རྩོམ་པ་པོ། བདེན་སྟོབས།    ཀེ་ལ་ཤ་ཡིས་བསྐོར་བའི་བསིལ་ལྡན་ལྗོངས། ། བཙན་པོ་སྲོང་བཙན་ཞེས་པ་མི་ཡི་རྗེ། ། ཡིག་མཁན་ཐོག་མར་དྲིན་ཆེན་ཐུ་མི་ཡིས། ། སྦལ་ནག་ན་ལ་བགྲད་འདྲ་ངོ་མཚར་ཆེ། །

ཚེ་རིང་གཡང་འཛོམས་ངོ་ཤེས་ནས་ལོ་འགའ་འདས། དེ་སྔོན་སྨྱན་སྦྱོར་གྱི་གསར་འགོད་པར་གཡོལ་འགྲོ་རྩིས་བྱེད་རུང་། ད་ཆ་བཅར་འདྲི་དང་ལེན་བྱེད་སྐབས་གཏམ་ལྷུག་པོར་གླེང་ཐུབ་ཀྱི་ཡོད། དེས་ན། ཉེ་བའི་ལོ་ཤས་རིང་ཚེ་རིང་གཡང་འཛོམས་ལ་འགྱུར་ལྡོག་ཆེན་པོ་བྱུང་འདུག “དེ་ལྟ་བུའི་འགྱུར་ལྡོག་བྱུང་དོན་ནི་རྒྱུན་ཆད་མེད་པར་སློབ་སྦྱོང་བྱས་པས། ང་རང་ལ་ཅི་ཞིག་ཤོད་རྒྱུ་ཡོད་པ་མ་ཟད། ཤོད་སྐབས་ཁོན་ཁོན་ཐོགས་ཐོགས་མེད་པ་གང་ཞིག་གདེང་ཚོད་ཀྱང་ཡོད་པས་ཡིན། དེ་སྔོན་སྨྱན་སྦྱོར་ལ་གཡོལ་བ་དེ་ངོ་ཚ་བ་མིན་པར་གདེང་ཚོད་མེད་པས་རེད”ཅེས་ཚེ་རིང་གཡང་འཛོམས་ཀྱིས་དེ་ལྟར་བཤད།

  དེ་ཡང་རྡོ་རྗེ་ནི་མི་ཕྱེད་པ་དང༌།  མི་ཆོད་པ།  མི་ཤིགས་པ།  སྲ་ཞིང་བརྟན་པ།  གཞོམ་དུ་མེད་པའི་དོན་དང༌།  རྒྱ་གྲམ་ནི།  ཀུ་རུ་ཁའི་རྟགས་ཏེ་བསྣོལ་མའི་མིང་སྟེ།  དབྱིབས་ཀྱི་ཆ་ནས་བཏགས་པའི་མིང་ཞིག་ཡིན།  དེ་ལྟར་རྡོ་རྗེ་རྒྱ་གྲམ་ནི་ལས་བཞི་མཚོན་བྱེད་ཀྱི་ལྷའི་ཕྱག་མཚན་ཞིག་ཡིན་ལ།  མཚན་གྱི་རྣམ་གྲངས་སུ་སྣ་ཚོགས་རྡོ་རྗེ་ཞེས་ཀྱང་གྲགས།

རང་རེའི་སྤྱན་སྔར་རྟག་ཏུ་རིག་རྒྱུ་མང་བའི་ནམ་མཁའི་འཇའ་ཚོན་ནི། ཚན་རིག་གི་གཞུང་སོགས་ལས་ཚོན་མདོག་སྣ་ཁ་བདུན་ལས་གྲུབ་པར་གསུངས་རུང༌།  རང་ཅག་བོད་ལུགས་ཀྱི་སྲོལ་ལ་འཇའ་ནི་ཚོན་མདོག་སྣ་ལྔ་ལས་གྲུབ་པར་ངོས་འཛིན་བྱེད་ཀྱི་ཡོད།  རྒྱུ་མཚན་གང་ལགས་ཤེ་ན།  དེའང་བོད་བརྒྱུད་ནང་བསྟན་དང་འབྲེལ་བ་གཏིང་ཟབ་ཡོད་པར་བསམ།  བོད་མིས་དད་གུས་ཆེན་པོ་བྱེད་པའི་ཤར་རྡོ་རྗེ་རིགས་ཀྱི་མཁའ་འགྲོ་མ་དང༌།  ལྷོ་རིན་ཆེན་རིགས་ཀྱི་མཁའ་འགྲོ།  ནུབ་པདྨ་རིགས་ཀྱི་མཁའ་འགྲོ།  བྱང་ལས་ཀྱི་རིགས་ཀྱི་མཁའ་འགྲོ།  དབུས་སངས་རྒྱས་མཁའ་འགྲོ་བཅས་མཁའ་འགྲོ་སྡེ་ལྔ་དེ་འཇའ་ཡི་ཚོན་མདོག་སྣ་ལྔ་ལས་མཚོན་པར་བྱེད་སྲོལ་ཡོད།  དོན་དམ་དུ་དེ་ཡང་རྩ་བའི་ཚོན་མདོག་དང་འབྲེལ་བ་ཡོད་ངེས་ཡིན་པས་ཚང་མས་དཔྱད་པར་ཞུ།

དེ་ཡང་ཇོ་བོ་རྗེ་དཔལ་ལྡན་ཨ་ཏི་ཤས།  བོད་མི་ནི་རྣམ་རྟོག་དང་རྟེན་འབྲེལ་ལ་མངའ་བརྙེས་པ་ཞིག་ཡིན་ཚུལ་གསུངས་པ་ལྟར།  ཆོས་ལུགས་ཀྱི་བག་ཆགས་ཟབ་མོས་རྐྱེན་པས་བོད་མིའི་བསམ་པའི་ནང་ལྷ་འདྲེའི་གནོད་པ་དང༌།  བགེགས་དང་བར་ཆད་མི་ཡོང་ངམ་སྙམ་པའི་རྣམ་རྟོག་ཆེན་པོ་ཡོད།  དེར་བརྟེན་བོད་མིས་གནོད་པ་འགོག་རྒྱུ་དང་བགེགས་བར་བཟློག་སླད་ཐབས་ཤེས་སྣ་ཚོགས་ཤིག་ཀྱང་བྱེད་སྲོལ་ཡོད།  དེའི་ནང་ནས་རྐེད་པར་ལོ་འཁོར་མེ་ལོང་འདོགས་པ་དེ་ཡང་ནག་རྩིས་ཀྱི་སྲུང་ཐབས་གཅིག་ཡིན།