Featured on མི་སྣ་ངོ་སྤྲོད།

    ཚེ་རིང་དབྱངས་སྐྱིད་ནི་ ༡༩༦༣ ལོར་ཡར་ཀླུང་གཙང་པོའི་གཞུང་གི་གྲུ་ཁ་ཞིག་ཏུ་བཟོ་པ་དཀྱུས་མ་ཞིག་གི་ཁྱིམ་དུ་སྐྱེས། ༡༩༨༧ ལོར་བོད་ལྗོངས་སློབ་ཆེན་ཐོན་པ་ནས་ད་བར་སློབ་གསོ་སློབ་ཁྲིད་ཀྱི་ཕྱག་ལས་ཕྲག་ཏུ་བཞེས་པ་དང་། ལས་བྲེལ་ཆེ་བའི་སློབ་ཞོར་དུ་བརྩམས་སྒྲུང་གིས་གཙོས་རྩོམ་འབྲིའི་བྱ་བའི་རྒྱུན་བསྐྱངས། ༢༠༠༧ ལོར་བརྩམས་སྒྲུང་ཕྱོགས་བསྒྲིགས་ ༼རི་རྩེའི་སྤྲིན་དཀར༽ཞེས་པ་པར་སྐྲུན་བྱས་ཏེ་ཀློག་པ་པོའི་ཁྲོད་ཚུར་སྣང་ལན་ཆ་ཆེ་ཙམ་བྱུང་བར་མ་ཟད། བརྩམས་ཆོས་དེར་རྒྱལ་ཡོངས་གྲངས་ཉུང་མི་རིགས་ཀྱི་སྐབས་དགུ་པའི་རྟ་མཆོག་བུམ་པའི་བྱ་དགའ་ཐོབ། ༢༠༡༤ ལོའི་ཟླ་བ་ ༧ པར་ལྷུག་རྩོམ་ཕྱོགས་བསྒྲིགས་ ༼མི་ཚེའི་འགྲུལ་བཞུད་༽པར་དུ་བསྐྲུན་པ་དང་དེར་ཀློག་པ་པོའི་དགའ་བསུ་ཆེན་པོ་ཐོབ།

  ཟླ་འདིའི་ཕྱི་ཚེས་ ༢༡ ཉིན་གྱི་མཚན་གུང་ཆུ་ཚོད་༢༣།༦ ཐོག རྒྱ་ནག་གི་སྒྲུང་རྩོམ་གྲགས་ཅན་བཞིའི་ཡ་གྱལ་ཆུ་ངོགས་གཏམ་རྒྱུད་རྒྱས་པ་བོད་སྒྱུར་བྱེད་མཁན་གྱི་གྲས་མཁས་དབང་འཕྲིན་ལས་ཆོས་གྲགས་ལགས་སྙུང་གཞིའི་རྐྱེན་གྱིས་སྐུ་གྲོངས་ཡོད་པ་དང་། ད་ལྟ་དགུང་ལོ་ ༨༡ ཡིན་འདུག

ལ་སྟོད་ལྷོར་འཁྲུངས་པའི་ལོ་པཎ་མཁས་གྲུབ་རྣམས་ཀྱི་རྣམ་ཐར།