Tag: featured

བསྟན་འཛིན་ཡེ་ཤེས་རྒྱལ་ཡོངས་ལ་སྐད་གྲགས་ཆོད་འདུག       བོད་ཀྱི་ལྷ་མོར་ཞིབ་འཇུག་དང་སྒྲ་སྙན་གྱི་བསམ་གྱི་མི་ཁྱབ་པའི་ནུས་པར་འཚོལ་ཞིབ་བྱེད་པའི་བསྟན་འཛིན་ཡེ་ཤེས་ཀོང་ཏུང་བརྙན་འཕྲིན་གྱིས་བཟོས་པའི་ཀྲུང་གོའི་ཕུལ་བྱུང་རོལ་དབྱངས་འགྲན་རྩོད་༼རྒྱལ་ཁབ་ཀྱི་རོལ་ཆས་དོ་ར་༽ཐེངས་བཞི་པའི་ནང་གདན་ཞུས་ལྟར་ཞུགས་ཡོད། ཁོས་སྒྲ་སྙན་དང་ལྷ་མོ་གཞི་གཅིག་ཏུ་སྦྲེལ་ཏེ་ཁོར་སྲུང་བརྗོད་གཞིའི་རོལ་དབྱངས་ཟློས་གར་ལམ་ནས་རང་བྱུང་ཁམས་དང་ཞི་མཐུན་མཉམ་གནས་ཀྱི་འཚོ་བའི་ནང་སེམས་ཀྱི་བརྩེ་བ་མཚོན་ཡོད།

༄༅། །གསར་དུ་རྙེད་པའི་བྲིས་དཔེ་བཀའ་བློན་ཟུར་ཁང་སྲིད་གཅོད་ཚེ་བརྟན་གྱི་རྣམ་ཐར་བཀའི་གུང་བློན་གྱི་འཁུར་འཛིན་པའི་རྟོགས་བརྗོད་བུང་བའི་མགྲིན་གླུ་ཞེས་པར་དཔྱད་པ། ཅོག་རོ་གཡུང་དྲུང་འགྱུར་མེད། ནང་དོན་གནད་བསྡུས། ཉེ་བའི་ལོ་ཤས་ནང་རྙེད་པའི་བྲིས་དཔེ་འདི་ནི་དུས་རབས་བཅོ་བརྒྱད་ནས་བཅུ་དགུ་བར་བོད་ས་གནས་སྲིད་གཞུང་གི་བཀའ་བློན་ཟུར་ཁང་སྲིད་གཅོད་ཚེ་བརྟན་གྱི་རང་རྣམ་འཁྲུལ་མེད་ཅིག་ཡིན་ཞིང་། འདིར་ཡིག་ཚང་ཞིབ་འཇུག་དང་ལོ་རྒྱུས་རིག་པའི་སྒོ་ནས་མ་དཔེའི་བྲིས་རྒྱུན་རྣམ་པ་དང་རྩོམ་རིག་ཁྱད་ཆོས། ལོ་རྒྱུས་རིན་ཐང་སོགས་ལ་དབྱེ་ཞིབ་བགྱིས་ཁུལ་དང་། རྣམ་ཐར་ལས་བསྟན་པའི་ཟུར་ཁང་ཁྱིམ་རྒྱུད་ཀྱི་ལོ་རྒྱུས་དང་བཀའ་བློན་གྱི་མི་ཚེ། དེ་མིན་འབྲེལ་ཡོད་ལོ་རྒྱུས་གནད་དོན་འགའ་དང་། སྐབས་དེའི་ཆོས་སྲིད་མི་སྣ་ཁག་དང་ཨམ་བན། ཁ་ཆེའི་ཆོས་དཔོན་སོགས་ཀྱི་གནས་ཚུལ་འཁོད་པར་ངོ་སྤྲོད་དང་དཔྱད་གླེང་ཞུས་ཡོད།

བོད་ཀྱི་ཚ་རོང་འཇོར་འཇིའི་སྐུ་ཚེ་དང་དུས་ཚོད། ཕྱི་ལོ་༡༩༢༠ ནས་༡༩༧༠ བར། རྒྱུན་སྲོལ་བོད་རྒྱལ་ཁབ་ཀྱི་མངའ་བདག་ཅིག ཉེ་རབས་བོད་ཀྱི་རིག་གཞུང་གི་ཉམས་ཞིབ་ཁག བསྟར་རིམ་རྩོམ་སྒྲིག་པ། གེ་རེ་ཊ་ཊལ་ (Gray Tuttle) ཀོ་ལམ་བི་ཡ་མཐོ་སློབ། (Columbia University) རྩོམ་པ་པོ། ཚ་རོང་དཔལ་འབྱོར། རྒྱབ་ཤ་མཁྲེགས་པོ། ཕྱི་ལོ་༡༩༢༡ ཟླ་༡༢ ཚེས་༣༡ ལ། མ་རྩའི་རིང་ལུགས་སྔོན་གྱི་ཞིང་ལས་ཀྱི་རྒྱལ་ཁབ་མང་པོ་ཞིག་ཉམས་འཇིག་ཏུ་ཕྱིན་ནས་དུས་རབས་མང་པོ་ཞིག་སོང་། ཕྱི་ལོ་ ༡༩༠༣ ལོའི་དབྱིན་ཇིའི་བཙན་འཛུལ་དང་ཕྱི་ལོ་ ༡༩༥༠ ལོ་རྒྱ་ནག་གིས་བཙན་འཛུལ་བྱས་མིན་ལ་མ་བལྟོས་པར་ཕྱི་ལོ་ ༡༩༥༩ ལོ་བར་བོད་རྒྱལ་ཁབ་ཀྱིས་མུ་མཐུད་ ནས་འགན་ནུས་ཆ་ཚང་བཏོན་ཡོད།

༄༅ ཤངས་པ། མཛེས་པའི་ཕ་ཡུལ་རྣམ་གླིང་། རྣམ་གླིང་། རྣམ་གླིང་རྫོང་ནི་གཞིས་རྩེ་གྲོང་ཁྱེར་གྱི་བྱང་ངོས་སུ་གནས་ཡོད་ཅིང་རྣམ་གླིང་གི་སྔ་མའི་མིང་ལ་༼ཤངས་༽ཟེར། རྣམ་གླིང་རྫོང་ལ་ཤང་ཁག་བཅུ་དྲུག་ཡོད་དེ་ སྟག་སྣ་ཤང་། ཆུམ་ཤང་། རྣམ་གླིང་ཤང་། རྒྱ་མཚོ་ཤང་། ཨེ་མར་ཤང་། ནུབ་མ་ཤང་། ཕོ་ཏམ་ཤང་། རིན་བསྡུས་ཤང་། མདོ་བརྗོད་ཤང་། ཚར་ཤང་། ཁར་རྩེ་ཤང་། སོག་ཆེན་ཤང་། ཐོབ་རྒྱལ་ཤང་། ར་ཐང་ཤང་། ལྷ་བུ་ཕུ་ཤང་། ལྷ་བུ་ཤང་བཅས་ཡོད།

རིགས་རུས་ཆོ་འབྲང་དབྱེ་འབྱེད་ལ་དཔྱད་པ། རྩོམ་པ་པོ། ཤངས་པ་ཐུབ་བསྟན་ཡར་འཕེལ། ནང་དོན་གནད་བསྡུས།   འཇིག་རྟེན་འདིར་རིགས་ཞེས་པའི་ཐ་སྙད་བྱུང་བ་ནས་ཆོས་སྲིད་གཉིས་ཀྱི་ནང་དུ་རིགས་ཞེས་པར་ངོ་བོ་གང་འདྲ་འཇོག་གི་ཡོད་མེད་དང་། ལྷག་པར་དུ་སྤྱི་ཚོགས་ཀྱི་ཁྲོད་དུ་མི་རྣམས་ཀྱིས་རིགས་ལ་བཟུང་བའི་འདོད་ཚུལ་གྱིས་བཟང་ཕྱོགས་དང་ངན་ཕྱོགས་ཀྱི་ཚད་ཇི་ཙམ་བཞག་ཡོད་མེད། ད་དུང་བྲམ་ཟེའི་ཆོས་ལུགས་སོགས་ཀྱི་གསུང་རབ་རྣམས་སུ་རང་ཉིད་ཀྱིས་རང་གང་དུ་གཏོགས་པའི་རིགས་སམ་གོ་གནས་ངོས་ལེན་བྱེད་ཐུབ་པ་དེ་ནི་བདེ་སྐྱིད་ཆེས་ཆེ་ཤོས་དེ་ཡིན་གསུངས་ཡོད་པར་ནང་ཆོས་དང་བསྡུར་བ་བཏང་ནས་ནང་པའི་གསུང་རབ་ཁག་གི་ནང་དུ་རིགས་ཀྱི་འདོད་ཚུལ་ནི་དེ་འདྲ་ཡེ་ནས་མ་ཡིན་པའི་འགྲེལ་བརྗོད་དང་།

༄༅། །ཐེག་ཆེན་ལ་སློབ་པར་འདོད་པས་གཞན་དོན་སྒྲུབ་དགོས། གསུང་མཁན། ཧའོ་རིན་པོ་ཆེ་ཚེ་དབང་དོན་གྲུབ་མཆོག གསུང་གནས། ཧའོ་དགོན་ཐར་ལམ་བཤད་གྲྭ། གསུང་དུས། ༢༠༢༡  ༡༢  ༢༤ གཞན་དོན་སྒྲུབ་རྒྱུ་དེའང་སངས་མ་རྒྱས་ཀྱི་བར་དུ་སྒུག་ནས་སྡོད་རྒྱུ་མ་ཡིན་པར། ད་ལྟ་ལམ་ལ་སློབ་པའི་གནས་སྐབས་ནས་ཀྱང་སྒྲུབ་ཅིང་། དེ་ལྟར་བྱས་པས་བདེ་སྐྱིད་འབྱུང་ལ། སངས་རྒྱས་ནས་ཀྱང་འབྱུང་བ་ཡིན་ཏེ། དེ་ལ་བརྟེན་ནས་རང་གཞན་གྱི་དོན་གཉིས་དང་། དེ་ལས་ཀྱང་གཞན་དོན་གཙོ་བོར་བྱས་པའི་རྒྱུ་མཚན་གྱིས། སེམས་ཀྱང་ཧ་ཅང་སྐྱིད་པོ་ཆགས་ཐུབ་ཀྱི་རེད།