སྒེར་རྩེ་རྫོང་གི་དགོན་སྡེ་དང་། གྲགས་ཅན་མི་སྣ། གནའ་ཤུལ། དམངས་སྲོལ་བཅས་ཀྱི་སྐོར།

ལེ་ཚན་དྲུག་པ། དགོན་སྡེ་དང་། གྲགས་ཅན་མི་སྣ། གནའ་ཤུལ།

དང་པོ། དགོན་སྡེ།

གཉིས་པ། གནའ་ཤུལ།

ལེ་ཚན་བདུན་པ། དམངས་སྲོལ།

དང་པོ། བྲག་གྱམ་དགུ་གཏོར།

བོད་ཟླ་ ༡༢ ཚེས་ ༢༢ ནས་ ༢༩ བར་བདུན་ཕྲག་གཅིག་རིང་། སྒེར་རྩེ་བྲག་གྱམ་དགོན་གྱི་དགུ་གཏོར་ཆེན་མོ་དཔོན་མི་སེར་ཚང་འཛོམས་ཀྱིས་སྲུང་བརྩི་དང་སྦྲགས། ཚོ་པའི་ཁྲིམས་སྒྲིག་ཁྱབ་བསྒྲགས་གཏན་འབེབས་ཀྱི་བྱེད་སྒོ་ཡང་གཉེར་གྱི་ཡོད། དེ་མཚུངས་བོད་ཟླ་ ༦ ནང་བྲག་གྱམ་དགོན་པའི་དབྱར་བསང་ཆེན་མོ་ཞེས་པ་གཏོང་སྲོལ་ཡོད་པར། ཡུལ་སྡེ་ཚོ་པ་ཁག་གི་མི་སེར་ཚོ་ཡང་ཆོས་མཇལ་དང་ལྷན་གཅིག་གླིང་ཁ་གཏོང་། དུས་སྟོན་དེར་ཤེད་གཡུག་དང་། ས་འགྱོག་འཐག་ཐེན། མི་རྒྱུག  རྟ་རྒྱུག  མདའ་རྩེད་སོགས་རྩེད་རིགས་སྣ་ཚོགས་ཤིག་འགྲན་བསྡུར་བྱེད། དེ་བཞིན་བོད་ཟླ་ ༤ ཚེས་ ༣ ནས་འགོ་བཙུགས་ཏེ་ཚེས་ ༡༥ བར་གངས་རིན་པོ་ཆེའི་དར་ཆེན་གསར་འཛུགས་ཀྱི་དུས་སྟོན་གྲ་རྒྱས་གཏོང་སྲོལ་འདུག་ལ། མདོར་ན་གཞུང་འབྲེལ་འཛམ་གླིང་སྤྱི་བསང་དང་དགའ་ལྡན་ལྔ་མཆོད་སོགས་ཀྱང་ཚོ་པའི་མི་སེར་རིས་མེད་ཀྱི་མཆོད་འབུལ་སྲུང་བརྩི་ཞུ་སྲོལ་མཆིས།

གཉིས་པ། སྒེར་རྩེ་རྟ་རྒྱུག་ཆེན་མོ།

བོད་ཟླ་བརྒྱད་པའི་ལོ་གཅིག་དུས་གཅིག་གི་སྒེར་རྩེ་རྟ་རྒྱུག་ཆེན་མོ་ཞེས་པ་གཏོང་ཞིང་། དུས་སྟོན་དེར་གཞུང་སྒེར་ཆོས་གསུམ་གྱི་ཞི་དྲག་དཔོན་རིགས་དང་མངའ་ཞབས་འབྲོག་དུད་མི་སེར་ཡོད་དོ་ཅོག་ཚང་འཛོམས་བྱེད། དུས་ཚོད་དེ་ནི་ཁུལ་དེར་གནམ་གཤིས་བཟང་ལ་ཕྱུགས་རིགས་ཤ་ཤེད་རྒྱས་པ། དབྱར་ལས་ཡོངས་སུ་གྲུབ་ནས་སྟོན་འགོ་མ་ཚུགས་པའི་དུས་སྐབས་སུ་འཁེལ་ཡོད་ལ། སྐབས་དེར་ཚོ་པའི་ཁྲལ་བསྡུ་ཁྲིམས་གནོན་དང་འབྲེལ་བའི་གཞུང་འབྲེལ་ལས་དོན་ཆེ་ཁག་ཀྱང་ཐག་གཅོད་གཏན་འབེབས་བྱེད་ཀྱི་ཡོད་པས། མི་དམངས་འདུ་འཛོམས་མང་ལ་འཁྲུག་ཆ་ཤིན་ཏུ་ཆེ། རྟ་རྒྱུག་འགྲན་བསྡུར་དེའང་ཡུལ་སྡེའི་བར་རྣོ་ངར་ཧ་ཅང་ཆེ་བས། ཚོ་པ་ཁག་ནས་ཟླ་བ་གཅིག་ཙམ་གྱི་དུས་ཡུན་རིང་རྟ་གསོ་སྐྱོང་དང་རྒྱུག་མ་སྦྱོང་བརྡར་སོགས་ཀྱི་སྟ་གོན་ཞིབ་ཚགས་བྱེད། རྟ་རྒྱུག་དངོས་གཞིའི་སྐབས་སུའང་རྒྱུ་མ་དང་རྒྱུག་ཆེན་ཞེས་རྣམ་གྲངས་གཉིས་སུ་ཕྱེ་ཡོད་ཅིང་། སེ་ར་བླ་སྤྱིའི་སྐུ་ཚབ་དང་ཚོ་དཔོན། རྒན་པོ། དམག་དཔོན་སོགས་ཀྱི་སྣེ་འཁྲིད་པའི་མང་ཚོགས་ཀྱི་ལྷ་གསོལ་བསང་མཆོད་དང་བཅས། རྟ་པ་ཚོས་མདའ་འཕེན་རྩལ་རྩེད་སོགས་རྩལ་ངོམ་ཇི་སྙེད་ཅིག་བྱེད། ལྷག་པར་རྒྱུག་ཆེན་སྐབས་རྟ་ཕོའི་བང་རྒྱུག་གཙོ་བོར་འགྲན་ནས་ས་དཀར་གྱི་དཀར་ཐིག་རྟ་པ་སུས་དང་པོར་བརྒལ་མཁན་དེ་ནས། ཨང་རིམ་བཞིན་བྱ་དགའ་ལེགས་གསོལ་སྩལ་བ་དང་། དུས་སྟོན་དེར་རྟ་རྒྱུག་ཙམ་དུ་མ་ཟད་གླུ་གར་ཤོན་རྩེད་སོགས་ཀྱང་འཁྲབ་སྲོལ་མཆིས་སོ།།

དབུས་གཙང་ལོ་རྒྱུས་ཆེན་མོ་ལས་བཏུས་པའོ།།