། ཀརྨ་པ་རང་བྱུང་རྡོ་རྗེ་དང་རིག་འཛིན་ཆེན་པོ་ཚེ་དབང་ནོར་བུའི་རྗེས་སུ་འབྲངས་ནས་དེབ་སྔོན་ལས་ལོ་སྐོར་གཅིག་གི་སྔོན་ས་ཕོ་འབྲུག་གི་༼༡༠༢༨༽ ལོར་འཁྲུངས། དགུང་ལོ་བརྒྱད་ཅུ་རྩ་བཞི་པ་ལྕགས་མོ་ཡོས་ཀྱི་༼༡༡༡༡༽ལོར་མྱ་ངན་ལས་འདའ་ཚུལ་བསྟན་ཞེས་གསུངས། སི་ཏུ་པཎ་ཆེན་གྱི་གསེར་ཕྲེང་ལས་ཀྱང་དེ་བཞིན་བཤད། འོན་ཀྱང་དེར་དྭགས་པོ་སོ་གཉིས་པར་རབ་ཏུ་བྱུང་བར་གསུངས་པ་དང་དུས་མི་འགྲིག་པའི་སྐྱོན་ཡོད། གཙང་སྨྱོན་ཧེ་རུ་ཀས་མཛད་པའི་མི་ལའི་རྣམ་ཐར་ལས་ནི། དེབ་སྔོན་ལས་ལོ་སྐོར་གཅིག་གི་རྗེས་ཆུ་ཕོ་འབྲུག་གི་༼༡༠༥༡༽ལོ་སྟོན་ཟླ་ར་བའི་ཉེར་ལྔ་སྐར་མ་རྒྱལ་ལ་བབ་པའི་ཉིན་འཁྲུངས་ནས། ཤིང་མོ་ཡོས་ཀྱི་༼༡༡༣༥༽ལོའི་དགུན་ཟླ་ཐ་ཆུང་སྐར་མ་སྐག་ལ་བབ་པའི་ཚེས་བཅུ་བཞི་ལ་གཤེགས་པར་གསུངས། རྒྱལ་དབང་རྗེས་ཀྱང་དེ་བཞིན་བཞེད་དོ། །
གངས་ཅན་བོད་ཀྱི་སྨྱོན་པ་རྣམ་གསུམ།
བོད་ལ་སྐད་གྲགས་ཤིན་ཏུ་ཆེ་བའི་སྨྱོན་པ་གསུམ་ཡོད། དེ་དག་ནི་མི་ལས་བལྟས་ན་འཁོར་བ་སྨྱོ། འཁོར་བས་བལྟས་ན་མི་ལ་སྨྱོ་འདུག་པ་གསུམ་ཡིན། གཤམ་ནས་རེ་རེ་བཞིན་གཟིག་རོགས། དང་པོ། འབྲུག་སྨོན་ཀུན་ལེགས། ཁོང་ནི་རབ་བྱུང་དགུ་བའི་ནང་དུ་བྱོན་ཞིང་འབྲུག་པ་བཀའ་བརྒྱུད་པའི་བྱ་བྲལ་བའི་རྣལ་འབྱོར་བ་ཆེན་པོ་ཞིག་ཡིན། སྐུ་ན་ཆུང་ངུའི་དུས་སུ་རྐྱེན་སྣ་ཚོགས་ཀྱི་དབང་གིས་གནས་ངེས་མེད་དུ་འགྲིམ་དགོས་བྱུང་། གཞོན་ནུའི་དུས་སུ་རབ་ཏུ་བྱུང་སྟེ་ཕྱོགས་སོ་སོར་ཕེབས་ནས་སྒྲུབ་པ་ཉམས་ལེན་མཐའ་འཁྱོལ་བར་བྱས་ཤིང་རྟོགས་པ་མཐོན་པོར་སོན། ཕྱིས་སུ་ཁྱིམ་ཐབས་བྱས་ཀྱང་གནས་ངེས་མེད་འགྲིམ་ནས་ཆོས་དང་ཆོས་མིན་གྱིས་བྱ་ངན་ལ་ཐེར་འདོན་དང་། དྲང་བདེན་མ་ཡིན་པའི་འཇིག་རྟེན་གྱི་སྤྱོད་ངན་དག་སོགས་ལ་དགག་རྒྱག་མཛད་དེ་སངས་རྒྱས་ཀྱི་བསྟན་པ་སྤྱི་དང་བོད་མི་རིགས་ལ་བཀའ་དྲིན་བླ་ལྷག་ཏུ་ཆེའོ། །