སྔོན་གྱི་ས་སྐྱ་བའི་ཡིག་རྙིང་ཞིག་ནང་གསལ་བ《ཏཱ་ལའི་བླ་མ་ལྔ་པའི་རྣམ་ཐར་རང་རྩོམ》པོད་དང་པོའི་ཤོག་གྲངས20ནས་ཤོག་གྲངས21བར་དྲངས་པ་དང༌། ས་སྐྱའི་བདག་ཆེན་ངག་དབང་ཀུན་དགའ་བསོད་ནམས་ཀྱིས་བརྩམས་པའི《ས་སྐྱའི་གདུང་རབས་ངོ་མཚར་རིན་པོ་ཆེའི་བང་མཛོད》ཀྱི་ཤོག་གྲངས90པར་གསལ་བ་གཉིས་གནད་བསྡུས་བྱས་ཏེ་བཀོད་ན་ཡོན་རྒྱལ་རབས་ཀྱི་གོང་མ་ཧུ་པི་ལི་སེ་ཆེན་ཧན་གྱིས་འགྲོ་མགོན་འཕགས་པ་ལ་གསང་སྔགས་ཀྱི་དབང་ཐེངས་དང་པོ་ཞུས་པའི་དབང་ཡོན་དུ་བོད་ཁྲི་སྐོར་བཅུ་གསུམ་ཕུལ་བར་བཤད་པས། དེ་ལ་ཁྲི་སྐོར་རེ་ལ་ལྷ་སྡེ་བཞི་སྟོང་དང་མི་སྡེ་དྲུག་སྟོང་ཡོད་པ་དང༌། དེ་ཡང་ཁང་པ་ཀ་བ་དྲུག་གི་ས་ཡོད་པ། མི་བཟའ་མི་གཉིས། བུ་ཕོ་མོ་གཉིས། གཡོག་ཕོ་མོ་གཉིས་ཏེ་མི་དྲུག ཕྱུགས་རྟ་བོང་གཉིས། བ་ལང་ར་ལུག་རེ་རྣམས་དང༌། ཞིང་ཧོར་གྱི་སོན་ཁལ་བཅུ་གཉིས་ཀྱི་ས་ཡོད་པ་རྣམས་ལ་ཧོར་དུད་ཆུང་གཅིག་ཟེར་བ་ཡིན། དུད་ཆུང་ཉི་ཤུ་རྩ་ལྔ་ལ་དུད་ཆེན་གཅིག དེ་གཉིས་ལ་རྟ་མགོ་གཅིག དེ་གཉིས་ལ་བརྒྱ་སྐོར་གཅིག་དེ་བཅུ་ལ་སྟོང་སྐོར་གཅིག དེ་བཅུ་ལ་ཁྲི་སྐོར་གཅིག དེ་བཅུ་ལ་ཀླུས་གཅིག དེ་བཅུ་ལ་ཞིང་གཅིག་ཟེར་ཞིང༌། ཧོར་སེ་ཆེན་རྒྱལ་པོའི་མངའ་འོག་ཏུ་ཞིང་བཅུ་གཅིག་ཡོད་ཅིང༌། བོད་ཆོལ་ཁ་གསུམ་ལ་ཞིང་གཅིག་མ་ལོངས་ཀྱང༌། བླ་མ་བཞུགས་ས་དང་བསྟན་པ་དར་ས་ཡིན་པས་ཞིང་གཅིག་ཏུ་རྩིས་ནས་ཕུལ་བ་ཡིན་ནོ་ཞེས་གསལ་ཞིང༌།  བོད་ཁྲི་སྐོར་བཅུ་གསུམ་ནང་དབུས་གཙང་གཉིས་མ་གཏོགས་མངའ་རིས་དང་མདོ་ཁམས་ཁུལ་འདིའི་ཁོངས་སུ་རྩིས་མེད། སྐབས་དེར་དབུས་གཙང་གཉིས་རྐྱང་པར་ཁྲི་སྐོར་བཅུ་གསུམ་རྩིས་སྟངས་དང༌། དེའི་ཐེམ་དུད་དང་མི་འབོར་བཅས་ཀྱི་རེའུ་མིག་གཤམ་གསལ།

རྗེ་བཙུན་མི་ལ་འཁྲུངས་འདས་ཀྱི་ལོ་ཟླའི་དུས་ཚིགས་ཅུང་ཟད་དཔྱད་པ། དེ་ཡང་སྤྱིར་བཞེད་པ་མི་འདྲ་བ་དུ་མ་ཡོད་ཀྱང༌། ཡོངས་གྲགས་སུ་གསུམ་ཙམ་མཐོང་སྟེ། དེ་ཡང་དེབ་སྔོན་ལས་མར་པའི་ཉི་ཤུ་རྩ་དགུ་པ་ལྕགས་འབྲུག་༼༡༠༤༠༽ལོར་རྗེ་བཙུན་མི་ལ་དང་བ་རི་ལོ་ཙཱ་བ་གཉིས་འཁྲུངས། རྗེ་བཙུན་འདི་དགུང་ལོ་བརྒྱད་ཅུ་རྩ་བཞིའི་བར་དུ་བཞུགས། ཆུ་མོ་ཡོས་བུའི་༼༡༡༢༣༽ལོ་ལ་བྲིན་དུ་སྐུ་གཤེགས་ཞེས་གསུངས། བྲག་དཀར་གདན་རབས་ལས་ནི། ཀརྨ་པ་རང་བྱུང་རྡོ་རྗེ་དང་རིག་འཛིན་ཆེན་པོ་ཚེ་དབང་ནོར་བུའི་རྗེས་སུ་འབྲངས་ནས་དེབ་སྔོན་ལས་ལོ་སྐོར་གཅིག་གི་སྔོན་ས་ཕོ་འབྲུག་གི་༼༡༠༢༨༽ ལོར་འཁྲུངས། དགུང་ལོ་བརྒྱད་ཅུ་རྩ་བཞི་པ་ལྕགས་མོ་ཡོས་ཀྱི་༼༡༡༡༡༽ལོར་མྱ་ངན་ལས་འདའ་ཚུལ་བསྟན་ཞེས་གསུངས། སི་ཏུ་པཎ་ཆེན་གྱི་གསེར་ཕྲེང་ལས་ཀྱང་དེ་བཞིན་བཤད། འོན་ཀྱང་དེར་དྭགས་པོ་སོ་གཉིས་པར་རབ་ཏུ་བྱུང་བར་གསུངས་པ་དང་དུས་མི་འགྲིག་པའི་སྐྱོན་ཡོད། གཙང་སྨྱོན་ཧེ་རུ་ཀས་མཛད་པའི་མི་ལའི་རྣམ་ཐར་ལས་ནི། དེབ་སྔོན་ལས་ལོ་སྐོར་གཅིག་གི་རྗེས་ཆུ་ཕོ་འབྲུག་གི་༼༡༠༥༡༽ལོ་སྟོན་ཟླ་ར་བའི་ཉེར་ལྔ་སྐར་མ་རྒྱལ་ལ་བབ་པའི་ཉིན་འཁྲུངས་ནས། ཤིང་མོ་ཡོས་ཀྱི་༼༡༡༣༥༽ལོའི་དགུན་ཟླ་ཐ་ཆུང་སྐར་མ་སྐག་ལ་བབ་པའི་ཚེས་བཅུ་བཞི་ལ་གཤེགས་པར་གསུངས། རྒྱལ་དབང་རྗེས་ཀྱང་དེ་བཞིན་བཞེད་དོ། །

ཁྲི་དར་མ་འུ་དུམ་བཙན་གྱི་སྐོར་ལ་དཔྱད་པ། རྩོམ་པ་པོ། ཁྱུང་རྩེ་བཀྲ་ཤིས། 【ནང་དོན་གནད་བསྡུས།】འདིར་དར་མ་འུ་དུམ་བཙན་ནི་མ་གཞིར་དམ་པའི་ཆོས་ལ་དགའ་ཞིང་། ཕྱིས་འདུལ་བའི་བསྟན་པ་བསྣུབས་པའང་བོད་ཆེན་པོའི་ལས་དོན་མཐའ་དག་ཉམས་པ་སོར་ཆུད་དང་མ་ཉམས་གོང་འཕེལ་གྱི་ཐོག་མའི་རྒྱུར་བརྩམས་པ་དང་། ཁོང་བཀྲོངས་པ་དེས་བོད་ཀྱི་སྤྱི་ ཚོགས་ལ་གནོད་སྐྱོན་ག་འདྲ་ཐེབས་པར་དཔྱད་བརྗོད་རགས་ཙམ་བྱས་ཡོད། 【གནད་ཚིག】 ཉེས་བཤད་སྣ་ཚོགས། བསྟན་པ་བསྣུབས་པ། བཀྲོངས་པའི་ཉེས་སྐྱོན།   གླེང་གཞི།

དཀར་ཆག   མཆོད་པར་བརྗོད་ཅིང་རྩོམ་པར་དམ་བཅའ་བ། སྟོན་པ་ཤཱཀྱ་ཐུབ་པའི་རྣམ་ཐར་ཕྱོགས་ཙམ་བརྗོད་པ། རྗེ་བཙུན་བྱམས་པ་མགོན་པོའི་རྣམ་ཐར། འཕགས་པ་ཐོགས་མེད་ཀྱི་རྣམ་ཐར། སློབ་དཔོན་དབྱིག་གཉེན་གྱི་རྣམ་ཐར། འཕགས་པ་རྣམ་གྲོལ་སྡེའི་རྣམ་ཐར། བཙུན་པ་རྣམ་གྲོལ་སྡེའི་རྣམ་ཐར། མཁས་མཆོག་མཆོག་གི་སྡེའི་རྣམ་ཐར། མཁས་མཆོག་དུལ་བའི་སྡེའི་རྣམ་ཐར། རྣམ་སྣང་མཛད་བཟང་པོའི་རྣམ་ཐར། སེང་གེ་བཟང་པོའི་རྣམ་ཐར། ཀུ་ས་ལིའི་རྣམ་ཐར། དགེ་བ་ཅན་གྱི་རྣམ་ཐར། གསེར་གླིང་པའི་རྣམ་ཐར། འཇམ་དཔལ་དབྱངས་ཀྱི་རྣམ་ཐར། ཀླུ་སྒྲུབ་ཀྱི་རྣམ་ཐར། ཟླ་བ་གྲགས་པའི་རྣམ་ཐར། རིག་པའི་ཁུ་བྱུག་ཆེ་བའི་རྣམ་ཐར། རིགས་པའི་ཁུ་བྱུག་ཆུང་བའི་རྣམ་ཐར།

བོད་ཀྱི་ཆེས་ཐོག་མའི་རྐང་གྲུག་རུ་ཁག   2018ལོའི་དབྱར་དུས་ཀྱི་ཚ་གདུག་དང་བསྡོངས་ནས་ཨུ་རི་སུའི་འཛམ་གླིང་བུམ་པའི་མགོ་བརྩམས་པ་དང་།    དེ་ནི་འཛམ་གླིང་མི་དམངས་ཀྱིས་བརྗེད་མི་སྲིད་པའི་ཕྱིར་དྲན་ཆེན་པོ་ཞིག་དང་རྐང་གྲུག་ལོ་རྒྱུས་ཀྱི་སྒོ་མོ་གསར་བ་ཅིག་གི་སྒོ་འབྱེད་དང་།ཡང་ན་རྐང་གྲུག་དང་འབྲེལ་བའི་དགའ་སྐྱོ་ཆགས་སྡང་གི་ཁྱད་འཚར་གཏམ་རྒྱུད་མང་པོ་ཅིག་ལ་གླེང་སློང་བྱས་པ་རེད།  དེར་བརྟེན་གོ་ལའི་རྒལ་ཚིགས་སུ་འབོད་པའི་མདོ་དབུས་མཐོ་སྒང་གི་བོད་ཀྱི་གྲུག་དད་པ་དག་གི་རྐང་གྲུག་ལ་དགའ་བའི་དད་མོས་ཀྱང་འཛམ་གླིང་བུམ་པའི་རླབས་རྒྱུན་དང་འགྲོགས་ནས་དྲག་དུ་འཕེལ་ཀྱིན་འདུག  བོད་ཀྱི་སྟག་ཤར་དག་གི་ཤ་དར་ཁྲག་དར་གྱི་ལུས་པོ་དང་རྐང་གྲུག་གི་རྩལ་ནུས་སོགས་ལ་བལྟས་ན་གནས་འདི་ཨང་རྐང་གྲུག་གི་དད་མོས་བླ་ལྷག་དུ་འཕེལ་བའི་རྐང་གྲུག་གི་རྒྱལ་ཁམས་ཅིག་མི་འགྱུར་བའི་ངེས་བའང་མི་འདུག་སྙམ། དབྱིན་ཇི་བ་དང་འགྲན་བསྡུར་བྱེད་པའི་ཡུལ་ངོས་ཀྱི་ཟུར་ཅིག གནས་འདིའང་རྐང་གྲུག་ལ་སྲོག་བཞིན་གཅེས་བའི་ནུབ་ཕྱོགས་ཀྱི་རྒྱལ་ཁབ་ཁག་ཅིག་དང་འདྲ་བར།    ས་འདིའི་སློབ་མ་དང་།  ལས་བྱེད་པ།   གྲྭ་བཙུན་སོགས་ཀྱི་དབྱེ་བ་མེད་པར་རྐང་གྲུག་ལ་དགའ་མཁན་ཧ་ཅང་མང་།   ལྷག་པར་དུ་ལོ་བཞི་རེའི་རྗེས་སུ་ཐེངས་རེར་ཚོགས་ཀྱིན་པའི་འཛམ་གླིང་བུམ་པའི་དུས་སྐབས་སུ།  མཐོ་སྒང་གི་གྲུག་དད་པ་དག་གིས་ཀྱང་ནུབ་མའི་གཉིད་བཅག་དེ་བརྙན་འཕྲིན་གྱི་འགྲམ་དུ་རང་ཉིད་དགའ་སའི་གྲགས་སྐར་དག་གི་འགྲན་བསྡུར་ལ་རྣམ་རིག་དཀྲོག་དཀྲོག་གིས་སྒུག་སྲིད།     གནའ་བོའི་བོད་ཀྱི་རྟ་ཐོག་སྤོ་ལོ། བོད་པ་དང་སྤོ་ལོའི་ལས་དབང་ནི་གནའ་བོའི་བོད་ཀྱི་རྟ་ཐོག་སྤོ་ལོ་ནས་མགོ་རྩོམ་དགོས་ཀྱི་འདུག་སྟེ།སྔ་མོའི་དུས་སུ་རྟ་ཐོག་སྤོ་ལོ་ལ་ཡོངས་ཁྱབ་དུ་སྤོ་ལོ་ཞེས་འབོད་ཀྱི་ཡོད་པ་དང་།ད་ལྟའི་དབྱིན་ཡིག་གི་ཁྲོད་དུ་སྤོ་ལོའི་རིགས་ལ་ཡོངས་ཁྱབ་དུ་བཀོལ་ཀྱིན་པའི་ballཞེས་བའང་བོད་ཀྱི་སྤོ་ལོ་ཞེས་བའི་སྒྲ་བསྒྱུར་ཡིན་པར་ངེས་འཛིན་ཀྱིན་འདུག  དེ་བཞིན་བོད་སྐད་ཀྱི་ཁྲོད་དུའང་སྤོ་ལོ་ཞེས་བའི་མིང་ཚིག་འདི་ནི་སྤོ་ལོ་རིགས་ཀྱི་ཡོངས་ཁྱབ་སྤྱི་མང་དུ་བཀོལ་ཀྱིན་འདུག   དེ་ལྟར་བསམ་བཞིག་བྱས་ཚེ་བོད་པ་དང་སྤོ་ལོའི་ལས་དབང་དང་འབྲེལ་འདྲིས་ཀྱང་དེ་འདྲའི་ཧ་ཅང་རྒྱང་ཐག་རིང་བོ་ཞིག་མིན་པར་བསམ།