ངོ་སྤྲོད་མདོར་བསྡུས། སྐྱིད་ཟུར་ལགས་ནི་༸གོང་ས་རྣམ་འདྲེན་བཅུ་གསུམ་པའི་སྐབས་ཀྱི་བོད་གཞུང་གི་དྲུང་དཀྱུས་ཤིག་ཡིན་འདུག་ལ། གཞུང་གི་ཞབས་འབྲིང་དྲག་ཤོས་མིན་སྟབས་འཁོས་འབྱོར་ཅུང་ཞན་ཚོད་དུ་འདུག འོན་ཀྱང་སྐྱིད་ཟུར་ལགས་ནི་ཁ་བདེ་ལྕེ་བདེ་དང་། མགོ་བདེ་དྲན་འཕྲུལ་རིག་བསྐྱེན་ཞིག་ཏུ་འདུག་སྟེ། ཁོང་དང་འབྲེལ་བའི་མཚར་གཏམ་ཤིན་ཏུ་རྒོད་བྲོ་བ་མང་ཙམ་ཞིག་འདུག་པ་དང་། ཉིད་ཀྱིས་དྲན་ཐོ་འདི་ཀློག་སྐབས་དེ་སྔའི་གཞུང་གི་བསྟན་སྲིད་གཉིས་ཐད་ཀྱི་ཆགས་ཆེ་ཉམས་ང་དང་འདས་དོན་བསྐྱུར་པོ་དེ་དག་དྲན་པ་ཙམ་གྱིས་ཀྱང་ཡིད་སེམས་ཀློང་ཀློང་པོར་གཏོང་བ་དེ་ཙམ་མ་ཡིན་པར་ཐུགས་ལྷོད་ལྷོད་ངོས་སྐྱིད་ཟུར་ལགས་གྱི་མཚར་གཏམ་དག་ལ་ཐེངས་གཅིག་རོལ་བར་བྱས་ཆོག་པ་དང། གཤམ་འཁོད་དྲན་ཐོ་འདི་ནི་ལྷ་ཞོལ་གྱི་རྒན་པོ་བགྲེས་པོ་རྣམས་ཀྱིས་གཞུང་ཞབས་སྐྱིད་ཟུར་ལགས་ཀྱི་མཚར་གཏམ་ངག་རྒྱུན་རྣམས་བློ་བཟང་འཇམ་དཔལ་དང་། ཚེ་རིང་སྒྲོལ་མ། མིག་དམར་བཅས་ཀྱིས་ཕྱོགས་གཅིག་ཏུ་བསྡུས་པ་ཞིག་ཡིན་འདུག་པ་པར་དབང་ཁོང་མི་གསུམ་ལ་ཡོད་པ་ཀུན་གྱིས་ཤེས་རྟོགས་བྱ་རྒྱུའི་གཞེན་སྐུལ་དང་བཅས་སོ།།

  ཆོས་རྗེ་ཇོ་ནང་ཕྱོགས་ལས་རྣམ་རྒྱལ་བས་མཛད།  ན་མོ་གུ་རུ་ཝེ། ན་མ་ཤྲཱི་ཀཱ་ལ་ཙཀྲ་ཡ། དཔལ་ལྡན་བླ་མ་དམ་པ་རིགས་ལྡན་རྒྱལ་བ་རྣམས་ཀྱི་སྤྲུལ་པའི་སྐུ་ཆོས་ཀྱི་རྗེ་ཀུན་མཁྱེན་ཆེན་པོ་ལ་བསྟོད་པ་མཁས་པའི་འཇུག་ངོགས་ཞེས་བྱ་བ། རྣམ་པ་ཀུན་བྲལ་ཀུན་འགྲོའི་ཡེ་ཤེས་ཟླ་བའི་འོད་ཅན་དགའ་བའི་གཟུགས་ཀྱི་རྣམ་གྲོལ་བ།། རྣམ་པ་ཀུན་གཟིགས་གདོད་ནས་རྣམ་དག་བཅོམ་ལྡན་སྐྱེ་དགུའི་སྒྲོན་གཅིག་མཐའ་ཡས་འགྲོ་བའི་མིག། རྣམ་པ་ཀུན་ཏུ་མི་བསླུའི་སྐྱབས་གཅིག་དུས་གསུམ་དུས་མེད་དུས་ཀྱི་འཁོར་ལོས་བདག་ལ་སྐྱོངས།། ཐུགས་མཆོག་རིགས་ལྡན་གཙུག་གི་རྒྱན་གྱུར་ཀུན་ནས་དགའ་བའི་གཙུག་གི་ནོར་བུས་མཆོད་འོས་པ།།དཔལ་ལྡན་བླ་མ་མཛད་པ་རྨད་བྱུང་རྒྱལ་བ་ཀུན་གྱི་མཛད་པ་བསྒྲུབ་མཛད་དེ་ལ་འདུད།། གང་ཞིག་རྒྱལ་བའི་སྲས་ཀྱི་ཐུ་བོ་སྐྱོབ་པ་རྣམས་ཀྱི་ལྷག་པའི་ལྷ།། ལྷ་ཆེན་གཙུག་རྒྱན་ཟླ་བའི་དཔལ་འཛིན་མདའ་ལྔ་ལྡན་པའི་ཡིད་རབ་གདུངས།། གདུང་བ་ཀུན་འཇོམས་གསུང་གི་བདུད་རྩི་རྣ་བའི་དབང་པོའི་དཔལ་གཏེར་བ།། དཔལ་ལྡན་སྨྲ་མཁས་ཚིག་གི་རྗེ་ཡིས་བདག་ལ་ཡུན་དུ་གསལ་བར་མཛད།།

ཕ་བླ་མ་མཁྱེན་ནོ་ལམ་རིམ་པ།། ཡང་སྐྱབས་གཅིག་མཁྱེན་ནོ་འབྲོག་མིའི་ཞབས།། བུ་བློ་ཁ་ཆོས་ལ་ཕྱོགས་པ་དང་།། ཆོས་ལམ་དུ་འགྲོ་བར་བྱིན་གྱིས་རློབས།།འདི་ན་ཀུན་གྱིས་འཚོལ་བའི་རྙེད་དཀའི་གནས།། ཐོག་མེད་དུས་ནས་ད་བར་སྟོར་བ་ཡི།། དབྱིངས་རིག་འདྲེས་པའི་ལྷ་མོའི་འཛུམ་ཆུང་དེར།། ཡིན་ཡིན་མིན་མིན་བཤད་བཤད་སྣ་ཚོགས་བྱེད།།

ཨིནྡྲ་ནཱི་ལའི་ཅོད་པན་རབ་སྤངས་ཏེ། ། ལི་ཁྲིའི་གོས་ཀྱིས་ཁྱེད་སྐུ་མཛེས་པར་བྱས། ། འཇམ་དབྱངས་མི་ཡི་གར་དུ་རྣམ་རོལ་བ། ། ས་པཎ་ཞབས་རྡུལ་བདག་གིས་སྤྱི་བོར་ལེན། ། གང་སྐུ་བལྟམས་ཚེ་སཾ་སྐྲི་ཏ། ། མ་བསླབས་མགྲིན་རྔ་བརྡུང་པ་ལས། ། བྲམ་ཟེ་ཕུར་བུའི་ཁེངས་དྲེགས་པིར། ། ཛམྦུ་ན་དའི་ཆུ་ལ་ལྷུངས། །

དགའ་དད་སྤྲོ་གསུམ་ངང་༧རྗེ་བཙུན་བླ་མ་བློ་བཟང་ཐར་པའམ་དགའ་ལྡན་རྒན་སྙན་གྲགས་རིན་པོ་ཆེ་མཆོག་གི་འཁྲུངས་སྐར་བསུ། ————————————————————— བླང་དོར་གནས་ལུགས་བཀྲལ་ལ་ཟླ་མེད་པ། ། ཕུལ་བྱུང་མཁས་པའི་དབུས་ཀྱི་གཙུག་རྒྱན་ཞིག ། ཉེར་གཅིག་དུས་རབས་ཞི་བདེར་བསྒྱུར་མཛད་པའི། ། དུས་ཀྱི་སློབ་དཔོན་ཆེན་མོའི་འཁྲུངས་སྐར་བསུ། ། སྨོན་འདུན་གྱིས།

དགེ་སློང་རབ་གསལ་གྱི་རྨི་ལམ་ཉམས་སྣང་། ༄༅། །ཨོཾ་སྭ་སྟི།  བླ་མ་དང་ལྷ་མོ་དཔྱངས་ཅན་མ་ལ་ཕྱགས་འཚལ་ལོ། །དེ་ཡང་སྤྲུལ་པའི་ལྷ་མོས་རྨི་ལམ་དུ་ལུང་བསྟན་པའི་བསྟན་བཅོས་གཏན་གྲོགས་བཅུད་མེད་ཀྱི་ཟུར་རྩ་རབ་གསལ་ཞེས་བྱ་བ། དེ་ཡང་དུས་རེ་ཞིག་རི་ཁྲོད་དགོན་པར་མཚམས་ཀྱི་བཅད་རྒྱར་བཞུགས་ཡོད་བའི་ཚེ། རྨི་ལམ་ཉམས་སྣང་ལྟ་བུ་ལ་བུ་མོ་གཞོན་ནུ་མཛེས་མ་རིན་པོ་ཆེའི་རྒྱན་དུ་མ་སྤྲས་པ་ཞིག་ཞལ་རས་ལ་བུ་རམ་གྱི་སྨུག་ཙི་སྤུ་རིས་བྲིས་པ་ཕྱག་ཏུ་ཆོས་ཉིད་སྟོང་པའི་རང་སྒྲ་སྒྲོགས་པའི་པི་ཝང་བསྣམས་པ་ཞིག་འཛུམ་པའི་མདངས་དང་ལྡན་པས་ཟུར་མིག་མདའ་བཀང་སྟེ། །བདག་གི་བྱད་བཞིན་པདྨོའི་མེ་ལོང་ལ་བལྟས་ནས་པི་ཝང་གི་སྒྲ་བཅུག་ནས་གསེར་གྱི་འཛུབ་རྐྱུས། ཨིནྡྲ་ནི་ལས་ཁྲ་བཀོད་པའི་ཕྱག་སོར་གྱིས་བསྒྱུར་ཏེ། ཆོས་དང་འཇིག་རྟེན་གྱི་འབྲེལ་གཏམ་བརྗོད་ཅིང་བདག་ལ་དགའ་མགུར་སྤྱོད་པའི་རྣམ་གྱུར་སྟོན་དུ་བྱུང་བ་ལ། འདི་མཁའ་འགྲོ་མ་ཞིག་ཡིན་ནམ། ཡང་ན་བདུད་མོའི་སྤྲུལ་པ་ཞིག་ཡིན་ནམ། ཡང་ན་བདུད་མོའི་སྤྲུལ་པ་ཞིག་ཡིན། ཅི་ཡིན་ཀྱང་བུད་མེད་སྐྱོན་གྱི་རྩ་བ་ཡིན་པས་སྤོང་བ་ལས་འོས་མེད།