སྲིད་དོན་རྒྱལ་རབས་ལ་སྙན་ངག་གི་ལམ་ནས་དྲངས་པའི་བསྔགས་བརྗོད་ཀྱི་གསུང་ཤོག་མཐོང་བ་དོན་ལྡན་མ།
༄༅། །མཁས་པའི་དབང་པོ་རག་ར་མཆོག་སྤྲུལ་རིན་པོ་ཆེ་མཆོག་ནས་རྩིས་དཔོན་ཞྭ་སྒབ་པའི་སྲིད་དོན་རྒྱལ་རབས་ལ་སྙན་ངག་གི་ལམ་ནས་དྲངས་པའི་བསྔགས་བརྗོད་ཀྱི་གསུང་ཤོག་མཐོང་བ་དོན་ལྡན་མ་ཞེས་བྱ་བ་བཞུགས་སོ།། རྣམ་མང་མཁས་པའི་ལུང་གི་རྒྱུན་འདུས་ཤིང་། ། ལུགས་གཉིས་གཏིང་དཔག་དཀའ་བའི་རྫིང་ཟབ་ཀྱང་། ། ངོ་མཚར་བདེ་ལྡན་རྦ་རླབས་འདི་མཐོང་ཚེ། ། གཟུར་གནས་བློ་ཡི་ཟླ་བ་ཅིས་མི་འཕེལ། །