སྤེལ་ཞིབ་ཕྲ།
པུ་རང་ཞེས་པའི་ཐ་སྙད་ཀྱི་དོགས་སློངས།
དེ་སྔོན་ལོ་རྒྱུས་རྣམས་ཀྱི་ནང་དུ་པུ་རངས་དང་། པུ་རང་། པུ་ཧྲང་། པུ་མར་ཧྲང་། པུ་མར་ཧྲིང་། པུ་ཧྲང་། པུ་ཧྲེང། པུ་ཧྲངས། སྤུ་ཧྲང་། སྤུ་ཧྲེང་སོགས་ས་མགོ་དང་ཡང་འཇུག་ཡོད་མེད་བཅས་འབྲི་ཚུལ་མང་པོ་བྱུང་འདུག་པར། དེ་ལྟར་སྤུ་ཧྲེང་ཞེས་པ་བོད་སྐད་ཀྱི་ཐོག་ཏུ་འགྲེལ་བར་ལས་སླ་མོད། འདིར་བརྡ་རྙིང་ངམ་ཞང་ཞུང་གི་སྐད་དུ་འདིའི་གོ་དོན་ནི། པུའམ་སྤུ་ཞེས་པ་ནི། སེམས་དང་། ཟངས། སྤྱི་བོའམ་མགོ། གངས་བཅས་ལ་འཇུག ༼མར་ནི།༽ གསེར་དང་། བཟང་པོ་ལ་འཇུག…
པོ་ཏ་ལའི་དགུ་གཏོར་ཆེན་མོའི་བྱུང་རིམ་དང་དངོས་གཞི་གར་འཆམ་སྐོར་རགས་བསྡུས་གླེང་བ།
ཡོང་ཁུངས། དུས་དེབ། རྩོམ་པ་པོ། འཇད་པ་དཔལ་ལྡན་ཚེ་རིང་། གཟིམ་འགག་པ་ཚོས་གོ་རྩེད་རྩེད་བཞིན་པ། ནང་དོན་གནད་བསྡུས། རྩེ་དགུ་གཏོར་ནི་དེ་སྔ་ཕོ་བྲང་པོ་ཏཱ་ལའི་མཛད་སྒོ་ཆེས་གལ་ཆེན་ཞིག་དང་རྙིང་སྐྱེལ་གསར་བསུ་བྱེད་པའི་བྱ་རིམ་ཞིག་ཀྱང་ཡིན། དེ་ལྟ་བུའི་དམིགས་བསལ་གྱི་ཁྱད་ཆོས་ལྡན་པའི་དངོས་མིན་གྱི་རིག་གནས་ཤུལ་བཞག་འདི་དག་དེང་ཆར་་མི་སྣ་རེ་གཉིས་ཀྱི་དྲན་འཆར་ཙམ་ལ་སྐྱབས་བཅོལ་བའི་གནས་སུ་གྱར་ཡོད།
༸རྒྱལ་དབང་ལྔ་པས་གནའ་དཔེ་མྱུར་སྐྱོབ་མཛད་པ།
༸རྒྱལ་དབང་ལྔ་པ་ངག་དབང་བློ་བཟང་རྒྱ་མཚོ་མཆོག་གིས་ཆོས་བརྒྱུད་རིས་མེད་ཀྱི་གནའ་དཔེ་མྱུར་སྐྱོབ་མཛད་པའི་སྐོར་མདོར་ཙམ་གླེང་བ། འཇད་པ་དཔལ་ལྡན་ཚེ་རིང་། བོད་དུ་བསྟན་པ་སྔ་དར་གྱི་དུས་ནས་བན་བོན་དང་སྔགས་གསར་རྙིང་སོགས་སྐབས་རེ་མི་མཐུན་པ་བྱུང་ཡོད།ལྷག་པར་བསྟན་པ་ཕྱི་དར་སྐབས་ནས་བཟུང་བར་སྐབས་ཤིག་ལ་ཆོས་བརྒྱུད་ནང་ཁུལ་འཐེན་འཁྱེར་གྱི་བག་ཆགས་ངན་པ་དེ་ཇེ་ཆེར་སོང་བས་རྩ་ཆེའི་གནའ་དཔེ་དང་ཆོས་རྒྱུན་མང་པོ་ཞིག་སྟོང་འགྲོ་བའི་སྐབས་དེར་རྒྱལ་དབང༧ལྔ་པ་ངག་དབང་བློ་བཟང་རྒྱ་མཚོ་མཆོག་གིས་ཐུགས་དཀྱེལ་ཡངས་པོས་འབྲས་སྤུངས་དགོན་དང་དགའ་ལྡན་ཕུན་ཚོགས་གླིང་།ཕོ་བྲང་པོ་ཏ་ལ་བཅས་ཀྱི་དཔེ་མཛོད་ཁང་དུ་རིས་སུ་མེད་པའི་གནའ་དཔེ་སྟོང་ཕྲག་མང་པོ་བསྡུ་རུབ་དང་དཀར་ཆག་བསྒྲིགས་ནས་མྱུར་སྐྱོབ་མཛད་པའི་སྐོར་ཅུང་ཟད་གླེང་བར་བྱ་བ་ལ།
གནའ་དུས་བོད་ཀྱི་རང་བྱུང་ཁོར་ཡུག་སྲུང་སྐྱོབ་ལས་འཕྲོས་པའི་དཔྱད་གླེང་།
རྩོམ་པ་པོ་མངའ་རིས་ཕོ་ཉ། <ནང་དོན་གནད་བསྡུས་>དཔྱད་རྩོམ་འདིའི་ནང་གངས་རིན་པོ་ཆེ་དང་མ་ཕམ་གཡུ་མཚོ་དེ་ཉིད་གནས་མཆོག་ལ་ངོས་ཇི་ལྟར་འཛིན་ཚུལ་དང་། ཆོས་ཕྱོགས་ནས་བོད་ཀྱི་སྲོལ་རྒྱུན་གོམས་གཤིས་བཟང་པོའི་བོད་མི་ཚོས་རང་བྱུང་ཁོར་ཡུག་ལ་སྲུང་སྐྱོབ་གཅེས་འཛིན་གནང་སྟངས་དེ་བཞིན་གདོད་མའི་ནགས་ཚལ་སྲུང་སྐྱོབ་དང་ཕན་ནུས་སྐོར་རགས་ཙམ་གླེང་བ། <བརྡ་ཆད་གཙོ་བོ།> རང་བྱུང་ཁམས། གངས་མཚོ། ཡུལ་སྲོལ་གོམས་གཤིས། ནགས་ཚལ།
འབྲོམ་སྟོན་པ་རྒྱལ་བའི་འབྱུང་གནས་ཀྱི་རྣམ་ཐར་མདོར་བསྡུས།
འབྲོམ་སྟོན་པ་རྒྱལ་བའི་འབྱུང་གནས་འདི་ལ་ཡོངས་གྲགས་སུ་དགེ་བཤེས་སྟོན་པ་ཟེར་ཞིང་།ཁོང་ནི་རབ་བྱུང་དང་པོའི་གོང་གི་ལོ་སྐོར་ཐ་མའི་ཤིང་ཕོ་འབྲུག་ནས་རབ་བྱུང་དང་པོའི་ཤིང་འབྲུག་བར་བྱོན་པའི་བཀའ་གདམ་པའི་དགེ་བཤེས་ཆེན་པོ་ཞིག་ཡིན།མཉམ་མེད་ཇོ་བོ་རྗེ་བོད་དུ་ཕེབས་པ་དང་མཇལ་ནས་གདམ་ངག་ཆོས་སྐོར་མང་པོ་གསན། རྭ་སྒྲེང་དགོན་པ་ཕྱག་འདེབས་མཛད་ནས་བཀའ་གདམས་བསྟན་པའི་སྲོལ་ཕྱེས། རྒྱ་ཡིག་གི་མིང་།仲敦巴尊者 མཚན་གཞན། དགེ་བཤེས་སྟོན་པ། འཁྲུངས་འདས་ལོ་ཚིགས། སྤྱི་ལོ（1004—1064）འཁྲུངས་ཡུལ། བྱང་གི་གཉན་ཆེན་ཐང་ལྷའི་འོག་རྩ་སྒྱེ་མོ། ཡབ། རྟ་གསུམ་སྐུ་གཤེན་དང་། ཡུམ། ཁུ་འོད་བཟའ་ལན་གཅིག་མ། གྲུབ་མཐའ། བཀའ་གདམས་པ། སློབ་དཔོན། ཇོ་བོ་རྗེ་དཔལ་ལྡན་ཨ་ཏི་ཤ །འཐུས་ཚབ་བརྩམས་ཆོས།《མི་ཆོས་གནད་ཀྱི་ཕྲེང་བ》 མཛད་རྗེས། རྭ་སྒྲེང་དགོན་པ་ཕྱག་འདེབས་མཛད་ནས་བཀའ་གདམས་བསྟན་པའི་སྲོལ་ཕྱེས།
༄༅། །འཕགས་པ་ཝ་ཏི་བཟང་པོའི་བྱུང་རབས་ལོ་རྒྱུས་ངོ་སྤྲོད།
ཀ༽ ཐོག་མའི་གླེང་གཞི། བོད་ཀྱི་མི་རིགས་འདི་ཉིད་འཕགས་པ་སྤྱན་རས་གཟིགས་ཀྱི་སྤྲུལ་པ་ཕ་སྤྲེལ་རྒན་བྱང་ཆུབ་སེམས་དཔའ་དང་། རྗེ་བཙུན་སྒྲོལ་མའི་རྣམ་སྤྲུལ་མ་བྲག་སྲིན་མོ་གཉིས་འདུས་པ་ལས་བྱུང་ཞིང་། བོད་གངས་ཅན་གྱི་ལྗོངས་འདི་འཕགས་པ་སྤྱན་རས་གཟིགས་ཀྱི་གདུལ་ཞིང་དང་། བོད་འབངས་རྣམས་འཕགས་པ་སྤྱན་རས་གཟིགས་ཀྱི་གདུལ་བྱ་ཡིན་པར་མ་ཟད། འཕགས་མཆོག་སྤྱན་རས་གཟིགས་བོད་མིའི་ལྷ་སྐལ་དང་། གཟུངས་སྔགས་ཡི་གེ་དྲུག་མ་བོད་མིའི་ཆོས་སྐལ་ཡིན་པ། དེ་བཞིན་བོད་ཀྱི་མིའུ་གདུང་དྲུག་དང་། གཟུངས་སྔགས་ཡིག་དྲུག བོད་ཀྱི་མི་འབོར་བོད་མི་ས་ཡ་དྲུག་སོགས་དྲུག་ཚན་དེ་དག་གི་བར་ལ་ཐུན་མོང་མ་ཡིན་པའི་འབྲེལ་བ་ཡོད་པ་ཞིག་ཀྱང་ཡིན།