ཀུན་བཟང་རྡོར་སེམས་དགའ་རབ་ཤྲཱི་སིང་། ། པདྨ་ཀ་ར་རྗེ་འབངས་ཉི་ཤུ་ལྔ། ། སོ་ཟུར་གནུབས་གཉགས་གཏེར་སྟོན་བརྒྱ་རྩ་སོགས། ། བཀའ་གཏེར་བླ་མ་རྣམས་ལ་གསོལ་བ་འདེབས། ། སློབ་དཔོན་ཆེན་པོ་པདྨ་འབྱུང་གནས་ལ་ན་མོ། ། ༡གཏེར་སྟོན་སངས་རྒྱས་བླ་མ། ༢གཙུག་ལག་དཔལ་དགེ ༣གཏེར་སྟོན་རྒྱ་ལོ་ཙཱ་རྡོ་རྗེ་བཟང་པོ། ༤རོང་ཟོམ་ཆོས་ཀྱི་བཟང་པོ། ༥ལྷ་བཙུན་བྱང་ཆུབ་འོད།  ༦ཇོ་བོ་རྗེ་ལྷ་གཅིག་དཱི་པཾ་ཀ་ར། ༧གཏེར་སྟོན་ཁྱུང་པོ་དཔལ་དགེ   ༨གཏེར་སྟོན་ཤ་མི་རྡོ་རྗེ་རྒྱལ་པོ།  ༩གཏེར་སྟོན་དབོན་གསལ་ཁྱུང་ཐོག་རྩལ།  ༡༠གཏེར་སྟོན་གྲྭ་པ་མངོན་ཤེས།   ༡༡པུ་རོང་ཞང་བཙུན་དར་མ་རིན་ཆེན། ༡༢གཏེར་སྟོན་སྣ་ནམ་པ་ཐུབ་པ་རྒྱལ་པོ།   ༡༣ཞང་ཁྲོམ་རྡོ་རྗེ་འོད་འབར།   ༡༤གཏེར་སྟོན་ཨ་ཡ་ལྷ་འབུམ།  ༡༥ལྷ་རྗེ་གནུབས་ཆུང་།   ༡༦རྒྱ་སྟོན་བརྩོན་འགྲུས་སེངྒེ།  ༡༧གནས་བརྟན་ལྡང་མ་ལྷུན་རྒྱལ།  ༡༨ལྕེ་བཙུན་སེང་གེ་དབང་ཕྱུག ༡༩གཏེར་སྟོན་ལྷ་བཙུན་སྔོན་མོ།   ༢༠གཏེར་སྟོན་ཉི་མ་སེང་གེ

ས་སྐྱ་པཎ་ཆེན་གྱི་མཛད་འཕྲིན་ལས་སོག་ཡུལ་དུ་ཕེབས་པའི་སྐོར་ལ་རགས་ཙམ་དཔྱད་པ། 2018-10-06 འཇམ་དབྱངས་བློ་གྲོས།    དང་བོ། ནང་དོན་གནད་བསྡུས།   དེ་ཡང་ས་སྐྱ་པན་ཆེན་ཀུན་དགའ་རྒྱལ་མཚན་མཆོག་ཧོར་གོ་དན་རྒྱལ་བོའི་བཀའ་ལུང་ལྟར་དགོས་དབང་གིས་ཧོར་ཡུལ་དུ་ཕེབས། དེར་བོད་ཀྱི་ལོ་རྒྱུས་དང་ས་སྐྱའི་གདུང་རབས་བཅས་སུ་ཧོར་གོ་དན་རྒྱལ་པོས་ས་པན་ལ་ཚེ་རིང་གནམ་གྱི་ཤེད་མོང་ལ་བསོད་ནམས་ཆེན་པོའི་དཔལ་ལ་བརྟེན་ནས་རྒྱལ་བོ་ངེད་ཀྱི་ལུང་།ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་བོ་ལ་གོ་བར་བྱེད་པའི་གཏམ་ཞེས་པ་ལས་གསལ་བ་ལྟར་རྒྱལ་བོ་རང་ལ་བླང་དོར་གྱི་ལམ་སྟོན་པའི་བླ་མ་ཞིག་དགོས་པར་ས་པན་ཁོང་གདན་དྲངས་པར་ལམ་གྱི་དཀའ་ཚེགས་སོགས་ལ་མི་འཛེམ་པར་ཕེབས་ཚུལ་དང་།གལ་ཏེ་ལོ་ན་རྒས་པར་ཁག་བཞག་སྟེ་མི་ཕེབས་ན་རྒྱལ་པོ་ཁོས་མཐའི་ཁྲིམས་ར་བླངས་ནས་དམག་དཔུང་གིས་སེམས་ཅན་མང་པོར་གནོད་པ་བྱེད་སྲིད་པས་ཅིས་ཀྱང་མགྱོགས་པར་ཤོག་ཅེས་པའི་བཀའ་ཤོག་རྒྱས་པ་ཞིག་བསྐུར་བར་བཤད།

རྒྱལ་དབང་བཅུ་གསུམ་པ་ཐུབ་བསྟན་རྒྱ་མཚོ་མཆོག་གི་དགོངས་བཞེད་བཞིན་རྒྱལ་རྩེར་དེང་དུས་ཀྱི་དབྱིན་ཇིའི་སློབ་གྲྭ་བཙུགས། སློབ་གྲྭའི་དུས་ཡུན། 1923-1926 དབྱིན་ཇིའི་དགེ་རྒན་ Frank Ludlowདང་དགེ་སློབ། དབྱིན་དགེ་ Frank Ludlow ནི་ཕྱི་ལོ་ 1885 ཟླ་8ཚེས་10ལ་དབྱིན་ཇིའི་རྒྱལ་ས་ལོན་ཌོན་གྱི་ས་གནས་Chelseaསུ་སྐུ་འཁྲུངས། ཕྱི་ལོ་1972ཟླ་3ཚེས་25ཉིན་དགོངས་པ་རྫོགས། རྒྱལ་རྩེ་དེང་དུས་དབྱིན་ཇིའི་སློབ་གྲྭ་དང་སློབ་ཕྲུག ཕྱི་ལོ་1926ལོར་བོད་ལྗོངས་ཚོགས་འདུ་རྒྱས་འཛོམས་སྐབས་སེ་འབྲས་ཀྱི་འཐུས་མིའི་གནོན་ཤུགས་འོག་སློབ་གྲྭ་སྒོ་རྒྱབ།

བཞད་མཐོང་སྨོན་གྱི་བཞད་ནི་འཇད་ཀྱི་སྒྲ་འགྱུར་བ་ལས་བྱུང་བ་ཡིན། རྩོམ་འབྲི་བ། ར་སེ་དཀོན་རྒྱམ།   ད་ལྟ་བོད་ཀྱི་ས་ཁྲ་དང་རྫོང་ཐོ་དང་ཡིག་ཆ་ཁག་སོགས་སུ་བཞད་མཐོང་སྨོན་རྫོང་ཞེས་པའི་ས་མིང་འདི་ནི་ཡོངས་གྲགས་ཅན་དང་རྩོད་མེད་ཡོངས་ཁྱབ་ཅན་གྱུར་ཡོད་པ་འདི་རེད། འོན་ཏེ་རང་རེས་ཡུལ་གྲུ་འདི་ཡི་མིང་འདིའི་བྱུང་ཚུལ་ལ་ཕྱིར་རྟོག་རགས་རིམ་ཅིག་བྱས་ན། ཡུལ་གྲུ་འདིར་གནའ་སྔ་མོ་ནས་མིང་འདོགས་མཁན་མེད་པའམ་བཏགས་མ་ཤེས་པར་དུས་ཡུན་རིང་པོ་ལུས་ཡོད་པ་དང་། ཕྱིས་སུ་སྟབས་ལེགས་ནས་བཞད་ཅེས་པའི་མིང་བཟང་པོ་འདི་ཉིད་ཐོགས་པའི་ཚུལ་ཡང་། གཏམ་རྒྱུད་ཧ་ཅང་སྙན་པོ་ཡིད་ལ་འབབ་པ་ཅིག་བརྩམས་གནང་མཛད་ཡོད་པ་རེད། དེ་ལ་ད་ལྟའི་ཆར་བསམས་ན། གཙང་གཡས་རུའི་ཆར་གནས་པའི་ཡུལ་འདིའི་མིང་གི་བྱུང་བར་ཕྱིར་ལྡོག་ཞུས་ན། བཞད་ཀྱི་ལུང་བཤད་སོགས་སུ་བཞད་ཅེས་པའི་མིང་འདི་ཐོགས་ཚུལ་བཀོད་པ་ལྟར་ན། སློབ་དཔོན་པདྨ་སམ་བྷ་ཝ་བོད་དུ་གདན་དྲངས་དུས་ཡུལ་འདིར་ཕེབས་པའི་ཚེ། ཞབས་བརྐྱངས་ཏེ་གཟིགས་ནས་མཛུམ་ཤོར་ནས་བཞད་པས་ན་བཞད་དུ་ཐོགས་པ་དང་། ཞལ་འཛུམ་ཅམ་དང་ཡང་ཞལ་འཛུམ་པ་དང་ཡང་ཞལ་འཛུམ་ལན་གསུམ་མཛད་པས། མཆིམས་ཤཱཀྱ་བྷ་དྲས་དེའི་རྒྱུ་རྐྱེན་གང་ཡིན་ཞུས་པས། མ་འོངས་པ་ན་རྒྱལ་པོ་དུད་འགྲོའི་མིང་ཅན་གྱིས་བསྟན་པ་བསྣུབས་སྐབས་ལུང་པ་འདིར་དགེ་བཤེས་ཅིག་གིས་བསྟན་པ་དར་བར་བྱེད་པས་འཛུམ་ཞིག་ཤོར་སོང་།

རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ།   ༼༢༡༣༽༄༅༅། །རྒྱ་གར་སྐད་དུ། རཱ་ཛ་པ་རི་ཀ་ཐཱ་རཏྣ་མཱ་ལཱི། བོད་སྐད་དུ། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཉེས་པ་ཀུན་ལས་རྣམ་གྲོལ་ཞིང༌། །ཡོན་ཏན་ཀུན་གྱིས་བརྒྱན་པ་པོ། །སེམས་ཅན་ཀུན་གྱི་གཉེན་གཅིག་པོ། །ཐམས་ཅད་མཁྱེན་ལ་བདག་ཕྱག་འཚལ། །རྒྱལ་པོ་ཁྱོད་ལ་ཆོས་སྒྲུབ་ཕྱིར། །གཅིག་ཏུ་དགེ་བའི་ཆོས་བཤད་དེ། །དམ་པའི་ཆོས་ཀྱི་སྣོད་ལ་ནི། །ཆོས་འགྲུབ་འགྱུར་ཏེ་གང་ཞིག་ལ། །དང་པོར་མངོན་པར་མཐོ་བའི་ཆོས། །ཕྱིས་ནི་ངེས་པར་ལེགས་འབྱུང་བ། །གང་ཕྱིར་མངོན་པར་མཐོ་ཐོབ་ནས། །རིམ་གྱིས་ངེས་པར་ལེགས་པར་འོང༌། །དེ་ལ་མངོན་མཐོ་བདེ་བ་སྟེ། །ངེས་པར་ལེགས་པ་ཐར་པར་འདོད། །དེ་ཡི་བསྒྲུབ་པ་མདོར་བསྡུ་ན། །མདོར་ན་དད་དང་ཤེས་རབ་བོ། །

༄༅། །རྣམ་པར་རྒྱལ་བའི་ཕན་བདེ་ལེགས་བཤད་གླིང་གི་རྒྱུན་གྱི་རྣལ་འབྱོར་དང་དུས་ཀྱི་མཆོད་པར་དགོས་པའི་བཟོ་རྒྱན་ཚད་དང་དགོས་ཆ་གཏན་འབེབས་སུ་བྱས་པའི་དེབ་ཐེར་དངོས་གྲུབ་རྒྱ་མཚོ།   བྱེ་བ་ཕྲག་བརྒྱའི་དཀྱིལ་འཁོར་མ་ལུས་པའི། །རིགས་ཀུན་བདག་ཉིད་དཔལ་ལྡན་རྡོ་རྗེ་སེམས། །ཞི་ཁྲོའི་རྣམ་པར་འཕྲུལ་པ་རྨད་པོ་ཆེ། །མཁའ་ཁྱབ་མཁའ་ཡི་རྡོ་རྗེས་ཤིས་པ་སྩོལ། །དངོས་བཤམས་ཡིད་སྤྲུལ་མ་དྲོས་མཚོ་(༦༧ན)ཆེན་ལས། །ཀུན་བཟང་མཆོད་སྤྲིན་ཆུ་གཏེར་རྣམ་བཞིའི་རྒྱུན། །ཚོགས་གཉིས་ཟླ་བའི་མ་མར་བྱང་ཆུབ་པར། །འཕེལ་བའི་རླབས་འཕྲེང་སྲིད་རྩེར་ཕྱུར་འདི་སྤྲོ། །རང་རིག་མཁའ་ལ་འཇིག་རྟེན་ཡེ་ཤེས་ལྷ། །དབང་གཞུ་ལྟ་བུར་རང་བྱུང་རང་ཤར་ལས། །དམིགས་སུ་མེད་ཀྱང་འཕྲུལ་དགའི་ལྷ་བཞིན་དུ། །དགྱེས་བསྐྱེད་ཆོ་གའི་བསོད་ནམས་རི་བོ་དངོས། །རྩ་གསུམ་དངས་མའི་ཁམས་ཀྱི་ཉིང་ཁུ་ཀུན། །རྒྱུད་གསུམ་དྲེགས་པར་ཤར་ལ་ཕྱི་ནང་གསང་། །