སྤེལ་ཞིབ་ཕྲ།
ལྷ་ལྡན་ར་མོ་ཆེའི་གཙུག་ལག་ཁང་།
ར་མོ་ཆེའི་གཙུག་ལག་ཁང་ནི་ར་ས་འཕྲུལ་སྣང་གཙུག་ལག་ཁང་གི་བྱང་ངོས་སུ་གནས་ཡོད་པ་སྟེ། ཐོག་མ་སྤྱི་ལོའི་དུས་རབས་བདུན་པའི་དུས་དཀྱིལ་ལྕགས་གླང（༦༤༡）ལོར་ཐང་གི་རྒྱ་བཟའ་ཀོང་ཇོ་བོད་དུ་ཕེབས་སྐབས་སྟོན་པ་དགུང་ལོ་བཅུ་གཉིས་ལ་སོན་པའི་འདྲ་སྐུ་འདི་རྫོང་སྐལ་དུ་གནང་བ་ལྟར་མིས་འདྲེན་ཤིང་རྟ་འཁོར་ལོའི་ཐོག་བཞག་ནས་བོད་ལ་གདན་དྲངས་ཏེ་ཀོང་ཇོ་འཁོར་བཅས་ལྷ་སའི་བྱང་ངོས་ར་མོ་ཆེའི་ཕྱི་ངོས་ཀྱི་ཐང་ཆེན་དུ་འབྱོར་སྐབས་འཁོར་ལོ་འདམ་རྫབ་ཀྱི་ནང་བྱིང་སྟེ་གྱད་ཆེན་གྱིས་ག་ཚོད་འཐེན་ཀྱང་རང་སར་ལུས་རྐྱེན་ཇོ་བོའི་སྐུ་དེའི་མཐའ་བཞིར་ཀ་བ་བཙུགས། དར་དཀར་གྱི་ཡོལ་བ་བྲེས། མཆོད་པ་ཕུལ། དེ་ནས་སྤོར་ཐང་གི་གབ་རྩེ་བཏིང་ནས་བརྩིས་པས་ར་མོ་ཆེའི་ས་དེ་ཀླུའི་ཕོ་བྲང་ཡིན་པ་དང་དེར་ཇོ་བོ་བཞུགས་སུ་གསོལ་ན་ཀླུ་ནོན་པར་ཤེས་ཏེ་རྒྱ་ནག་ནས་བཟོ་བོ་མཁས་པ་མང་པོ་བོས་ཏེ་གཙུག་ལག་ཁང་གི་རྨང་བཏིང་བས་དུས་ཡུན་ལོ་གཅིག་ལ་གྲུབ་སྟེ་འཕྲུལ་སྣང་གཙུག་ལག་ཁང་དང་ལྷན་ཅིག་ཏུ་ལེགས་སྒྲུབ་མཛད།
ལྷ་ལྡན་གཙུག་ལག་ཁང་གི་ལོ་རྒྱུས།
1) ལྷ་ལྡན་ར་ས་འཕྲུལ་སྣང་གཙུག་ལག་ཁང་གི་མིང་། རྟེན་གཙོ་ཇོ་བོ་ཤཱཀྱ་མུ་ནེ་བཞུགས་སུ་གསོལ་བའི་ཆ་ནས་ཇོ་ཁང་དང་། ལྷ་ལྡན་དུ་ཆགས་ཤིང་བཀའ་བསྟན་བཞུགས་ཡུལ་ཡིན་པའི་ཆ་ནས་ལྷ་ས་གཙུག་ལག་ཁང་། ར་ལ་ས་བཀལ་ནས་འོ་ཐང་གི་མཚོ་བསུབ་སྟེ་བཞེངས་པར་བརྟེན་ར་ས་འཕྲུལ་སྣང་གི་གཙུག་ལག་ཁང་། གཞན་ཡང་། ༡༽ སྒོ་བཞི་དཀྱིལ་འཁོར་རིས་སུ་བྱས་པས་བླ་མ་དགའ་བ་དང་། ༢༽ ཀ་བ་ཕུར་པ་རིས་སུ་བྱས་པས་སྔགས་པ་དགའ། ༣༽ རྩིག་པ་གཡུང་དྲུང་རིས་སུ་བྱས་པས་བོན་པོ་དགའ། ༤༽ ལྕམ་གདུང་མིག་མངས་རིས་སུ་བྱས་པས་བོད་འབངས་དགའ་ཞེས་པ་ལྟར་དགའ་བཞི་ཞེས་པའི་མཚན་ཐོགས་པར་གྲགས་སོ།།
རྡོ་རྗེའི་གདན་རྣམ་བཤད་རྒྱན་གྱི་མེ་ཏོག་བཞུགས་སོ། །
༼བཅོམ་ལྡན་རིག་པའི་རལ་གྲི།༽ ༄༅། །རྒྱ་གར་སྐད་དུ། བཛྲ་ཨཱ་པ་ན་བི་དེ་ཤ་ཨ་ལངྐཱ་ར་པུཥྤ་ནཱ་མ། བོད་སྐད་དུ། རྡོ་རྗེའི་གདན་རྣམ་པར་བཤད་པ་རྒྱན་གྱི་མེ་ཏོག་ཅེས་བྱ་བ། ཕྱོགས་བཅུ་དུས་གསུམ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བསྐལ་བཟང་འདི་ལ་མཛད་པ་མཐར་ཕྱིན་པ། །རྫོགས་པའི་སངས་རྒྱས་སྟོང་ལ་ཕྱག་འཚལ་ཏེ། །དེ་དག་གང་དུ་མངོན་པར་འཚང་རྒྱ་བ། །རྡོ་རྗེའི་གདན་དེ་བདག་གིས་བཤད་པར་བྱ། །གནས་འདི་ནི་སངས་རྒྱས་ཐམས་ཅད་ཀྱི་འབྱུང་གནས་ཡིན་པའི་ཕྱིར་མཁས་པ་རྣམས་ཀྱིས་བཤད་པར་རིགས་སོ། །གནས་དེ་ཡང་ཇི་ལྟར་འཆད་ཅེ་ན། རྡོ་རྗེ་གདན་དང་སངས་རྒྱས་ཀྱིས། །མཛད་པའི་ཚུལ་དང་བྲམ་ཟེའི་བུ། །གསུམ་གྱིས་ཇི་ལྟར་མཛད་པ་དང་། །མྱ་ངན་མེད་ཀྱིས་ཇི་ལྟར་མཛད། །དེ་རྗེས་ཀླུ་སྒྲུབ་ལ་སོགས་པས། །མཛད་པ་ལྔ་རུ་ཤེས་པར་བྱ།…
ངམ་རིང་རྫོང་ཆོས་སྡེའི་ལོ་རྒྱུས།
དེ་ཡང་བྱང་ཤམ་བྷ་ལ་གཉིས་པར་གྲགས་པའི་ངམ་རིང་ཁུལ་ངམ་ནག་པོའི་ཐད་དུ་ཡོད་པའི་ངམ་རིང་ཆོས་སྡེ་དགོན་ནི་ལོ་རྒྱུས་ཤིན་ཏུ་རིང་བ་ཡོད་ལ་དགོན་པའི་ཕྱག་བཏབ་མཁན་ཐད་ལའང་བཤད་སྲོལ་མི་འདྲ་བ་ཡོད་པ་ནི་བེེ་སེར་ལས། གཙང་ལ་སྟོད་བྱང་དང་ངམ་རིང་ངང་རིངས་ཆོས་སྡེ་ནི་མི་ཉག་སེའུ་པོའི་གདུང་རབས་ལེགས་པར་བྱ་བར་གཙང་སྟག་སྡེ་སེང་གེ་ལུང་དུ་སྲས་དགུ་བྱུང་བའི་ཆེ་བ་སེང་གེ་དར་ནས་རིམ་པར་བརྒྱུད་པའི་ཏི་ཤྲྀ་ཀུན་དགའ་བློ་གྲོས་བོད་ཀྱི་དཔོན་ཆེན་དུ་བསྐོས་པའི་དུས་གད་པ་ངམ་ནག་པོའི་ཐད་དུ་ཡོད་པའི་ངམ་རིང་མཚོ་ཆེན་པོར་ངང་པ་སྐད་སྒྲོག་པའི་སྣེར་ཡོད་པས་ངམ་རིང་ཡུལ་འདིར་སྟག་རྩེ་ལ་རྒྱབ་པ་ཤཱཀྱ་སེང་གེ་སྤྱན་དྲངས་ནས་རབ་བྱུང་བཞི་པའི་ཤིང་བྱར་（༡༢༢༥）ཆོས་སྡེའི་གཞི་བཙུགས་ཞེས་གསལ།
ཇོ་བོ་རྗེ་རྒྱ་གར་རྒྱལ་པོར་དགོངས་ཞུ། མཉེས་ཐང་གི་གནའ་ཤུལ།
༼དམངས་ཁྲོད་དུ་བཤད་སྲོལ་ཡོད་པའི་སྒྲུང་གཏམ།༽ གནའ་སྔ་མོའི་དུས་སུ་ཇོ་བོ་རྗེ་རྒྱ་གར་གྱི་རྒྱལ་པོར་དགོངས་ཞུ་མཛད་ནས་སྟོད་ལ་ལོ་གསམ་ལྷག་ཙམ་བཞུགས་བཟོད་པའི་སྟེང་གི་ཨ་ཙ་ར་དཀར་ནག་གཉིས་དང་པཎྜི་ཏ་ཆུང་བ་འགའ་ཞིག་ཡོད་པ་རེད། དེ་ནས་འབྲོམ་སྟོན་པ་དང་། ནག་ཚོ་ལོ་ཙཱ་བ་གཉིས་ཇོ་བོ་དང་ལྷན་དུ་མཇལ་ཏེ་ཞབས་ཞུ་མཛད། དེ་ནས་ལོ་དུས་རྫོགས་རྗེས་ཇོ་བོ་རྒྱ་གར་ལ་ཕེབས་གྲབས་ཡོད་པའི་ཚེ། འབྲོམ་དང་ལོ་ཙཱ་བ་གཉིས་ནས་བོད་ལ་ཡི་གེ་བཏང་ནས་ཁུ་སྟོན་སོགས་ཕེབས་ནས་ཇོ་བོ་ཁུ་ཡི་ཡུལ་དུ་གདན་དྲངས།
རེ་བཞི། ལྷ་སའི་ཁ་ཆེའི་ཕྱག་ཁང་ཁག
ལེའུ་བཅུ་པ། ལྷ་སའི་གནའ་དེང་གི་ཨི་སི་ལམ་ཁ་ཆེའི་ལྷ་ཁང་ཁག་གི་ལོ་རྒྱུས་ངོ་སྤྲོད། རྐྱང་ཐང་སྒང་ནི། ལྷ་ས་གྲོང་ཁྱེར་གྱི་ནུབ་ཕྱོགས་འབྲས་སྤུངས་ངོས་སུ་འགྲོ་བའི་ལམ་རྒྱུད་ཀྱི་ཐང་ཆེན་པོ་ཞིག་སྟེ་མིང་སྟེ། སྔར་དེའི་རྒྱུད་ནགས་ཚལ་ཡོད་ཚུལ་མཁས་པའི་དགའ་སྟོན་ལས་གསུངས་ལ། ཡོངས་གྲགས་སུ་རྐྱང་ཐང་སྒང་ངམ་རྐྱང་ཐང་ན་ག་ཞེས་འབོད། དེ་ཡང༌།