སྤེལ་ཞིབ་ཕྲ།
ལུགས་ཀྱི་བསྟན་བཅོས་ཤེས་རབ་སྡོང་བུ་བཞུགས་སོ།།
༄༅༅། །རྒྱ་གར་སྐད་དུ། ནཱི་ཏི་ཤཱསྟྲ་པྲཛྙཱ་དཎྜ་ནཱ་མ། བོད་སྐད་དུ། ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ། །དཀོན་མཆོག་གསུམ་ལ་ཕྱག་འཚལ་ལོ། །མི་སྲུན་སྐྱེ་བོ་གདུལ་བར་བྱ། །ཡོན་ཏན་ཅན་ནི་བཀུར་པར་བྱ། །དྲང་པོའི་སྤྱོད་པས་དཀོར་མཛོད་དགང༌། །རང་གི་ཡུལ་འཁོར་བསྐྱང་བར་བྱ། །བདག་གི་གསང་དང་གཞན་གྱི་གསང༌། །རང་གི་བུ་གཅེས་བཞིན་བསྲུངས་ནས། །ས་རྣམས་ལ་ནི་སྙོམས་གྱུར་བའི། །མི་ནི་གཅེས་པ་རབ་གཅེས་འགྱུར། །ཆུང་མ་ངན་དང་མཛའ་བོ་ངན། །རྒྱལ་པོ་ངན་དང་ཉེ་དུ་དན། །ཁྱིམ་མཚེས་ངན་དང་ཡུལ་ངན་རྣམས། །ཐག་རིང་དུ་ནི་སྤང་བར་བྱ། །
འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཆེན་པོ།
༄༅། །རྒྱ་གར་སྐད་དུ། ཨཱརྱ་བཻ་ཤཱ་ལཱི་པྲ་བེ་ཤ་མ་ཧཱ་སཱུ་ཏྲ། བོད་སྐད་དུ། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འདམ་བུའི་ཁྲོད་ན་གཟིངས་པའི་འདུག་གནས་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཡངས་པའི་གྲོང་ཁྱེར་ག་ལ་བ་དེར་འདོང་ངོ་། །
ཐུབ་པའི་བསྟོད་པ་ཐུབ་རྣམས་སྤངས་རྟོགས།
༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པའི་ཐུབ་པའི་བསྟོད་པ་ཐུབ་རྣམས་སྤངས་རྟོགས[1]། ཐུབ་རྣམས་སྤངས་རྟོགས་ཡོན་ཏན་རབ་མཉམ་ཡང་། ། གདུལ་དཀའི་འགྲོ་ལ་ཉེར་བརྩེའི་སྙིང་སྟོབས་ལ། ། ཕྱོགས་བཅུའི་རྒྱལ་ཀུན་མགྲིན་གཅིག་བསྔགས་པའི་ཡུལ། ། བཅོམ་ལྡན་ཤཱཀྱ་སེང་གེར་མགོས་ཕྱག་འཚལ། ། བདེ་གཤེགས་ཀྱིས་བསྐུལ་ཅོད་པན་མ་ཕམ་དབུར། ། བཅིངས་ཏེ་གཟིགས་པ་ལྔ་ཡིས་འཛམ་གླིང་འགྲོ། ། ཡང་དག་ལམ་ལ་བཀྲི་ཕྱིར་དགའ་ལྡན་ནས། ། འཕོ་མཛད་དམ་པ་ཏོག་དཀར་ཕྱག་འཚལ་ལོ།…
བཅོམ་ལྡན་འདས་ཤཱཀྱ་ཐུབ་པའི་བསྟོད་པ།
༄༅༅། །རྒྱ་གར་སྐད་དུ། བྷ་ག་ཝཱན་ཤཱཀྱ་མུ་ནི་སྟོ་ཏྲ། བོད་སྐད་དུ། བཅོམ་ལྡན་འདས་ཤཱཀྱ་ཐུབ་པའི་བསྟོད་པ། དཀོན་མཆོག་གསུམ་ལ་ཕྱག་འཚལ་ལོ། །འཇིག་རྟེན་འདས་པ་འཇིག་རྟེན་སྒྲོན་མེ་མཛད། །ཁྱོད་ནི་འཇིག་རྟེན་དོན་མཛད་བློ་གྲོས་བཟང༌། །སྣང་བ་བརྙེས་ཤིང་ཉོན་མོངས་དྲི་བསལ་བ། །འཇིག་རྟེན་སྣང་མཛད་ཁྱོད་ལ་ཕྱག་འཚལ་ལོ། །སྦྱིན་ལ་དགྱེས་ཤིང་སྟོབས་བཅུའི་མཆོག་མངའ་བ། །གདུལ་བྱ་འདུལ་བཞིན་གདུལ་བྱའི་ཕ་རོལ་བྱོན། །བཅོམ་ལྡན་ལྷ་དང་མི་དང་ཀླུས་མཆོད་པ། །གདུལ་བྱའི་མཐར་ཕྱིན་ཁྱོད་ལ་ཕྱག་འཚལ་ལོ། །མཚན་མཆོག་འགྲོ་བ་མང་པོའི་དོན་མཛད་ཅིང༌། །འདོམ་གང་འོད་ནི་གསེར་གྱི་ཁ་དོག་འདྲ། །
ཡོངས་འཛིན་ཡེ་ཤེས་རྒྱལ་མཚན་གྱིས་མཛད་པའི་བླ་མ་མཆོད་པའི་འཁྲིད་ཡིག
མཛད་པ་པོའི་རྣམ་ཐར་སྙིང་བསྡུས། གཞུང་འདིའི་མཛད་པ་པོ་ཡོངས་འཛིན་ཡེ་ཤེས་རྒྱལ་མཚན་ནི། གཙང་རྟ་ནག་པད་ཁུད་ནང་པའི་རིགས་སུ་ཡབ་ཚངས་པ་དཀར་པོ་དང༌། ཡུམ་ཚེ་རིང་དཔལ་འཛོམས་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ཆུ་སྦྲུལ་༡༧༡༣ ལོར་འཁྲུངས། དགུང་ལོ་བདུན་ཐོག་ཐོས་བསམ་གླིང་གི་ཆོས་རྗེ་ཚེ་བརྟན་རྣམ་རྒྱལ་གྱི་དྲུང་དུ་གཙུག་ཕུད་ཕུལ་ཏེ་མཚན་དབུ་རྒྱན་ཆོས་འཕེལ་ཞེས་སྩལ། ཨ་ནིས་ཀློག་བསླབས། དགུང་ལོ་བརྒྱད་པར་བཀྲས་ལྷུན་དྲུང་རམས་པ་ནས་ཆོས་སྤྱོད་འཛིན་སྐྱོར་བྱེད་དུ་བཅུག །དགུང་ལོ་བཅུ་ཐོག་བཀྲས་ལྷུན་གྱི་ཆོས་སྒོར་ཞུགས། དེའི་ལོར་པཎ་ཆེན་བློ་བཟང་ཡེ་ཤེས་ཀྱི་དྲུང་དུ་རབ་བྱུང་གི་སྡོམ་པ་བཞེས།
སེར་བྱེས་བྱམས་པ་ཡོན་ཏན་གྱི་གསུང་འབུམ།
མཛད་པ་པོའི་ལོ་རྒྱུས་མདོར་བསྡུས། གཞུང་འདི་མཛད་པ་པོ་སེར་བྱེས་བྱམས་པ་ཡོན་ཏན་ནི་སྤྱི་ལོའི་དུས་རབས་བཅུ་བདུན་པའི་ ༡༦༧༡ ནས་ ༡༧༣༧ སྨད་ཙམ་ལ་འཁྲུངས་པ་དང༌། རྗེ་འདིས་ཞོགས་དོན་ཡོད་མཁས་གྲུབ་དང་ཡོངས་འཛིན་ཡེ་ཤེས་རྒྱལ་མཚན། ༸རྒྱལ་དབང་འཇམ་དཔལ་རྒྱ་མཚོ་སོགས་བཤེས་གཉེན་དུ་མ་ལས་མདོ་སྔགས་ཀྱི་ཟབ་ཆོས་མང་དུ་མནོས་ཤིང་མཁས་པའི་གྲགས་པ་ཐོབ། དེ་ནས་སེར་བྱེས་གྲྭ་ཚང་གི་མཁན་པོའི་ཁྲི་ཐོག་ལ་ཕེབས་ཏེ་མདོ་སྔགས་ཀྱི་ཆོས་ཚུལ་ཀུན་དང་རིག་གནས་སོགས་ལ་འཆད་རྩོད་རྩོམ་གསུམ་གྱི་སྒོ་ནས་འཆད་ཉན་དཔྱིས་ཕྱིན་པར་མཛད། རྗེ་འདིའི་སྐུ་ཚེའི་སྨད་ལ་ཞོགས་གུར་སྨོན་གྱི་མཁན་པོ་མཛད། རྗེ་འདི་ཉིད་ཀྱིས་མཛད་པའི་མདོ་སྔགས་གསུང་རྩོམ་ནི་བྱང་ཆུབ་ལམ་གྱི་རིམ་པའི་དམར་ཁྲིད་ཐམས་ཅད་མཁྱེན་པར་བགྲོད་པའི་བདེ་ལམ་གྱི་ཉམས་ཁྲིད་གསུང་བཤད་ཟིན་བྲིས་ཚད་ལྡན་དྲང་སྲོང་བླ་མའི་ཞལ་ལུང་དང་བློ་སྦྱོང་དོན་བདུན་མའི་ཟིན་བྲིས་སྙན་བརྒྱུད་བདུད་རྩིའི་སྙིང་པོ། གསང་འདུས་འགྲེལ་པ་བཞི་སྦྲགས་ཀྱི་ཟིན་ཐོ་རྡོ་རྗེ་འཆང་གི་ཐུགས་བཅུད་བདུད་རྩིའི་སྙིང་པོ་ཞེས་བྱ་བ་སོགས་གསུང་འབུམ་བྲིས་མ་པོད་ཆུང་གཉིས་ཙམ་བཞུགས།