Tag: featured

1.ཟངས་མདོག་དཔལ་རི་གསར་དུ་རྙེད་པ། 2.ཟངས་མདོག་དཔལ་རི་གང་དུ་ཡོད་མེད་སྐོར།   fཚངས་དབང་དགེ་འདུན་བསྟན་པ།          ཟངས་མདོག་དཔལ་རི་ནི་སློབ་དཔོན་པདྨ་འབྱུང་གནས་ཀྱི་ཞིང་བཀོད་ཡིན་ལ། སྤྱིར་ན་ཞིང་བཀོད་ལ་ཆོས་ཀྱི་ཞིང་བཀོད་ཅིག་དང་ས་ཚུགས་ཀྱི་ཞིང་བཀོད་ཅིག་གཉིས་ཡོད་དེ། འདིར་བཤད་པ་ནི་ས་ཚུགས་ཀྱི་ཞིང་བཀོད་དེ་འཇིག་རྟེན་ཐུན་མོང་གི་ལྟར་རོ།། ཟངས་མདོག་དཔལ་རིའི་མིང་གཞན་ལ་མ་པང་སྤོས་མོ་མཁར་དང་། སྤོ་མོ་མཁར། པདྨ་མཁར་སོགས་འབྲི་སྟངས་ཅི་རིགས་ཤིག་སྣང་། དེང་སང་བྱིའུ་དགོན་ཟེར་ཞིང་། མངའ་རིས་ས་ཁུལ་པུ་རང་རྫོང་མ་ཕམ་གཡུ་མཚོའི་འགྲམ་དུ་ཡོད།

དག་ཡིག་གི་བསྟན་བཅོས་ཁག་ཅིག་གི་མཚན་བྱང་།    དེ་ལ་འདིར་དག་ཡིག་གི་བསྟན་བཅོས་རྣམས་ཀྱི་མཚན་བྱང་འགོད་པ་ལ། རང་གིས་མཐོང་བ་དང་ཐོས་པའི་དག་ཡིག་གི་བསྟན་བཅོས་རྣམས་ཀྱི་མཚན་བྱང་དང་མཛད་པ་པོ་བཅས་བྲིས་ཡོད་ལ། འདིས་ཀྱང་དག་ཡིག་ལ་སློབ་གཉེར་གནང་མཁན་རྣམས་ལ་ཕན་པ་ཅུང་ཟད་རེ་ཐོགས་པར་ཤོག དག་ཡིག་ཟ་མ་ཏོག དག་ཡིག་ངག་སྒྲོན། དག་ཡིག་ཤེས་བྱ་རབ་གསལ། དག་ཡིག་མཁས་པའི་འབྱུང་གནས།

མངའ་རིས་འགྲིམ་པའི་མཐོང་ཐོས་དྲན་རེག དང་པོ། ཁྲོ་སངས།          ཁ་སང་ཞོགས་པའི་ཆུ་ཚོད་བཅུ་གཅིག་པར་ལྷ་ས་ནས་ལམ་ལ་ཆས། ལྷ་ས་ནས་མངའ་རིས་ལ་སྤྱི་ལེ་ཆིག་སྟོང་དྲུག་བརྒྱ་ཁ་ལྷག་འདུག དེར་ལམ་ཐིག་གཉིས་ཡོད་དེ། ལྷོ་ལམ་ནི་ས་དགའ། འབྲོང་པ། སྤུ་ཧྲེང་དང་རྩ་མདའ་བརྒྱུད་དེ་སྒར་རྫོང་ལ་འགྲོ་བ་དང་། བྱང་ལམ་ནི་མཚོ་ཆེན་དང་། དགེ་རྩེ། དགེ་རྒྱས་བརྒྱུད་དེ་སྒར་རྫོང་ལ་འགྲོ་བཞིན་མཆིས། གྲོགས་དང་ངེད་གཉིས་ལྷོ་ལམ་བརྒྱུད་དེ་མངའ་རིས་ལ་འགྲོ་བར་བརྩམས། མངའ་རིས་ལ་ཉི་མ་གཅིག་ལ་རེས་འཁོར་དྲུག་ཡས་མས་ཤིག་གཏོང་བཞིན་འདུག ལམ་བར་དུ་ཇ་ཐེངས་གཉིས་ལ་འཐུང་བ་དང་། ལམ་ཇ་འཐུང་ས་ནི་རྫོང་མཁར་དང་གྲོང་སྡེ་སོགས་ལ་བྱོལ་བའི་ལམ་འགྲམ་གྱི་ཟ་ཁང་ཁེར་འདུག་ཅིག་རེད། མགྱོགས་ཟས་ཐེབས་ཆག་རེར་སྒོར་ ༣༥ དགོས་ཀྱང་འགྲུལ་བ་ཚང་མས་སྔ་གཞུག་རྩོད་བཞིན་སྒོར་མོ་བསྲིང་བཞིན་འདུག ནང་ལོག་གི་སློབ་གྲྭར་གུང་སང་བཏང་ནས་ཕྱིར་ཡུལ་ལ་ལོག་པའི་མངའ་རིས་ཕྱོགས་ཀྱི་སློབ་མ་བཅུ་ཕྲག་ཅིག་འདུག་ལ་ཁོང་ཚོར་མཚོན་ན་ཧ་ཅང་རྒྱུན་ལྡན་གྱི་སྣང་ཚུལ་ཞིག་ཏུ་ཆགས་ཡོད་པར་སྙམ།

འགྲོ་མགོན་ཆོས་རྒྱལ་འཕགས་པའི་སྐུ་འདྲ། ས་སྐྱས་བོད་ལ་དབང་སྒྱུར་བྱེད་སྐབས་སྡེ་སྲིད་ཕག་གྲུ་པའི་དབང་ཤུགས་ཇི་ལྟར་སླེབས་མིན་དང་། ཕག་གྲུའི་སྲིད་རབས་དང་པོའི་མཚན་དང་འཁྲུངས་ལོ་ཁ་གསལ་ཐོག ཁོང་དགུང་ལོ་ག་ཚོད་ལ་ཕེབས་དུས་སུ་ཞིག་གིས་ཏའི་སི་ཏུའི་གོ་གནས་ཕུལ་མིན་དང་དེའི་གོ་དོོན་ཅི་ཞིག་ཡིན་མིན་དང་དུས་སྐབས་དེར་ཐམ་ག་ཞིག་ཀྱང་ཕུལ་ཡོད་པ་དེའི་མིང་ཇི་ཡིན་དང་ཕག་གྲུ་དང་སྣེ་གདོང་པའི་མིང་ཐོགས་ཚུལ།

ཕྱི་ལོ་ ༡༩༥༩ ལོར་བོད་ས་རྒྱ་ལག་ཏུ་ཤོར་རྗེས་ཇོ་བོའི་གནས་བདག་འདི་ག་རྫོང་ཆོས་གྲྭ་ཚང་ནས་ཇོ་བོ་ཝ་ཏི་བཟང་པོ་མཆོག་བོད་ནས་གདན་ཞུ་བྱེད་དུས་སྐབས་སོ་སོར་ཇོ་བོ་རང་ཉིད་ལ་ཟན་རིལ་ཞུས་པའི་ནང་དོན་ཇི་ལྟར་བབས་པ་ལྟར་ཐབས་ལམ་སྣ་ཚོགས་ལ་རྟེན་ནས་བོད་ནས་ཙུམ་ནུབ་རི་གློ་སོགས་ཟླ་དུས་དང་རི་ལུང་ས་ཁུལ་སྣ་ཚོགས་བརྒྱུད་དེ་མཐར་ཕྱི་ལོ་ ༡༩༦༧ ལོའི་ཟླ་བ་ ༤ ཚེས་ ༢༤ ཉིན་བཞུགས་སྒར་རྡ་སར་༸རྒྱལ་བའི་ཐུགས་དམ་གྱི་རྟེན་གཙོར་གདན་ཞུ་ཐུབ་པ་བྱུང་ཡོད།

རྭ་སྒྲེང་གངས་རིའི་སྲས་མོ། བཀའ་གདམས་པའི་གནས་ཤུལ་ཉུལ་བ། ལེའུ་བཅུ་བཞི་པ།   ཆོས་སྡེ་ཆེན་པོ་རྭ་སྒྲེང་གིས་གཙོས་དབུས་གཙང་ཁུལ་གྱི་བཀའ་གདམས་པའི་གདན་སའི་ངོ་སྤྲོད་རགས་བསྡུས་ནོར་བུའི་འཕྲེང་བ་ལས། ཟུར་བཞིའི་ཡ་གྱལ་དགོན་པ་གོང་དུ་རྟེན་གསུམ་ཇི་ལྟར་བཞུགས་ཚུལ། དུས་རབས་བཅུ་གཅིག་པའི་དུས་དཀྱིལ་སྤྱི་ལོ་༡༠༥༦ལོར་རྒྱལ་བ་འབྲོམ་གྱིས་ཕྱག་བཏབ། དེའི་ཉེ་ཁོར་དུ་བེར་རྒྱུད་ལྷུན་པོ་སོགས་ཀྱིས་ཡོན་བདག་མཛད་དེ་རྣལ་འབྱོར་བ་རྣམ་པ་བཞིའི་གཟིམ་ཆུང་ལྕག་རི་དང་བཅས་པ་དབེན་ལ་ཉམས་དགའ་བ་ཞིག་བཞེངས། སྟོན་པ་གཤེགས་རྗེས་རྣལ་འབྱོར་པ་ཨ་མེས་སོགས་རྭ་སྒྲེང་གདན་རབས་རིམ་བྱོན་གྱིས་ལེགས་པར་བསྐྱངས། ལྷག་པར་དུས་རབས་བཅོ་བརྒྱད་པའི་ནང་དར་མོ་སྨན་རམས་པས་ཉམས་གསོ་མཛད། དེ་རྗེས་རྭ་སྒྲེང་སྐུ་འཕྲེང་ལྔ་བས་ཉམས་གསོ་ཅུང་ཟད་གནང་། རྒྱ་ཁྱོན་ལ་སྤྱི་ཁྲུ་ངོས་སྙོམས་གྲུ་བཞི་མ་༦༧༧ཙམ་ཡོད། སྔོན་ཆད་འདིའི་ནང་མགོན་པོ་ཀླུ་སྒྲུབ་ཀྱི་ཐུགས་དམ་བྱང་ཆུབ་ལྗོན་ཤིང་ལས་གྲུབ་པའི་ཐུབ་དབང་གི་སྐུ་དང་། ཇོ་བོ་ཕྱག་བཟོ་སྤྱན་རས་གཟིགས་མཐོང་བ་དོན་ལྡན། འབུམ་ནག་ཆུ་ཡི་ཟིལ་བ་སོགས་སྐུ་གསུང་ཐུགས་རྟེན་མང་པོ་ཡོད། རབ་རྒྱལ་མེ་རྟ་ལོར་འཐོར་ཞིག་ཏུ་སོང་བས། མཁན་རིན་པོ་ཆེ་སངས་རྒྱས་མཁས་བཙུན་གྱིས་རབ་བྱུང་བཅུ་དྲུག་པའི་ཤིང་གླང་༼སྤྱི་ལོ་༡༩༨༥༽ལོའི་ཟླ་བ་དྲུག་པའི་ཚེས་བཞི་ནས་དབུ་འཛུགས་ཀྱིས་ད་ལྟའི་རྣམ་པ་འདི་ལྟ་བུ་ཉམས་གསོ་གནང་བའོ། །