ཁོར་ཡུག་དང་རླུང་རྟ།
ཁོར་ཡུག་དང་རླུང་རྟ། མཁས་གྲུབ། ཆད་མེད་དུས་ཚོད་ཀྱི་འཁོར་ལོ།། མྱུར་བར་མདུན་ཕྱོགས་སུ་འཁོར་བས།། ལང་ཚོ་དར་བ་དང་ལྷན་ཅིག།། འཚོ་བའི་ཁོར་ཡུག་ཀྱང་འགྱུར་སོང་།།
ས་སྲོས་ཀྱི་འཆར་སྒོ།
ས་སྲོས་ཀྱི་འཆར་སྒོ། བཀྲ་ཤིས་དཔལ་ལྡན། དེ་རིང་གི་མཐའ་མཇུག་གི་འགྲུལ་པ་དང་ངའི་སྦྱིན་བདག་གི་རྐང་པ་པང་གཅལ་སྟེང་ནས་གཙང་འགྲམ་གྱི་གྲམ་པ་རློན་པ་དེའི་སྟེང་དུ་སྤོས་མཚམས་གཞི་ནས་ལུས་ཐོག་གི་ཁུར་པོ་ཆ་ཚང་ཕབ་ཟིན་པའི་སྣང་བ་བདེ་ཤིག་ཤིག་ཅིག་ངའི་ལུས་ཕུང་ཡོངས་ལ་ཁྱབ། ཉིན་གང་གཙང་ཆུའི་ནང་དབུགས་སུབ་ཐེབས་པའི་ལུས་པོའི་ཆ་ཤས་དེ་ཡང་རེ་ཞིག་ཆུ་ཁར་ཐོན་པའི་སྐལ་བ་ཐོབ་པས་དབུགས་རྔུབ་འཐེན་རིང་པོ་ཞིག་བྱས། མཐའ་མཇུག་གི་འགྲུལ་པ་དེའི་ངོ་གདོང་ཧྲིལ་པོ་རྔུལ་ཆུ་ཐོན་ཤུལ་གྱིས་གང་བ་དང་སྐེད་པར་ཟད་ནས་འོད་ཐོན་པའི་བཙས་མ་རྔ་བྱེད་ཀྱི་ཟོར་བ་ཞིག་གཟེར་འདུག དེ་རིང་ངས་ཁོའི་ཉམས་འགྱུར་དང་བཟོ་ལྟ་འདྲ་བའི་མི་མང་པོ་ཞིག་ཕར་སྐྱེལ་ཚུར་བསུས་བྱས་ཤིང་། ནམ་དུས་ཀྱི་སོ་ནམ་ལངས་པས་ཁོང་ཚོ་ཚང་མ་གཅིག་མཚུངས་ཀྱི་ལས་ཀ་བྱེད་པར་སོང་བ་དང་ཧ་ལམ་གཅིག་མཚུངས་ཀྱི་གོམ་པ་སྤོ་བཞིན་ལས་ཐག་བཅད་ནས་ལོག སྦྱིན་བདག་གིས་ལྕགས་ཐག་སྦོམ་པོ་དེས་ང་གཙང་འགྲམ་དུ་བརྒྱབ་པའི་ལྕགས་ཕུར་སྦོམ་པོ་དེ་དང་སྦྲེལ་བ་དང་དེ་ནས་འགྲུལ་པ་དེ་དང་མཉམ་དུ་ལག་གཉིས་རྒྱབ་ལག་བཅས་པ་དང་སྐེད་པ་ཅུང་གུག་པའི་གོམ་པ་སྤོ་བཞིན་གྲོང་ཚོའི་ནང་དུ་ལོག
བོད་ལྗོངས་ནོར་འཛིན་འཛམ་གླིང་སྤྱི་བོའི་རྒྱན།
བོད་ལྗོངས་ནོར་འཛིན་འཛམ་གླིང་སྤྱི་བོའི་རྒྱན། དུང་དཀར་བློ་བཟང་འཕྲིན་ལས། ཕྱོགས་མཚམས་གངས་ཀྱི་ས་འཛིན་ཕྲེང་བས་བསྐོར།། དུས་བཞིར་དྲོད་སྐྱིད་ལྡན་པའི་ཉི་འོད་གསལ།། རྣམ་མང་རིན་ཆེན་གཏེར་བརྒྱས་ཡོངས་ཕྱུག་པའི།། བོད་ལྗོངས་ནོར་འཛིན་འཛམ་གླིང་སྤྱི་བོའི་རྒྱན།།
མངོན་བརྗོད།
མངོན་བརྗོད། རྩོམ་པ་པོ། ཀོང་སྤྲུལ་ཡོན་ཏན་རྒྱ་མཚོ། ས་བཅད་དང་པོ། སྤྱིར་མིང་གི་མཚན་ཉིད་དབྱེ་བ་སོགས་བཤད་པ། ཐོག་མའི་འདོད་རྒྱལ་རྗེས་གྲུབ་དོན་དང་ལྡན། །དངོས་མིང་དེ་བཞིན་བཏགས་མིང་འདྲ་འབྲེལ་གྱི། །རྒྱུ་མཚན་ལས་བྱུང་དེ་ཉིད་ལྡོག་པའི་མིང་། །འབྲེལ་ལ་རྒྱུ་མིང་འབྲས་དང་འབྲས་མིང་རྒྱུ། །ཚོགས་པ་ཡ་ལ་བཏགས་ལྡོག་པ་སོགས། །