སྤེལ་ཞིབ་ཕྲ།
ཀློང་ཆེན་རབ་འབྱམས་པ་དྲི་མེད་འོད་ཟེར་གྱི་མཛད་རྣམ་སྙིང་བསྡུས་ཕྱོགས་བསྡུས།
ཀློང་ཆེན་རབ་འབྱམས་པ་དྲི་མེད་འོད་ཟེར་གྱི་རྣམ་ཐར་སྙིང་བསྡུས། ཁོང་ནི་རབ་བྱུང་ལྔ་པའི་ས་ཕོ་སྤྲེལ་ལོ་སྟེ་སྤྱི་ལོ་ ༡༣༠༨ ལོར་གཡོ་རུ་གྲྭའི་ཆ་སྟོད་གྲོང་དུ་ཡབ་བསྟན་པ་སྲུང་དང་། ཡུམ་བསོད་ནམས་རྒྱན་གཉིས་ཀྱི་སྲས་སུ་སྐུ་འཁྲུངས། རབ་བྱུང་དྲུག་པའི་ཆུ་མོ་ཡོས་ལོ་སྟེ་སྤྱི་ལོ་ ༡༣༦༣ ལོར་བསམ་ཡས་མཆིམས་ཕུ་དཔལ་གྱིས་ནགས་ཁྲོད་དུ་སྐུ་གཤེགས། སྐུའི་རུས་ནི་རོག་ཡིན། དགུང་ལོ་ལྔ་ནས་ཡི་གེའི་འབྲི་ཀློག་མཁྱེན་ཅིང་སྨན་རྩིས་རྣམས་ཀྱང་ཐུགས་སུ་ཆུད། དགུང་ལོ་དགུ་པར་ཉི་ཁྲི་དང་བརྒྱད་སྟོང་བཏོན་པས་ཐུགས་ལ་མངའ། དགུང་ལོ་བཅུ་པར་བསམ་ཡས་མཁན་པོ་བསམ་གྲུབ་རིན་ཆེན་དང་། སློབ་དཔོན་ཀུན་དགའ་འོད་ཟེར་ལས་རབ་ཏུ་བྱུང་སྟེ་མཚན་ལ་ཚུལ་ཁྲིམས་བློ་གྲོས་གསོལ།
མཛད་རྗེས་གསེར་འོད་འཕྲོ་བའི་བོད་ཀྱི་མཁས་པ་ཞིག་གླེང་བ།
མཛད་རྗེས་གསེར་འོད་འཕྲོ་བའི་བོད་ཀྱི་མཁས་པ་ཞིག་གླེང་བ། རྩོམ་པ་པོ། དེད་དཔོན། ཆགས་སྡང་རྨོངས་གསུམ་དང་ཕྲག་དོག་འགྲན་སེམས་ཀྱིས་སྒོ་གསུམ་ཁ་ལོ་སྒྱུར་བཞིན་སྲིད་དོན་རྩོད་པའི་ནང་དམེ་ཁྲག་སྦྱོར་གྱི་ལས་ལ་ཞུགས་པའི་བོད་ཀྱི་སེར་གཟུགས་པ་དག་གི་ཁྲོད་ནས་དྲན་ཡོང་བ་ནི། གནའ་དེང་རིག་གནས་ལ་ནང་བྱན་ཆུད་པའི་སྐུ་ཚེ་གང་བོ་བོད་ཀྱི་ཤེས་རིག་གི་ཆེད་དུ་བཏང་ཞིང་། ཆོས་ལུགས་དང་ཡུལ་ལུང་སོགས་ཚན་པ་ཕྱོགས་རེ་བར་ཕྱོགས་རིས་འཐེན་འཁྱེར་སྤུ་ཙམ་ཡང་མེད་པའི་ཁ་བ་གངས་ཅན་པའི་རེ་བའི་མིག་འབུར་གཏོད་སའི་བགྲེས་སོང་ཁྱུ་གཅིག་རེད། དེ་དག་གི་ནང་ནས་གླེང་འོས་པ་གཅིག་ནི་སྟོད་དབུས་གཙང་གི་མཁས་དབང་དམ་པ་ནོར་བྲང་ཨོ་རྒྱན་ལགས་ཏེ། ཁོང་ནི་ཉེ་རབས་བོད་ཀྱི་རིག་གནས་རྒྱུན་འཛིན་དང་འཕེལ་རྒྱས་གཏོང་བའི་ཐད་དུ་མཛད་རྗེས་ཧ་ཅང་ཆེ། མཁས་དབང་ཁོང་གི་སྐུ་ཚེ་བོད་ཀྱི་རིག་གཞུང་གི་ཆེད་དུ་གཏོང་བའི་རྣམ་ཐར་དང་། མཁྱེན་རྒྱ་ཟབ་མོའི་རྩལ་ལས་ཐོན་པའི་གསུང་རྩོམ་གྲགས་ཅན་ཁག་ལ་མྱོང་རོལ་ཐེངས་གཅིག་བྱས་ན་བགྲེས་སོང་ཁོང་ལ་དུང་བ་འགོག་མེད་དུ་སྐྱེ་ཡོང་བ་ཞིག་རེད།
༸རྒྱལ་བ་སྐུ་ཕྲེང་དང་པོ། དགེ་འདུན་གྲུབ་པའི་རྣམ་ཐར་སྙིང་བསྡུས།
༸རྒྱལ་བ་སྐུ་ཕྲེང་དང་པོ། དགེ་འདུན་གྲུབ་པའི་རྣམ་ཐར་སྙིང་བསྡུས། ཀ༽ གང་དུ་སྐུ་བལྟམས་པ་དང་། གཞོན་ནུའི་དུས་ཀྱི་མཛད་སྤྱོད་སྐོར། དེ་ཡང་འཁྲུངས་རབས་གསོལ་འདེབས་ལས། གུར་མི་ངར་པའི་ཆོ་རིགས་སྲད་དུ་བལྟམས། ། འཇམ་མགོན་ཙོང་ཁ་པ་ཡི་ཐུགས་སྲས་ཕུལ། ། པཎ་ཆེན་གྲགས་པས་ཐམས་ཅད་མཁྱེན་པར་གསོལ། ། ༸རྒྱལ་དབང་དགེ་འདུན་གྲུབ་པར་གསོལ་བ་འདེབས། ། ཞེས་གསུངས་པ་ལྟར། ༸རྒྱལ་བ་སྐུ་ཕྲེང་དང་པོ་རྗེ་དགེ་འདུན་གྲུབ་པ་མཆོག་ནི། གཙང་ལྗོངས་རུ་ལག་གི་སའི་ཆ་དཔལ་ལྡན་ས་སྐྱའི་ཉེ་འདབས་སྲད་ཀྱི་ལུང་ལག ཞག་དང་བན་སྙིང་གཉིས་ཀྱི་མཚམས་སུ་གུར་མོ་རུ་བ་ཞེས་པའི་འབྲོག་སྡེ་ཞིག་ཏུ་ཡབ་མགོན་པོ་རྡོ་རྗེ་དང་།…
མི་དབང་སྡེ་སྲིད་སངས་རྒྱས་རྒྱ་མཚོའི་རྣམ་ཐར་སྙིང་བསྡུས།
མི་དབང་སྡེ་སྲིད་སངས་རྒྱས་རྒྱ་མཚོའི་རྣམ་ཐར་སྙིང་བསྡུས། དེ་ཡང་། ཐམས་ཅད་མཁྱེན་པ་དྲུག་པ་བློ་བཟང་རིན་ཆེན་ཚངས་དབྱངས་རྒྱ་མཚོའི་ཐུན་མོང་ཕྱིའི་རྣམ་པར་ཐར་པ་དུ་ཀཱུ་ལའི་འཕྲོ་འཐུད་རབ་གསལ་གསེར་གྱི་སྙེ་མ་ཞེས་བྱ་བའི་རྩོམ་པ་པོ་ནི། ༸རྒྱལ་དབང་སྐུ་ཕྲེང་ལྔ་པ་དང་དྲུག་པ་གཉིས་ཀྱི་བཀའི་འཕྲིན་ལས་པ་བོད་ཀྱི་ལོ་རྒྱུས་ཐོག་སྡེ་སྲིད་སངས་རྒྱས་རྒྱ་མཚོ་ཞེས་སྙན་པའི་དཔལ་འབར་བ། རིག་པའི་གནས་མཐའ་དག་ལ་མཁས་པའི་རྩེ་མོར་སོན་ཅིང་། ཆོས་སྲིད་ལུགས་གཉིས་ཀྱི་བྱ་གཞག་ལ་མཁས་མཛངས་ལྡན་པ་མིའི་དབང་པོ་དེ་ཉིད་ཡིན་ཞིང་། ཁོང་ནི་མར་པ་ལོ་ཙཱ་བའི་བུ་ཆེན་བཞིའི་ནང་གི་མཚུར་སྟོན་དབང་གི་རྡོ་རྗེའི་རིགས་ལས་བྱུང་བ་ཡབ་ཨ་སུག་དང་། ཡུམ་བུ་ཁྲིད་རྒྱལ་མོ་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ཆུ་སྦྲུལ་སྤྱི་ལོ་ ༡༦༥༣ ལོའི་ཟླ་བ་ ༧ པའི་ནང་ཁ་བའི་ལྗོངས་འདིའི་ཆོས་སྲིད་ལུགས་གཉིས་ཀྱི་ལྟེ་གནས་ཡུལ་གྱི་དགེ་བཅུ་ཚང་བ་དབུས་ཀྱི་ཉི་མ་ལྷ་ས་ཞེས་པའི་ནང་ཚན་སྐྱིད་ཤོད་སེ་ར་ཐེག་ཆེན་གླིང་གི་ཉེ་འདབས་ནུབ་ངོས་ཉང་བྲན་གྲོང་སྨད་ཅེས་བྱ་བའི་ཁྱིམ་དུ་སྐུ་བལྟམས་ཤིང་། ཐོག་མར་ལ་མོ་ཚངས་པ་དུང་ཐོད་ཅན་མིའི་ཁོག་བརླམས་ཀྱིས་གསོལ་བའི་མཚན་ལ་དཀོན་མཆོག་དོན་གྲུབ་དང་། དེ་རྗེས་༸རྒྱལ་དབང་སྐུ་ཕྲེང་ལྔ་པ་ངག་དབང་བློ་བཟང་རྒྱ་མཚོས་སངས་རྒྱས་རྒྱ་མཚོ་ཞེས་བྱ་བའི་མཚན་གྱིས་གཟེངས་བསྟོད།
སྦ་གསལ་སྣང་།
སྦ་གསལ་སྣང་། སད་མི་མི་བདུན་གྱི་ཡ་གྱལ་སྦ་གསལ་སྣང་ནི་ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོ་ཞིག་སྟེ། རྒྱལ་པོ་སྐུ་ན་ཕྲ་བའི་སྐབས་སུ། བློན་པོ་སང་ཤིས་རྒྱ་ཡུལ་ནས་ཁྲིད་འོངས་པའི་ཧྭ་ཤང་ཞིག་གིས། སྦ་གསལ་སྣང་གི་བུ་མོ་ཤི་བའི་རོའི་ཁར་མུ་ཏིག་འཚལ་གྱིས་བྱུགས་པའི་མཚན་མ་བྱེད་བཅུག་ནས་མའི་མལ་འོག་ཏུ་སྦས་ཤིང་བུ་མོ་མའི་བུར་སྐྱེ་བའི་ལུང་བསྟན་བཞིན་བཙས་པའི་སྐབས་སུ་ཁ་ནས་མུ་ཏིག་བྱུང་བས། གསལ་སྣང་གིས་ཚེ་ཕྱི་མ་ཡོད་པར་ངེས་པ་རྙེད་ནས་ཆོས་ཀྱི་ཆེད་དུ་ལྷོ་བལ་དུ་འགྲོ་བར་རྗེ་ལ་གསོལ་བས་མང་ཡུལ་གྱི་ཁང་དཔོན་དུ་བརྫངས། དེ་ནས་བྱང་ཆུབ་ཆེན་པོ་དང་ན་ལེནྡྲར་མཆོད་པ་བྱས།མཁན་པོ་རིན་པོ་ཆེ་དང་མཇལ་ཏེ་མང་ཡུལ་དུ་སྤྱན་དྲངས།
སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས།
སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས། ༄༅། །སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས་ནི་ཕྱི་ལོའི་དུས་རབས་བཅོ་ལྔ་པའི་དུས་མཇུག་ཏུ་འཁྲུངས་པའི་ལོ་ཙཱ་བ་ཞིག་ཡིན། དགུང་ལོ་ཆུང་ངུའི་དུས་ནས་ཞ་ལུ་དགོན་གྱི་ཆོས་གྲྭར་ཞུགས་ཤིང་རབ་བྱུང་དང༌། དགེ་ཚུལ། དགེ་སློང་གི་སྡོམ་པ་རྣམས་རིམ་པས་བཞེས་ཏེ། འདུལ་བའི་ཆོས་གཞུང་སོགས་ལ་ཐོས་བསམ་མཛད། ལྷག་པར་དུ་ཞ་ལུ་ཆོས་སྐྱོང་བཟང་པོ་(༡༤༤༡ – ༡༥༢༧)བཤེས་གཉེན་དུ་བསྟེན་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པར་མཛད་པས་མཁས་པ་ཆེན་པོར་གྱུར། ལེགས་སྦྱར་གྱི་སྐད་ཡིག་ལ་ཡང་ནང་བྱན་ཆུད་པ་མཛད་དེ་བསྟན་བཅོས་གཅིག་ཙམ་བོད་ཡིག་ཏུ་བསྒྱུར་བར་མཛད།
ས་སྐྱ་པཎྜིཏ་ཀུན་དགའ་རྒྱལ་མཚན་དཔལ་བཟང་པོ་མཆོག
༄༅། །ས་སྐྱ་པཎྜིཏ་ཀུན་དགའ་རྒྱལ་མཚན་དཔལ་བཟང་པོ་མཆོག་ནི། བོད་རབ་བྱུང་གསུམ་པའི་ཆུ་སྟག ཕྱི་ལོ་༡༡༨༢ ལོར་འཁོན་གྱི་གདུང་རྒྱུད་ཡབ་ས་སྐྱའི་རྗེ་བཙུན་གྲགས་པ་རྒྱལ་མཚན་གྱི་གཅུང་པོ་དཔལ་ཆེན་འོད་པོ་ཆེ་དང༌། ཡུམ་མ་གཅིག་གར་ཕུ་མ་ཉི་ཁྲི་ལྕམ་གཉིས་ལ་སྲས་ཆེ་ཆུང་གཉིས་འཁྲུངས་པའི་ནང་ནས་ཆེ་བ་ཡིན། མཚན་ལ་དཔལ་ལྡན་དོན་གྲུབ་ཏུ་གསོལ་ཞིང༌། རྗེས་སུ་ཁུ་བོ་རྗེ་བཙུན་གྲགས་པ་རྒྱལ་མཚན་གྱི་དྲུང་ནས་དགེ་བསྙེན་གྱི་སྡོམ་པ་བཞེས་པའི་མཚན་ལ་ཀུན་དགའ་རྒྱལ་མཚན་དུ་གསོལ། དགུང་ལོ་ཆུང་དུས་ནས་བཟུང་ཚད་མ་རིག་པ་དང་། བཟོ་རིག་པ། སྐར་རྩིས་རིག་པ། སྒྲ་རིག་པ། གསོ་བ་རིག་པ། ཕར་ཕྱིན། དབུ་མ། འདུལ་བ། མཛོད་སོགས་མདོ་སྔགས་ཀྱི་ཟབ་གནད་མ་ལུས་པ་གསན་ཏེ། ཤེས་པའི་རྐང་གྲངས་ཙམ་མིན་པར་ལག་ལེན་ཐོག་འཁྱོལ་ཐུབ་པའི་མཁས་པར་གྱུར།
ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་གྱི་རྣམ་ཐར་མདོར་བསྡུས།
ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་གྱི་རྣམ་ཐར་མདོར་བསྡུས། ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་ཁོང་། ལ་སྟོད་ལྷོའི་དཔྱད་ལུང་ཤར་གྱི་བོང་ར་ཞེས་པར་སྐུ་འཁྲུངས། སྐུ་ན་ཆུང་དུས་ནས་རབ་ཏུ་བྱུང་། ཕར་ཚད་མངོན་པ་གསུམ་ལ་མཁས་པར་སྦྱངས། བདེ་ཀྱེ་དུས་འཁོར་གྱི་རྒྱུད་མང་དུ་གསན། འགྲོ་མགོན་འཕགས་པ་རིན་པོ་ཆེར་ལོ་ཙཱ་སློབ་ཏུ་འགྲོ་བས་རྫོང་བར་ཞུ་ཞུས་པས། དེ་ལྟ་བུའི་བློ་སྐྱེ་བ་བཟང་། རེ་ཞིག་གཞུང་ལུགས་གསར་བ་བསྒྱུར་བའི་ནུས་པ་མ་བྱུང་ཡང་། པཎྜི་ཏ་ལ་སློབ་གཉེར་དང་དྲི་གཏུགས་ལེགས་པར་གྱིས་ཤིག ཅེས་གསུངས་ཤིང་སློབ་གཉེར་དུ་འགྲོ་བའི་མཐུན་རྐྱེན་སྦྱར། ཤོང་གི་ཐུགས་ལ་སྐྱེས་ཐོབ་ཀྱི་བློ་གྲོས་ནི་ཕུན་སུམ་ཚོགས། སྦྱངས་སྟོབས་ཀྱི་ཡོན་ཏན་རང་ལ་རག་ལས་པས་གསར་འགྱུར་ཅིས་མི་ནུས་སྙམ་ཞིང་།
གཞུང་ལུགས་རབ་འབྱམས་ལ་སྦྱངས་པ་མཐར་ཕྱིན་ཅིང་མཁས་བཙུན་བཟང་གསུམ་གྱི་ཡོན་ཏན་ལྷུན་གྱིས་གྲུབ་པའི་བདག་ཉིད་ཆེན་པོ་ལྕང་སྐྱ་རོལ་པའི་རྡོ་རྗེའམ་ཡེ་ཤེས་བསྟན་པའི་སྒྲོན་མེ་མཆོག
གཞུང་ལུགས་རབ་འབྱམས་ལ་སྦྱངས་པ་མཐར་ཕྱིན་ཅིང་མཁས་བཙུན་བཟང་གསུམ་གྱི་ཡོན་ཏན་ལྷུན་གྱིས་གྲུབ་པའི་བདག་ཉིད་ཆེན་པོ་ལྕང་སྐྱ་རོལ་པའི་རྡོ་རྗེའམ་ཡེ་ཤེས་བསྟན་པའི་སྒྲོན་མེ་མཆོག་ནི། བོད་ཆོལ་ཁ་གསུམ་ལས་མདོ་སྨད་རྟའི་ཆོལ་ཁའི་ཡུལ་གྱི་བྱེ་བྲག་ཙོང་ཁའི་བྱང་ཕྱོགས་ཏེ། ལང་གྲུ་སྡེ་བཞིར་གྲགས་པའི་ནང་ཚན་ནུབ་པདྨོ་སྡེའི་ཆར་གཏོགས་པའི་འབྲོག་གནས་བྲག་དཀར་ཞེས་པའི་ལུང་པར། ཡབ་ཆི་ཀྱྭ་ཚངས་པ་གུ་རུ་བསྟན་འཛིན་དང་ཡུམ་བུ་སྐྱིད་གཉིས་ཀྱི་སྲས་སུ་བོད་རབ་བྱུང་བཅུ་གཉིས་པའི་མེ་བྱ་སྟེ་ཕྱི་ལོ་༡༧༡༧ ལོར་སྐུ་བལྟམས། མཚན་གྲགས་པ་བསོད་ནམས་ཞེས་གསོལ།
རྗེ་ཙོང་ཁ་པ།
རྗེ་ཙོང་ཁ་པ། དུང་དཀར་བློ་བཟང་འཕྲིན་ལས། ༄༅། །རྗེ་ཙོང་ཁ་པ་ཆེན་པོ་བློ་བཟང་གྲགས་པ་ནི་བོད་རབ་བྱུང་དྲུག་པའི་མེ་བྱ་ (༡༣༥༨) ལོར་མདོ་སྨད་ཀྱི་སའི་ཆར་ཤར་ཙོང་ཁའི་ཡུལ་ (དེང་སང་མཚོ་སྔོན་ཞིང་ཆེན་ཁོངས་གཏོགས་སྐུ་འབུམ་དགོན་པ་ཆགས་ཡུལ་དེར་ཡིན་འདུག) དུ་ཡབ་ད་ར་ཁ་ཆེ་ཀླུ་འབུམ་དགེ་དང་། ཡུམ་ཤིང་བཟའ་ཨ་ཆོས་གཉིས་ཀྱི་སྲས་སུ་སྐུ་བལྟམས།དགུང་ལོ་གསུམ་གྱི་སྟེང་ཆོས་རྗེ་ཀརྨ་པ་སྐུ་ཕྲེང་བཞི་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཤིང་། མཚན་ཀུན་དགའ་སྙིང་པོ་ཞེས་གསོལ། དགུང་ལོ་བདུན་གྱི་སྟེང་ཆོས་རྗེ་དོན་གྲུབ་རིན་ཆེན་པས་མཁན་པོ་མཛད་པ་དང་། ཏ་དབེན་གཞོན་ནུ་སེང་གེའི་སློབ་མ་གཞོན་ནུ་བྱང་ཆུབ་པས་སློབ་དཔོན་མཛད་དེ་དགེ་ཚུལ་གྱི་སྡོམ་པ་བཞེས་ནས་མཚན་ལ་བློ་བཟང་གྲགས་པ་ཞེས་གསོལ། ཆོས་རྗེ་དོན་གྲུབ་རིན་ཆེན་གྱིས་རྗེ་ཙོང་ཁ་པ་སྐུ་བྱིས་པའི་དུས་ནས་བདག་སྐྱོང་གིས་ཤིན་ཏུ་གཅེས་པར་མཛད་དེ་བསྐྱངས། རབ་ཏུ་བྱུང་ཞིང་རྡོ་རྗེ་ཐེག་པའི་སྒོར་སྨིན་པར་མཛད།