གཤམ་གྱི་པར་དག་ལེན་མཁན་ནི་ཨུ་རུ་སུའི་ཤར་ཕྱོགས་རིག་པ་བ་དང་ས་ཁམས་རིག་པ་བ། ཉེན་བརྟག་པ་བཅས་ཡིན་པའི་Gombojab Tsebekovitch Tsybikoff （1873——1930) ཞེས་འབོད་པ་དེ་ཡིན་ཞིང་། ཁོང་ནི་སྦེར་ཡ་ཐེའི་སོག་པོའི་མི་ཞིག་ཡིན་པ་དང་། 1895 ལོར་ཨུ་རུ་སུའི་པི་ཏེ་པོ་སློབ་ཆེན་གྱི་ཤར་ཕྱོགས་སྐད་རིགས་ཚན་ཁག་ནས་མཐར་ཕྱིན་ཞིང་། 1899 ལོར་ཁོང་ཉིད་ཨུ་རུ་སུའི་ས་ཁམས་རིག་གཞུང་ལྷན་ཚོགས་ཀྱི་བཀའ་བཀོད་ལྟར་བོད་དུ་ཆས། སྐབས་དེའི་བོད་ས་གནས་སྲིད་གཞུང་གིས་ཕྱི་རྒྱལ་གྱི་རིག་གནས་བས་བོད་དུ་བརྟག་དཔྱད་བགྱི་བར་འགོག་གྱིན་ཡོད་པས། ཁོང་ནི་བོད་དུ་མཆོད་མཇལ་དུ་འགྲོ་མཁན་སྦེར་ཡ་ཐེའི་མཇལ་བ་ཞིག་ཏུ་བརྫུས་ནས་བོད་ནང་ཞུགས་པ་དང་1900 ལོའི་ཟླ 8 པར་གཞི་ནས་ལྷ་སར་འབྱོར། དེའི་རྗེས་ཀྱི་ལོ་གཅིག་ལྷག་གི་ནང་ལ་ཁོང་ནི་ད་ལྟའི་བོད་ལྗོངས་དང་མཚོ་སྔོན་གྱི་ས་ཆ་མང་པོར་ཆས་ཡོད་པ་དང་། 1902 ལོའི་ཟླ 4 ཚེས 4 ཉིན་ཁོ་བོའི་ཉེན་བརྟག་འགྲུལ་བཞུད་ཀྱི་མཇུག་རྫོགས་ཏེ་ཕྱིར་ཨུ་རུ་སུར་ལོག་པའོ། །

    ཚེ་རིང་དབྱངས་སྐྱིད་ནི་ ༡༩༦༣ ལོར་ཡར་ཀླུང་གཙང་པོའི་གཞུང་གི་གྲུ་ཁ་ཞིག་ཏུ་བཟོ་པ་དཀྱུས་མ་ཞིག་གི་ཁྱིམ་དུ་སྐྱེས། ༡༩༨༧ ལོར་བོད་ལྗོངས་སློབ་ཆེན་ཐོན་པ་ནས་ད་བར་སློབ་གསོ་སློབ་ཁྲིད་ཀྱི་ཕྱག་ལས་ཕྲག་ཏུ་བཞེས་པ་དང་། ལས་བྲེལ་ཆེ་བའི་སློབ་ཞོར་དུ་བརྩམས་སྒྲུང་གིས་གཙོས་རྩོམ་འབྲིའི་བྱ་བའི་རྒྱུན་བསྐྱངས། ༢༠༠༧ ལོར་བརྩམས་སྒྲུང་ཕྱོགས་བསྒྲིགས་ ༼རི་རྩེའི་སྤྲིན་དཀར༽ཞེས་པ་པར་སྐྲུན་བྱས་ཏེ་ཀློག་པ་པོའི་ཁྲོད་ཚུར་སྣང་ལན་ཆ་ཆེ་ཙམ་བྱུང་བར་མ་ཟད། བརྩམས་ཆོས་དེར་རྒྱལ་ཡོངས་གྲངས་ཉུང་མི་རིགས་ཀྱི་སྐབས་དགུ་པའི་རྟ་མཆོག་བུམ་པའི་བྱ་དགའ་ཐོབ། ༢༠༡༤ ལོའི་ཟླ་བ་ ༧ པར་ལྷུག་རྩོམ་ཕྱོགས་བསྒྲིགས་ ༼མི་ཚེའི་འགྲུལ་བཞུད་༽པར་དུ་བསྐྲུན་པ་དང་དེར་ཀློག་པ་པོའི་དགའ་བསུ་ཆེན་པོ་ཐོབ།

ཚོན་མདངས་རྣམ་པར་བཀྲ་བའི་ཁང་ཚོན་རི་མོ། བོད་ཀྱི་དམངས་ཁྲོད་དུ་དར་ཁྱབ་ཆེ་བའི་སྡོད་ཁང་གི་གྱང་ལྡེབས་དང་བར་ཁྱམས་སོགས་ཀྱི་ངོས་སུ་འོས་ཤིང་འཚམ་པའི་སྒོ་ནས་ཚོན་མདངས་རྣམ་པར་བཀྲ་བའི་རི་མོ་འབྲི་སྲོལ་ཡོད། དེ་ནི་མཛེས་མཚོན་ཙམ་མ་ཟད། དེ་ལས་གལ་ཆེ་བ་ཞིག་ནི་རི་མོ་དེ་དག་བྲིས་ནས་འགལ་རྐྱེན་ཐམས་ཅད་ཞི་ཞིང་མཐུན་རྐྱེན་མཐའ་དག་བདེ་བླག་ཏུ་འགྲུབ་པའི་རྟགས་དང་རྟེན་འབྲེལ་དུ་མ་མཚོན་པར་བྱས་ཡོད། དེ་ཡང་སྤྱི་ལོའི་དུས་རབས་དགུ་པའི་ནང་ནང་པ་སངས་རྒྱས་པའི་ཆོས་ལ་དད་པ་ཡོད་མཁན་ཚོས་སྡོམ་བརྩོན་དམ་པའི་རི་མོ་འདི་བརྩམས་ཏེ་འདིའི་ཐོག་ནས་མཁན་སློབ་ཆོས་གསུམ་མཚོན་པར་བྱས་ཤིང་། དབུས་ཀྱི་མེ་ཏོག་པད་མ་དེ་གསང་སྔགས་རྙིང་མ་བའི་སྲོལ་གཏོད་སློབ་དཔོན་པདྨ་འབྱུང་གནས་མཚོན་པ་དང་། པད་མའི་སྟེང་རལ་གྲི་བསླངས་པ་ནི་འཇམ་དཔལ་དབྱངས་ཀྱི་སྤྲུལ་པ་ཆོས་རྒྱལ་ཁྲི་སྲོང་ལྡེ་བཙན། གཡས་སུ་ངང་སེར་མགོ་གཉིས་ཅན་ནི་སྐད་གཉིས་སྨྲ་བའི་དབང་ཕྱུག་ངུར་སྨྲིག་འཛིན་པ་དང་མཁན་ཆེན་ཞི་བ་འཚོ། གཡོན་དུ་ནེ་ཙོ་མགོ་གཉིས་ཅན་ནི་སྒྲ་བསྒྱུར་གྱི་ལོ་ཙཱ་བ་བཅས་མཚོན་གྱི་ཡོད། དེ་བཞིན་མཐུན་པ་སྤུན་བཞི་དང་ཚེ་རིང་རྣམ་དྲུག་སོགས་འབྲི་སྲོལ་ཡང་ཡོད།