སྤེལ་ཞིབ་ཕྲ།
ལྷོ་ཁ་སྣེ་གདོང་རྫོང༌ངོ་སྤྲོད།
སྣེ་གདོང་རྫོང་ནི། ད་ལྟ་ལྷོ་ཁ་ས་གནས་སྣེ་གདོང་རྫོང་སྣེ་གདོང་གྲོང་ཚོའི་བྱང་ངོས་རྒྱབ་རི་གླང་ཆེན་འགྱིང་པ་འདྲ་བའི་རི་སྟེང་དུ་གནས་ཤིང༌། སྣེ་གདོང་རྫོང་ནི་རི་གླང་ཆེན་འགྱིང་འདྲའི་སྣ་སྟེང་དུ་ཆགས་སྟབས་སྣེ་གདོང་ཞེས་མིང་ཐོགས་ཚུལ་དང༌། གཞན་ཡང༌། སྣེ་གདོང་ཞེས་པའི་གོ་དོན་དངོས་ནི། ཏཱ་སི་ཏུ་བྱང་ཆུབ་རྒྱལ་མཚན་གྱིས་སྣེ་གདོང་དང༌། གོང་དཀར། འོལ་ཁ། སྟག་རྩེ། བསམ་གྲུབ་རྩེ་སོགས་རྫོང་ཆེན་བཅུ་གསུམ་བཙུགས་པའི་ནང་ནས་ཐོག་མ་སྟེ། སྣེའམ་སྔ་ཤོས་སུ་བཙུགས་པའི་རྫོང་ཡིན་པས་ན་སྣེ་གདོང་ཞེས་གྲགས།
གཞིས་ཀ་བསམ་གྲུབ་རྫོང༌།
གཞིས་ཀ་བསམ་གྲུབ་རྩེ་རྫོང་ངམ་ཡོངས་གྲགས་སུ་གཞིས་རྩེ་རྫོང་ནི། སྔར་རབ་བྱུང་ ༦ པའི་ས་གླང་ལོ་སྟེ་སྤྱི་ལོ་ ༡༣༤༩ ལོར་སྣེ་གདོང་ཏཱ་སི་ཏུ་བྱང་ཆུབ་རྒྱལ་མཚན་གྱིས་ས་སྐྱ་བའི་ལག་ནས་སྲིད་དབང་འཕྲོགས་ཏེ་བོད་ཆོལ་ཁ་གསུམ་ལ་མངའ་དབང་བསྒྱུར་རྗེས་དབུས་གཙང་གཉིས་སུ་རྫོང་ཆེན་བཅུ་གསུམ་བརྩིགས་པར་གྲགས་པའི་ཐ་མ་ཡིན་པར་དཔྱིད་ཀྱི་རྒྱལ་མོའི་གླུ་དབྱངས་དང༌། པཎ་ཆེན་བསོད་ནམས་གྲགས་པས་མཛད་པའི་དེབ་དམར་གསར་མའམ་རྒྱལ་རབས་འཕྲུལ་གྱི་ལྡེ་མིག་ལས་བཤད་ཅིང༌། རྗེས་སུ་གཙང་པ་ཕུན་ཚོགས་རྣམ་རྒྱལ་གྱིས་བོད་ཡོངས་ལ་དབང་བསྒྱུར་བྱས་རྗེས་ཕོ་བྲང་ལྟ་བུ་ཡིན་ལ།
གནམ་གང་གི་བྱེད་སྒོ་ཁག་ངོ་སྤྲོད།
༈ གནམ་གང་ནི་ལོ་རྙིང་པ་སྐྱེལ་བའི་གྲིབ་གསོ་ལྟ་བུའི་ཉིན་མཐའ་མ་དང༌། ལོ་གསར་པ་ཤར་བའི་སྐྱ་རེངས་ལྟ་བུ་ཡིན་པས་ཉིན་འདིའི་གནང་སྒོ་ཡང༌། ལོ་གསར་གྱི་རྟེན་འབྲེལ་མཚོན་པའི་དངོས་པོ་རྣམས་དངོས་སུ་སྒྲིག་གཤོམ་གང་རྒྱས་བྱ་རྒྱུ་དེ་ཡིན་ཞིང༌། སྒྲིག་གཤོམ་བྱས་པའི་རྟེན་འབྲེལ་གྱི་དངོས་པོའི་ཐོག་ནས་བོད་མིའི་འཚོ་ཐབས་གཙོ་བོ་ཞིང་འབྲོག་གཉིས་ཀྱི་འབྲས་བུའི་ཉིང་བཅུད་རྣམས་མཆོད་ཡུལ་དཀོན་མཆོག་ལ་དགའ་དད་གུས་སྤྲོས་ཆེན་པོས་ཕུལ་ཏེ། ལོ་གསར་པའི་ནང་ལོ་ཕྱུགས་རྟག་ལེགས་དང༌། ཆར་ཆུ་དུས་བབས། ནད་མུག་འཁྲུག་རྩོད་སོགས་རྐྱེན་ངན་མི་ཡོང་བའི་རྟེན་འབྲེལ་མཚོན་ཞིང༌།
དགུ་ཐུག་གི་འགྲེལ་བཤད།
དགུ་ཐུག་ནི་འཆར་ཁའི་ལོ་གསར་པའི་ནང༌། ནད་མུག་འཁྲུག་རྩོད་གདོན་བགེགས་སོགས་ཀྱི་འཚེ་བ་མི་ཡོང་བའི་ཆེད་བོད་ཟླ་ ༡༢ ཚེས་ ༢༩ ཉིན་བོད་གཞུང་དམངས་ཚང་མས་གལ་ཆེར་བརྩི་བའི་ཉིན་མོ་ཞིག་ཡིན་ཞིང༌། དགུ་ཐུག་གི་བྱེད་སྒོའི་ཐོག་ནས་བསྟན་འགྲོར་འཚེ་བའི་དགྲ་བགེགས་བར་ཆད་སོགས་ཟློག་ཐབས་ཐོག ལོ་གསར་པའི་ནང་རང་གཞན་ཚང་མས་ལེ་ལོ་དང་གཡོ་སྒྱུ་སོགས་མི་དགེ་བའི་བསམ་སྦྱོར་སྤངས་ཏེ། ངང་རྒྱུད་རིང་ཞིང༌། སེམས་པ་བཟང་བ། སྤྱི་སྒེར་གྱི་ལས་དོན་གང་ལའང་ལྷག་བསམ་དང་བརྩོན་འགྲུས་བྱས་ཏེ་ཞི་བདེ་ཆོས་མཐུན་གྱི་འཚོ་བ་སྐྱེལ་དགོས་པའི་བོད་མི་རིགས་ཀྱི་གཞི་རྩའི་ལྟ་བ་མཚོན་ཐུབ་ཀྱི་ཡོད།
རྩེ་དགུ་གཏོར་ཆེན་མོ་ངོ་སྤྲོད།
སྔར་བོད་གཞུང་དགའ་ལྡན་ཕོ་བྲང་པའི་སྐལ་བཟང་དུས་བཟང་སྐབས་སུ་ལོ་ལྟར་བོད་ཟླ་ ༡༢ ཚེས་ ༢༩ རི་བོ་གྲུ་འཛིན་གཉིས་པའི་ཕོ་བྲང་ཆེན་པོ་པོ་ཏ་ལའི་བདེ་ཡངས་ཤར་དུ་རྣམ་པར་རྒྱལ་བ་ཕན་བདེ་ལེགས་གླིང་གྲྭ་ཚང་གིས་གར་འཆམ་དང་འབྲེལ་བའི་ལོ་མཇུག་དགུ་གཏོར་གྱི་གར་འཆམ་དང༌། ཧོམ་བསྲེགས། གཏོར་ཟོར་འཕེན་པའི་དུས་སྟོན་ལ་རྩེ་དགུ་གཏོར་ཡོངས་སུ་གྲགས། དེ་ཡང་རྩེ་ཕོ་བྲང་ཤར་བརྒྱུད་གཟིམ་ཆུང་དུ་ྋགོང་ས་མཆོག་ྋཞབས་སོར་བདེ་འཁོད་ཀྱིས་དྲུང་བཞེས་ཚུགས་པ་དང༌། སྲིད་བློན་དང༌། བཀའ་ཤག་ལྷན་རྒྱས་དང༌། ཛ་སག ཐའི་ཇི་སོགས་གཞུང་ཞབས་ཚང་མ་ྋགོང་ས་མཆོག་གི་མཇལ་ཁར་བཅར་དགོས་པ་དང་འབྲེལ། གསོལ་ཚིགས་གྲུབ་རྗེས་ཕོགས་དཔོན་དང་མདའ་དཔོན་ཡན་གྱིས་ྋགོང་ས་མཆོག་ལ་མཇལ་དར་ཕུལ་བ་དང༌། རྩེ་གཟིམ་འགག་ནས་སྨོན་ལམ་སྤྱི་ཁྱབ་སེར་སྐྱ་རྣམས་ལ་བྱེད་སྒོའི་བཀའ་བསྒྱུར་སྩལ།
དགའ་ལྡན་ལྔ་མཆོད་ཆེན་མོའི་རྗེས་དྲན་ངོ་སྤྲོད།
བོད་ཟླ་ ༡༠ ཚེས་ ༢༥ ཉིན་ནི་དགའ་ལྡན་ལྔ་མཆོད་ཅེས་རི་བོ་དགེ་ལྡན་པའི་གྲུབ་མཐའི་སྲོལ་བཏོད་མཛད་པ་པོ། དགའ་ལྡན་ཁྲི་རབས་དང་པོ་རྗེ་ཙོང་ཁ་པ་བློ་བཟང་གྲགས་པ་མཆོག་དགའ་ལྡན་ཡིད་དགའ་ཆོས་འཛིན་དུ་གཤེགས་པའི་དགོངས་རྫོགས་ཀྱི་རྗེས་དྲན་མཆོད་འབུལ་བྱེད་པའི་ནང་ཆོས་ཀྱི་དུས་ཆེན་ཞིག་ཡིན་ལ། དེ་ཡང་ས་ཕག་སྤྱི་ལོ་ ༡༤༡༩ ལོའི་སྟོན་དུས་རྗེ་ཙོང་ཁ་པ་ཆེན་པོས་སྟོད་ལུང་དང༌། དཔལ་ལྡན་འབྲས་སྤུངས། ལྷ་ལྡན། སེ་ར་ཐེག་ཆེན་གླིང་སོགས་ཕེབས་ཏེ་ཆོས་མང་དུ་གསུངས་ཤིང༌། དེ་རྗེས་སླར་ཡང་འབྲོག་རི་བོ་དགེ་དགའ་ལྡན་རྣམ་པར་རྒྱལ་བའི་གླིང་དུ་ཕྱིར་ཕེབས་ཀྱིས་ཐུབ་དབང་ཚུལ་ཁྲིམས་མའི་སྐུ་མདུན་དུ་མཆོད་འབུལ་དང་བསྔོ་སྨོན་རྒྱ་ཆེར་མཛད། སྐུ་བེར་དང་དབུ་ཞྭ་སྲས་ཀྱི་ཐུ་བོ་དར་མ་རིན་ཆེན་ལ་གནང་སྟེ་རྒྱལ་ཚབ་ཏུ་བསྐོ་གཞག་མཛད་ནས་ཟླ་བ་བཅུ་པའི་ཚེས་ཉེར་ལྔར་གཟིམ་ཆུང་ཉི་གསལ་སྦུག་ཏུ་སྐུ་གཤེགས།
ལྷ་བབས་དུས་ཆེན་གྱི་ངོ་སྤྲོད།
དེ་ཡང་མགོན་པོ་ཀླུ་སྒྲུབ་ (C.150-250) ཀྱིས་མཛད་པའི་བྱང་ཆུབ་སེམས་འགྲེལ་ལས། སྙིང་རྗེའི་དབང་དུ་གྱུར་པ་རྣམས། །གཤེགས་དང་བལྟམས་དང་རོལ་བ་དང༌། ། ཁབ་ནས་འབྱུང་དང་དཀའ་བ་སྤྱོད། །བྱང་ཆུབ་ཆེད་དང་བདུད་སྡེ་འཇོམས། ། ཆོས་ཀྱི་འཁོར་ལོ་བསྐོར་བ་དང༌། །ལྷ་རྣམས་ཀུན་ནས་ཞུགས་པ་དང༌། ། དེ་བཞིན་དུ་ནི་མྱ་ངན་ལས། །འདས་པ་སྟོན་པར་མཛད་པ་ཡིན། ། ཞེས་གསུངས་པ་ལྟར་བདག་ཅག་གི་སྟོན་པ་ཐུབ་པའི་དབང་པོས་འདུལ་བྱ་རྣམས་སྨིན་གྲོལ་གྱི་གནས་སུ་འགོད་པའི་ཆེད་དུ། མཛད་པའི་རྣམ་གྲངས་ཇི་སྙེད་ཅིག་བཞེས་ཡོད་པ་རྣམས་སྟོན་པ་གང་གི་རྗེས་འཇུག་རང་ཅག་བོད་མི་ཚོས་ཀྱང་རྗེས་སུ་དྲན་པའི་སྒོ་ནས་ལོ་ལྟར་ཆོ་འཕྲུལ་དུས་ཆེན་དང༌། ས་ཟླའི་དུས་ཆེན། དྲུག་པ་ཚེས་བཞི།…
འོང་སྐོར་དུས་ཆེན་ངོ་སྤྲོད།
ཞིང་ཁུལ་དུ་དབྱར་དུས་སུ་གཏོང་བའི་འོང་སྐོར་ནི་བོད་རྒྱལ་སྤུ་དེ་གུང་རྒྱལ་གྱི་དུས་སུ་མཛངས་བློན་རུ་ལས་སྐྱེས་ཀྱིས་ཞིང་ལས་ལ་མཐོང་ཆེན་ནང་ནས་ཞིང་ལས་ལག་རྩལ་གོང་འཕེལ་གཏོང་སྐབས། བོན་པོ་བས་ཞིང་ཁར་སྐོར་བ་བརྒྱབ་ནས། ལོ་ལེགས་ཡོང་བའི་གསོལ་བ་འདེབས་པའི་ཆོ་ག་སྤེལ་བ་ནས་བཟུང་། རིམ་པས་དམངས་ཁྲོད་དུ་དར་བའི་དུས་ཆེན་ཞིག་རེད། དེ་ལྟར་ན་སྲོལ་དེ་བྱུང་ནས་ད་བར་ལ་ལོ་ངོ་སྟོང་ལྷག་ཙམ་གྱི་ལོ་རྒྱུས་ཡོད། དུས་ཆེན་དེ་གྲ་རྒྱས་གཏོང་དགོས་དོན་ནི་ངལ་རྩོལ་མི་དམངས་རྣམས་ཀྱིས་རང་བྱུང་གི་གནོད་འཚེ་ཡོངས་ལས་རྣམ་པར་རྒྱལ་ནས་ཞིང་ལས་ཐོན་སྐྱེད་ལ་ལོ་ལེགས་ཡོང་བར་སྐྱབས་བཅོལ་ཞུ་བའི་དུས་ཆེན་ཞིག་རེད། འོང་སྐོར་ཟེར་བའི་ཐ་སྙད་དེའི་གོ་དོན་འདི་ལྟ་སྟེ། འོང་ནི་འོང་ཁ་སྟེ་སྟོན་ཐོག་དང་ལྡན་པའི་ཞིང་ཁ་ལ་ཟེར་བ་དང་། སྐོར་ནི་ཞིང་ཁ་ལ་སྐོར་བ་རྒྱག་པའི་དོན་ཡིན།
ཆོས་བསྐོར་དུས་ཆེན་ངོ་སྤྲོད།
བསྔགས་འོས་བསྔགས་བསྟོད་ལས། ཉིད་ཀྱི་དོན་ནི་ཡོངས་རྫོགས་ཤིང༌། །གཞན་གྱི་དོན་ལ་མངོན་བརྩོན་པ། ། དམ་ཆོས་བདུད་རྩི་སྩོལ་བ་པོ། །འཚིམ་པར་མཛད་ལ་ཕྱག་འཚལ་ལོ། ། ༈ འོ་སྐོལ་གྱི་སྟོན་པ་མཉམ་མེད་ཤཱཀྱའི་རྒྱལ་པོ་ཞེས་མཚན་གྱི་སྒྲ་དབྱངས་རྣ་བར་ཐོས་པ་ཙམ་གྱིས་ཀྱང་སྲིད་ཞིའི་གདུང་བ་སེལ་བར་ནུས་པ་གང་དེས་ཚོགས་གཉིས་ཀྱི་མཐུ་ཕུལ་དུ་བྱུང་བ་བསགས་ནས་འོག་མིན་དུ་ལྔ་ལྡན་ལོངས་སྤྱོད་རྫོགས་པའི་སྐུར་སངས་རྒྱས་ཟིན་ཀྱང༌། གདུལ་བྱའི་དོན་དུ་འཕགས་ཡུལ་རྡོ་རྗེ་གདན་དུ་མཆོག་གི་སྤྲུལ་སྐུར་འཚང་རྒྱ་བའི་ཚུལ་བསྟན་ཏེ། མཛད་པ་ཀུན་གྱི་མཆོག་ཏུ་གྱུར་པ་གསུང་གི་མཛད་པ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བའི་ནང་ཚན་བཀའ་དང་པོ་བདེན་བཞིའི་ཆོས་འཁོར་བསྐོར་བའི་ཚུལ་ནི། སྟོན་པ་དགུང་ལོ་སོ་ལྔ་ལ་བབ་པ་ཤིང་རྟ་ས་ག་ཟླ་བའི་ཚེས་བཅོ་ལྔར་བྱང་ཆུབ་ཤིང་དྲུང་དུ་མངོན་པར་རྫོགས་པར་སངས་རྒྱས་པའི་ཚུལ་བསྟན་པའི་རྗེས་སུ་ཞག་བདུན་ཕྲག་བདུན་ཐུགས་ལས་ཆུང་ངུར་བཞུགས་ཏེ་ཆོས་ཀྱི་འཁོར་ལོ་མ་སྐོར་བའི་ཚུལ་བསྟན་པ་ན།
འཛམ་གླིང་སྤྱི་བསང་གི་དུས་ཆེན་ངོ་སྤྲོད།
གངས་ལྗོངས་ཀྱི་དབུས་གཙང་གི་གཙོ་བོར་གྱུར་པའི་ཡུལ་གྲུར་བོད་ཟླ་ ༥ ཚེས་ ༡༥ ཉིན་འཛམ་གླིང་སྤྱི་བསངས་ཞེས་པའི་དུས་སྟོན་གཏོང་སྲོལ་ཡོད་པ་འདི་ཉིད་ཀྱི་བྱུང་ཚུལ་ནི། སྤྱི་ལོའི་དུས་རབས་བརྒྱད་པའི་ནང་བཙན་པོ་ཁྲི་སྲོང་ལྡེའུ་བཙན་གྱིས་མཁན་ཆེན་ཞི་བ་འཚོ་དང་། སློབ་དཔོན་པདྨ་འབྱུང་གནས་བོད་དུ་གདན་དྲངས་ཏེ་བོད་ཀྱི་ལྷ་འདྲེ་གདུག་པ་ཅན་རྣམས་དམ་ལ་བཏགས་ནས་ལས་ལ་བསྐུལ་བས་བསམ་ཡས་མི་འགྱུར་ལུགས་གསུམ་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པར་བཅས་པ་གསར་བཞེངས་མཛད་སྐབས་ཉིན་མོ་མིས་བརྩིགས་པ་ལས་མཚན་མོ་ལྷ་འདྲེས་བརྩིགས་པ་མགྱོགས་པར་བྱུང་ནས་ལེགས་བསྒྲུབས་ཟིན་པའི་གཏང་རག་ཏུ་ཧད་པོ་རི་རྩེར་སློབ་དཔོན་རིན་པོ་ཆེས་རྒྱགས་རྔན་ལྷ་བསང་གི་འདོན་ཆོས་བརྩམས་ཏེ་བསང་མཆོད་ཀྱིས་གཟེངས་བསྟོད་རྒྱ་ཆེར་མཛད་པའི་དུས་ཚོད་དང༌། དུས་དེ་ནས་བཟུང་ལོ་ལྟར་བོད་ཟླ་ ༥ ཚེས་ ༡༥ ཉིན་འཛམ་གླིང་ཡོངས་ཀྱི་དཀར་ཕྱོགས་སྐྱོང་བའི་ལྷ་སྲུང་རྣམས་ལ་སྤྱི་བསངས་དང་གསོལ་མཆོད་བྱེད་པའི་སྲོལ་བཟང་འདི་ཉིད་དར་འཕེལ་བྱུང་བ་ཞིག་ཡིན།