Featured on ནང་རིག

༄༅། །གྲུབ་མཐའ་རྒྱན་གྱི་མེ་ཏོག་བཞུགས་སོ། །   བཅོམ་ལྡན་རིག་པའི་རལ་གྲི།   རྒྱ་གར་སྐད་དུ། སིདྡྷི་ཨནྟ་བི་བྷ་ག་ཨ་ལཾ་ཀ་ར་པུཥྤ་ན་མ།  བོད་སྐད་དུ། གྲུབ་པའི་མཐའ་རྣམ་པར་དབྱེ་བ་རྒྱན་གྱི་མེ་ཏོག་ཅེས་བྱ་བ། སངས་རྒྱས་ལ་ཕྱག་འཚལ་ལོ། །གྲུབ་པའི་མཐར་ཕྱིན་ཤེས་བྱ་ཀུན་མཁྱེན་ནས། །འགྲོ་བས་མཐོ་རིས་ཐར་པ་འགྲུབ་བྱའི་ཕྱིར། །གྲུབ་པའི་གསུང་དབྱངས་ཡན་ལག་དྲུག་བཅུ་ཡིས། །རང་གཞན་གྲུབ་མཐའ་སྟོན་པ་དེ་ལ་འདུད། །

༄༅། །གྲུབ་མཐའ་ཀུན་ཤེས་ནས་མཐའ་བྲལ་སྒྲུབ་པ་ཞེས་བྱ་བའི་བསྟན་བཅོས་བཞུགས་སོ།།   རྒྱ་གར་སྐད་དུ། སརྦ་སིདྡྷནྟ་ཛྙེ་ཡེ་ན་བྱནྟ་སཱ་དྷ་ག་ནཱ་མ་ཤཱསྠྲ། བོད་སྐད་དུ། གྲུབ་མཐའ་ཀུན་ཤེས་ནས་མཐའ་བྲལ་སྒྲུབ་པ་ཞེས་བྱ་བའི་བསྟན་བཅོས། འཕགས་པ་ངག་གི་དབང་ཕྱུག་ལ་ཕྱག་འཚལ་ལོ། །གྲུབ་པ་མཐར་ཕྱིན་འཁྲུལ་མེད་སྨྲ་བའི་གཙོ། །གྲུབ་མཐའ་ཀུན་གསུང་ཐུབ་དབང་ལ་བཏུད་ནས། །གྲུབ་མཐའ་རྒྱ་མཚོའི་ཕ་རོལ་མཐར་སོན་ཏེ། །གྲུབ་མཆོག་མཐའ་བྲལ་བསྒྲུབ་ཕྱིར་འདི་བཤད་བྱ། །སྣ་ཚོགས་ལྟ་བའི་དབྱེ་བ་རྣམ་མང་ཡང་། །ལྟ་བ་སྨྲ་བ་རང་གཞན་སྡེ་པར་འདུས། །ཕྱག་རྒྱ་བཞི་དང་སྲིད་རྩེའི་གཉེན་པོ་དང་། །མཐའ་གཉིས་སྤོང་དང་ཐར་པ་འགོག་བདེན་དུ། །འདོད་དང་མི་འདོད་ལྟ་སྒོམ་སྤྱོད་འབྲས་བཞི། །དེ་གཉིས་འབྱེད་པའི་ཁྱད་པར་བྱེད་ཆོས་ཡིན། །

མགྲིན་སྔོན་གསེར་མངལ་ཅན་དང་པད་དཀར་མིག །ལྷ་དང་བློ་ལྡན་ལ་སོགས་ལེགས་བྲིས་ཀྱི། །བགྲང་ཡས་དྲེགས་ལྡན་ཀུན་གྱི་ཅོད་པན་དུ། །དྲི་བྲལ་ཞབས་ཟུང་འགོད་ལ་གུས་པས་འདུད། །འཕགས་ཡུལ་ཀུན་གསལ་མཛེས་མའི་འགྲམ་པ་ལ། །ཟ་ཧོར་རྒྱལ་རིགས་ཟླ་ཤེལ་ཞུན་མའི་ངོས། །འོད་དཔག་མེད་མགོན་སྤྲུལ་པའི་རི་དྭགས་གཟུགས། །འགོག་མེད་གསལ་བར་ཤར་ལ་གསོལ་བ་འདེབས། །དཔལ་སྟུག་ཉི་མའི་གཉེན་དང་དབྱེར་མེད་པའི། །བླ་མེད་ཆོས་ཀུན་གཟིགས་པའི་མར་མེ་ཡིས། །འགྲོ་རྣམས་བླང་དོར་ལ་རྨོངས་མུན་པའི་དཔུང་། །སེལ་མཛད་གྲངས་མེད་ཡོན་ཏན་ཕུལ་འབྱུང་གཏེར། །

༄༅། །སྡོམ་པ་གསུམ་གྱི་རབ་ཏུ་དབྱེ་བ་ཞེས་བྱ་བ། བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །བདེ་གཤེགས་བསྟན་པའི་གསུང་རབ་སེང་གེའི་སྒྲ། །ལྟ་ངན་རི་དྭགས་མཐའ་དག་སྐྲག་པར་མཛད། །སངས་རྒྱས་དགོངས་པ་ཇི་བཞིན་ལེགས་སྒྲུབ་པ། །མཚུངས་མེད་བླ་མ་དེ་ལ་བདག་ཅག་དད། །སྐྱོན་མེད་ཡོན་ཏན་ཀུན་གྱི་མཛོད་མངའ་བ། །འགྲོ་བའི་བླ་མའི་ཞབས་ལ་ཕྱག་འཚལ་ནས། །དད་ལྡན་སངས་རྒྱས་གསུང་བཞིན་བསྒྲུབ་འདོད་པ། །དེ་ལ་སྡོམ་གསུམ་དབྱེ་བ་བདག་གིས་བཤད། །མཁས་རྣམས་དགའ་བའི་སྡེབ་སྦྱོར་ནི། །བླུན་པོ་རྣམས་ཀྱིས་གོ་དཀའ་བས། །ཚིག་གི་སྦྱོར་བ་སྤངས་ནས་ཀྱང་། །ཀུན་གྱིས་གོ་བར་བྱ་ཕྱིར་བཤད། །