སྤེལ་ཞིབ་ཕྲ།
གྲོ་ལུང་པ་ཆེན་པོ་བློ་གྲོས་འབྱུང་གནས་ཀྱི་རྣམ་ཐར་སྙིང་བསྡུས།
མཛད་པ་པོ། ཡོངས་འཛིན་ཡེ་ཤེས་རྒྱལ་མཚན། གྲོ་ལུང་པ་ཆེན་པོ་བློ་གྲོས་འབྱུང་གནས་ནི། གཞོན་ནུའི་དུས་ན་ཇོ་བོ་ཡབ་སྲས་ཀྱི་ཞབས་ལ་གཏུགས་སྣང་སྟེ་ཁོང་རང་གི་བསྟན་རིམ་ལས། བདག་གིས་ཇོ་བོ་རྗེ་ལ་ཆོས་ལན་ཅིག་འཁུམས་པ་ན། འཕགས་པ་རྟག་ཏུ་ངུའི་བརྩོན་འགྲུས་ལྟ་བུ་བྱའོ་ཞེས་གསུང་ལ། དགེ་བཤེས་པའང་མདོར་ན་གཞན་ཅི་ཡང་མི་བསམ་པར་རྫོགས་པའི་བྱང་ཆུབ་དོན་དུ་གཉེར་བར་བྱའོ་ཞེས་གསུང་། ཡང་སྐྱབས་འགྲོའི་སྐབས་སུ། འདི་ལ་བདག་གི་བླ་མ་ནི་མཆོད་པ་དང་བཅས་པའི་མཎྜལ་གསུམ་བྱེད་དུ་བཅུག་སྟེ། ཞེས་གསུངས་པའི་དགེ་བཤེས་དང་བླ་མ་ནི་འབྲོམ་ཉིད་ཡིན་པར་གནའ་མཆན་གྱིས་བཤད་སྣང་ངོ་། །སྤྱན་སྔ་ལ་ནི་རྡོ་རྗེ་ནམ་མཁའི་གོས་ཅན་མ་གསན་ཞིང་། ཁམ་པ་ལུང་པ་དང་། པོ་ཏོ་བ་ལ་ཡང་ཆོས་གསན་ཞིང་སློབ་དཔོན་ཞེས་འབོད་པ་མཛད།
དཔོན་པོ་རྔོག་ལོ་ཆེན་པོ་བློ་ལྡན་ཤེས་རབ་ཀྱི་རྣམ་ཐར་སྙིང་བསྡུས།
མཛད་པ་པོ། ཡོངས་འཛིན་ཡེ་ཤེས་རྒྱལ་མཚན། གསང་བུ་བ་ཆེན་པོ་དེའི་དཔོན་པོ་རྔོག་ལོ་ཆེན་པོ་བློ་ལྡན་ཤེས་རབ་ནི། ཆོས་སྐྱབས་ཀྱི་སྲས་སུ་ས་མོ་ཕག་ཕྱི་ལོ་ 1059 ལ་སྐུ་འཁྲུངས། གཞོན་ནུའི་དུས་ནས་ཁུ་བོའི་དུང་དུ་བྱོན། ཁུ་བོ་དང་གཟུས་ཀྱི་སློབ་མ་སྦོ་ཆུང་བ་ཚུལ་ཁྲིམས་ཤེས་རབ་གཉིས་ལ་བརྟེན་ནས་རབ་ཏུ་བྱུང་སྟེ་དེ་གཉིས་ལ་གསན་པ་མང་དུ་མཛད་པས་ཁོང་གི་ཤེས་རབ་ལ་ཁུ་བོ་མཉེས་ནས། ལོ་བཅུ་བདུན་བཞེས་པའི་ཚེ་ཁ་ཆེར་སློབ་གཉེར་ལ་བརྫངས། དེའི་ཚེ་རྭ་ལོ། གཉན་ལོ། ཁྱུང་བོ་ཆོས་བརྩོན། རྡོ་སྟོན། བཙན་ཁ་བོ་ཆེ་རྣམས་དང་འགྲོགས་ནས་བྱོན་པས། མངའ་བདག་རྩེ་ལྔེས་དབུས་གཙང་ཁམས་གསུམ་གྱི་སྡེ་སྣོད་འཛིན་པ་རགས་པ་རྣམས་སྤྱན་དྲངས་ནས་མེ་ཕོ་འབྲུག་ 1076 ལོའི་ཆོས་འཁོར་མཛད་པ་དང་ཐུག །རྩེ་ལྡེའི་སྲས་པོ་དབང་ཕྱུག་ལྡེས་རྔོག་གི་ཡོན་བདག་བྱ་བར་ཆད་ནས་ཁ་ཆེར་བྱོན།
ལོ་ཙཱ་བ་རྔོག་ལེགས་པའི་ཤེས་རབ་ཀྱི་རྣམ་ཐར་སྙིང་བསྡུས།
མཛད་པ་པོ། ཡོངས་འཛིན་ཡེ་ཤེས་རྒྱལ་མཚན། རྔོག་ལེགས་པའི་ཤེས་རབ་ནི། ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོ། རྔོག་ཆེན་པོ་བྱ་བ་བྱུང་སྟེ། བཙན་པོས་རྒྱ་ཡུལ་དུ་དམག་དྲངས་པའི་ཚེ་རྒྱལ་པོ་རི་དེའུ་ཞིག་གི་ཁར་བཞུགས། དམག་རྣམས་ཡུལ་འཇོམས་སུ་བཏང་བ་ན། རྒྱལ་པོའི་སྐུ་ལ་བསྡོ་བའི་སྐྱེན་པོ་འགའ་ཞིག་བྱུང་བ་ན། བློན་པོ་རྔོག་གིས་འགའ་ཞིག་བསད། འགའ་ཞིག་ནི་ཕྱིར་བྲོས། དེ་ནས་རྒྱ་ཞོ་ཧབ་ཀྱིས་བཏབ། རྒྱ་ཕྲུག་བྲག་ལ་བརྡབས་ཟེར་བ་དེའི་རྒྱུད་པ་ཡིན་ཏེ། ཡར་འབྲོག་དོའི་ཕྱི་རོལ་གྱི་མཚོ་ཆེན་པོའི་འགྲམ་དུ་གྲོང་ཆགས་པའི་སྔགས་རྙིང་མ་བའི་དགེ་བཤེས་རྡོ་རྗེ་གཞོན་ནུ་བྱ་བ་ལ་སྲས་ལྔ་བྱུང་བའི་ཆེ་བ་ལེགས་པའི་ཤེས་རབ། གཉིས་པ་ཀླུ་ཁྲི། གསུམ་པ་ཀླུ་བྱང་། བཞི་པ་ཆོས་སྐྱབས། ལྔ་པ་ཐུབ་པ་རྣམས་ལས་ཆེ་བ་ལེགས་པའི་ཤེས་རབ་ཀྱིས་འབྲིང་ཤེས་ཡོན་ཏན་ལ་རབ་ཏུ་བྱུང་།
བོད་ཀྱི་རོལ་མོ་པ་མིག་ལོང་ཞིག་གི་མི་ཚེའི་གཏམ་རྒྱུད།
《ཨ་ཇོ་བསོད་ནམས་རྡོ་རྗེ》དང《ཟླ་བ་གཞོན་ནུ》ཞེས་པ་སོགས་དུས་རབས་སྔོན་མའི་དུས་སྟོད་ཀྱི་སྟོད་གཞས་བཅུ་ཕྲག་ལྷག བོད་ཀྱི་དམངས་ཁྲོད་དུ་དར་ཁྱབ་ཆེན་པོ་བྱུང་ཞིང་། ད་བར་མ་ཉམས་པར་ས་ཁུལ་སོ་སོར་རླུང་ལྟར་གྲགས་བཞིན་འདུག འོན་ཀྱང་། ད་ལྟའི་དམངས་གླུ་དེ་དག་བསྐྱར་ལེན་བྱེད་མཁན་དག་གིས། སྟོད་གཞས་དེ་ཚོ་ནི་བོད་ཀྱི་རོལ་དབྱངས་པ་མིག་ལུང་ཨ་ཇོ་རྣམ་རྒྱལ་བྱ་བ་ཞིག་གིས་གསར་རྩོམ་གནང་བ་ཡིན་པ་ཧ་གོ་མཁན་དཀོན། རྣམ་ རྒྱལ་ནི ༡༨༩༤ ལོར་བོད་ལྗོངས་དྭགས་པོ་ས་ཁུལ་གྱི་གླང་རྫོང་གི་ཁྱིམ་ཚང་དབུལ་བོ་ཞིག་ཏུ་སྐྱེས། བྱིས་པའི་དུས་སུ། ཕ་མ་གཉིས་རི་མགོར་འབུད་ཤིང་འཐུ་རུ་འགྲོ་སྐབས་ཞིག་ལ། རྣམ་རྒྱལ་སྒྲིལ་གཟན་ནང་དུ་བཞག་ནས་ཡོད་པའི་དུས་སུ་མིག་འབྲས་གཉིས་གླག་གིས་འཁྱེར་སོང་བ་རེད། དེའི་རྗེས་སུ་ཁོའི་ཚེ་སྲོག་སྐྱོབ་ཐུབ་བྱུང་ཡང་། འཇིག་རྟེན་འདིའི་ངོ་མཚར་ལྟད་མོ་མཐོང་བའི་ཁོམ་ལོང་མ་བྱུང་བར་མིག་ལུང་དུ་གྱུར་བ་རེད། དཀའ་སྡུག་གི་ལོ་ཟླའི་ཁྲོད་དུ། རྣམ་རྒྱལ་རིམ་བཞིན་ནར་སོན། རྒྱུད་དྲུག་པི་ཝང་དཀྲོལ་བར་དགའ་བའི་ཕ་རྒན་གྱིས། རྣམ་རྒྱུན་མི་གཞན་ལ་པི་ཝང་དཀྲོལ་པར་དགའ། བུ་ཆུང་རྣམ་རྒྱལ་གྱིས་མིག་གིས་མི་མཐོང་ནའང་ཁོ་རང་བློ་རིག་ལྡན་པ་ཞིག་ཡིན་པས།…
ལོ་ཙཱ་ཌ་རིན་ཆེན་བཟང་པོའི་རྣམ་ཐར།
ན་མཿཤྲི་གུ་རུ་རཏྣ་བྷ་དྲ་ཡེ། །དཔལ་ལྡན་ཡོན་ཏན་སྦྲང་རྩིའི་དོག་པ་ཡིས། །འཁྱུད་པའི་ཞབས་སེན་རེག་པའི་དགེ་མཚན་ཅན། །ལྷ་དབང་གཙུག་གི་མཚོ་སྐྱེས་ཕྲེང་བ་ཡིས། །འགྲོ་འདིའི་སྤྱི་བོ་རྟག་ཏུ་མཛེས་གྱུར་ཅིག །ཚོགས་གཉིས་རིན་ཆེན་མ་ལུས་གཅིག་བསྡུས་པ། །སྐལ་བཟང་བསོད་ནམས་ཕུང་བོ་ཡ་མཚན་ཞེས། །མཁས་མང་དེད་དཔོན་ཚོགས་འདིས་བསྟོད་པའི་གྲུ། །སྦྱར་བས་ཐུབ་བསྟན་མཚོ་ཆེན་གང་བར་གྱུར། །ཀཻ་ལ་ཤས་མཚོན་བྱང་དུ་དགེ་སློང་མཆོག །བྱ་ཡི་གདོང་ཅན་ཐུབ་བསྟན་དམིགས་བུ་ཞིག །འབྱུང་པོ་ཀུན་དགའ་རངས་པ་སྐྱེད་ཅིག་ཅེས། །སྟོན་པས་བསྟོད་ཚིག་ཕྲེང་བ་རྣམ་པར་སྤེལ། །
ལྷ་མོ་མཁས་ཅན་ཨ་མ་ཚེ་རིང་གི་ལོ་རྒྱུས་མདོར་བསྡུས།
ཨ་མ་ཚེ་རིང་ནི་སྤྱི་ལོའི་དུས་རབས་ཉི་ཤུ་པའི་འགོར་མལ་གྲོ་གུང་དཀར་རྫོང་ཁོངས་འབྲི་གུང་ཁུལ་དུ་ཞིང་པའི་ཁྱིམ་ཚང་ཞིག་ཏུ་འཁྲུངས་ཤིང་། འབྲི་གུང་གི་ལྷ་མོ་བའི་ནང་ཞུགས་ནས་ལྷ་མོ་འཁྲབ། དེ་རྗེས་སྐྱོར་མོ་ལུང་གི་ལྷ་མོ་བའི་སྐྱིད་སྡུག་ལ་བཅུག་པ་དང་། ཁོང་གིས་ལྷ་མོའི་འཁྲབ་རྩལ་ལེགས་པར་སྦྱངས་ནས་ཕོ་འཁྲབ་མོ་འཁྲབ་ཚང་མ་ཤེས་པར་མ་ཟད། སྐད་གདངས་སྙན་ཞིང་འཇེབས་ལ་འགྱུར་ཁུག་གསལ་བ་སོགས་ཡོད་སྟབས་ཕོ་མོའི་འཁྲབ་སྟོན་གང་ཡང་བྱེད་པར་མ་ཟད་རྒྱ་ལུའི་འགན་ཡང་འཁུར་བ་རེད། སྤྱི་ལོ་ ༡༩༥༩ ལོར་སྐྱོར་ལུང་ལྷ་མོ་དེ་བོད་ལྗོངས་ལྷ་མོ་ཚོགས་པར་བསྒྱུར་བ་ནས་སྔ་རྗེས་སུ་ཨ་མ་ཚེ་རིང་གིས་ཚོགས་གཙོ་གཞོན་པ་དང་། ཚོགས་གཙོའི་འགན་འཁུར་ཏེ་བོད་ཀྱི་ལྷ་མོར་བཅོས་སྒྲིག་བྱེད་པའི་ནང་ཞུགས་པ་རེད། སྔ་རྗེས་སུ་ལྗོངས་སྲིད་གྲོས་ཀྱི་ཨུ་ཡོན་སོགས་བྱས་ཤིང་། སྤྱི་ལོ་ ༡༩༨༣ ལོར་སྐུ་འདས་པ་བཅས་སོ།། རྩོམ་པ་པོ། བུ་ཆུང་། ཡོང་ཁུངས། ལྷ་ས་སྲིད་གྲོས་ལོ་རྒྱུས་རིག་གནས་དཔྱད་ཡིག