༄༅། །ངེས་དོན་གྱི་འདུལ་བ་འཛིན་པ་ཆེན་པོ་མཁན་རིན་པོ་ཆེ་༸རྗེ་བཙུན་དཀའ་ཆེན་ཤེས་རབ་ཆོས་དར་དཔལ་བཟང་པོའི་རྣམ་ཐར་གསོལ་འདེབས་དོན་གཉིས་སྒོ་འབྱེད་ཅེས་བྱ་བ་བཞུགས་སོ།།
རྩོམ་པ་པོ། དགེ་བཤེས་བློ་བཟང་རྣམ་རྒྱལ། བློ༵་ཆེན་མཁྱེན་བརྩེ་བཟ༵ང་པོའི་འཕྲིན་ལ༵ས་རྣམས། ། ལྗོངས་འདིའི་བསྟན་པའི་བདག་པོར་མ་གྲུབ་ན། ། གནས་འདིར་སུ་ལ་གཞན་དོན་ལྷུ༵ན་གྱིས་གྲུ༵བ། ། ཆོ༵ས་ཀྱི༵་རྒྱ༵ལ་མཚ༵ན་གང་དག་གཏན་མདུན་སྐྱབས། ། ཤེ༵ས་བྱའི་གནས་ཀུ༵ན་ཀུ༵ན་མཁྱེན་ཇི་བཞིན་ཤེ༵ས། ། ར༵བ་བྱམས་ཐུགས་རྗེ༵ས་རྗེ༵ས་འཇུག་སྐྱོང་བའི་ར༵བ། ། ཆོ༵ས་ཀུན་གནས་ལུ༵གས་ལུ༵གས་བཟང་མཐའ་བྲལ་ཆོ༵ས། ། ད༵ར་མཛད་སྐྱབས་མཆོ༷ག་མཆོ༵ག་གསུམ་བར་དུ་ད༵ར། །
