Featured on གནས་བཤད།

  ཀུན་བདེ་གླིང་།    མཚན་རྒྱས་པར་བརྟན་བཞུགས་ཆོས་འཁོར་གླིང་ངམ། དབུལ་གཙང་ཀུན་བདེ་གླིང་ཞེས་ཞུ། བར་མ་རི་ཀོན་ཏིས་ལྷ་ཁང་གི་ལྷོ་འདབས་སུ་དགོན་དེ་ཆགས་ཡོད། དགོན་དེ་ནི་སྤྱི་ལོའི་དུས་རབས་བཅོ་བརྒྱད་པར་རྟ་ཚག་རྗེ་དྲུང་སྐུ་ཕྲེང་བརྒྱད་པས་བོད་ཀྱི་རྒྱལ་ཚབ་གནག་སྐབས་སུ་དགོན་དེ་བཏབ་གནང་མཛད། རྟ་ཚག་སྐུ་ཕྲེང་དང་པོ་ནི། རྗེ་ཙོང་ཁ་པའི་དངོས་སློབ་བྭ་སོ་ཆོས་ཀྱི་རྒྱལ་མཚན་དང་། སྐུ་ཕྲེང་གཉིས་པ་དགོན་པོ་སྐབས་ནི་བྭ་སོ་ཆོས་ཀྱི་རྒྱལ་མཚན་གྱི་སྐུ་སྐྱེ་ཡིན་པར་ངོས་འཛིན་ཞུས་པ་ནས་བཟུང་རྟ་ཚག་སྐུ་ཕྲེང་རིམ་པར་བྱོན་པ་ལ། སྐུ་ཕྲེང་བཞི་པ་ལྷ་དབང་ཆོས་ཀྱི་རྒྱལ་མཚན་གྱིས་ལྷོ་རྫོང་མ་མཁར་ཞེས་པར་རྟ་གཅིག་ཚག་ས་སྟེ་རྟ་གཅི་གསོ་སའི་ས་ཞུས་ནས་རི་ཁྲོད་ཅིག་བཏབ་པ་ནས་བཟུང་རྟ་ཚག་ཅེས་པའི་ཡུལ་མིང་བླ་མ་དང་རི་ཁྲོད་ལ་ཐོགས། དེ་རྗེས་སྐུ་ཐོག་དྲུག་པ་ངག་དབང་དཀོན་མཆོག་ཉི་མ་ལ་རྒྱལ་དབང་སྐུ་ཕྲེང་ལྔ་པས་དཔའ་དགོན་བསམ་འགྲུབ་གླིང་གི་དགོན་དང་སྡེ་འབངས་དང་བཅས་པ་གནང་།

བསྟན་འཛིན་མཚུངས་མེད།   རྨེའུ་ལྷུན་གྲུབ་མཐོང་སྨོན་གླིང་ཞེས་སྨོས་ན། ཕལ་པོ་ཆེའི་སྣང་བར་ཅི་ཆ་མེད་དེ། ཡུལ་དེ་པས་ཀྱང་དེ་སྐད་སྨྲ་བ་ཤིན་ཏུ་ཉུང་མཐར་ལྷུང་གདའ་བས་སོ། །དེ་ལ་ཀུན་གྱིས་ཟངས་རི་དགོན་ཞེས་བྱ། ཟངས་རི་དགོན་ནི། བོད་ཡུལ་དབུས་ཀྱི་བོན་དགོན་གཅིག་པུ་དེ་རེད་ཅེས་དགེ་རྒན་དྲིན་པོ་ཆེ་འགའི་ཞལ་ནས་ཐོས། ཡོངས་ནི། གཅིག་པུ་ཅན་གང་གང་དཀོན་པའི་ཆོས་ཅན་ལགས་ན། དེ་ལ་ཉེ་བར་གཅར་འདོད་ཀྱི་བློ་ནེམ་ནུར་མེད་པ་ཞིག་གདོད་ནས་ལེགས་པར་སྐྱེས་ཀྱང་། ཡུན་རིང་རྣ་ཐོས་ཙམ་ལས་མངོན་སུམ་དབང་པོའི་ཡུལ་དུ་མ་གྱུར། བརྒྱ་ལ“བོན་པོ”ཞེས་པ་སྒྲ་འཛིན་དབང་པོའི་མལ་དུ་ཏུ་རེར་ཐེམས་པ་ན། རང་ལས་ལོགས་སུ་གྱུར་པའི་ཅི་ཞིག་བག་ཆགས་ཀྱི་གཏིང་རིམ་ནས་ཡམ་ཡོམ་དུ་བལྡེག་ཡོང་། གནས་སྐབས་མང་པོར“ཕྱི་རོལ་པ” ལས་ཀྱང་ཕྱི་རོལ་པ་ཞིག་མིན་གྲང་སྙམ་སྟེ། ཐེ་ཚོམ་ཡང་ཡང་བྱས་མྱོང་བ་ཨ་བ་རི། དེ་ཡང་ཧ་ལམ་ལྟར་ན། ང་རང་སྐྱེ་ས་ཚར་སའི་བག་ཆགས་ཟབ་མོས་གཉུག་མའི་གཤིས་ལ་བཅས་བཅོས་བྱས་ཟིན་པས་དང་། སློབ་གྲྭ་ཆུང་འབྲིང་ལྟ་ཅི།…

ཆུང་བདག བོད་ཀྱི་ས་ཕྱོགས་ཁག་གི་རིག་གནས་གནའ་ཤུལ་ཁྲོད་དུ་བོད་སིལ་བུའི་དུས་སུ་བྱུང་བའི་གནའ་ཤུལ་ཁག་གཅིག་ཡོད་པ་དཔེར་ན། མངའ་རིས་གུ་གེ་རྒྱལ་རབས་ཀྱི་གནའ་ཤུལ་དང་། སྐྱིད་གྲོང་གུང་ཐང་རྒྱལ་རབས་ཀྱི་གནའ་ཤུལ། སྤོ་ཡུལ་རྒྱལ་པོའི་གནའ་ཤུལ་སོགས་གཞི་ཁྱོན་ཆེ་རུང་ཉམས་ཆག་ཤུགས་ཆེན་བྱུང་སྟབས། ད་ཆའི་མི་ཚོར་ཤེས་འདོད་དང་རྟོགས་འདོད་ཆེན་པོ་ཡོད་པས་གནའ་ཤུལ་དེ་ཚོའི་བཅུད་ཀྱི་བདག་པོ་དང་སྣོད་ཀྱི་འཛུགས་སྐྲུན་ལ་ཕྱི་ལྟ་བྱེད་པ་ནི་རིག་གནས་ལོ་རྒྱུས་ཀྱི་ཤེས་རྒྱ་ཆེ་རུ་གཏོང་བའི་ཐབས་ལམ་ལེགས་པོ་ཞིག་ཡིན་པ་སྨོས་ཅི་དགོས།

གནའ་རབས་རྟག་བརྟན་ཕུན་ཚོགས་གླིང་གི་ཕོ་བྲང་འཛུགས་སྐྲུན་དང་དེའི་རིག་གནས་ཀྱི་སྐོར། ལར་བོད་ཀྱི་གནའ་བོའི་ས་དཔྱད་གཞུང་ལུགས་ལྟར་ན་ཕོ་བྲང་སྐྲུན་སའི་ས་ནི་ཕྱོགས་ཀུན་ལས་རྣམ་པར་མཐོ་བ་ཞིག་ཏུ་འདེམས་པ་ཡིན་ཏེ།  དེ་ནི་གནའ་བོའི་བོན་གྱི་རིག་གནས་དང་འབྲེལ་བ་ཡོད་པས་ཡིན།  བོན་གྱི་དཔེ་གཞུང་ནང་དུ།  ཕོ་ཡི་དུར་དང་མཁར་གྱི་ས།། མཐོ་ལ་རྔམ་པ་བཟང་བ་ནི།། ཞེས་གསུངས་པ་ལྟར་ཕོ་བྲང་སྐྲུན་ས་ནི་མཐོ་བར་བཟང་བར་བརྩིས་བ་ཡིན་པས་བོད་ཀྱི་མཁར་གྱི་ཐོག་མ་ཡུམ་བུ་བླ་མཁར་ཡང་རི་ཡི་སྣེ་རྩེར་བཞེངས་ཡོད་ལ། དེ་བཞིན་དུ་ཁྱུང་ལུང་དངུལ་མཁར་དང་།  ཕོ་བྲང་འཕྱིང་བ་སྟག་རྩེ།  ཕོ་བྲང་ཁྲི་རྩེ་དམར་པོ་ཡང་རི་རྩེར་བཞེངས་ཡོད།  ཕྱིས་སུ་ནང་པ་སངས་རྒྱས་པའི་ཆོས་ལུགས་བོད་ལ་དར་རྗེས་སུ་ཕོ་བྲང་འཛུགས་སྐྲུན་གྱི་རྒྱུན་དེ་སྔར་སྲོལ་ལྟར་མ་ཉམས་པར་བརྒྱུད་འཛིན་དང་དར་སྤེལ་བཏང་གིན་ཡོད་འདུག  དཔེར་ན།  ཕོ་བྲང་པོ་ཏ་ལ་དང་།  གུ་གེ་རྒྱལ་པོའི་ཕོ་བྲང་།  གཞིས་ཀ་བསམ་གྲུབ་རྩེ་སོགས་ཕལ་ཆེ་བ་རི་མཐོ་བའི་སྟེང་དུ་འགྱིང་ངེར་བཞེངས་པ་ཤ་སྟག་ཡིན།  དེ་དང་འདྲ་བ་ཇོ་ནང་རྟག་བརྟན་ཕུན་ཚོགས་གླིང་ཡང་རི་བོ་མཐོན་པོ་ཞིག་གི་སྟེང་ནས་བཞེངས་ཡོད་པ་ཞིག་སྟེ།  ཕོ་བྲང་དེ་དག་ནི་གཤམ་དུ་ཆགས་པའི་གྲོང་སྡེ་དང་བསྡུར་ན།  མཐོ་ཞིང་བཙན་ལ་རྔམ་ཞིང་ཟིལ་ཆེ་བས།  མཐའ་འཁོར་གྱི་ཡུལ་སྡེ་རྣམས་སྦར་མཐིལ་དུ་གཤམས་པ་ལྟར་ཡིན་ལ།  དགྲ་ཟོན་གྱི་སོ་ཁ་བྱེད་བདེ་བའང་ཡིན། …