སྤེལ་ཞིབ་ཕྲ།
ལྷ་མོ་མཁས་ཅན་ཨ་མ་ཚེ་རིང་གི་ལོ་རྒྱུས་མདོར་བསྡུས།
ཨ་མ་ཚེ་རིང་ནི་སྤྱི་ལོའི་དུས་རབས་ཉི་ཤུ་པའི་འགོར་མལ་གྲོ་གུང་དཀར་རྫོང་ཁོངས་འབྲི་གུང་ཁུལ་དུ་ཞིང་པའི་ཁྱིམ་ཚང་ཞིག་ཏུ་འཁྲུངས་ཤིང་། འབྲི་གུང་གི་ལྷ་མོ་བའི་ནང་ཞུགས་ནས་ལྷ་མོ་འཁྲབ། དེ་རྗེས་སྐྱོར་མོ་ལུང་གི་ལྷ་མོ་བའི་སྐྱིད་སྡུག་ལ་བཅུག་པ་དང་། ཁོང་གིས་ལྷ་མོའི་འཁྲབ་རྩལ་ལེགས་པར་སྦྱངས་ནས་ཕོ་འཁྲབ་མོ་འཁྲབ་ཚང་མ་ཤེས་པར་མ་ཟད། སྐད་གདངས་སྙན་ཞིང་འཇེབས་ལ་འགྱུར་ཁུག་གསལ་བ་སོགས་ཡོད་སྟབས་ཕོ་མོའི་འཁྲབ་སྟོན་གང་ཡང་བྱེད་པར་མ་ཟད་རྒྱ་ལུའི་འགན་ཡང་འཁུར་བ་རེད། སྤྱི་ལོ་ ༡༩༥༩ ལོར་སྐྱོར་ལུང་ལྷ་མོ་དེ་བོད་ལྗོངས་ལྷ་མོ་ཚོགས་པར་བསྒྱུར་བ་ནས་སྔ་རྗེས་སུ་ཨ་མ་ཚེ་རིང་གིས་ཚོགས་གཙོ་གཞོན་པ་དང་། ཚོགས་གཙོའི་འགན་འཁུར་ཏེ་བོད་ཀྱི་ལྷ་མོར་བཅོས་སྒྲིག་བྱེད་པའི་ནང་ཞུགས་པ་རེད། སྔ་རྗེས་སུ་ལྗོངས་སྲིད་གྲོས་ཀྱི་ཨུ་ཡོན་སོགས་བྱས་ཤིང་། སྤྱི་ལོ་ ༡༩༨༣ ལོར་སྐུ་འདས་པ་བཅས་སོ།། རྩོམ་པ་པོ། བུ་ཆུང་། ཡོང་ཁུངས། ལྷ་ས་སྲིད་གྲོས་ལོ་རྒྱུས་རིག་གནས་དཔྱད་ཡིག
སྒྲུང་གཏམ་རྩོམ་པ་པོ་གྲགས་ཅན་གླང་མདུན་དཔལ་འབྱོར་མཆོག
གླང་བདུན་དཔལ་འབྱོར་ལགས་ནི་ ༡༩༤༡ ལོའི་ཟླ་ ༡༡ པར་བོད་ལྗོངས་ཀྱི་གྲོང་ཁྱེར་ལྷ་ས་རུ་འཁྲུངས་ཤིང་། ༡༩༥༩ ལོར་ཀྲུང་དབྱང་མི་རིགས་སློབ་གླིང་ནས་སློབ་མཐར་ཕྱིན། ཁོང་གིས་ ༡༩༨༠ ལོར་《བོད་ཀྱི་རྩོམ་རིག་སྒྱུ་རྩལ་》འདོན་ཐེངས་འགོ་མའི་སྟེང་《གསར་བཞད་རིག་གནས་དཔྱིད་དཔལ་ལ་བསྟོད་པ་》ཞེས་པའི་བརྩམས་ཆོས་ཐོག་མ་སྤེལ་བ་ནས་བཟུང་། 《མེ་ཏོག་ལྡུམ་རའི་ནང་གི་ཀླན་ཀ》དང་།《གཙུག་གཡུ་》སོགས་བརྩམས་ཆོས་སྤུས་དག་སྐོར་ཞིག་རྩོམ་འབྲི་གནང་ཞིང་།
མཛད་པ་པོ། ཡོངས་འཛིན་ཡེ་ཤེས་རྒྱལ་མཚན། དབུས་ཀྱི་སློབ་མའི་གཙོ་བོ་ཁུ་རྡོག་འབྲོམ་གསུམ་གྱི་ནང་ནས་དགེ་བཤེས་ཁུ་སྟོན་ནི་ཡུལ་ཡར་ཀླུངས། མཚན་བརྩོན་འགྲུས་གཡུང་དྲུང་། ཕྱི་ལོ་ 1011 ལྕགས་མོ་ཕག་ལ་སྐུ་འཁྲུངས་ཏེ་ནག་ཚོ་དང་འཁྲུངས་ལོ་གཅིག །ཁོང་དང་རྔོག་ལེགས་པའི་ཤེས་རབ་བང་སྟོན་གསུམ་གྱིས་ཁམས་སུ་བྱོན་ཏེ། ཇོ་བོ་སེ་བཙུན་ལ་ཆོས་མང་དུ་གསན། གར་མི་ཡོན་ཏན་གཡུང་དྲུང་ལ་མངོན་པ་བསླབས་ཏེ་མཁས་པར་མཁྱེན། ཀླུ་མེས་ཐམས་ཅད་ཀྱི་གནས་བརྟན་མཛད།
བོད་ཀྱི་དམག་སྤྱི་ཆེན་མོ་ཚ་རོང་ཟླ་བཟང་དགྲ་འདུལ་གྱི་ལོ་རྒྱུས།
དམག་སྤྱི་ཚ་རོང་དང་འབྲེལ་བའི་ཡིད་སྐྱོ་བའི་ལོ་རྒྱུས་དུམ་བུ་ཞིག ཤར་ཚ། ལུགས་རྙིང་བོད་བཀའ་ཤག་སྲིད་གཞུང་གི་དམག་སྤྱི་ཆེན་མོ་བཀའ་བློན་ཚ་རོང་ཟླ་བཟང་དགྲ་འདུལ་ལམ་སྤྱན་བསལ་གནམ་གང་ལགས་སུ་འབོད་པ་ཁོང་ནི། སྤྱི་ལོ་ ༡༨༨༨ ལོར་འཕན་ཡུལ་དཀར་མོ་ལྗོངས་ཀྱི་སའི་ཆར་གཏོགས་པའི་ལྷུན་གྲུབ་རྫོང་དཔལ་འབྱོར་གླིང་ཤང་ཁ་སྐོར་གྲོང་ཚོའི་མདའ་བཟོ་ཚང་ཞེས་པ་སེ་ར་ཕུར་ལྕོག་བླ་བྲང་གི་མི་སེར་དཀྱུས་མ་ཞིག་གི་ཁྱིམ་དུ་འཁྲུངས་ཤིང་ཆུང་དུས་ཀྱི་མཚན་ལ་གནམ་གང་ཞེས་འབོད།
མ་ཅིག་ལབ་ཀྱི་སྒྲོན་མ། རླབས་ཆེ་བའི་བུད་མེད་བསམ་བློ་བ།
མ་ཅིག་ལབ་ཀྱི་སྒྲོལ་མའི་ཐང་ག རླབས་ཆེ་བའི་བུད་མེད་བསམ་བློ་བ་ཐོག་མ། བོད་ཀྱི་ལོ་རྒྱུས་ཁྲོད་ན་གྲགས་ཆེ་བའི་མ་གཅིག་ལབ་སྒྲོན་ནི་སྤྱི་ལོ་ ༡༡༤༩ ལོར་ལྷོ་ཁར་ཡབ་ཆོས་ཀྱི་ཟླ་བ་དང་ཡུམ་འབུམ་ལྩམ་གཉིས་ལ་འཁྲུངས། དགུང་ལོ་ལྔ་ནས་བཟུང་ཡུམ་ལས་ཡི་གེ་འབྲི་ཀློག་ཐོག་མར་བསླབས། དགུང་ལོ་བརྒྱད་ཀྱི་ཐོག་བཟུང་ཉིན་རེར་བརྒྱད་སྟོང་བ་ཚར་གཉིས་རེ་ཀློག་ཐུབ་པ་མ་ཟད། དོན་ཡོངས་སུ་མཁྱེན་ཐུབ་པས་ཤེས་རབ་ཅན་དུ་ཀུན་གྱིས་བསྔགས།
སངས་རྒྱས་དང་རྒྱན་དྲུག་མཆོག་གཉིས་ཀྱི་རྣམ་ཐར།
སངས་རྒྱས་ཤཱཀྱ་ཐུབ་པ། སངས་རྒྱས་བཅོམ་ལྡན་འདས་ལ་ཕྱགས་འཚལ་ལོ། ད་ལྟ་ནས་བརྩིས་པའི་ལོ་ཉིས་སྟོང་དྲུག་བརྒྱ་ལྷག་ཙམ་གྱི་གོང་དུ་རྒྱ་གར་བྱང་ཕྱོགས་སུ་ཤཱཀྱའི་རིགས་རྒྱུད་ཀྱི་རྒྱལ་པོ་ཟས་གཙང་ཞུ་བ་ཞིག་བྱུང༌། ཁོང་གིས་རྒྱ་གར་བྱང་ཕྱོགས་རྣམས་ལ་དབང་བསྒྱུར་བ་དང༌། རྒྱལ་པོ་ཟས་གཙང་ལ་བརྩུན་མོ་གཉིས་ཡོད། བརྩུན་མོ་ཆེ་བའི་མཚན་ལ་སྒྱུ་མ་ལྷ་མཛེས་དང༌། ཆུང་བའི་མཚན་ལ་སྐྱེ་དགུའི་བདག་མོ་ཞེས་ཟེར། ཡིན་ནའང་བཙུན་མོ་དེ་གཉིས་ལ་ཡུན་རིང་སྲས་མ་བྱུང༌། རྒྱལ་སྲིད་སྐྱོང་བར་སྲས་ངེས་པར་དུ་དགོས་པར་བརྟེན་རྒྱལ་པོ་ཟས་གཙང་གིས་ཡར་དཀོན་མཆོག་མཆོད་པ་འབུལ། མར་དབུལ་ཕོངས་ལ་སྦྱིན་པ་བཏང་པས། དེའི་རྗེས་མཚན་གཅིག་བཙུན་མོ་སྒྱུ་མ་ལྷ་མཛེས་ཀྱི་རྨི་ལམ་དུ། གླང་པོ་ཆེའི་ཕྲུ་གུ་ཁ་དོག་ཐལ་དཀར་མཆེ་བ་དྲུག་ཡོད་པ་གཅིག་དང༌།