Tag: featured

༄༅། །བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་ལས་ཐམས་ཅད་མཁྱེན་པ་རྗེ་དགེ་འདུན་གྲུབ་ཀྱི་རྣམ་ཐར་བཞུགས་སོ།།   ༼ པཎ་ཆེན་བསོད་ནམས་གྲགས་པས་ (1478-1554) མཛད།༽   ༄༅། །ཐམས་ཅད་མཁྱེན་པ་དགེ་འདུན་གྲུབ་ནི་ཤབ་སྟོད་དུ་ལྕགས་ལུག་ལ་སྐུ་འཁྲུངས། སྣར་ཐང་དུ་མཁན་པོ་གྲུབ་པ་ཤེས་རབ་ལ་མཁན་པོ་ཞུས་ཏེ་རིམ་པས་རབ་ཏུ་བྱུང་བ་དང་བསྙེན་པར་རྫོགས་པ་མཛད། དགུང་ལོ་ཉེར་ལྔ་པ་ལ་དབུས་སུ་ཕེབས་ཏེ་བཀྲ་ཤིས་དོ་ཁར་རྗེ་རིན་པོ་ཆེ་དང་མཇལ་བ་ནས་བཟུང་སྟེ་གསུང་ཆོས་མང་པོ་གསན། གཞན་ཡང་སེམས་དཔའ་ཆེན་པོ་ཀུན་བཟང་པ་དང༌། རྗེ་བཙུན་ཤེས་རབ་སེང་གེ་དང༌། རྒྱལ་ཚབ་རིན་པོ་ཆེ་རྣམས་ལ་དཀའ་ཆེན་གྱི་བཤད་པ་ཞུས་ཤིང༌། དམར་སྟོན་པ་ཁུ་དབོན་ལ། མདོ་རྩ་འགྲེལ་གསན་པ་སོགས་ལས་མཁས་པ་ཆེན་པོར་གྱུར།

ན་མ་ཨརྱ་ལོ་ཀེ་ཤྭ་རཱ་ཡ། །རྣམ་འདྲེན་ཀུན་གྱི་སྙིང་རྗེ་ཆེན་པོའི་གཟུགས། །ཕྱག་ན་པད་དཀར་འཆང་བའི་སྒྱུ་འཕྲུལ་གར། །རྒྱ་བལ་མཚམས་གྱི་ཙན་དན་ལྗོན་པ་ལས། །རང་བྱུང་གཟུགས་སྐུར་བསྟན་ལ་གསོལ་བ་འདེབས། །རིས་མེད་འགྲོ་ལ་བརྩེ་བའི་འཛུམ་ཞལ་སྒོ། །ཕན་བདེའི་དགའ་སྟོན་བསུ་བའི་ཆོ་ག་མཁན། །མཐོན་མཐིང་དབུ་སྐྲའི་ཐོར་ཚུགས་གཡོ་བའི་རྒྱན། །རིན་ཆེན་ཅོད་པན་བཅིངས་ལ་གསོལ་བ་འདེབས། །

སྲོང་བཙན་སྒམ་པོ། སྲོང་བཙན་སྒམ་པོ་ནི་བོད་པུར་རྒྱལ་དུས་སྐབས་ཀྱི་རྒྱལ་ཐོག་༣༣ཡིན་པ་དང་བོད་ཡོངས་དབང་ལ་འདུས་རྗེས་བོད་སྤྱི་ལ་དབང་བའི་རྒྱལ་པོ་ཐོག་མ་དེར་གྱུར་བ་རེད། དུང་དཀར་ཚིག་མཛོད་ཆེན་མོའི་ནང་གསལ་ཞིག་ན། སྲོང་བཙན་སྒམ་པོ་ནི་གངས་ལྗོངས་སྐྱེ་འགྲོ་ཀུན་གྱིས་སྤྱི་བོར་བཀུར་བའི་ཆོས་རྒྱལ་སྲོང་བཙན་སྒམ་པོ་ཞེས་བྱ་བའི་མི་རྗེ་འདི་ཉིད་ནི་། བོད་པུར་རྒྱལ་དུས་སྐབས་སུ་ཁ་བའི་ལྗོངས་འདིར་དབང་བསྒྱུར་བའི་བཙན་པོ་མང་དུ་བྱུང་བའི་ནང་ནས་ཆེས་ཕུལ་དུ་བྱུང་བའི་ཆབ་སྲིད་མཁས་ཅན་དང་། དམག་དོན་མཁས་ཅན་། ཁྲིམས་ལུགས་མཁས་ཅན་། ཕྱི་འབྲེལ་མཁས་ཅན་ཞིག་བཅས་ཡིན་ཏེ་། སྲོང་བཙན་སྒམ་པོ་་ཞེས་པའི་མཚན་དེ་ནི་ཁོང་གིས་སྲིད་དབང་བཟུང་རྗེས་བློན་པོ་རྣམས་ཀྱིས་གསོལ་བའི་མཚན་ཡིན།”

རྨེ་རུ་ཚེ་རིང་དོན་གྲུབ་ལགས་ནི་ཤིང་ཏ་ལའི་ལོ་མའི་ཕྱག་དཔེ་ཁག་ལ་ཞིབ་འཇུག་གནང་ཞོར་དུ་དགའ་དད་སྤྲོ་གསུམ་གྱིས་ཡིག་སྒྱུར་ལས་ལ་གཞོལ་མཁན་ཞིག་རེད། ཁོང་2006ལོར་བོད་ལྗོངས་སློབ་ཆེན་རིག་གཞུང་སློབ་གླིང་དུ་ཤེས་རམས་ཞིབ་འཇུག་སློབ་མའི་ཡིག་ཚད་ལོན་པ་དང་། ལོ་གསུམ་རིང་རྣམ་དཔྱོད་ཀྱི་སྒོ་མོ་རབ་ཏུ་ཡངས་པའི་རྒན་འཕྲིན་ལས་ཆོས་གྲགས་ཀྱི་གམ་ནས་ཡིག་སྒྱུར་གྱི་གཞུང་ལུགས་དང་ལག་ལེན་ལ་སློབ་གཉེར་བྱས་ཏེ་འབྲས་རྟགས་སུ་བོད་ཀྱི་ལོ་ཆེན་རིན་ཆེན་བཟང་པོའི་མཛད་རྣམ་སྐོར་ལ་ཞིབ་འཇུག་བྱས་ནས་མཐར་ཕྱིན་དཔྱད་རྩོམ་གྱི་དམ་བཅའ་ཕུལ་བ་དང་། མི་རིང་བར《ལོ་ཆེན་རིན་ཆེན་བཟང་པོའི་མཛད་འཕྲིན་ཞིབ་མོ་རྣམ་འབྱེད》ཅེས་པ་དཔེ་སྐྲུན་བྱས། 2014ལོར་སྙན་ཞུ་ཕུལ་བའི་བོད་རང་སྐྱོང་ལྗོངས་སྤྱི་ཚོགས་ཚན་རིག་ཐེབས་རྩའི་ལས་གཞི་སྟེ་ཐང་སན་ལམ་ཡིག་གསར་བསྒྱུར་དང་ཞིབ་འཇུག་ཅེས་པའི་རྣམ་གྲངས་ལ་ཆོག་མཆན་ཐོབ་ནས་ཞིབ་འཇུག་གི་དཔྱད་འབྲས་དཔེ་དེབ་དེ་2018ལོར་དཔེ་སྐྲུན་བྱས་པ་དང་།