Author: ཆུ་དབར་བུ།

༡ དགེ་འཕེལ་རི་ཁྲོད་ནི་ལྷ་ས་འབྲས་སྤུངས་དགོན་གྱི་རྒྱབ་རིའི་སྟེང་དུ་ཆགས་ཤིང༌། སྤྱི་ལོ་ ༡༦༡༧ ལོར་པཎ་ཆེན་སྐུ་ཕྲེང་བཞི་པ་བློ་བཟང་ཆོས་རྒྱན་གྱིས་ཕྱག་བཏབ། དེ་གར་པཎ་ཆེན་བློ་བཟང་ཆོས་རྒྱན་དང༌། ཀུན་མཁྱེན་འཇམ་དབྱངས་བཞད་པ། གྲུབ་ཐོབ་དཔའ་བོ་རྡོ་རྗེ། ཀློང་རྡོལ་བླ་མ་རིན་པོ་ཆེ། ཡོངས་འཛིན་ཡེ་ཤེས་རྒྱལ་མཚན། ༸རྒྱལ་དབང་ལྔ་པ་ཆེན་པོ་སོགས་ཀྱི་སྒྲུབ་ཁང་མང་དག་ཡོད།

༡ མཚམས་ཁུང་བཙུན་དགོན་ནི། ལྷ་སའི་ལྷོ་ཕྱོགས་གླིང་སྐོར་ལམ་གྱི་ཉེ་འགྲམ་དུ་གནས་ཤིང༌། ཐོག་མར་སྤྱི་ལོའི་དུས་རབས་བདུན་པའི་ནང་ཆོས་རྒྱལ་སྲོང་བཙན་སྒམ་པོས་ཕྱག་བཏབ་ཅིང༌། དེར་ཆོས་རྒྱལ་རང་ཉིད་སྐུ་མཚམས་སུ་བཞུགས་གནང་མཛད། ཕྱིས་གྲུབ་ཆེན་ཀུ་ཅོར་རྟོགས་ལྡན་པས་ ༼སྤྱི་ལོ་ ༡༣༨༦། ༡༤༤༥།༽ མཚམས་ཁུང་བཙུན་དགོན་ཆུང་ངུ་ཞིག་ཕྱག་བཏབ་ཅིང༌། གནས་འཛིན་དུ་བཙུན་མ་བཅུ་སྐོར་ཁོང་གི་ཞལ་སློབ་ཏུ་བཞུགས་པར་ཕྱིས་མཚམས་ཁུང་ཨ་ནེའི་དགོན་པ་ཞེས་གྲགས།

༡ ལྷ་ས་མཁར་བྲག དེ་ནི་ལྷ་སའི་ཤར་ཕྱོགས་སྐུ་འབུམ་ཐང་གི་དཀྱིལ་དུ་ཡོད་ཅེས་མཁས་པ་འགའ་ཞིག་གིས་གསུངས། ལོ་རྒྱུས་འགའ་ཞིག་ནང་ལྷ་ཁང་འདི་ཆོས་རྒྱལ་སྲོང་བཙན་སྒམ་པོའི་བཙུན་མོ་མི་ཉག་རུ་ཡོང་བཟས་བཞེངས་པ་ཡིན་ཞེས་གསལ་ཡང༌། ལྷ་ས་མཁར་བྲག་ནི་རྒྱལ་པོ་ཁྲི་ལྡེ་གཙུག་བརྟན་གྱིས་བཞེངས་པའི་ལྷ་ཁང་ལྔའི་གྲས་ཡིན་པས་བཤད་ཚུལ་དེ་མ་དག་པ་ཞིག་ཡིན། གང་ལྟར་ལྷ་ཁང་དེ་ཉིད་དུས་ནམ་ཞིག་ཐོར་ཞིག་ཏུ་སོང་བ་མ་ཤེས་ནའང་གང་ལྟར་དེང་སྐབས་ང་ཚོའི་མིག་ལམ་དུ་མཐོང་རྒྱུ་མེད།

ལེའུ་ལྔ་པ། རིས་མེད་དགོན་སྡེ་དང༌། ལྷ་ཁང༌། བཙུན་དགོན། རི་ཁྲོད་བཅས་ཀྱི་ལོ་རྒྱུས་ངོ་སྤྲོད་མདོར་བསྡུས། དེ་ཡང་༸རྒྱལ་བསྟན་རིན་པོ་ཆེ་འཛིན་སྐྱོང་སྤེལ་གསུམ་བྱ་ཡུལ་གྱི་ལྟེ་གནས་རིས་མེད་གྲུབ་མཐའ་ཁག་གི་དགོན་སྡེ་ཆེ་འབྲིང་ཆུང་གསུམ་དང༌། ལྷ་ཁང༌། བཙུན་དགོན། རི་ཁྲོད་བཅས་ཀྱི་ལོ་རྒྱུས་མདོར་བསྡུས་རེ་བཀོད་པ་ལ།

༸རྒྱལ་མཆོག་སྐུ་ཕྲེང་རིམ་བྱོན་གྱི་ཡབ་གཞིས་ལ་གོ་གནས་མཐོ་པོ་དང༌། གཞིས་ཀ་ཆེན་པོ་གནང་སྲོལ་ཡོད་པ་ནི་ལུགས་སྲོལ་རྙིང་པ་ཞིག་མིན་པར་འདི་ནི་དུས་ཕྱིས་སུ་བྱུང་བ་ཞིག་ཡིན། དེ་ཡང་༸རྒྱལ་དབང་སྐུ་ཕྲེང་དང་པོ་རྗེ་དགེ་འདུན་གྲུབ་པ་ནས་སྐུ་ཕྲེང་དྲུག་པ་༸རྒྱལ་བ་ཚངས་དབྱངས་རྒྱ་མཚོའི་བར་གྱི་སྐུ་ཕྲེང་དྲུག་གི་ཡབ་གཞིས་རྣམས་ལ་གོ་གནས་མཐོ་པོ་དང༌། གཞིས་ཀ་ཆེན་པོ་གང་ཡང་གནང་སྲོལ་བྱུང་མེད་པ་འདི་ལས་མཁྱེན་རྟོགས་ཐུབ་པ་ཡིན།

ལྷ་སའི་ཕྱོགས་བཞིར་ཆོས་རྒྱལ་སྲོང་བཙན་སྒམ་པོ་དང༌། རྒྱ་བཟའ་ཀོང་ཇོ་རྣམ་གཉིས་ཀྱིས་བཙུགས་གནང་མཛད་པའི་གནའ་ཤུལ་གྲགས་ཅན་རྒྱ་ལྕང་རྐང་ལྔ་སྟེ། ཀ༽ དབུས་སུ་ཇོ་བོ་དབུ་སྐྲ་ཞེས་པའི་རྒྱ་ལྕང་རྐང་གཅིག ཁ༽ ཤར་དུ་སྦྲ་ནག་ཞོལ་ལྕང་སྡོང་ཚང་དུ་རྒྱ་ལྕང་རྐང་གཅིག ག༽  ལྷོ་རུ་སྤོམ་མདའི་རྒྱབ་ཏུ་ཡོམ་འབོག་སྡོང་རྐང་གཅིག