ཨོ་རྒྱན་པད་ཞྭ་ནི། དུས་གསུམ་སངས་རྒྱས་ཐམས་ཅད་ཀྱི་སྤྱི་གཟུགས་རྒྱལ་བ་འོད་དཔག་མེད་ཀྱི་རྣམ་རོལ་ཨོ་རྒྱན་གྱི་སློབ་དཔོན་ཆེན་པོ་པདྨ་འབྱུང་གནས་ཀྱི་དབུ་ཞྭ་ཡིན་པའི་ཆ་ནས་ཨོ་རྒྱན་པད་ཞྭ་ཞེས་བརྗོད་ཅིང་། དེ་ཡང་སློབ་དཔོན་སངས་རྒྱས་གཉིས་པ་དེ་ཉིད་ལྷོ་ནུབ་འོ་མ་ཅན་གྱི་མཚོ་གླིང་དུ་ཕ་ཡི་རྒྱུ་དང་མ་ཡི་རྐྱེན་ལ་མ་ལྟོས་པར་པདྨ་གེ་སར་གྱི་སྡོང་པོར་རིག་པ་ཐོལ་སྐྱེས་སུ་འཁྲུངས་ཤིང་། སྣང་སྲིད་གཞིར་བཞེངས་སུ་རྟོགས་དུས། མཚོ་གླིང་མཁའ་འགྲོ་མ་རྣམས་ཀྱིས་རིགས་བདག་གི་ཚུལ་དུ་གསོལ་བ་ལ་པདྨ་ཁ་འབུས་ཞེས་བྱ་བ་སྟོད་ལྡིར་ལ་སྨད་ཅུང་ཟད་ཞུམ་པ་དང་། དུར་ཁྲོད་ཆེན་པོ་བརྒྱད་དུ་བརྟུལ་ཞུགས་ཀྱི་སྤྱོད་པ་མཛད་ཅིང་།

རྩོམ་པ་པོ། ཆབ་སྤེལ་ཚེ་བརྟན་ཕུན་ཚོགས། གྲོང་ཁྱེར་ལྷ་ས་ནི་བོད་རང་ལྗོངས་ཀྱི་སྲིད་འབྱོར་རིག་གསུམ་གྱི་ལྟེ་བ་ཡིན་ལ། རྒྱལ་ཁབ་ཕྱི་ནང་གང་སར་སྙན་གྲགས་ཡོད་པའི་གནའ་རབས་གྲོང་ཁྱེར་གྱི་གྲས་ཤིག་ཀྱང་ཡིན། གྲོང་ཁྱེར་འདིར་མི་ལོ་སྟོང་ཕྲག་གི་ལོ་རྒྱུས་ལྡན་པས་གནའ་བོའི་རིག་གནས་དངོས་པོ་འབོར་ཆེན་དང་། དམངས་ཁྲོད་ཀྱི་་རིག་གནས་ཤོད་རྒྱུན་ཡང་མང་པོ་ཡོད། དེ་དག་ཐམས་ཅད་ནི་མི་རིགས་རང་ཉིད་ཀྱི་བརྗེད་པར་ཕངས་པའི་ཤེས་བྱ་ཞེ་གཅིག་ཡིན། གལ་སྲིད་ང་ཚོས་ཁ་ནས་རྒྱུན་དུ་ཤོད་པའི་སྤྱིར་བཏང་གི་མིང་ཚིག་ཙམ་ལའང་འགྲེལ་བཤད་བྱེད་མ་ཐུབ་ན་མི་རིགས་གཞན་གྱི་མདུན་དུ་ཐབས་སྐྱོ་པོ་ཞིག་ལོས་ཡིན། དེར་བརྟེན་འདིར་ཆེས་རྒྱུན་ལྡན་དང་མངོན་གསལ་དོད་པའི་དོགས་གནས་ཁ་ཤས་ཤིག་ངོ་སྤྲོད་ཞུ་འདོད།

བོད་ཀྱི་རྩོམ་རིག་སྐོར་གྱི་དྲི་བ་དྲིས་ལན། ༼ ༡ ༽ཅི་ཞིག་ལ་ལྷ་སྒྲུང་ཟེར། གདོད་མའི་སྐབས་སུ་མི་རྣམས་ཀྱིས་རང་བྱུང་ཁམས་ཀྱི་སྣང་ཚུལ་སྣ་ཚོགས་ལ་ཡ་མཚན་དང་དེ་ཉིད་ཤེས་འདོད་ཀྱི་བློ་དྲག་པོ་སྐྱེས་ཤིང་སྐབས་དེའི་མི་རྣམས་ཀྱི་ངོས་འཛིན་ནུས་ཤུགས་ལ་བརྟེན་ནས་སྣང་ཚུལ་དེ་དག་ལ་དཔྱད་པ་དང་འགྲེལ་བཤད་འདྲ་མིན་བྱས་པ་དེ་རིགས་རྒྱུན་ཆགས་སུ་བྱུང་བའི་སྒྲུང་ལ་ཟེར། ༼ ༢ ༽ལྷ་སྒྲུང་ལ་རིགས་ཀྱི་ཆ་ནས་དབྱེ་ན་གང་དག་ཡོད། རང་བྱུང་ཁམས་ཆེན་མོའི་སྐོར་དང་། མིའི་རིགས་ཀྱི་འབྱུང་ཁུངས་སྐོར། ཐོན་སྐྱེད་ངལ་རྩོལ་སྐོར་བཅས་ཡོད།

གསའ། (གསའ་ལ་ཨ་མདོའི་ཡུལ་སྐད་དུ་གསའ་བན་དེ་དང་སྲོག་ཆགས་རིག་པ་རུ་གངས་གཟིག་ཟེར) གསའ། 雪豹Snow Leopard གཟུགས་གཞིའི་ཁྱད་ཆོས། གསའ་ཡི་གཟིགས་ཀྱི་རིང་ཚད་ལ་སྨིས་1ནས་སྨིས་ 1.5 ཡོད། ཕོ་གསའ་ནི་མོ་གསའ་ལས་ཅུང་ཆེ། གསའ་ཡི་རྔ་མ་སྦོམ་ཞིང་ཆེ་ལ། རྔ་སྤུ་རིང་ཞིང་སོབ་སོབ་ཡིན་པར་མ་ཟད། རྔ་མའི་རིང་ཚད་ཀྱིས་གཟུགས་ཀྱི་རིང་ཚད་ཀྱི་ 2/3 ཡན་ཟིན་འདུག གསའ་ཡི་ལུས་ཧྲིལ་བོ་དཀར་སྐྱ་ཡིན་པ་དང་། ཐིག་ལེ་ནག་པོ་ཁྱབ་ཡོད། རྔ་སྣེ་ནག་ཅིང་རྔ་མའི་རྒྱབ་ངོས་ན་ཐིག་ལེ་ནག་པོ་བསྟར་འདུག གསའ་ཡི་སུག་བཞི་སྦོམ་ཞིང་ཐུང་ལ། སྡེར་ཁྱིམ་དང་སྡེར་མོའི་བར་ན་སྤུ་རིང་མོད་པོ་སྐྱེས་ཡོད།

ཀརྨ་པ་སྐུ་ཕྲེང་དང་པོའི་གསོལ་ཞལ། 第一世噶玛巴用过的碗 ཀརྨ་པ་སྐུ་ཕྲེང་བཞི་བའི་ན་བཟའ་ཐོར་བུ། 第四世噶玛巴的法衣碎片 ཀརྨ་སྐུ་ཕྲེང་དགུ་པའི་་དབུ་ཞྭ། 第九世噶玛巴的法帽 ཀརྨ་སྐུ་ཕྲེང་དགུ་པའི་ཞབས་ལྷམ། 第九世噶玛巴的鞋 ཀརྨ་པ་སྐུ་ཕྲེང་བརྒྱད་པ་ཉིད་ཀྱིས་བཞེངས་པའི་སྐུ་ཞིག 空住佛 楚布寺镇寺之宝，由第八世噶玛巴亲手所塑，传说该佛像塑成之后，竟自动悬于空中长达七天七夜之久，“空住佛”之名由此得来。 ཀརྨ་པ་སྐུ་ཕྲེང་བཅུ་པ་རང་ཉིད་ཀྱིས་བཞེངས་བའི་སྟོན་པ་དང་སྒྲོལ་མའི་སྐུ། 第十世噶玛巴亲作的释迦牟尼像、白度母像 ཀརྨ་པ་སྐུ་ཕྲེང་བཅུ་པའི་ཞབས་རྗེས། 第十四世噶玛巴的脚印 ཀརྨ་པ་སྐུ་ཕྲེང་བཅུ་བདུན་གྱིས་དགོང་ལོ་གཞོན་དུས་སུ་བཞག་པའི་ཕྱག་རྗེས། 第十七世噶玛巴小时候留在楚布寺大殿砖头上的手印 ཀརྨ་པ་སྐུ་ཕྲེང་བཅུ་བདུན་གྱི་ཕྱག་བྲིས། 第十七世噶玛巴亲绘的唐卡 མ་ཧ་ཀ་ལའི་སྐུ་རྙིང་། 玛哈嘎拉塑像

ཆོས་དུང་དཀར་པོ་རྒྱང་གྲགས་འདི་ནི་སངས་རྒྱས་སྐུ་དངོས་ཀྱིས་བེད་སྤྱོད་མཛད་ཅིང་རབ་གནས་གནང་བའི་རྟེན་བྱིན་རླབས་ཅན་ཞིག་ཡིན། ས་ལུགས་ཐུན་མོང་མ་ཡིན་པའི་བསྟན་རྩིས་ཀྱི་དགོངས་པ་ལྟར་ན་སྟོན་པ་མྱ་ངན་ལས་འདས་ཚུལ་བསྟན་པའི་དུས་ནས་བརྩིས་ན་ཡང་ད་བར་ལོ་ངོ་བཞི་སྟོང་ལྷག་ཙམ་གྱི་ལོ་རྒྱུས་མངའ་ཡོད། ཞིབ་པར་བརྗོད་ན་སྟོན་པ་ཐུབ་པའི་དབང་པོ་མཆོག་གིས་གདུལ་བྱ་ཐུན་མོང་བའི་ངོར་ལོ་དྲུག་དཀའ་བ་སྤྱད་ནས་མཐར་མངོན་པར་རྫོགས་པ་སངས་རྒྱས་རྗེས། ཡང་དག་པའི་དམ་པའི་ཆོས་བདུད་རྩི་ལྟ་བུ་ཞིག་ཐུགས་ལ་མངའ་བར་མཛད་མོད། འོན་ཀྱང་དུས་དེའི་སེམས་ཅན་སྤྱི་མཐུན་གྱི་ཚོགས་ཡོངས་སུ་མ་རྫོགས་པའི་དབང་གིས། ཟབ་བཞི་སྤྲོལ་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་ཁོ་བོར་བརྙེད། །སུ་ལ་བསྟན་ཡང་གོ་བར་མི་ནུས་པས། །མི་མེད་ནགས་ཀྱི་ཚལ་དུ་གནས་པར་བྱ། །