༄༅། །ཆ་གསུམ་གྱི་ཆོ་ག་བཞུགས་སོ།།
༄༅། །འདིར་ཆ་གསུམ་གཏོང་བར་འདོད་པས་གཏོར་མ་ཉེར་སྤྱོད་དང་བཅས་པ་ཕྱག་ལེན་བཞིན་བཤམ་ལ། མཆོད་པ་བྱིན་གྱིས་བརླབ་པ་ནི། ཨོཾ་བཛྲ་ཡཀྵ་ཧཱུཾ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷ་རྨཱཿསྭབྷཱ་ཝ་ཤུདྡྷོཉ་ཧཾ།
སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོད། ཞབས་བསིལ། མེ་ཏོག། བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དྭངས་ཞིང་ཐོགས་པ་མེད་པ་ནམ་མཁའ་དང་མཉམ་པར་གྱུར། ཨོཾ་ཨརྒྷཾ་ཨཱཿཧཱུཾ། ཨོཾ་པཱ་དྱཾ་ཨཱཿཧཱུཾ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷུ་པེ་ཨཱཿཧཱུཾ། ཨོཾ་བཛྲ་ཨ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱཿཧཱུཾ། ཨོཾ་བཛྲ་ནཻ་ཝི་དྱེཨཱཿཧཱུཾ། ཨོཾ་བཛྲ་ཤཔྟ་ཨཱཿཧཱུཾ། དེ་ནས་གཏོར་མ་བྱིན་གྱིས་བརླབ་པ་ནི། ཨོཾ་སྭབྷཱ་ཝ་བི་ཤུདྡྷེ་དྷརྨཱཿཏེ་བཛྲསིདྡྷི་ཧཱུཾ། ན་མཿསརྦ་ཏ་ཐ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཏངྑཾཨུདྒ་ཏེ་སྤ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་ཨ་ཀཱ་རོ་མུ་ཁཾ་སརྦ་ངྷརྨཿཎི་ཨ་དྱ་ནུཏྤནྣཏྭཱཏྟ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུཾ། ཨོཾ་རུ་རུ་སྤུ་རུ་ཛྭ་ལཱ་ཏིཥྠ་སིདྡྷ་ལོ་ཙ་ནི་སརྦ་ཨརྠ་སཱ་ངྷ་ནི་སྭཱ་ཧཱ། བདག་གི་བསམ་པའི་སྟོབས་དང་ནི།། དེ་བཞིན་གཤེགས་པའི་སྦྱིན་སྟོབས་དང།། ཆོས་ཀྱི་དབྱངས་ཀྱི་སྟོབས་རྣམས་ཀྱིས།། དོན་རྣམས་གང་དག་བསམ་པ་ཀུན།། དེ་དག་ཐམས་ཅད་ཅི་རིགས་པར།། ཐོགས་པ་མེད་པར་འབྱུང་གྱུར་ཅིག། དེ་ནས་སྤྱན་དྲང་བ་ནི། མགོན་པོ་ཀུན་གཤེགས་གདན་ལ་བཞུགས།། ད་ལྟ་སྙིགས་མ་ལྔ་ཡི་དུས།། གཤེགས་ཤིང་བཞུགས་པའི་གནས་ངན་ཡང།། ཤཱཀྱའི་བསྟན་པ་བསྲུང་བ་དང།། བདག་ཅག་རྣམས་ལ་ཕན་གདགས་ཕྱིར།། གནས་འདི་ཉིད་དུ་གཤེགས་སུ་གསོལ།། ཕྱོགས་སྐྱོང་འཇིག་རྟེན་སྐྱོང་བ་དབང་དང་ལྡན།། སྙིང་རྗེ་ཐབས་མཁས་ཐུགས་དམ་བཀྱལ་པོ་ཆེ།། ལྷ་དང་དྲང་སྲོང་ཡི་དྭགས་སྲིན་པོ་ཀླུ།། རིག་འཛིན་རྒྱལ་པོ་དང་ནི་གདོན་གྱི་བདག། དེ་དག་སོ་སོའི་དབང་པོའི་སྐུར་སྟོན་པ།། ཕྱོགས་བཅུའི་འཇིག་རྟེན་སྐྱོང་བ་བཞུགས་སོ་འཚལ།། བསྟེན་པ་རྒྱས་པའི་སླད་དུ་སྤྱན་འདྲེན་ན།། འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ།། ཨོཾ་ཨེ་ཧྱེ་ཧི་ད་ཤ་དི་ལོ་ཀ་བ་པཱ་ལ་ས་པ་རི་ཝཱ་ར། ས་མ་ཡེ་སྭཱ་ཧཱ། ཨོཾ་རུ་ཏྲ་ཡེ། ཨོཾ་ཤ་ཏ་ས་ཧ་སྲ་ཨཀྵི་ཡེ། ཨོཾ་ཨཀྣི་ཡེ། ཨོཾ་ཡ་མ་ཡེ། ཨོཾ་ནི་རི་ཏི་ཡེ། ཨོཾ་བ་རུ་ཎ་ཡེ། ཨོཾ་བ་ཡ་བི་ཡེ། ཨོཾ་ཀུ་བཻ་ར་ཡེ། ཨོཾ་ཨུརྡྷི་པྲཧྨ་ཡེ། སཱུརྱ་གྲ་ཧ་ཨ་ངྷི་པ་ཏ་ཡེ། ཙནྡྲ་ནགྵ་ཏྲ་ཨ་དྷི་པ་ཏ་ཡེ། ཨོཾ་ཨརྡྷི་པྲིརྦི་ཝི་བྷྱཿ ཨ་སུ་རེ་བྷྱ། ནཱ་གེ་བྷྱཿ ས་བ་རི་ཝཱ་ར་པྲ་ཝཱ་སད་ཀ་རཾ་ཨརྒྷཾ་པྲ་ཏཱིཙྪ་སྭཱ་ཧཱ། ཞེས་མཆོད་ཡོན་དང། ཀ་མ་ལ་ཡེ་སྟྭཾ། ཞེས་གདམ་འབུམ། དེ་ནས། ཨོཾ་རུ་ཏྲ་ཡེ། ཨོཾ་ཤ་ཏ་ས་ཧ་སྲ་ཨཀྵི་ཡེ། ཨོཾ་ཨཀྣི་ཡེ། ཨོཾ་ཡ་མ་ཡེ། ཨོཾ་ནི་རི་ཏི་ཡེ། ཨོཾ་བ་རུ་ཎ་ཡེ། ཨོཾ་བ་ཡ་བི་ཡེ། ཨོཾ་ཀུ་བཻ་ར་ཡེ། ཨོཾ་ཨུརྡྷི་པྲཧྨ་ཡེ། སཱུརྱ་གྲ་ཧ་ཨ་ངྷི་པ་ཏ་ཡེ། ཙནྡྲ་ནཀྵ་ཏྲ་ཨ་དྷི་པ་ཏ་ཡེ། ཨོཾ་ཨརྡྷི་པྲིརྦི་ཝི་བྷྱཿ ཨ་སུ་རེ་བྷྱ། ནཱ་གེ་བྷྱཿ ས་བ་རི་ཝཱ་ར་པྲ་ཝཱ་ར་སད་ག་རཾ་ཨརྒྷཾ་པྲ་ཏཱིཙྪ་སྭཱ་ཧཱུཾ། ཞེས་སོགས་ཀྱིས་ཉེར་སྤྱོད་རོལ་མོའི་བར་དུ་དབུལ།ཨོཾ་རུ་ཏྲ་ཡེ། ཨོཾ་ཤ་ཏ་ས་ཧ་སྲ་ཨཀྵི་ཡེ། ཨོཾ་ཨཀྣི་ཡེ། ཨོཾ་ཡ་མ་ཡེ། ཨོཾ་ནི་རི་ཏི་ཡེ། ཨོཾ་བ་རུ་ཎ་ཡེ། ཨོཾ་བ་ཡ་བི་ཡེ། ཨོཾ་ཀུ་བཻ་ར་ཡེ། ཨོཾ་ཨུརྡྷི་པྲཧྨ་ཡེ། སཱུརྱ་གྲ་ཧ་ཨ་ངྷི་པ་ཏ་ཡེ། ཙནྡྲ་ནཀྵ་ཏྲ་ཨ་དྷི་པ་ཏ་ཡེ། ཨོཾ་ཨརྡྷི་པྲིརྦི་ཝི་བྷྱཿ ཨ་སུ་རེ་བྷྱ། ནཱ་གེ་བྷྱཿ ས་བ་རི་ཝཱ་ར་པྲ་ཝཱ་ར་སད་ག་རཾ་ཨརྒྷཾ་ཨཱཿཧཱུཾ། ཨོཾ་པཱ་དྱཾ་ཨཱཿཧཱུཾ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷུ་པེ་ཨཱཿཧཱུཾ། ཨོཾ་བཛྲ་ཨ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱཿཧཱུཾ། ཨོཾ་བཛྲ་ནཻ་ཝི་དྱེཨཱཿཧཱུཾ། ཨོཾ་བཛྲ་ཤཔྟ་ཨཱཿཧཱུཾ དེ་ནས། དབང་པོ་རྡོ་རྗེ་འཆང་བའི་ལྷ།། ལྷ་ཡི་རྒྱལ་པོ་གདོན་གྱི་བདག། ཤར་ཕྱོགས་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། མེ་སྟེ་བསྲེག་བྱ་ཟ་བའི་ལྷ།། དྲང་སྲོང་རྒྱལ་པོ་གདོན་གྱི་བདག། ཤར་ལྷོ་མེ་ལྷའི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། གཤིན་རྗེ་ལག་ན་བེ་ཅོན་འཆང།། མ་མོའི་རྒྱལ་པོ་གདོན་གྱི་བདག།། ལྷོ་ཕྱོགས་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། བདེན་དང་བྲལ་བ་ལེགས་ལྡན་ལྷ།། སྲིན་པོའི་རྒྱལ་པོ་གདོན་གྱི་བདག། ལྷོ་ནུབ་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། ཞགས་པ་ཐོགས་པ་ཆུ་ཡི་ལྷ།། ཀླུ་ཡི་རྒྱལ་པོ་གདོན་གྱི་བདག།། ནུབ་ཕྱོགས་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། རླུང་དེ་སྲོག་ཀྱང་འཛིན་པའི་ལྷ། རིག་འཛིན་རྒྱལ་པོ་གདོན་གྱི་བདག། ནུབ་བྱང་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། གནོད་སྦྱིན་ལག་ནདབྱུགས་པ་ཐོགས།། ནོར་སྐྱོང་གདོན་གྱི་བདག་པོ་སྟེ།། བྱང་ཕྱོགས་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། དབང་དང་ལྡན་པ་འདྲེན་པའི་ལྷ།། འབྱུང་པོའི་རྒྱལ་པོ་གདོན་གྱི་བདག།། བྱང་ཤར་གདོན་གྱི་ཚོགས་བཅས་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། སྟེང་གི་ཚངས་པ་ཆེན་པོ་དང་།། ཉི་མ་ཟླ་བ་གཟའ་ཆེན་པོ།། གཟའ་དང་རྒྱུ་སྐར་བཅས་པ་ལ།། མཆོད་ཅིང་བསྟོད་དེ་ཕྱག་ཀྱང་འཚལ།། འོག་གི་ཀླུ་སྟེ་ས་ཡི་ལྷ།། ས་འཛིན་ལག་པ་ཆེན་པོ་དང།། དམ་ཚིག་ཤེས་པའི་ཚོགས་བཅས་ལ།། ཞེས་པས་བསྟོད་དོ། གཏོར་མ་སྦྱིན་པ་ནི།
ཨོཾ་རུ་ཏྲ་ཡེ། ཨོཾ་ཤ་ཏ་ས་ཧ་སྲ་ཨཀྵི་ཡེ། ཨོཾ་ཨཀྣི་ཡེ། ཨོཾ་ཡ་མ་ཡེ། ཨོཾ་ནི་རི་ཏི་ཡེ། ཨོཾ་བ་རུ་ཎ་ཡེ། ཨོཾ་བ་ཡ་བི་ཡེ། ཨོཾ་ཀུ་བཻ་ར་ཡེ། ཨོཾ་ཨུརྡྷི་པྲཧྨ་ཡེ། སཱུརྱ་གྲ་ཧ་ཨ་ངྷི་པ་ཏ་ཡེ། ཙནྡྲ་ནཀྵ་ཏྲ་ཨ་དྷི་པ་ཏ་ཡེ། ཨོཾ་ཨརྡྷི་པྲིརྦི་ཝི་བྷྱཿ ཨ་སུ་རེ་བྷྱ། ནཱ་གེ་བྷྱཿ ས་བ་རི་ཝཱ་ར་ན་མཿསརྦ་ཏ་ཐཱ་ག་ཏཱ་བྷྱོ་བི་ཤྭ་མུ་ཁཾ་བྷྱཿསརྦ་ཏད་ཁཾ་ཨུད་ག་ཏེ་སྤ་ར་ཎ་ཨི་མཾ་ག་ག་ན་ཁཾ་གྲིཧྣ་དཾ་བ་ལིཾ་ཏ་ཡེ་སྭཱ་ཧཱ།། ཞེས་སོགས་གསུམ་དང། ཤར་ཕྱོགས་རྡོ་རྗེ་ཅན་གྱི་ལྷ་ཚོགས་བཅས།། གཏོར་མ་ཕུལ་བ་འདི་དག་བཞེས་སུ་གསོལ།། མེ་དང་གཤིན་རྗེ་བདེན་བྲལ་སྲིན་པོའི་བདག། ཆུ་བདག་རླུང་བདག་ནོར་གྱི་བདག་པོ་སྟེ།། དབང་ལྡན་ལྷ་སྟེ་འབྱུང་པོའི་བདག་པོ་དང།། སྟེང་གི་ཉི་ཟླ་ཚངས་པ་ཆེན་པོ་དང།། ལྷ་རྣམས་ཀུན་དང་ས་ཡི་ཀླུ་རྣམས་དང་།། རི་ཡི་ལྷ་དང་གནོད་སྦྱིན་ཚོགས་རྣམས་ལ།། སོ་སོ་སོ་སོར་གཏོར་མ་ཕུལ་བ་རྣམས།། རབ་ཏུ་དགྱེས་པ་ཡིས་ནི་བཞེས་ནས་ཀྱང།། རང་རང་ཕྱོགས་སུ་ལེགས་པར་བཞུགས་ནས་སུ།། རང་གི་བུ་སྨད་མཛའ་བཤེས་གཉེན་འདུན་དང།། ནང་མི་དམག་དང་དཔུང་བཅས་ཐབས་ཅིག་ཏུ།། མེ་ཏོག་དྲི་དང་བྱུག་པ་གཏོར་མར་བཅས།། འདི་རྣམས་བཏུང་ཤིང་ལེགས་པར་གསོལ་ནས་ཀྱང།། བདག་གི་ལས་འདིའི་འབྲས་བུ་མཆིས་པར་མཛོད།། ཅེས་པས་བསྔོ།
མཆོད་སྦྱིན་གཏོར་མ་འདི་སྣོམས་ལ།། རྣལ་འབྱོར་བདག་ཅག་འཁོར་བཅས་ལ།། ནད་མེད་ཚེ་དང་དབང་ཕྱུག་དང།། དཔལ་དང་གྲགས་དང་སྐལ་བ་བཟང།། ལོངས་སྤྱོད་རྒྱ་ཆེན་ཀུན་ཐོབ་ཅིང།། ཞི་དང་རྒྱས་ལ་སོགས་པ་ཡི།། ལས་ཀྱི་དངོས་གྲུབ་བདག་ལ་སྩོལ།། དམ་ཚིག་ཅན་གྱིས་བདག་ལ་སྲུངས།། དངོས་གྲུབ་ཀུན་གྱི་སྡོངས་གྲོགས་མཛོད།། དུས་མིན་འཆི་དང་ནད་རྣམས་དང།། གདོད་དང་བགེགས་རྣམས་མེད་པར་མཛོད།། རྨི་ལམ་ངན་དང་མཚན་མ་ངན།། བྱ་བྱེད་ངན་རྣམས་མེད་པར་མཛོད།། འཇིག་་རྟེན་བདེ་ཞིང་ལོ་ལེགས་དང།། འབྲུ་རྣམས་འཕེལ་ཞིང་ཆོས་འཕེལ་དང།། བདེ་ལེགས་ཕུན་སུམ་ཚོགས་པ་དང།། ཡིད་ལ་འདོད་པ་ཀུན་འགྲུབ་ཤོག།། ཅེས་འཕྲིན་ལས་བཅོལ།
ལྷ་དང་ལྷ་མིན་གནོད་སྦྱིན་ལྟོ་འཕྱེ་གྲུལ།། ནམ་མཁའ་ལྡང་དང་འདབ་བཟང་ལུས་སྲུལ་པོ།། དྲི་ཟ་སྲིན་པོ་གདོན་གྱི་རིགས་རྣམས་དང།། གང་དག་ས་ལ་གནས་པའི་རྫུ་འཕྲུལ་ཅན།། བུ་སྨད་བཅས་ཤིང་གཡོག་འཁོར་ཚོགས་རྣམས་ལ།།བདག་གི་པུས་མོ་ས་ལ་གཙུགས་ནས་ནི།། ཐལ་མོ་སྦྱར་ནས་ཁྱེད་ལ་གསོལ་འདེབས་ཀྱིས།། གསན་ནས་ཕན་གདགས་སླད་དུ་འདིར་སྦྱོན་ཅིག། ཨོཾ་ཨེ་ཧྱེ་ཧི་ལོ་ཀ་ཀཱ་ར་ཡ། དེ་བ། ནཱ་ག། ཡཀྵ། ག་ན་ངྷ་ར་པ། ཨ་སུ་ར།། ག་རུ་ཌ། ཀིནྣ་ར། མ་ཧོ་ར་ག། མ་ནུ་ཥ། ས་པ་རི་ཝཱ་ར་ས་མ་ཡེ་སྭཱ་ཧཱ། ཨོཾ་དེ་བ། ནཱ་ག། ཡཀྵ། ག་ན་ངྷ་ར་པ། ཨ་སུ་ར།། ག་རུ་ཌ། ཀིནྣ་ར། མ་ཧོ་ར་ག། མ་ནུ་ཥ། ས་པ་རི་ཝཱ་ར་པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱི་ཙྪ་སྭཱ་ཧཱ། ཞེས་མཆོད་ཡོན་དང། སྔར་བཞིན་གདན་ཕུལ་ནས། ཉེར་སྤྱོད་རོལ་མོ་དང་བཅས་པ་གང་བཞིན་འབུལ་ལོ། ཨོཾ་དེ་བ། ནཱ་ག། ཡཀྵ། ག་ན་ངྷ་ར་པ། ཨ་སུ་ར།། ག་རུ་ཌ། ཀིནྣ་ར། མ་ཧོ་ར་ག། མ་ནུ་ཥ། ས་པ་རི་ཝཱ་ར་པྲ་ཝཱ་ར་ན་མཿསརྦ་ཏ་ཐཱ་ག་ཏཱ་བྷྱོ་བི་ཤྭ་མུ་ཁཾ་བྷྱཿསརྦ་ཏད་ཁཾ་ཨུད་ག་ཏེ་སྤ་ར་ཎ་ཨི་མཾ་ག་ག་ན་ཁཾ་གྲིཧྣ་དཾ་བ་ལིཾ་ཏ་ཡེ་སྭཱ་ཧཱ།། ཞེས་སོགས་གསུམ་གྱིས་གཏོར་མ་ཕུལ་ནས།
འབྱུང་པོ་གང་དག་རི་རབ་སྟེང་གནས་དང།། དགའ་བའི་ཚལ་དང་ལྷ་ཡི་གནས་རྣམས་དང།། ཤར་ནུབ་རི་དང་ཉི་ཟླའི་ཁྱིམ་རྣམས་དང།། རི་བོ་ཀུན་ལ་གང་དག་གནས་པ་དང།། རིན་ཆེན་གླིང་ན་ལྷག་པར་གང་གནས་དང།། ཆུ་བོ་ཀུན་དང་ཆུ་བོའི་མདོ་རྣམས་དང།། མཚོ་དང་རྫིང་བུ་ལྟེང་ཀ་ཆུ་ངོགས་དང།། གཡའ་ཆུ་བསིལ་མ་ཅན་ན་གང་གནས་དང།། གྲོང་དང་ཕྱུགས་ལྷས་གྲོང་ཁྱེར་སྟོང་པ་དང།། ཁང་སྟོང་དག་དང་ལྷ་ཡི་ཁང་པ་དང།། གཙུག་ལག་ཁང་དང་མཆོད་རྟེན་གནས་རྣམས་དང།། དཀའ་ཐུབ་གནས་དང་གླང་ཆེན་བྲས་རྣམས་དང།། རྒྱལ་པོའི་དཀོར་ཁང་དག་ན་གང་གནས་དང། ལམ་སྲང་སུམ་མདོ་དང་ནི་བཞི་མདོ་དང།། གང་དག་ལམ་ཆེན་དང་ནི་ཤིང་གཅིག་དྲུང།། དུར་ཁྲོད་ཆེན་པོ་ནགས་ཚལ་ཆེན་པོ་དང།། སེང་གེ་དོམ་དང་གཅན་གཟན་གནས་དག་དང།། འབྲོག་ཆེན་འཇིགས་སུ་རུང་བར་གང་གནས་དང།། གང་དག་གླིང་མཆོག་དག་ན་གནས་པ་དང།། ལྷུན་པོ་དུར་ཁྲོད་དག་ན་གནས་པ་རྣམས།། རབ་ཏུ་དགྱེས་ཤིང་མགུ་བར་གྱུར་ནས་སུ།། ཕྲེང་བ་མེ་ཏོག་དྲི་དང་བདུག་པར་བཅས།། བསྟོད་དང་གཏོར་མ་མར་མེ་གུས་འབུལ་ན།། འདི་དག་བཏུང་ཞིང་ལེགས་པར་གསོལ་ནས་ཀྱང།། བདག་གི་ལས་ཀྱི་འབྲུས་བུ་མཆིས་པར་མཛོད།། ཅེས་འཕྲིན་ལས་བཅོལ་ལ། རང་ཉིད་སྐད་ཅིག་གིས་ཧཱུཾ་མཛད་དུ་གྱུར་བར་བསམས་ལ། ཁྲོ་པོ་འདོད་རྒྱལ་གྱི་ཕྱག་རྒྱ་བྱས་ཏེ། སངས་རྒྱས་ཀྱི་བདེན་པ་དང། ཆོས་གྱི་བདེན་པ་དང། དགེ་འདུན་གྱི་བདེན་པ་དང། གསང་སྔགས་དང། རིགས་སྔགས་རྣམས་ཀྱི་བྱིན་གྱིས་བརླབས་ཀྱིས་བགེགས་ཀྱི་རིགས་གང་ཡིན་པ་དེ་དག་ཐམས་ཅད་སྐད་ཅིག་ཐང་ཅིག་ཡུད་ཙམ་དེ་ཉིད་ལ་འདིར་མཆིས་པར་གྱུར་ཅིག། ཨོཾ་ཊཀྐི་ཧཱུཾ་ཛཿ ཞེས་བགེགས་འཁོར་བཅས་མདུན་དུ་བཀུག་པར་བསམ། ཨོཾ་གུང་ཀ་རི་གུང་ཀ་རི་སྭཱ་ཧཱ། ཨོཾ་པི་ཙི་པི་ཙི་སྭཱ་ཧཱ། ཨོཾ་གུང་གུང་སྭཱ་ཧཱ། ས་པ་རི་ཝཱ་ར་པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱི་ཙྪ་སྭཱ་ཧཱ། ཞེས་མཆོད་ཡོནན་དང་གདན་སྔར་བཞིན་ཕུལ་ཏེ། ཉེར་སྤྱོད་རོལ་མོ་དང་བཅས་གོང་བཞིན་འབུལ། ཨོཾ་གུང་ཀ་རི་གུང་ཀ་རི་སྭཱ་ཧཱ། ཨོཾ་པི་ཙི་པི་ཙི་སྭཱ་ཧཱ། ཨོཾ་གུང་གུང་སྭཱ་ཧཱས་བ་རི་ཝཱ་ར་ན་མཿསརྦ་ཏ་ཐཱ་ག་ཏཱ་བྷྱོ་བི་ཤྭ་མུ་ཁཾ་བྷྱཿསརྦ་ཏད་ཁཾ་ཨུད་ག་ཏེ་སྤ་ར་ཎ་ཨི་མཾ་ག་ག་ན་ཁཾ་གྲིཧྣ་དཾ་བ་ལིཾ་ཏ་ཡེ་སྭཱ་ཧཱ།། ཞེས་ཕྱོགས་གསུམ་གྱི་གཏོར་མ་འབུལ།
གང་ཞིག་མཚན་མོ་རྒྱུ་བ་ཡི།། འབྱུང་པོ་རྣམས་དང་ཤ་ཟ་དང།། སྲིན་པོ་ཤ་རྗེན་ཟ་བ་དང།། སེམས་ཅན་རྣམ་པ་སྣ་ཚོགས་དང།། ལྗོན་ཤིང་གེལ་པ་སོགས་གནས་པ།། དེ་དང་དེ་ལ་གཏོར་མ་ནི།། བཟའ་བ་ཤ་ཆང་ལ་ཕུག་བཅས།། འབྲས་ཆེན་འབྲས་བུ་མང་པོ་དང།། མཆོད་པ་འདི་ཡིས་མགུ་ཆོས་ལ།། གནོད་པའི་བསམ་པ་ཞི་བ་དང།། བདག་ཅག་རྣམས་ལ་ཕན་པའི་ཡིད།། དེ་རིང་ཕན་ཆད་བསྐྱེད་པར་གྱིས།། རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང།། དུལ་ཞིང་ཡང་དག་སྡོམ་ལ་ཚངས་པར་སྤྱོད།། འབྱུང་པོ་ཀུན་ལ་ཆད་པ་སྤངས་པ་སྟེ།། དགེ་སློང་དགེ་སྦྱོང་དེ་ཡིན་བྲམ་ཟེ་དེ།། མཚོན་ཆས་མི་འཇིགས་གང་ཡང་མེད།། འཚོ་བའི་སྲོག་ལ་ཀུན་ཀྱང་འཛེམ།། རང་གི་ལུས་ལ་དཔེ་ལོང་ལ།། གཞན་ལ་གནོད་པ་མ་བྱེད་ཅིག། ཨོཾ་ཆེན་པོའམ་ཆུང་ངུ་གང་དག་གི།། ལུས་ལ་མངོན་པར་གནོད་གྱུར་པའི།། ནད་དེ་ཉེ་བར་ཕྱུང་ནས་སུ།། གདོན་དེ་རང་གི་གནས་སུ་དེངས།། དེ་ལྟར་བདག་གིས་ཅི་ནུས་ཀྱིས།། མཆོད་དང་བརྙེན་བསྐུར་བྱས་པ་ཡིས།། དམ་ཚིག་གནས་ལ་གནས་ནས་སུ།། བདག་གི་འདོད་པ་བསྐོང་བར་མཛོད།། རྟག་ཏུ་དམ་ཚིག་ལ་གནས་ཤིང།། འདིར་ནི་ཡོན་མཆོད་འཁོར་བཅས་ཀྱི།། ནད་དེ་ཉེ་བར་སོལ་མཛོད་ལ།། གདོན་རྣམས་རང་གི་གནས་སུ་བདེངས།། སརྦ་བིགྷྣནག་ཙྪ། ཞེས། བགེགས་རྣམས་རང་གནས་སུ་གཤེགས་པར་གྱུར་ པར་བསམས་ལ། ཨོཾ་དེ་བ། ནཱ་ག། ཡཀྵ། ག་ན་ངྷ་ར་པ། ཨ་སུ་ར།། ག་རུ་ཌ། ཀིནྣ་ར། མ་ཧོ་ར་ག། མ་ནུ་ཥ། ས་པ་རི་ཝཱ་ར་པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱི་ཙྪ་སྭཱ་ཧཱ། གཙྪ། ཞེས། སྡེ་བརྒྱད་འཁོར་བཅས་རང་གནས་སུ་གཤེགས་པར་གྱུར་ པར་བསམ་ལ། ཨོཾ་རུ་ཏྲ་ཡེ། ཨོཾ་ཤ་ཏ་ས་ཧ་སྲ་ཨཀྵི་ཡེ། ཨོཾ་ཨཀྣི་ཡེ། ཨོཾ་ཡ་མ་ཡེ། ཨོཾ་ནི་རི་ཏི་ཡེ། ཨོཾ་བ་རུ་ཎ་ཡེ། ཨོཾ་བ་ཡ་བི་ཡེ། ཨོཾ་ཀུ་བཻ་ར་ཡེ། ཨོཾ་ཨུརྡྷི་པྲཧྨ་ཡེ། སཱུརྱ་གྲ་ཧ་ཨ་ངྷི་པ་ཏ་ཡེ། ཙནྡྲ་ནགྵ་ཏྲ་ཨ་དྷི་པ་ཏ་ཡེ། ཨོཾ་ཨརྡྷི་པྲིརྦི་ཝི་བྷྱཿ ཨ་སུ་རེ་བྷྱ། ནཱ་གེ་བྷྱཿ ས་བ་རི་ཝཱ་ར་པྲ་ཝཱ་སད་ཀ་རཾ་ཨརྒྷཾ་པྲ་ཏཱིཙྪ་སྭཱ་ཧཱ། གཙྪ། ཞེས། ཕྱོགས་སྐྱོང་འཁོར་བཅས་རང་གནས་སུ་གཤེགས་པར་གྱུར། ན་མཿས་མནྟ་བུདྡྷ་ནཾ་སརྦ་ཏ་ཐཱ་ག་ཏཱ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུཾ། ཞེས་ལན་གསུམ་གྱིས་ཡི་དྭགས་རྣམས་ལ་གཏོར་མ་སྦྱིན།། སྦྱིན་པ་རྒྱ་ཆེན་གྱུར་བ་འདི་ཡིས་མཐུས།། འགྲོ་བའི་དོན་དུ་རང་བྱུང་སངས་རྒྱས་ཤོག ། སྔོན་གྱི་རྒྱལ་བ་རྣམས་ཀྱིས་མ་གྲོལ་བའི།། སྐྱེ་བོའི་ཚོགས་རྣམས་སྦྱིན་པས་གྲོལ་གྱུར་ཅིག། །།
Post Views: 25,888
