བོད་ཀྱི་ལོ་རྒྱུས་ལས་བང་སོའི་སྐོར་བསྡུས་བཤད།
བཙན་པོའི་བང་སོ་ནི་འཕྱོངས་རྒྱས་ན་ཡོད་ཅིང་། འཕྱོངས་རྒྱས་ཞེས་པའི་ས་ཆ་འདི་ནི་བོད་ཀྱི་ལོ་རྒྱུས་ལས་གོ་གནས་གལ་ཆེན་ཟིན་ཡོད་པའི་གནས་མཆོག་ཅིག་ཡིན། དེ་ཡང་གནས་དེའི་དོན་མཁར་མདའ་དང་མུ་ར་རི་སོགས་སུ་གལ་ཆེ་ཤོས་བོད་བཙན་པོའི་བང་སོའི་ཚོགས་ཡོད་ཅིང་། ད་དུང་རྒྱལ་དབང་ལྔ་པ་ཆེ་པོའི་འཁྲུངས་གཞིས། འཕྱོངས་རྒྱས་ཟླ་བ་སྒྲོལ་མའི་མ་ཁྱིམ། ལྷ་ཞང་དུ་ཆང་ཁྱིམ་གཞིས་ཀ་སོགས་ཡོད་ཅིང་། མུ་རུ་གནས་མཆོག་དེའི་ཁོངས་གསེང་དལ་གྱིས་གཉུལ་ན་འགོས་ལོ་ཙྰ་བ་གཞོན་ནུ་དཔལ་ལྡན། བཅོམ་ལྡན་རིག་པའི་རལ་གྲི། ཀུན་མཁྱེན་འཇིགས་མེད་དབང་པོ་སོགས་བོད་ཆོལ་ཁ་གསུམ་ན་སྙན་གྲགས་རབ་ཏུ་འབར་བའི་སྐྱེས་ཆེན་དག་ག་ལེར་དྲན་ཡོང་། དེར་མ་ཟད་འཛམ་གླིང་གི་སྙན་ངག་གྲགས་ཅན་ཚངས་དབྱངས་རྒྱ་མཚོའི་མགུར་གླུའི་ནང་།
